| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. पुलिनपूजकत्थेरअपदानं
2. Pulinapūjakattheraapadānaṃ
७.
7.
‘‘ककुधं विलसन्तंव, निसभाजानियं यथा।
‘‘Kakudhaṃ vilasantaṃva, nisabhājāniyaṃ yathā;
ओसधिंव विरोचन्तं, ओभासन्तं नरासभं॥
Osadhiṃva virocantaṃ, obhāsantaṃ narāsabhaṃ.
८.
8.
‘‘अञ्जलिं पग्गहेत्वान, अवन्दिं सत्थुनो अहं।
‘‘Añjaliṃ paggahetvāna, avandiṃ satthuno ahaṃ;
९.
9.
‘‘सुसुद्धं पुलिनं गय्ह, गतमग्गे समोकिरिं।
‘‘Susuddhaṃ pulinaṃ gayha, gatamagge samokiriṃ;
उच्छङ्गेन गहेत्वान, विपस्सिस्स महेसिनो॥
Ucchaṅgena gahetvāna, vipassissa mahesino.
१०.
10.
‘‘ततो उपड्ढपुलिनं, विप्पसन्नेन चेतसा।
‘‘Tato upaḍḍhapulinaṃ, vippasannena cetasā;
दिवाविहारे ओसिञ्चिं, द्विपदिन्दस्स तादिनो॥
Divāvihāre osiñciṃ, dvipadindassa tādino.
११.
11.
‘‘एकनवुतितो कप्पे, पुलिनं यमसिञ्चहं।
‘‘Ekanavutito kappe, pulinaṃ yamasiñcahaṃ;
दुग्गतिं नाभिजानामि, पुलिनस्स इदं फलं॥
Duggatiṃ nābhijānāmi, pulinassa idaṃ phalaṃ.
१२.
12.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पुलिनपूजको थेरो इमा गाथायो अभासित्थाति।
Itthaṃ sudaṃ āyasmā pulinapūjako thero imā gāthāyo abhāsitthāti.
पुलिनपूजकत्थेरस्सापदानं दुतियं।
Pulinapūjakattherassāpadānaṃ dutiyaṃ.
Footnotes:
