| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ปุลินปูชกเตฺถรอปทานํ
2. Pulinapūjakattheraapadānaṃ
๗.
7.
‘‘กกุธํ วิลสนฺตํว, นิสภาชานิยํ ยถา;
‘‘Kakudhaṃ vilasantaṃva, nisabhājāniyaṃ yathā;
โอสธิํว วิโรจนฺตํ, โอภาสนฺตํ นราสภํฯ
Osadhiṃva virocantaṃ, obhāsantaṃ narāsabhaṃ.
๘.
8.
‘‘อญฺชลิํ ปคฺคเหตฺวาน, อวนฺทิํ สตฺถุโน อหํ;
‘‘Añjaliṃ paggahetvāna, avandiṃ satthuno ahaṃ;
๙.
9.
‘‘สุสุทฺธํ ปุลินํ คยฺห, คตมเคฺค สโมกิริํ;
‘‘Susuddhaṃ pulinaṃ gayha, gatamagge samokiriṃ;
อุจฺฉเงฺคน คเหตฺวาน, วิปสฺสิสฺส มเหสิโนฯ
Ucchaṅgena gahetvāna, vipassissa mahesino.
๑๐.
10.
‘‘ตโต อุปฑฺฒปุลินํ, วิปฺปสเนฺนน เจตสา;
‘‘Tato upaḍḍhapulinaṃ, vippasannena cetasā;
ทิวาวิหาเร โอสิญฺจิํ, ทฺวิปทินฺทสฺส ตาทิโนฯ
Divāvihāre osiñciṃ, dvipadindassa tādino.
๑๑.
11.
‘‘เอกนวุติโต กเปฺป, ปุลินํ ยมสิญฺจหํ;
‘‘Ekanavutito kappe, pulinaṃ yamasiñcahaṃ;
ทุคฺคติํ นาภิชานามิ, ปุลินสฺส อิทํ ผลํฯ
Duggatiṃ nābhijānāmi, pulinassa idaṃ phalaṃ.
๑๒.
12.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปุลินปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā pulinapūjako thero imā gāthāyo abhāsitthāti.
ปุลินปูชกเตฺถรสฺสาปทานํ ทุติยํฯ
Pulinapūjakattherassāpadānaṃ dutiyaṃ.
Footnotes:
