| Library / Tipiṭaka / තිපිටක • Tipiṭaka / අපදානපාළි • Apadānapāḷi |
2. පුලිනපූජකත්‌ථෙරඅපදානං
2. Pulinapūjakattheraapadānaṃ
7.
7.
‘‘කකුධං විලසන්‌තංව, නිසභාජානියං යථා;
‘‘Kakudhaṃ vilasantaṃva, nisabhājāniyaṃ yathā;
ඔසධිංව විරොචන්‌තං, ඔභාසන්‌තං නරාසභං.
Osadhiṃva virocantaṃ, obhāsantaṃ narāsabhaṃ.
8.
8.
‘‘අඤ්‌ජලිං පග්‌ගහෙත්‌වාන, අවන්‌දිං සත්‌ථුනො අහං;
‘‘Añjaliṃ paggahetvāna, avandiṃ satthuno ahaṃ;
9.
9.
‘‘සුසුද්‌ධං පුලිනං ගය්‌හ, ගතමග්‌ගෙ සමොකිරිං;
‘‘Susuddhaṃ pulinaṃ gayha, gatamagge samokiriṃ;
උච්‌ඡඞ්‌ගෙන ගහෙත්‌වාන, විපස්‌සිස්‌ස මහෙසිනො.
Ucchaṅgena gahetvāna, vipassissa mahesino.
10.
10.
‘‘තතො උපඩ්‌ඪපුලිනං, විප්‌පසන්‌නෙන චෙතසා;
‘‘Tato upaḍḍhapulinaṃ, vippasannena cetasā;
දිවාවිහාරෙ ඔසිඤ්‌චිං, ද්‌විපදින්‌දස්‌ස තාදිනො.
Divāvihāre osiñciṃ, dvipadindassa tādino.
11.
11.
‘‘එකනවුතිතො කප්‌පෙ, පුලිනං යමසිඤ්‌චහං;
‘‘Ekanavutito kappe, pulinaṃ yamasiñcahaṃ;
දුග්‌ගතිං නාභිජානාමි, පුලිනස්‌ස ඉදං ඵලං.
Duggatiṃ nābhijānāmi, pulinassa idaṃ phalaṃ.
12.
12.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පුලිනපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pulinapūjako thero imā gāthāyo abhāsitthāti.
පුලිනපූජකත්‌ථෙරස්‌සාපදානං දුතියං.
Pulinapūjakattherassāpadānaṃ dutiyaṃ.
Footnotes:
