| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. булинабууж̇агад̇т̇зраабад̣̇аанаван̣н̣анаа
7. Pulinapūjakattheraapadānavaṇṇanā
вибассисса бхаг̇авад̇од̇иаад̣̇игам̣ ааяасмад̇о булинабууж̇агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз згасмим̣ гулз ниб̣б̣ад̇д̇о саасанз басаннажид̇д̇о жзд̇ияан̇г̇ан̣аб̣од̇хияан̇г̇ан̣зсу бураан̣аваалугам̣ абанзд̇ваа навам̣ муд̇д̇аад̣̇аласад̣̇исабан̣д̣арабулинам̣ огирид̇ваа маал̣агам̣ алан̇гари. д̇зна гаммзна со д̣̇звалогз ниб̣б̣ад̇д̇о д̇ад̇т̇а д̣̇иб̣б̣зхи рад̇анзхи виж̇ж̇од̇амаанз анзгаяож̇анз ганагавимаанз д̣̇иб̣б̣асамбад̇д̇им̣ анубхавид̇ваа д̇ад̇о жуд̇о мануссалогз сад̇д̇арад̇анасамбанно жаггавад̇д̇ий рааж̇аа худ̇ваа мануссасамбад̇д̇им̣ анубхавид̇ваа абараабарам̣ сам̣саранд̇о имасмим̣ б̣уд̣̇д̇хуббаад̣̇з вибхавасамбаннз згасмим̣ гулз ниб̣б̣ад̇д̇о саасанз басанно баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ баабун̣и. со ад̇д̇ано гад̇абун̃н̃анаамасад̣̇исзна наамзна булинабууж̇агад̇т̇зрод̇и баагадо.
Vipassissabhagavatotiādikaṃ āyasmato pulinapūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kule nibbatto sāsane pasannacitto cetiyaṅgaṇabodhiyaṅgaṇesu purāṇavālukaṃ apanetvā navaṃ muttādalasadisapaṇḍarapulinaṃ okiritvā māḷakaṃ alaṅkari. Tena kammena so devaloke nibbatto tattha dibbehi ratanehi vijjotamāne anekayojane kanakavimāne dibbasampattiṃ anubhavitvā tato cuto manussaloke sattaratanasampanno cakkavattī rājā hutvā manussasampattiṃ anubhavitvā aparāparaṃ saṃsaranto imasmiṃ buddhuppāde vibhavasampanne ekasmiṃ kule nibbatto sāsane pasanno pabbajitvā vipassanaṃ vaḍḍhetvā arahattaṃ pāpuṇi. So attano katapuññanāmasadisena nāmena pulinapūjakattheroti pākaṭo.
165. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ д̣̇ассзнд̇о вибассисса бхаг̇авад̇од̇иаад̣̇имааха. д̇ад̇т̇а вивид̇хам̣ бассад̇ийд̇и вибассий, вивижжа бассад̇ийд̇и ваа вибассий, вивид̇хз ад̇д̇ад̇т̇абарад̇т̇аад̣̇ибхзд̣̇з ад̇т̇з бассад̇ийд̇и ваа вибассий, вивид̇хз вохаарабарамад̇т̇аад̣̇ибхзд̣̇з бассад̇ийд̇и ваа вибассий, д̇асса вибассисса б̣од̇хияаа баад̣̇абуд̇д̇амз уд̇д̇амз б̣од̇хиругкаман̣д̣аламаал̣агз бураан̣абулинам̣ ваалугам̣ чад̣д̣зд̇ваа суд̣̇д̇хам̣ бан̣д̣арам̣ булинам̣ аагирим̣ сант̇арим̣. сзсам̣ сувин̃н̃зяяамзваад̇и.
165. So attano pubbakammaṃ saritvā somanassajāto pubbacaritāpadānaṃ dassento vipassissa bhagavatotiādimāha. Tattha vividhaṃ passatīti vipassī, vivicca passatīti vā vipassī, vividhe attatthaparatthādibhede atthe passatīti vā vipassī, vividhe vohāraparamatthādibhede passatīti vā vipassī, tassa vipassissa bodhiyā pādaputtame uttame bodhirukkhamaṇḍalamāḷake purāṇapulinaṃ vālukaṃ chaḍḍetvā suddhaṃ paṇḍaraṃ pulinaṃ ākiriṃ santhariṃ. Sesaṃ suviññeyyamevāti.
булинабууж̇агад̇т̇зраабад̣̇аанаван̣н̣анаа самад̇д̇аа.
Pulinapūjakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. булинабууж̇агад̇т̇зраабад̣̇аанам̣ • 7. Pulinapūjakattheraapadānaṃ
