| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਪੁਲਿਨਪੂਜਕਤ੍ਥੇਰਅਪਦਾਨવਣ੍ਣਨਾ
7. Pulinapūjakattheraapadānavaṇṇanā
વਿਪਸ੍ਸਿਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਪੁਲਿਨਪੂਜਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਸਾਸਨੇ ਪਸਨ੍ਨਚਿਤ੍ਤੋ ਚੇਤਿਯਙ੍ਗਣਬੋਧਿਯਙ੍ਗਣੇਸੁ ਪੁਰਾਣવਾਲੁਕਂ ਅਪਨੇਤ੍વਾ ਨવਂ ਮੁਤ੍ਤਾਦਲਸਦਿਸਪਣ੍ਡਰਪੁਲਿਨਂ ਓਕਿਰਿਤ੍વਾ ਮਾਲ਼ਕਂ ਅਲਙ੍ਕਰਿ। ਤੇਨ ਕਮ੍ਮੇਨ ਸੋ ਦੇવਲੋਕੇ ਨਿਬ੍ਬਤ੍ਤੋ ਤਤ੍ਥ ਦਿਬ੍ਬੇਹਿ ਰਤਨੇਹਿ વਿਜ੍ਜੋਤਮਾਨੇ ਅਨੇਕਯੋਜਨੇ ਕਨਕવਿਮਾਨੇ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਤਤੋ ਚੁਤੋ ਮਨੁਸ੍ਸਲੋਕੇ ਸਤ੍ਤਰਤਨਸਮ੍ਪਨ੍ਨੋ ਚਕ੍ਕવਤ੍ਤੀ ਰਾਜਾ ਹੁਤ੍વਾ ਮਨੁਸ੍ਸਸਮ੍ਪਤ੍ਤਿਂ ਅਨੁਭવਿਤ੍વਾ ਅਪਰਾਪਰਂ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਸਾਸਨੇ ਪਸਨ੍ਨੋ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਾਪੁਣਿ। ਸੋ ਅਤ੍ਤਨੋ ਕਤਪੁਞ੍ਞਨਾਮਸਦਿਸੇਨ ਨਾਮੇਨ ਪੁਲਿਨਪੂਜਕਤ੍ਥੇਰੋਤਿ ਪਾਕਟੋ।
Vipassissabhagavatotiādikaṃ āyasmato pulinapūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kule nibbatto sāsane pasannacitto cetiyaṅgaṇabodhiyaṅgaṇesu purāṇavālukaṃ apanetvā navaṃ muttādalasadisapaṇḍarapulinaṃ okiritvā māḷakaṃ alaṅkari. Tena kammena so devaloke nibbatto tattha dibbehi ratanehi vijjotamāne anekayojane kanakavimāne dibbasampattiṃ anubhavitvā tato cuto manussaloke sattaratanasampanno cakkavattī rājā hutvā manussasampattiṃ anubhavitvā aparāparaṃ saṃsaranto imasmiṃ buddhuppāde vibhavasampanne ekasmiṃ kule nibbatto sāsane pasanno pabbajitvā vipassanaṃ vaḍḍhetvā arahattaṃ pāpuṇi. So attano katapuññanāmasadisena nāmena pulinapūjakattheroti pākaṭo.
੧੬੫. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਦਸ੍ਸੇਨ੍ਤੋ વਿਪਸ੍ਸਿਸ੍ਸ ਭਗવਤੋਤਿਆਦਿਮਾਹ। ਤਤ੍ਥ વਿવਿਧਂ ਪਸ੍ਸਤੀਤਿ વਿਪਸ੍ਸੀ, વਿવਿਚ੍ਚ ਪਸ੍ਸਤੀਤਿ વਾ વਿਪਸ੍ਸੀ, વਿવਿਧੇ ਅਤ੍ਤਤ੍ਥਪਰਤ੍ਥਾਦਿਭੇਦੇ ਅਤ੍ਥੇ ਪਸ੍ਸਤੀਤਿ વਾ વਿਪਸ੍ਸੀ, વਿવਿਧੇ વੋਹਾਰਪਰਮਤ੍ਥਾਦਿਭੇਦੇ ਪਸ੍ਸਤੀਤਿ વਾ વਿਪਸ੍ਸੀ, ਤਸ੍ਸ વਿਪਸ੍ਸਿਸ੍ਸ ਬੋਧਿਯਾ ਪਾਦਪੁਤ੍ਤਮੇ ਉਤ੍ਤਮੇ ਬੋਧਿਰੁਕ੍ਖਮਣ੍ਡਲਮਾਲ਼ਕੇ ਪੁਰਾਣਪੁਲਿਨਂ વਾਲੁਕਂ ਛਡ੍ਡੇਤ੍વਾ ਸੁਦ੍ਧਂ ਪਣ੍ਡਰਂ ਪੁਲਿਨਂ ਆਕਿਰਿਂ ਸਨ੍ਥਰਿਂ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
165. So attano pubbakammaṃ saritvā somanassajāto pubbacaritāpadānaṃ dassento vipassissa bhagavatotiādimāha. Tattha vividhaṃ passatīti vipassī, vivicca passatīti vā vipassī, vividhe attatthaparatthādibhede atthe passatīti vā vipassī, vividhe vohāraparamatthādibhede passatīti vā vipassī, tassa vipassissa bodhiyā pādaputtame uttame bodhirukkhamaṇḍalamāḷake purāṇapulinaṃ vālukaṃ chaḍḍetvā suddhaṃ paṇḍaraṃ pulinaṃ ākiriṃ santhariṃ. Sesaṃ suviññeyyamevāti.
ਪੁਲਿਨਪੂਜਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pulinapūjakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਪੁਲਿਨਪੂਜਕਤ੍ਥੇਰਅਪਦਾਨਂ • 7. Pulinapūjakattheraapadānaṃ
