| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. бунаб̣б̣асусуд̇д̇аван̣н̣анаа
7. Punabbasusuttavaṇṇanā
241. васанадтаанаг̇г̇ахан̣зна рад̇д̇идтаанад̣̇иваадтаанаад̣̇аяо сан̇г̇ан̣хаад̇и. д̣̇ваад̣̇асахад̇т̇амад̇д̇амзва г̇ан̣хаад̇и багад̇исан̃жаран̣уубажаарамад̇д̇аб̣яаабанад̇о. яат̇аабарисанд̇и барисаануруубам̣, яад̇т̇а яад̇т̇а барисаа д̇идтад̇и, д̇ам̣ д̇ам̣ таанам̣ г̇ажчад̇и барисабарияанд̇игад̇д̇аа. сад̇т̇у мукавигаараабхаавад̇о бавзсаанун̃н̃ам̣ саллагкзнд̇ий ‘‘нууна аяам̣ гад̇аад̇хигаараа бхависсад̇ий’’д̇и анумаанасид̣̇д̇хам̣ убаниссаяам̣ д̣̇исваа. згийбхааваг̇аманзнаад̇и хад̇т̇абаасуубаг̇аманзна барисааяа миссийбхааваббад̇д̇ияаа. буд̇д̇агаад̇и буд̇д̇абуд̇д̇ияо. анугамбааяан̃хи га-сад̣̇д̣̇о.
241. Vasanaṭṭhānaggahaṇena rattiṭṭhānadivāṭṭhānādayo saṅgaṇhāti. Dvādasahatthamattameva gaṇhāti pakatisañcaraṇūpacāramattabyāpanato. Yathāparisanti parisānurūpaṃ, yattha yattha parisā tiṭṭhati, taṃ taṃ ṭhānaṃ gacchati parisapariyantikattā. Satthu mukhavikārābhāvato pavesānuññaṃ sallakkhentī ‘‘nūna ayaṃ katādhikārā bhavissatī’’ti anumānasiddhaṃ upanissayaṃ disvā. Ekībhāvagamanenāti hatthapāsūpagamanena parisāya missībhāvappattiyā. Puttakāti puttaputtiyo. Anukampāyañhi ka-saddo.
ниб̣б̣аанаарамман̣зна арияамаг̇г̇зна мун̃жияамаанаа г̇ант̇аа ‘‘ниб̣б̣аанам̣ ааг̇амма бамужжанд̇ий’’д̇и вуд̇д̇аа. взлаад̇игганд̇аад̇и бамаан̣ад̇о барижчинд̣̇ид̇ум̣ на саггаад̇и ааха ‘‘бамаан̣аад̇игганд̇аа’’д̇и. бияааяанаад̇и аасийсанаа. аасийсанам̣ бзмавасзна бзмавад̇т̇уно зсанаа бад̇т̇анаава ход̇ийд̇и ааха ‘‘маг̇г̇анаа бад̇т̇анаа’’д̇и. д̇ад̇од̇и бияабуд̇д̇аад̣̇ид̇о. баан̣ийнанд̇и саамиад̇т̇з бут̇уважанам̣ д̣̇угкасад̣̇д̣̇аабзгкам̣. гз можзд̇ийд̇и можанагирияааяа гаммам̣ бужчад̇и? ибхаро бана ад̇т̇авасзна вибхад̇д̇ивибарин̣аамод̇и ‘‘баан̣инзд̇и аахарид̇ваа вад̇д̇аб̣б̣а’’нд̇и ааха. абхисамб̣уд̇ханд̇и абхисамб̣уд̇ханд̇о. д̇знааха ‘‘абхисамб̣уд̣̇д̇хо’’д̇и. сад̣̇д̇хаммассаад̇и убаяог̇ад̇т̇з саамиважананд̇и ааха ‘‘сад̣̇д̇хаммамзва аж̇аанид̇ваа’’д̇и.
Nibbānārammaṇena ariyamaggena muñciyamānā ganthā ‘‘nibbānaṃ āgamma pamuccantī’’ti vuttā. Velātikkantāti pamāṇato paricchindituṃ na sakkāti āha ‘‘pamāṇātikkantā’’ti. Piyāyanāti āsīsanā. Āsīsanaṃ pemavasena pemavatthuno esanā patthanāva hotīti āha ‘‘magganā patthanā’’ti. Tatoti piyaputtādito. Pāṇīnanti sāmiatthe puthuvacanaṃ dukkhasaddāpekkhaṃ. Ke mocetīti mocanakiriyāya kammaṃ pucchati? Ibharo pana atthavasena vibhattivipariṇāmoti ‘‘pāṇineti āharitvā vattabba’’nti āha. Abhisambudhanti abhisambudhanto. Tenāha ‘‘abhisambuddho’’ti. Saddhammassāti upayogatthe sāmivacananti āha ‘‘saddhammameva ajānitvā’’ti.
буд̇д̇асса анумод̣̇анам̣ гаронд̇ийд̇и буд̇д̇асса бадибад̇д̇ианумод̣̇анам̣ гаронд̇ий. уг̇г̇ад̇аад̇и зд̇т̇а галалз ваддад̣̇угкз нимуж̇ж̇амаанаа д̇ад̇о сийсам̣ угкибид̇ум̣ асаггонд̇и аж̇ж̇а б̣уд̣̇д̇хаанубхаавзна бан̃н̃аасийсам̣ угкибид̇аа уг̇г̇ад̇аа. буна винибаад̇аабхаавад̇о саммад̣̇зва уг̇г̇ад̇ад̇д̇аа самуг̇г̇ад̇аа. д̇ат̇аабхууд̇аа саасанзби уг̇г̇ад̇аа самуг̇г̇ад̇аа ж̇аад̇аа. жад̇усажжабадивзд̇хабхааванд̇и жад̇усажжабадивзд̇хасса ад̇т̇ибхаавам̣. ган̣д̣угажчуаад̣̇ийд̇и аад̣̇и-сад̣̇д̣̇зна ж̇зг̇ужчаасаад̇аад̣̇им̣ сан̇г̇ан̣хаад̇и. д̣̇иб̣б̣асамбад̇д̇им̣ бадилабхад̇и бавад̇д̇ияам̣ самбад̇д̇ид̣̇ааяино гаммасса гад̇огаасад̇д̇аа. д̇ун̣хий уд̇д̇аригз хохийд̇и маад̇у-важанам̣ самбадижчид̇ваа д̇асса висзсаад̇хиг̇амасса авиб̣анд̇хагаран̣асаммаабаяог̇зна яат̇аалад̣̇д̇хависзсааяа маад̇уяаа васзна яасмаа д̇хийд̇аа д̣̇идтад̇хаммигасамбад̇д̇илаабхий, д̇асмаа вуд̇д̇ам̣ ‘‘маад̇у аанубхаавзнзваа’’д̇и.
Puttassa anumodanaṃ karontīti puttassa paṭipattianumodanaṃ karontī. Uggatāti ettha kalale vaṭṭadukkhe nimujjamānā tato sīsaṃ ukkhipituṃ asakkonti ajja buddhānubhāvena paññāsīsaṃ ukkhipitā uggatā. Puna vinipātābhāvato sammadeva uggatattā samuggatā. Tathābhūtā sāsanepi uggatā samuggatā jātā. Catusaccapaṭivedhabhāvanti catusaccapaṭivedhassa atthibhāvaṃ. Kaṇḍukacchuādīti ādi-saddena jegucchaasātādiṃ saṅgaṇhāti. Dibbasampattiṃ paṭilabhati pavattiyaṃ sampattidāyino kammassa katokāsattā. Tuṇhī uttarike hohīti mātu-vacanaṃ sampaṭicchitvā tassa visesādhigamassa avibandhakaraṇasammāpayogena yathāladdhavisesāya mātuyā vasena yasmā dhītā diṭṭhadhammikasampattilābhī, tasmā vuttaṃ ‘‘mātu ānubhāvenevā’’ti.
бунаб̣б̣асусуд̇д̇аван̣н̣анаа нидтид̇аа.
Punabbasusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. бунаб̣б̣асусуд̇д̇ам̣ • 7. Punabbasusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. бунаб̣б̣асусуд̇д̇аван̣н̣анаа • 7. Punabbasusuttavaṇṇanā
