| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. ச²ளிந்த்³ரியவக்³கோ³
3. Chaḷindriyavaggo
1. புனப்³ப⁴வஸுத்தங்
1. Punabbhavasuttaṃ
491. ‘‘பஞ்சிமானி , பி⁴க்க²வே, இந்த்³ரியானி. கதமானி பஞ்ச? ஸத்³தி⁴ந்த்³ரியங்…பே॰… பஞ்ஞிந்த்³ரியங். யாவகீவஞ்சாஹங், பி⁴க்க²வே, இமேஸங் பஞ்சன்னங் இந்த்³ரியானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் நாப்³ப⁴ஞ்ஞாஸிங், நேவ தாவாஹங், பி⁴க்க²வே, ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ‘அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி பச்சஞ்ஞாஸிங் 1. யதோ ச க்²வாஹங், பி⁴க்க²வே, இமேஸங் பஞ்சன்னங் இந்த்³ரியானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் அப்³ப⁴ஞ்ஞாஸிங், அதா²ஹங், பி⁴க்க²வே, ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ‘அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴’தி பச்சஞ்ஞாஸிங். ஞாணஞ்ச பன மே த³ஸ்ஸனங் உத³பாதி³ – ‘அகுப்பா மே விமுத்தி 2, அயமந்திமா ஜாதி, நத்தி²தா³னி புனப்³ப⁴வோ’’’தி. பட²மங்.
491. ‘‘Pañcimāni , bhikkhave, indriyāni. Katamāni pañca? Saddhindriyaṃ…pe… paññindriyaṃ. Yāvakīvañcāhaṃ, bhikkhave, imesaṃ pañcannaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ nābbhaññāsiṃ, neva tāvāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ 3. Yato ca khvāhaṃ, bhikkhave, imesaṃ pañcannaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ abbhaññāsiṃ, athāhaṃ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṃ sammāsambodhiṃ abhisambuddho’ti paccaññāsiṃ. Ñāṇañca pana me dassanaṃ udapādi – ‘akuppā me vimutti 4, ayamantimā jāti, natthidāni punabbhavo’’’ti. Paṭhamaṃ.
Footnotes:
