| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. པུནཀཱུཊསུཏྟཾ
6. Punakūṭasuttaṃ
༡༦. ‘‘པཉྩིམཱནི, བྷིཀྑཝེ, བལཱནི། ཀཏམཱནི པཉྩ? སདྡྷཱབལཾ, ཝཱིརིཡབལཾ, སཏིབལཾ, སམཱདྷིབལཾ, པཉྙཱབལཾ – ཨིམཱནི ཁོ, བྷིཀྑཝེ, པཉྩ བལཱནི། ཨིམེསཾ ཁོ, བྷིཀྑཝེ, པཉྩནྣཾ བལཱནཾ ཨེཏཾ ཨགྒཾ ཨེཏཾ སངྒཱཧིཀཾ ཨེཏཾ སངྒྷཱཏནིཡཾ, ཡདིདཾ པཉྙཱབལཾ། སེཡྻཐཱཔི, བྷིཀྑཝེ, ཀཱུཊཱགཱརསྶ ཨེཏཾ ཨགྒཾ ཨེཏཾ སངྒཱཧིཀཾ ཨེཏཾ སངྒྷཱཏནིཡཾ, ཡདིདཾ ཀཱུཊཾ། ཨེཝམེཝཾ ཁོ, བྷིཀྑཝེ, ཨིམེསཾ པཉྩནྣཾ བལཱནཾ ཨེཏཾ ཨགྒཾ ཨེཏཾ སངྒཱཧིཀཾ ཨེཏཾ སངྒྷཱཏནིཡཾ, ཡདིདཾ པཉྙཱབལ’’ནྟི། ཚཊྛཾ།
16. ‘‘Pañcimāni, bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – imāni kho, bhikkhave, pañca balāni. Imesaṃ kho, bhikkhave, pañcannaṃ balānaṃ etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ paññābalaṃ. Seyyathāpi, bhikkhave, kūṭāgārassa etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ kūṭaṃ. Evamevaṃ kho, bhikkhave, imesaṃ pañcannaṃ balānaṃ etaṃ aggaṃ etaṃ saṅgāhikaṃ etaṃ saṅghātaniyaṃ, yadidaṃ paññābala’’nti. Chaṭṭhaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦. མཧཱསུཔིནསུཏྟཝཎྞནཱ • 6. Mahāsupinasuttavaṇṇanā
