| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๕-๖. ปุญฺญาภิสนฺทสุตฺตาทิวณฺณนา
5-6. Puññābhisandasuttādivaṇṇanā
๔๕-๔๖. ปญฺจเม อสเงฺขโยฺยติ อาฬฺหกคณนาย อสเงฺขโยฺยฯ โยชนวเสน ปนสฺส สงฺขา อตฺถิ เหฎฺฐา มหาปถวิยา อุปริ อากาเสน ปริสมนฺตโต จกฺกวาฬปพฺพเตน มเชฺฌ ตตฺถ ตตฺถ ฐิตเกหิ ทีปปพฺพตปริยเนฺตหิ ปริจฺฉินฺนตฺตา ชานเนฺตน โยชนโต สงฺขาตุํ สกฺกาติ กตฺวาฯ มหาสรีรมจฺฉกุมฺภีลยกฺขรกฺขสมหานาคทานวาทีนํ สวิญฺญาณกานํ พลวามุขปาตาลาทีนํ อวิญฺญาณกานํ เภรวารมฺมณานํ วเสน พหุเภรวํ ฯ ปุถูติ พหูฯ สวนฺตีติ สนฺทมานาฯ อุปยนฺตีติ อุปคจฺฉนฺติฯ ฉฎฺฐํ อุตฺตานเมวฯ
45-46. Pañcame asaṅkheyyoti āḷhakagaṇanāya asaṅkheyyo. Yojanavasena panassa saṅkhā atthi heṭṭhā mahāpathaviyā upari ākāsena parisamantato cakkavāḷapabbatena majjhe tattha tattha ṭhitakehi dīpapabbatapariyantehi paricchinnattā jānantena yojanato saṅkhātuṃ sakkāti katvā. Mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ balavāmukhapātālādīnaṃ aviññāṇakānaṃ bheravārammaṇānaṃ vasena bahubheravaṃ. Puthūti bahū. Savantīti sandamānā. Upayantīti upagacchanti. Chaṭṭhaṃ uttānameva.
ปุญฺญาภิสนฺทสุตฺตาทิวณฺณนา นิฎฺฐิตาฯ
Puññābhisandasuttādivaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๕. ปุญฺญาภิสนฺทสุตฺตํ • 5. Puññābhisandasuttaṃ
๖. สมฺปทาสุตฺตํ • 6. Sampadāsuttaṃ
