| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༥-༦. པུཉྙཱབྷིསནྡསུཏྟཱདིཝཎྞནཱ
5-6. Puññābhisandasuttādivaṇṇanā
༤༥-༤༦. པཉྩམེ ཨསངྑེཡྻོཏི ཨཱལ༹ྷཀགཎནཱཡ ཨསངྑེཡྻོ། ཡོཛནཝསེན པནསྶ སངྑཱ ཨཏྠི ཧེཊྛཱ མཧཱཔཐཝིཡཱ ཨུཔརི ཨཱཀཱསེན པརིསམནྟཏོ ཙཀྐཝཱལ༹པབྦཏེན མཛ྄ཛྷེ ཏཏྠ ཏཏྠ ཋིཏཀེཧི དཱིཔཔབྦཏཔརིཡནྟེཧི པརིཙྪིནྣཏྟཱ ཛཱནནྟེན ཡོཛནཏོ སངྑཱཏུཾ སཀྐཱཏི ཀཏྭཱ། མཧཱསརཱིརམཙྪཀུམྦྷཱིལཡཀྑརཀྑསམཧཱནཱགདཱནཝཱདཱིནཾ སཝིཉྙཱཎཀཱནཾ བལཝཱམུཁཔཱཏཱལཱདཱིནཾ ཨཝིཉྙཱཎཀཱནཾ བྷེརཝཱརམྨཎཱནཾ ཝསེན བཧུབྷེརཝཾ ། པུཐཱུཏི བཧཱུ། སཝནྟཱིཏི སནྡམཱནཱ། ཨུཔཡནྟཱིཏི ཨུཔགཙྪནྟི། ཚཊྛཾ ཨུཏྟཱནམེཝ།
45-46. Pañcame asaṅkheyyoti āḷhakagaṇanāya asaṅkheyyo. Yojanavasena panassa saṅkhā atthi heṭṭhā mahāpathaviyā upari ākāsena parisamantato cakkavāḷapabbatena majjhe tattha tattha ṭhitakehi dīpapabbatapariyantehi paricchinnattā jānantena yojanato saṅkhātuṃ sakkāti katvā. Mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ balavāmukhapātālādīnaṃ aviññāṇakānaṃ bheravārammaṇānaṃ vasena bahubheravaṃ. Puthūti bahū. Savantīti sandamānā. Upayantīti upagacchanti. Chaṭṭhaṃ uttānameva.
པུཉྙཱབྷིསནྡསུཏྟཱདིཝཎྞནཱ ནིཊྛིཏཱ།
Puññābhisandasuttādivaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༥. པུཉྙཱབྷིསནྡསུཏྟཾ • 5. Puññābhisandasuttaṃ
༦. སམྤདཱསུཏྟཾ • 6. Sampadāsuttaṃ
