| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. бун̃н̃аабхисанд̣̇асуд̇д̇ам̣
5. Puññābhisandasuttaṃ
45. ‘‘бан̃жимз, бхигкавз, бун̃н̃аабхисанд̣̇аа гусалаабхисанд̣̇аа сукассаахаараа соваг̇г̇игаа сукавибаагаа саг̇г̇асам̣вад̇д̇анигаа идтааяа ганд̇ааяа манаабааяа хид̇ааяа сукааяа сам̣вад̇д̇анд̇и.
45. ‘‘Pañcime, bhikkhave, puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti.
‘‘гад̇амз бан̃жа? яасса, бхигкавз, бхигку жийварам̣ барибхун̃ж̇амаано аббамаан̣ам̣ жзд̇осамаад̇хим̣ убасамбаж̇ж̇а вихарад̇и, аббамаан̣о д̇асса бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго идтааяа ганд̇ааяа манаабааяа хид̇ааяа сукааяа сам̣вад̇д̇ад̇и.
‘‘Katame pañca? Yassa, bhikkhave, bhikkhu cīvaraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
‘‘яасса, бхигкавз, бхигку бин̣д̣абаад̇ам̣ барибхун̃ж̇амаано…бз… яасса, бхигкавз, бхигку вихаарам̣ барибхун̃ж̇амаано…бз… яасса, бхигкавз, бхигку ман̃жабийтам̣ барибхун̃ж̇амаано…бз….
‘‘Yassa, bhikkhave, bhikkhu piṇḍapātaṃ paribhuñjamāno…pe… yassa, bhikkhave, bhikkhu vihāraṃ paribhuñjamāno…pe… yassa, bhikkhave, bhikkhu mañcapīṭhaṃ paribhuñjamāno…pe….
‘‘яасса, бхигкавз, бхигку г̇илаанабажжаяабхзсаж̇ж̇абаригкаарам̣ барибхун̃ж̇амаано аббамаан̣ам̣ жзд̇осамаад̇хим̣ убасамбаж̇ж̇а вихарад̇и, аббамаан̣о д̇асса бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго идтааяа ганд̇ааяа манаабааяа хид̇ааяа сукааяа сам̣вад̇д̇ад̇и. имз ко, бхигкавз, бан̃жа бун̃н̃аабхисанд̣̇аа гусалаабхисанд̣̇аа сукассаахаараа соваг̇г̇игаа сукавибаагаа саг̇г̇асам̣вад̇д̇анигаа идтааяа ганд̇ааяа манаабааяа хид̇ааяа сукааяа сам̣вад̇д̇анд̇и.
‘‘Yassa, bhikkhave, bhikkhu gilānapaccayabhesajjaparikkhāraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Ime kho, bhikkhave, pañca puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti.
‘‘имзхи жа бана, бхигкавз, бан̃жахи бун̃н̃аабхисанд̣̇зхи гусалаабхисанд̣̇зхи саманнааг̇ад̇асса арияасаавагасса на сугарам̣ бун̃н̃асса бамаан̣ам̣ г̇ахзд̇ум̣ – ‘зд̇д̇аго бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго идтааяа ганд̇ааяа манаабааяа хид̇ааяа сукааяа сам̣вад̇д̇ад̇ий’д̇и. ат̇а ко асан̇кзяяо аббамзяяо махаабун̃н̃агканд̇ход̇взва сан̇кам̣ г̇ажчад̇и.
‘‘Imehi ca pana, bhikkhave, pañcahi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gahetuṃ – ‘ettako puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattatī’ti. Atha kho asaṅkheyyo appameyyo mahāpuññakkhandhotveva saṅkhaṃ gacchati.
‘‘сзяяат̇ааби, бхигкавз, махаасамуд̣̇д̣̇з на сугарам̣ уд̣̇агасса бамаан̣ам̣ г̇ахзд̇ум̣ – ‘зд̇д̇агаани уд̣̇агаал̣хагаанийд̇и ваа зд̇д̇агаани уд̣̇агаал̣хагасад̇аанийд̇и ваа зд̇д̇агаани уд̣̇агаал̣хагасахассаанийд̇и ваа зд̇д̇агаани уд̣̇агаал̣хагасад̇асахассаанийд̇и ваа; ат̇а ко асан̇кзяяо аббамзяяо махаауд̣̇агагканд̇ход̇взва сан̇кам̣ г̇ажчад̇и’. звамзвам̣ ко, бхигкавз, имзхи бан̃жахи бун̃н̃аабхисанд̣̇зхи гусалаабхисанд̣̇зхи саманнааг̇ад̇асса арияасаавагасса на сугарам̣ бун̃н̃асса бамаан̣ам̣ г̇ахзд̇ум̣ – ‘зд̇д̇аго бун̃н̃аабхисанд̣̇о гусалаабхисанд̣̇о сукассаахааро соваг̇г̇иго сукавибааго саг̇г̇асам̣вад̇д̇аниго идтааяа ганд̇ааяа манаабааяа хид̇ааяа сукааяа сам̣вад̇д̇ад̇ий’д̇и. ат̇а ко асан̇кзяяо аббамзяяо махаабун̃н̃агканд̇ход̇взва сан̇кам̣ г̇ажчад̇ий’’д̇и.
‘‘Seyyathāpi, bhikkhave, mahāsamudde na sukaraṃ udakassa pamāṇaṃ gahetuṃ – ‘ettakāni udakāḷhakānīti vā ettakāni udakāḷhakasatānīti vā ettakāni udakāḷhakasahassānīti vā ettakāni udakāḷhakasatasahassānīti vā; atha kho asaṅkheyyo appameyyo mahāudakakkhandhotveva saṅkhaṃ gacchati’. Evamevaṃ kho, bhikkhave, imehi pañcahi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gahetuṃ – ‘ettako puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattatī’ti. Atha kho asaṅkheyyo appameyyo mahāpuññakkhandhotveva saṅkhaṃ gacchatī’’ti.
‘‘маход̣̇ад̇хим̣ абаримид̇ам̣ махаасарам̣,
‘‘Mahodadhiṃ aparimitaṃ mahāsaraṃ,
б̣ахубхзравам̣ рад̇наг̇ан̣аанамаалаяам̣;
Bahubheravaṃ ratnagaṇānamālayaṃ;
бут̇уу саванд̇ий убаяанд̇и сааг̇арам̣.
Puthū savantī upayanti sāgaraṃ.
‘‘звам̣ нарам̣ аннад̣̇абаанавад̇т̇ад̣̇ам̣,
‘‘Evaṃ naraṃ annadapānavatthadaṃ,
сзяяаанисаж̇ж̇ад̇т̇аран̣асса д̣̇ааяагам̣;
Seyyānisajjattharaṇassa dāyakaṃ;
бун̃н̃асса д̇хаараа убаяанд̇и бан̣д̣ид̇ам̣,
Puññassa dhārā upayanti paṇḍitaṃ,
наж̇ж̇о яат̇аа вааривахаава сааг̇ара’’нд̇и. бан̃жамам̣;
Najjo yathā vārivahāva sāgara’’nti. pañcamaṃ;
Footnotes:
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-6. бун̃н̃аабхисанд̣̇асуд̇д̇аад̣̇иван̣н̣анаа • 5-6. Puññābhisandasuttādivaṇṇanā
