| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
3. буннааг̇абубпияад̇т̇зраабад̣̇аанам̣
3. Punnāgapupphiyattheraapadānaṃ
14.
14.
‘‘гаананам̣ ванамог̇аяха, васаами луд̣̇д̣̇аго ахам̣;
‘‘Kānanaṃ vanamogayha, vasāmi luddako ahaṃ;
буннааг̇ам̣ бубпид̇ам̣ д̣̇исваа, б̣уд̣̇д̇хасздтам̣ ануссарим̣.
Punnāgaṃ pupphitaṃ disvā, buddhaseṭṭhaṃ anussariṃ.
15.
15.
‘‘д̇ам̣ бубпам̣ ожинид̇ваана, суг̇анд̇хам̣ г̇анд̇хид̇ам̣ субхам̣;
‘‘Taṃ pupphaṃ ocinitvāna, sugandhaṃ gandhitaṃ subhaṃ;
т̇уубам̣ гад̇ваана булинз, б̣уд̣̇д̇хасса абхиробаяим̣.
Thūpaṃ katvāna puline, buddhassa abhiropayiṃ.
16.
16.
‘‘д̣̇взнавуд̇з ид̇о габбз, яам̣ бубпамабхибууж̇аяим̣;
‘‘Dvenavute ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
17.
17.
‘‘згамхи навуд̇з габбз, зго аасим̣ д̇амонуд̣̇о;
‘‘Ekamhi navute kappe, eko āsiṃ tamonudo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
18.
18.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа буннааг̇абубпияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā punnāgapupphiyo thero imā gāthāyo abhāsitthāti.
буннааг̇абубпияад̇т̇зрассаабад̣̇аанам̣ д̇ад̇ияам̣.
Punnāgapupphiyattherassāpadānaṃ tatiyaṃ.
