| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
9. புன்னாக³புப்பி²யத்தே²ரஅபதா³னவண்ணனா
9. Punnāgapupphiyattheraapadānavaṇṇanā
கானநங் வனமோக³ய்ஹாதிஆதி³கங் ஆயஸ்மதோ புன்னாக³புப்பி²யத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பு²ஸ்ஸஸ்ஸ ப⁴க³வதோ காலே நேஸாத³குலே நிப்³ப³த்தோ மஹாவனங் பவிட்டோ² தத்த² ஸுபுப்பி²தபுன்னாக³புப்ப²ங் தி³ஸ்வா ஹேதுஸம்பன்னத்தா பு³த்³தா⁴ரம்மணபீதிவஸேன ப⁴க³வந்தங் ஸரித்வா தங் புப்ப²ங் ஸஹ கண்ணிகாஹி ஓசினித்வா வாலுகாஹி சேதியங் கத்வா பூஜேஸி.
Kānanaṃvanamogayhātiādikaṃ āyasmato punnāgapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle nesādakule nibbatto mahāvanaṃ paviṭṭho tattha supupphitapunnāgapupphaṃ disvā hetusampannattā buddhārammaṇapītivasena bhagavantaṃ saritvā taṃ pupphaṃ saha kaṇṇikāhi ocinitvā vālukāhi cetiyaṃ katvā pūjesi.
46. ஸோ தேன புஞ்ஞேன த்³வேனவுதிகப்பே நிரந்தரங் தே³வமனுஸ்ஸஸம்பத்தியோயேவ அனுப⁴வித்வா இமஸ்மிங் பு³த்³து⁴ப்பாதே³ ஸாவத்தி²யங் விப⁴வஸம்பன்னே குலே நிப்³ப³த்தோ வுத்³தி⁴மன்வாய புப்³ப³வாஸனாப³லேன ஸாஸனே பஸன்னோ பப்³ப³ஜித்வா வாயமந்தோ நசிரஸ்ஸேவ அரஹா ஹுத்வா புப்³பே³ கதகுஸலங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ கானநங் வனமோக³ய்ஹாதிஆதி³மாஹ. தங் ஸப்³ப³ங் ஹெட்டா² வுத்தத்தா உத்தானத்த²மேவாதி.
46. So tena puññena dvenavutikappe nirantaraṃ devamanussasampattiyoyeva anubhavitvā imasmiṃ buddhuppāde sāvatthiyaṃ vibhavasampanne kule nibbatto vuddhimanvāya pubbavāsanābalena sāsane pasanno pabbajitvā vāyamanto nacirasseva arahā hutvā pubbe katakusalaṃ saritvā somanassajāto pubbacaritāpadānaṃ pakāsento kānanaṃ vanamogayhātiādimāha. Taṃ sabbaṃ heṭṭhā vuttattā uttānatthamevāti.
புன்னாக³புப்பி²யத்தே²ரஅபதா³னவண்ணனா ஸமத்தா.
Punnāgapupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 9. புன்னாக³புப்பி²யத்தே²ரஅபதா³னங் • 9. Punnāgapupphiyattheraapadānaṃ
