| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. буннааг̇абубпияад̇т̇зраабад̣̇аанаван̣н̣анаа
9. Punnāgapupphiyattheraapadānavaṇṇanā
гаананам̣ ванамог̇аяхаад̇иаад̣̇игам̣ ааяасмад̇о буннааг̇абубпияад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о пуссасса бхаг̇авад̇о гаалз нзсаад̣̇агулз ниб̣б̣ад̇д̇о махааванам̣ бавидто д̇ад̇т̇а субубпид̇абуннааг̇абубпам̣ д̣̇исваа хзд̇усамбаннад̇д̇аа б̣уд̣̇д̇хаарамман̣абийд̇ивасзна бхаг̇аванд̇ам̣ сарид̇ваа д̇ам̣ бубпам̣ саха ган̣н̣игаахи ожинид̇ваа ваалугаахи жзд̇ияам̣ гад̇ваа бууж̇зси.
Kānanaṃvanamogayhātiādikaṃ āyasmato punnāgapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle nesādakule nibbatto mahāvanaṃ paviṭṭho tattha supupphitapunnāgapupphaṃ disvā hetusampannattā buddhārammaṇapītivasena bhagavantaṃ saritvā taṃ pupphaṃ saha kaṇṇikāhi ocinitvā vālukāhi cetiyaṃ katvā pūjesi.
46. со д̇зна бун̃н̃зна д̣̇взнавуд̇игаббз ниранд̇арам̣ д̣̇звамануссасамбад̇д̇ияоязва анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ вибхавасамбаннз гулз ниб̣б̣ад̇д̇о вуд̣̇д̇химанвааяа буб̣б̣аваасанааб̣алзна саасанз басанно баб̣б̣аж̇ид̇ваа вааяаманд̇о нажирассзва арахаа худ̇ваа буб̣б̣з гад̇агусалам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о гаананам̣ ванамог̇аяхаад̇иаад̣̇имааха. д̇ам̣ саб̣б̣ам̣ хздтаа вуд̇д̇ад̇д̇аа уд̇д̇аанад̇т̇амзваад̇и.
46. So tena puññena dvenavutikappe nirantaraṃ devamanussasampattiyoyeva anubhavitvā imasmiṃ buddhuppāde sāvatthiyaṃ vibhavasampanne kule nibbatto vuddhimanvāya pubbavāsanābalena sāsane pasanno pabbajitvā vāyamanto nacirasseva arahā hutvā pubbe katakusalaṃ saritvā somanassajāto pubbacaritāpadānaṃ pakāsento kānanaṃ vanamogayhātiādimāha. Taṃ sabbaṃ heṭṭhā vuttattā uttānatthamevāti.
буннааг̇абубпияад̇т̇зраабад̣̇аанаван̣н̣анаа самад̇д̇аа.
Punnāgapupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. буннааг̇абубпияад̇т̇зраабад̣̇аанам̣ • 9. Punnāgapupphiyattheraapadānaṃ
