| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೯. ಪುನ್ನಾಗಪುಪ್ಫಿಯತ್ಥೇರಅಪದಾನವಣ್ಣನಾ
9. Punnāgapupphiyattheraapadānavaṇṇanā
ಕಾನನಂ ವನಮೋಗಯ್ಹಾತಿಆದಿಕಂ ಆಯಸ್ಮತೋ ಪುನ್ನಾಗಪುಪ್ಫಿಯತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಜಿನವರೇಸು ಕತಾಧಿಕಾರೋ ತತ್ಥ ತತ್ಥ ಭವೇ ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ಫುಸ್ಸಸ್ಸ ಭಗವತೋ ಕಾಲೇ ನೇಸಾದಕುಲೇ ನಿಬ್ಬತ್ತೋ ಮಹಾವನಂ ಪವಿಟ್ಠೋ ತತ್ಥ ಸುಪುಪ್ಫಿತಪುನ್ನಾಗಪುಪ್ಫಂ ದಿಸ್ವಾ ಹೇತುಸಮ್ಪನ್ನತ್ತಾ ಬುದ್ಧಾರಮ್ಮಣಪೀತಿವಸೇನ ಭಗವನ್ತಂ ಸರಿತ್ವಾ ತಂ ಪುಪ್ಫಂ ಸಹ ಕಣ್ಣಿಕಾಹಿ ಓಚಿನಿತ್ವಾ ವಾಲುಕಾಹಿ ಚೇತಿಯಂ ಕತ್ವಾ ಪೂಜೇಸಿ।
Kānanaṃvanamogayhātiādikaṃ āyasmato punnāgapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle nesādakule nibbatto mahāvanaṃ paviṭṭho tattha supupphitapunnāgapupphaṃ disvā hetusampannattā buddhārammaṇapītivasena bhagavantaṃ saritvā taṃ pupphaṃ saha kaṇṇikāhi ocinitvā vālukāhi cetiyaṃ katvā pūjesi.
೪೬. ಸೋ ತೇನ ಪುಞ್ಞೇನ ದ್ವೇನವುತಿಕಪ್ಪೇ ನಿರನ್ತರಂ ದೇವಮನುಸ್ಸಸಮ್ಪತ್ತಿಯೋಯೇವ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಸಾವತ್ಥಿಯಂ ವಿಭವಸಮ್ಪನ್ನೇ ಕುಲೇ ನಿಬ್ಬತ್ತೋ ವುದ್ಧಿಮನ್ವಾಯ ಪುಬ್ಬವಾಸನಾಬಲೇನ ಸಾಸನೇ ಪಸನ್ನೋ ಪಬ್ಬಜಿತ್ವಾ ವಾಯಮನ್ತೋ ನಚಿರಸ್ಸೇವ ಅರಹಾ ಹುತ್ವಾ ಪುಬ್ಬೇ ಕತಕುಸಲಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ಕಾನನಂ ವನಮೋಗಯ್ಹಾತಿಆದಿಮಾಹ। ತಂ ಸಬ್ಬಂ ಹೇಟ್ಠಾ ವುತ್ತತ್ತಾ ಉತ್ತಾನತ್ಥಮೇವಾತಿ।
46. So tena puññena dvenavutikappe nirantaraṃ devamanussasampattiyoyeva anubhavitvā imasmiṃ buddhuppāde sāvatthiyaṃ vibhavasampanne kule nibbatto vuddhimanvāya pubbavāsanābalena sāsane pasanno pabbajitvā vāyamanto nacirasseva arahā hutvā pubbe katakusalaṃ saritvā somanassajāto pubbacaritāpadānaṃ pakāsento kānanaṃ vanamogayhātiādimāha. Taṃ sabbaṃ heṭṭhā vuttattā uttānatthamevāti.
ಪುನ್ನಾಗಪುಪ್ಫಿಯತ್ಥೇರಅಪದಾನವಣ್ಣನಾ ಸಮತ್ತಾ।
Punnāgapupphiyattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೯. ಪುನ್ನಾಗಪುಪ್ಫಿಯತ್ಥೇರಅಪದಾನಂ • 9. Punnāgapupphiyattheraapadānaṃ
