| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൯. പുന്നാഗപുപ്ഫിയത്ഥേരഅപദാനവണ്ണനാ
9. Punnāgapupphiyattheraapadānavaṇṇanā
കാനനം വനമോഗയ്ഹാതിആദികം ആയസ്മതോ പുന്നാഗപുപ്ഫിയത്ഥേരസ്സ അപദാനം. അയമ്പി പുരിമജിനവരേസു കതാധികാരോ തത്ഥ തത്ഥ ഭവേ വിവട്ടൂപനിസ്സയാനി പുഞ്ഞാനി ഉപചിനന്തോ ഫുസ്സസ്സ ഭഗവതോ കാലേ നേസാദകുലേ നിബ്ബത്തോ മഹാവനം പവിട്ഠോ തത്ഥ സുപുപ്ഫിതപുന്നാഗപുപ്ഫം ദിസ്വാ ഹേതുസമ്പന്നത്താ ബുദ്ധാരമ്മണപീതിവസേന ഭഗവന്തം സരിത്വാ തം പുപ്ഫം സഹ കണ്ണികാഹി ഓചിനിത്വാ വാലുകാഹി ചേതിയം കത്വാ പൂജേസി.
Kānanaṃvanamogayhātiādikaṃ āyasmato punnāgapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle nesādakule nibbatto mahāvanaṃ paviṭṭho tattha supupphitapunnāgapupphaṃ disvā hetusampannattā buddhārammaṇapītivasena bhagavantaṃ saritvā taṃ pupphaṃ saha kaṇṇikāhi ocinitvā vālukāhi cetiyaṃ katvā pūjesi.
൪൬. സോ തേന പുഞ്ഞേന ദ്വേനവുതികപ്പേ നിരന്തരം ദേവമനുസ്സസമ്പത്തിയോയേവ അനുഭവിത്വാ ഇമസ്മിം ബുദ്ധുപ്പാദേ സാവത്ഥിയം വിഭവസമ്പന്നേ കുലേ നിബ്ബത്തോ വുദ്ധിമന്വായ പുബ്ബവാസനാബലേന സാസനേ പസന്നോ പബ്ബജിത്വാ വായമന്തോ നചിരസ്സേവ അരഹാ ഹുത്വാ പുബ്ബേ കതകുസലം സരിത്വാ സോമനസ്സജാതോ പുബ്ബചരിതാപദാനം പകാസേന്തോ കാനനം വനമോഗയ്ഹാതിആദിമാഹ. തം സബ്ബം ഹേട്ഠാ വുത്തത്താ ഉത്താനത്ഥമേവാതി.
46. So tena puññena dvenavutikappe nirantaraṃ devamanussasampattiyoyeva anubhavitvā imasmiṃ buddhuppāde sāvatthiyaṃ vibhavasampanne kule nibbatto vuddhimanvāya pubbavāsanābalena sāsane pasanno pabbajitvā vāyamanto nacirasseva arahā hutvā pubbe katakusalaṃ saritvā somanassajāto pubbacaritāpadānaṃ pakāsento kānanaṃ vanamogayhātiādimāha. Taṃ sabbaṃ heṭṭhā vuttattā uttānatthamevāti.
പുന്നാഗപുപ്ഫിയത്ഥേരഅപദാനവണ്ണനാ സമത്താ.
Punnāgapupphiyattheraapadānavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൯. പുന്നാഗപുപ്ഫിയത്ഥേരഅപദാനം • 9. Punnāgapupphiyattheraapadānaṃ
