| Library / Tipiṭaka / තිපිටක • Tipiṭaka / චූළනිද්‌දෙසපාළි • Cūḷaniddesapāḷi |
3. පුණ්‌ණකමාණවපුච්‌ඡා
3. Puṇṇakamāṇavapucchā
68.
68.
‘‘අනෙජං මූලදස්‌සාවිං, [ඉච්‌චායස්‌මා පුණ්‌ණකො]
‘‘Anejaṃ mūladassāviṃ, [iccāyasmā puṇṇako]
අත්‌ථි පඤ්‌හෙන ආගමං;
Atthi pañhena āgamaṃ;
කිං නිස්‌සිතා ඉසයො මනුජා, ඛත්‌තියා බ්‍රාහ්‌මණා දෙවතානං;
Kiṃ nissitā isayo manujā, khattiyā brāhmaṇā devatānaṃ;
යඤ්‌ඤමකප්‌පයිංසු පුථූධ ලොකෙ, පුච්‌ඡාමි තං භගවා බ්‍රූහි මෙතං’’.
Yaññamakappayiṃsu puthūdha loke, pucchāmi taṃ bhagavā brūhi metaṃ’’.
69.
69.
‘‘යෙ කෙචිමෙ ඉසයො මනුජා, [පුණ්‌ණකාති භගවා]
‘‘Ye kecime isayo manujā, [puṇṇakāti bhagavā]
ඛත්‌තියා බ්‍රාහ්‌මණා දෙවතානං;
Khattiyā brāhmaṇā devatānaṃ;
යඤ්‌ඤමකප්‌පයිංසු පුථූධ ලොකෙ, ආසීසමානා පුණ්‌ණක ඉත්‌ථත්‌තං;
Yaññamakappayiṃsu puthūdha loke, āsīsamānā puṇṇaka itthattaṃ;
ජරං සිතා යඤ්‌ඤමකප්‌පයිංසු’’.
Jaraṃ sitā yaññamakappayiṃsu’’.
70.
70.
‘‘යෙ කෙචිමෙ ඉසයො මනුජා, [ඉච්‌චායස්‌මා පුණ්‌ණකො]
‘‘Ye kecime isayo manujā, [iccāyasmā puṇṇako]
ඛත්‌තියා බ්‍රාහ්‌මණා දෙවතානං;
Khattiyā brāhmaṇā devatānaṃ;
යඤ්‌ඤමකප්‌පයිංසු පුථූධ ලොකෙ, කච්‌චිසු තෙ භගවා යඤ්‌ඤපථෙ අප්‌පමත්‌තා;
Yaññamakappayiṃsu puthūdha loke, kaccisu te bhagavā yaññapathe appamattā;
අතාරුං ජාතිඤ්‌ච ජරඤ්‌ච මාරිස, පුච්‌ඡාමි තං භගවා බ්‍රූහි මෙතං’’.
Atāruṃ jātiñca jarañca mārisa, pucchāmi taṃ bhagavā brūhi metaṃ’’.
71.
71.
‘‘ආසීසන්‌ති ථොමයන්‌ති, අභිජප්‌පන්‌ති ජුහන්‌ති; [පුණ්‌ණකාති භගවා]
‘‘Āsīsanti thomayanti, abhijappanti juhanti; [Puṇṇakāti bhagavā]
කාමාභිජප්‌පන්‌ති පටිච්‌ච ලාභං, තෙ යාජයොගා භවරාගරත්‌තා;
Kāmābhijappanti paṭicca lābhaṃ, te yājayogā bhavarāgarattā;
නාතරිංසු ජාතිජරන්‌ති බ්‍රූමි’’.
Nātariṃsu jātijaranti brūmi’’.
72.
72.
‘‘තෙ චෙ නාතරිංසු යාජයොගා, [ඉච්‌චායස්‌මා පුණ්‌ණකො]
‘‘Te ce nātariṃsu yājayogā, [iccāyasmā puṇṇako]
යඤ්‌ඤෙහි ජාතිඤ්‌ච ජරඤ්‌ච මාරිස;
Yaññehi jātiñca jarañca mārisa;
අථ කො චරහි දෙවමනුස්‌සලොකෙ, අතාරි ජාතිඤ්‌ච ජරඤ්‌ච මාරිස;
Atha ko carahi devamanussaloke, atāri jātiñca jarañca mārisa;
පුච්‌ඡාමි තං භගවා බ්‍රූහි මෙතං’’.
Pucchāmi taṃ bhagavā brūhi metaṃ’’.
73.
73.
‘‘සඞ්‌ඛාය ලොකස්‌මි පරොපරානි, [පුණ්‌ණකාති භගවා]
‘‘Saṅkhāya lokasmi paroparāni, [puṇṇakāti bhagavā]
යස්‌සිඤ්‌ජිතං නත්‌ථි කුහිඤ්‌චි ලොකෙ;
Yassiñjitaṃ natthi kuhiñci loke;
සන්‌තො විධූමො අනීඝො නිරාසො, අතාරි සො ජාතිජරන්‌ති බ්‍රූමී’’ති.
Santo vidhūmo anīgho nirāso, atāri so jātijaranti brūmī’’ti.
පුණ්‌ණකමාණවපුච්‌ඡා තතියා.
Puṇṇakamāṇavapucchā tatiyā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චූළනිද්‌දෙස-අට්‌ඨකථා • Cūḷaniddesa-aṭṭhakathā / 3. පුණ්‌ණකමාණවසුත්‌තනිද්‌දෙසවණ්‌ණනා • 3. Puṇṇakamāṇavasuttaniddesavaṇṇanā
