| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
3. бун̣н̣агамаан̣авасуд̇д̇анид̣̇д̣̇зсаван̣н̣анаа
3. Puṇṇakamāṇavasuttaniddesavaṇṇanā
12. д̇ад̇ияз бун̣н̣агасуд̇д̇анид̣̇д̣̇зсз – анзж̇анд̇и ид̣̇амби буриманаязнзва могхарааж̇аанам̣ бадигкибид̇ваа вуд̇д̇ам̣. д̇ад̇т̇а муулад̣̇ассаавинд̇и агусаламуулаад̣̇ид̣̇ассаавим̣. исаяод̇и исинаамагаа ж̇адилаа. яан̃н̃анд̇и д̣̇зяяад̇хаммам̣. агаббаяим̣сууд̇и бариязсим̣су.
12. Tatiye puṇṇakasuttaniddese – anejanti idampi purimanayeneva mogharājānaṃ paṭikkhipitvā vuttaṃ. Tattha mūladassāvinti akusalamūlādidassāviṃ. Isayoti isināmakā jaṭilā. Yaññanti deyyadhammaṃ. Akappayiṃsūti pariyesiṃsu.
хзд̇уд̣̇ассаавийд̇иаад̣̇ийни саб̣б̣аани гааран̣авзважанаанзва. гааран̣ан̃хи яасмаа ад̇д̇ано палад̇т̇ааяа хинод̇и бавад̇д̇ад̇и, д̇асмаа хзд̇ууд̇и вужжад̇и. яасмаа д̇ам̣ палам̣ нид̣̇зд̇и ‘ханд̣̇а, г̇ан̣хат̇а на’нд̇и аббзд̇и вияа, д̇асмаа нид̣̇аананд̇и вужжад̇и. самбхавад̣̇ассаавийд̇иаад̣̇ийни бан̃жа бад̣̇аани хздтаа д̣̇ассид̇анаяаани зва. яасмаа д̇ам̣ бадижжа зд̇и бавад̇д̇ад̇и, д̇ан̃жа палам̣ д̇ад̇о самуд̣̇зд̇и уббаж̇ж̇ад̇и, д̇асмаа бажжаяод̇и жа самуд̣̇аяод̇и жа вужжад̇и.
Hetudassāvītiādīni sabbāni kāraṇavevacanāneva. Kāraṇañhi yasmā attano phalatthāya hinoti pavattati, tasmā hetūti vuccati. Yasmā taṃ phalaṃ nideti ‘handa, gaṇhatha na’nti appeti viya, tasmā nidānanti vuccati. Sambhavadassāvītiādīni pañca padāni heṭṭhā dassitanayāni eva. Yasmā taṃ paṭicca eti pavattati, tañca phalaṃ tato samudeti uppajjati, tasmā paccayoti ca samudayoti ca vuccati.
яаа ваа банан̃н̃ааби гаажи суг̇ад̇ияод̇и жад̇уабааяавинимуд̇д̇агаа уд̇д̇арамаад̇аад̣̇аяо аббзсагкаа габан̣амануссаа жа д̣̇уллабхагхаасажчаад̣̇анаа д̣̇угкабийл̣ид̇аа взд̣̇ид̇аб̣б̣аа. яаа ваа банан̃н̃ааби гаажи д̣̇уг̇г̇ад̇ияод̇и яамарааж̇анааг̇асубан̣н̣абзд̇амахид̣̇д̇хигаад̣̇аяо бажжзд̇аб̣б̣аа. ад̇д̇абхааваабхиниб̣б̣ад̇д̇ияаад̇и д̇ийсу таанзсу бадисанд̇хивасзна ад̇д̇абхаавабадилаабхад̇т̇ааяа. ж̇аанаад̇ийд̇и саб̣б̣ан̃н̃уд̇ан̃н̃аан̣зна ж̇аанаад̇и. бассад̇ийд̇и саманд̇ажагкунаа бассад̇и.
Yā vā panaññāpi kāci sugatiyoti catuapāyavinimuttakā uttaramātādayo appesakkhā kapaṇamanussā ca dullabhaghāsacchādanā dukkhapīḷitā veditabbā. Yā vā panaññāpi kāci duggatiyoti yamarājanāgasupaṇṇapetamahiddhikādayo paccetabbā. Attabhāvābhinibbattiyāti tīsu ṭhānesu paṭisandhivasena attabhāvapaṭilābhatthāya. Jānātīti sabbaññutaññāṇena jānāti. Passatīti samantacakkhunā passati.
агусалаад̇и агосалласамбхууд̇аа. агусалам̣ бхаж̇анд̇ийд̇и агусалабхааг̇ияаа. агусалабагкз бхаваад̇и агусалабагкигаа. саб̣б̣з д̇з авиж̇ж̇аа муулам̣ гааран̣ам̣ зд̇зсанд̇и авиж̇ж̇аамуулагаа. авиж̇ж̇ааяа самосаранд̇и саммаа осаранд̇и г̇ажчанд̇ийд̇и авиж̇ж̇аасамосаран̣аа. авиж̇ж̇аасамуг̇гхаад̇аад̇и арахад̇д̇амаг̇г̇зна авиж̇ж̇ааяа хад̇ааяа. саб̣б̣з д̇з самуг̇гхаад̇ам̣ г̇ажчанд̇ийд̇и вуд̇д̇аббагаараа агусалад̇хаммаа, д̇з саб̣б̣з хад̇абхаавам̣ баабун̣анд̇и.
Akusalāti akosallasambhūtā. Akusalaṃ bhajantīti akusalabhāgiyā. Akusalapakkhe bhavāti akusalapakkhikā. Sabbe te avijjā mūlaṃ kāraṇaṃ etesanti avijjāmūlakā. Avijjāya samosaranti sammā osaranti gacchantīti avijjāsamosaraṇā. Avijjāsamugghātāti arahattamaggena avijjāya hatāya. Sabbe te samugghātaṃ gacchantīti vuttappakārā akusaladhammā, te sabbe hatabhāvaṃ pāpuṇanti.
аббамаад̣̇амуулагаад̇и сад̇иавиббаваасо аббамаад̣̇о муулам̣ гааран̣ам̣ зд̇зсанд̇и аббамаад̣̇амуулагаа. аббамаад̣̇зсу саммаа осаранд̇и г̇ажчанд̇ийд̇и аббамаад̣̇асамосаран̣аа. аббамаад̣̇о д̇зсам̣ д̇хаммаанам̣ аг̇г̇амагкааяад̇ийд̇и саяам̣ гаамааважароби самаано жад̇убхуумагад̇хаммаанам̣ бад̇идтаабхаавзна аг̇г̇о наама ж̇аад̇о.
Appamādamūlakāti satiavippavāso appamādo mūlaṃ kāraṇaṃ etesanti appamādamūlakā. Appamādesu sammā osaranti gacchantīti appamādasamosaraṇā. Appamādo tesaṃ dhammānaṃ aggamakkhāyatīti sayaṃ kāmāvacaropi samāno catubhūmakadhammānaṃ patiṭṭhābhāvena aggo nāma jāto.
аламад̇д̇од̇и самад̇т̇ажид̇д̇о. маяаа бужчид̇анд̇и маяаа будтам̣. вахассзд̇ам̣ бхааранд̇и зд̇ам̣ аабхад̇абхаарам̣ вахассу. яз гзжи исибаб̣б̣аж̇ж̇ам̣ баб̣б̣аж̇ид̇аа. ‘‘исибаб̣б̣аж̇ж̇аа баб̣б̣аж̇ид̇аа’’д̇иби баато.
Alamattoti samatthacitto. Mayā pucchitanti mayā puṭṭhaṃ. Vahassetaṃ bhāranti etaṃ ābhatabhāraṃ vahassu. Ye keci isipabbajjaṃ pabbajitā. ‘‘Isipabbajjā pabbajitā’’tipi pāṭho.
ааж̇ийвагасаавагаанам̣ ааж̇ийвагаа д̣̇звад̇аад̇и яз ааж̇ийвагаважанам̣ сун̣анд̇и суссусанд̇и, д̇з ааж̇ийвагасаавагаа, д̇зсам̣ ааж̇ийвагасаавагаанам̣. ааж̇ийвагаа жа д̇зсам̣ д̣̇зяяад̇хаммам̣ бадиг̇г̇ан̣ханд̇и, д̇з зва ааж̇ийвагаа д̣̇звад̇аа. звам̣ саб̣б̣ад̇т̇а. яз язсам̣ д̣̇агкин̣зяяаад̇и яз ааж̇ийвагаад̣̇аяо д̣̇исаабарияосаанаа язсам̣ кад̇д̇ияаад̣̇ийнам̣ д̣̇зяяад̇хаммаанужчавигаа. д̇з д̇зсам̣ д̣̇звад̇аад̇и д̇з ааж̇ийвагаад̣̇аяо д̇зсам̣ кад̇д̇ияаад̣̇ийнам̣ д̣̇звад̇аа.
Ājīvakasāvakānaṃ ājīvakā devatāti ye ājīvakavacanaṃ suṇanti sussusanti, te ājīvakasāvakā, tesaṃ ājīvakasāvakānaṃ. Ājīvakā ca tesaṃ deyyadhammaṃ paṭiggaṇhanti, te eva ājīvakā devatā. Evaṃ sabbattha. Ye yesaṃ dakkhiṇeyyāti ye ājīvakādayo disāpariyosānā yesaṃ khattiyādīnaṃ deyyadhammānucchavikā. Te tesaṃ devatāti te ājīvakādayo tesaṃ khattiyādīnaṃ devatā.
язби яан̃н̃ам̣ зсанд̇ийд̇и д̣̇зяяад̇хаммам̣ ижчанд̇и. г̇авзсанд̇ийд̇и ологзнд̇и. бариязсанд̇ийд̇и уббаад̣̇знд̇и. яан̃н̃аа ваа зд̇з бут̇ууд̇и яан̃н̃аа зва ваа зд̇з бут̇угаа. яан̃н̃аяааж̇агаа ваа зд̇з бут̇ууд̇и д̣̇зяяад̇хаммасса яааж̇анагаа зва ваа зд̇з бут̇угаа. д̣̇агкин̣зяяаа ваа зд̇з бут̇ууд̇и д̣̇зяяад̇хаммаанужчавигаа зва ваа зд̇з бут̇угаа. д̇з вид̇т̇аарад̇о д̣̇ассзд̇ум̣ ‘‘гат̇ам̣ яан̃н̃аа ваа зд̇з бут̇уу’’д̇иаад̣̇инаа наязна вид̇т̇аарзна д̣̇ассзд̇и.
Yepi yaññaṃ esantīti deyyadhammaṃ icchanti. Gavesantīti olokenti. Pariyesantīti uppādenti. Yaññā vā ete puthūti yaññā eva vā ete puthukā. Yaññayājakā vā ete puthūti deyyadhammassa yājanakā eva vā ete puthukā. Dakkhiṇeyyā vā ete puthūti deyyadhammānucchavikā eva vā ete puthukā. Te vitthārato dassetuṃ ‘‘kathaṃ yaññā vā ete puthū’’tiādinā nayena vitthārena dasseti.
13. аасийсамаанаад̇и руубаад̣̇ийни бад̇т̇аяамаанаа. ид̇т̇ад̇д̇анд̇и ид̇т̇абхааван̃жа бад̇т̇аяамаанаа, мануссаад̣̇ибхаавам̣ ижчанд̇аад̇и вуд̇д̇ам̣ ход̇и. ж̇арам̣ сид̇аад̇и ж̇арам̣ ниссид̇аа. ж̇араамукзна жзд̇т̇а саб̣б̣ам̣ ваддад̣̇угкам̣ вуд̇д̇ам̣. д̇зна ваддад̣̇угканиссид̇аа д̇ад̇о абаримужжамаанааязва габбаяим̣сууд̇и д̣̇ийбзд̇и.
13.Āsīsamānāti rūpādīni patthayamānā. Itthattanti itthabhāvañca patthayamānā, manussādibhāvaṃ icchantāti vuttaṃ hoti. Jaraṃ sitāti jaraṃ nissitā. Jarāmukhena cettha sabbaṃ vaṭṭadukkhaṃ vuttaṃ. Tena vaṭṭadukkhanissitā tato aparimuccamānāyeva kappayiṃsūti dīpeti.
руубабадилаабхам̣ аасийсамаанаад̇и ван̣н̣ааяад̇анасамбад̇д̇илаабхам̣ бад̇т̇аяамаанаа. сад̣̇д̣̇аад̣̇ийсуби зсзва наяо. кад̇д̇ияамахаасаалагулз ад̇д̇абхаавабадилаабханд̇и саараббад̇д̇з кад̇д̇ияаанам̣ махаасаалагулз ад̇д̇абхаавалаабхам̣ бадисанд̇хим̣ бад̇т̇аяамаанаа. б̣раахман̣амахаасаалагулаад̣̇ийсуби зсзва наяо. б̣рахмагааяигзсу д̣̇звзсууд̇и зд̇т̇а буб̣б̣абхавам̣ санд̇хааяа вуд̇д̇ам̣. зд̇т̇аад̇и кад̇д̇ияагулаад̣̇ийсу.
Rūpapaṭilābhaṃ āsīsamānāti vaṇṇāyatanasampattilābhaṃ patthayamānā. Saddādīsupi eseva nayo. Khattiyamahāsālakule attabhāvapaṭilābhanti sārappatte khattiyānaṃ mahāsālakule attabhāvalābhaṃ paṭisandhiṃ patthayamānā. Brāhmaṇamahāsālakulādīsupi eseva nayo. Brahmakāyikesu devesūti ettha pubbabhavaṃ sandhāya vuttaṃ. Etthāti khattiyakulādīsu.
ж̇арааниссид̇аад̇и ж̇арам̣ ассид̇аа. б̣яаад̇хиниссид̇аад̇иаад̣̇ийсуби зсзва наяо. зд̇зхи саб̣б̣ам̣ ваддад̣̇угкам̣ барияаад̣̇ияид̇ваа д̣̇ассид̇ам̣ ход̇и.
Jarānissitāti jaraṃ assitā. Byādhinissitātiādīsupi eseva nayo. Etehi sabbaṃ vaṭṭadukkhaṃ pariyādiyitvā dassitaṃ hoti.
14. гажжису д̇з бхаг̇аваа яан̃н̃абат̇з аббамад̇д̇аа, ад̇аару ж̇аад̇ин̃жа ж̇аран̃жа маарисаад̇и зд̇т̇а яан̃н̃о зва яан̃н̃абат̇о. ид̣̇ам̣ вуд̇д̇ам̣ ход̇и – гажжи д̇з яан̃н̃з аббамад̇д̇аа худ̇ваа яан̃н̃ам̣ габбаяанд̇аа ваддад̣̇угкамуд̇д̇арим̣сууд̇и.
14.Kaccisu te bhagavā yaññapathe appamattā, atāru jātiñca jarañca mārisāti ettha yañño eva yaññapatho. Idaṃ vuttaṃ hoti – kacci te yaññe appamattā hutvā yaññaṃ kappayantā vaṭṭadukkhamuttariṃsūti.
язби яан̃н̃ам̣ д̣̇знд̇и яаж̇анд̇ийд̇и д̣̇зяяад̇хаммад̣̇аанавасзна яаж̇анд̇и. барижжаж̇анд̇ийд̇и виссаж̇ж̇знд̇и.
Yepiyaññaṃ denti yajantīti deyyadhammadānavasena yajanti. Pariccajantīti vissajjenti.
15. аасийсанд̇ийд̇и руубабадилаабхаад̣̇аяо бад̇т̇знд̇и. т̇омаяанд̇ийд̇и ‘‘сужим̣ д̣̇инна’’нд̇иаад̣̇инаа наязна яан̃н̃аад̣̇ийни басам̣санд̇и. абхиж̇аббанд̇ийд̇и руубаад̣̇ибадилаабхааяа ваажам̣ г̇ийранд̇и. ж̇уханд̇ийд̇и д̣̇знд̇и. гаамаабхиж̇аббанд̇и бадижжа лаабханд̇и руубаад̣̇илаабхам̣ бадижжа бунаббунам̣ гаамз зва абхиж̇аббанд̇и, ‘‘ахо вад̇а амхаагамби сияяу’’нд̇и вад̣̇анд̇и, д̇ан̣хан̃жа д̇ад̇т̇а вад̣дхзнд̇ийд̇и вуд̇д̇ам̣ ход̇и. яааж̇аяог̇аад̇и яааг̇аад̇химуд̇д̇аа. бхаварааг̇арад̇д̇аад̇и звамимзхи аасийсанаад̣̇ийхи бхаварааг̇знзва рад̇д̇аа, бхаварааг̇арад̇д̇аа ваа худ̇ваа зд̇аани аасийсанаад̣̇ийни гаронд̇аа наад̇арим̣су ж̇аад̇иаад̣̇иваддад̣̇угкам̣ на уд̇д̇арим̣су.
15.Āsīsantīti rūpapaṭilābhādayo patthenti. Thomayantīti ‘‘suciṃ dinna’’ntiādinā nayena yaññādīni pasaṃsanti. Abhijappantīti rūpādipaṭilābhāya vācaṃ gīranti. Juhantīti denti. Kāmābhijappanti paṭicca lābhanti rūpādilābhaṃ paṭicca punappunaṃ kāme eva abhijappanti, ‘‘aho vata amhākampi siyyu’’nti vadanti, taṇhañca tattha vaḍḍhentīti vuttaṃ hoti. Yājayogāti yāgādhimuttā. Bhavarāgarattāti evamimehi āsīsanādīhi bhavarāgeneva rattā, bhavarāgarattā vā hutvā etāni āsīsanādīni karontā nātariṃsu jātiādivaṭṭadukkhaṃ na uttariṃsu.
яан̃н̃ам̣ ваа т̇омзнд̇ийд̇и д̣̇аанам̣ ваа ван̣н̣знд̇и. палам̣ ваад̇и руубаад̣̇ибадилаабхам̣. д̣̇агкин̣зяяз ваад̇и ж̇аад̇исамбаннаад̣̇ийсу. сужим̣ д̣̇иннанд̇и сужим̣ гад̇ваа д̣̇иннам̣. манаабанд̇и манавад̣дханагам̣. бан̣ийд̇анд̇и ож̇аванд̇ам̣. гаалзнаад̇и д̇ад̇т̇а д̇ад̇т̇а самбад̇д̇агаалз . габбияанд̇и агаббияам̣ важ̇ж̇зд̇ваа д̣̇иннам̣. анаваж̇ж̇анд̇и нид̣̇д̣̇осам̣. абхин̣ханд̇и бунаббунам̣. д̣̇ад̣̇ам̣ жид̇д̇ам̣ басаад̣̇ид̇анд̇и д̣̇ад̣̇ад̇о мун̃жанажид̇д̇ам̣ басаад̣̇ид̇анд̇и. т̇омзнд̇и гид̇д̇знд̇ийд̇и г̇ун̣ам̣ баагадам̣ гаронд̇и. ван̣н̣знд̇ийд̇и ван̣н̣ам̣ бхан̣анд̇и. басам̣санд̇ийд̇и басаад̣̇ам̣ баабзнд̇и.
Yaññaṃ vā thomentīti dānaṃ vā vaṇṇenti. Phalaṃ vāti rūpādipaṭilābhaṃ. Dakkhiṇeyye vāti jātisampannādīsu. Suciṃ dinnanti suciṃ katvā dinnaṃ. Manāpanti manavaḍḍhanakaṃ. Paṇītanti ojavantaṃ. Kālenāti tattha tattha sampattakāle . Kappiyanti akappiyaṃ vajjetvā dinnaṃ. Anavajjanti niddosaṃ. Abhiṇhanti punappunaṃ. Dadaṃ cittaṃ pasāditanti dadato muñcanacittaṃ pasāditanti. Thomenti kittentīti guṇaṃ pākaṭaṃ karonti. Vaṇṇentīti vaṇṇaṃ bhaṇanti. Pasaṃsantīti pasādaṃ pāpenti.
ид̇о нид̣̇аананд̇и ид̇о мануссалогад̇о д̣̇иннагааран̣аа. аж̇жхааяагаад̇и манд̇з баривад̇д̇знд̇аа. манд̇ад̇хараад̇и манд̇з д̇хаарзнд̇аа. д̇ин̣н̣ам̣ взд̣̇аананд̇и ирувзд̣̇аяаж̇увзд̣̇асаамавзд̣̇аанам̣. одтабахадагаран̣авасзна баарам̣ г̇ад̇аад̇и баараг̇уу. саха нигхан̣д̣унаа жа гздубхзна жа санигхан̣д̣угздубхаанам̣. нигхан̣д̣ууд̇и нигхан̣д̣уругкаад̣̇ийнам̣ взважанаббагаасагам̣ сад̇т̇ам̣. гздубханд̇и гирияаагаббавигаббо гавийнам̣ убагаараавахам̣ сад̇т̇ам̣ . саха агкараббабхзд̣̇зна саагкараббабхзд̣̇аанам̣. агкараббабхзд̣̇од̇и сигкаа жа нируд̇д̇и жа. ид̇ихаасабан̃жамаананд̇и аат̇аб̣б̣ан̣авзд̣̇ам̣ жад̇уд̇т̇ам̣ гад̇ваа ‘‘ид̇иха ааса, ид̇иха аасаа’’д̇и ийд̣̇исаважанабадисам̣яуд̇д̇абураан̣агат̇аасан̇каад̇о ид̇ихаасо бан̃жамо зд̇зсанд̇и ид̇ихаасабан̃жамаа, д̇зсам̣ ид̇ихаасабан̃жамаанам̣ взд̣̇аанам̣.
Ito nidānanti ito manussalokato dinnakāraṇā. Ajjhāyakāti mante parivattentā. Mantadharāti mante dhārentā. Tiṇṇaṃ vedānanti iruvedayajuvedasāmavedānaṃ. Oṭṭhapahaṭakaraṇavasena pāraṃ gatāti pāragū. Saha nighaṇḍunā ca keṭubhena ca sanighaṇḍukeṭubhānaṃ. Nighaṇḍūti nighaṇḍurukkhādīnaṃ vevacanappakāsakaṃ satthaṃ. Keṭubhanti kiriyākappavikappo kavīnaṃ upakārāvahaṃ satthaṃ . Saha akkharappabhedena sākkharappabhedānaṃ. Akkharappabhedoti sikkhā ca nirutti ca. Itihāsapañcamānanti āthabbaṇavedaṃ catutthaṃ katvā ‘‘itiha āsa, itiha āsā’’ti īdisavacanapaṭisaṃyuttapurāṇakathāsaṅkhāto itihāso pañcamo etesanti itihāsapañcamā, tesaṃ itihāsapañcamānaṃ vedānaṃ.
бад̣̇ам̣ д̇ад̣̇авасзсан̃жа б̣яаагаран̣ам̣ ад̇хияанд̇и, взд̣̇знд̇и ваад̇и бад̣̇агаа взяяаагаран̣аа. логааяад̇ам̣ вужжад̇и вид̇ан̣д̣аваад̣̇асад̇т̇ам̣. махаабурисалагкан̣анд̇и махаабурисаанам̣ б̣уд̣̇д̇хаад̣̇ийнам̣ лагкан̣ад̣̇ийбагам̣ д̣̇ваад̣̇асасахассаг̇ант̇аббамаан̣ам̣ сад̇т̇ам̣. яад̇т̇а сол̣асасахассаг̇аат̇аабад̣̇абаримаан̣аа б̣уд̣̇д̇хаманд̇аа наама ахзсум̣. язсам̣ васзна ‘‘иминаа лагкан̣зна саманнааг̇ад̇аа б̣уд̣̇д̇хаа наама хонд̇и, иминаа бажжзгаб̣уд̣̇д̇хаа, аг̇г̇асаавагаа , асийд̇имахаасаавагаа (т̇зраг̇аа. адта. 2.1288), б̣уд̣̇д̇хамаад̇аа, б̣уд̣̇д̇хабид̇аа, аг̇г̇убадтааго, аг̇г̇убадтааяигаа, рааж̇аа жаггавад̇д̇ий’’д̇и аяам̣ висзсо н̃ааяад̇и. анаваяаад̇и имзсу логааяад̇амахаабурисалагкан̣зсу ануунаа барибуурагаарино, аваяаа на хонд̇ийд̇и вуд̇д̇ам̣ ход̇и. аваяаа наама яз д̇аани ад̇т̇ад̇о жа г̇ант̇ад̇о жа санд̇хаарзд̇ум̣ на саггонд̇и. вийд̇арааг̇аад̇и бахийнарааг̇аа. зд̇зна арахад̇д̇апаладтаа вуд̇д̇аа. рааг̇авинаяааяа ваа бадибаннаад̇и зд̇зна арахад̇д̇амаг̇г̇адтаа. вийд̇ад̣̇осаад̇и анааг̇аамипаладтаа. д̣̇осавинаяааяа ваа бадибаннаад̇и зд̇зна анааг̇аамимаг̇г̇адтаа. вийд̇амохаад̇и арахад̇д̇апаладтаа. мохавинаяааяа ваа бадибаннаад̇и арахад̇д̇амаг̇г̇адтаа. сийласамаад̇хибан̃н̃аавимуд̇д̇исамбаннаад̇и зд̇зхи жад̇уухи логияалогуд̇д̇арамиссагзхи сийлаад̣̇ийхи самбаннаа. вимуд̇д̇ин̃аан̣ад̣̇ассанасамбаннаад̇и зд̇зна бажжавзгкан̣ан̃аан̣асамбаннаа вуд̇д̇аад̇и н̃аад̇аб̣б̣ам̣, д̇ан̃жа ко логияамзва. абхиж̇аббанд̇ийд̇и бад̇т̇знд̇и. ж̇аббанд̇ийд̇и бажжаасийсанд̇и. баж̇аббанд̇ийд̇и ад̇ийва бажжаасийсанд̇и. яааж̇аяог̇зсу яуд̇д̇аад̇и ануяог̇з д̣̇зяяад̇хаммз д̣̇ияяамаанз абхияог̇авасзна яуд̇д̇аа.
Padaṃ tadavasesañca byākaraṇaṃ adhiyanti, vedenti vāti padakā veyyākaraṇā. Lokāyataṃ vuccati vitaṇḍavādasatthaṃ. Mahāpurisalakkhaṇanti mahāpurisānaṃ buddhādīnaṃ lakkhaṇadīpakaṃ dvādasasahassaganthappamāṇaṃ satthaṃ. Yattha soḷasasahassagāthāpadaparimāṇā buddhamantā nāma ahesuṃ. Yesaṃ vasena ‘‘iminā lakkhaṇena samannāgatā buddhā nāma honti, iminā paccekabuddhā, aggasāvakā , asītimahāsāvakā (theragā. aṭṭha. 2.1288), buddhamātā, buddhapitā, aggupaṭṭhāko, aggupaṭṭhāyikā, rājā cakkavattī’’ti ayaṃ viseso ñāyati. Anavayāti imesu lokāyatamahāpurisalakkhaṇesu anūnā paripūrakārino, avayā na hontīti vuttaṃ hoti. Avayā nāma ye tāni atthato ca ganthato ca sandhāretuṃ na sakkonti. Vītarāgāti pahīnarāgā. Etena arahattaphalaṭṭhā vuttā. Rāgavinayāya vā paṭipannāti etena arahattamaggaṭṭhā. Vītadosāti anāgāmiphalaṭṭhā. Dosavinayāya vā paṭipannāti etena anāgāmimaggaṭṭhā. Vītamohāti arahattaphalaṭṭhā. Mohavinayāya vā paṭipannāti arahattamaggaṭṭhā. Sīlasamādhipaññāvimuttisampannāti etehi catūhi lokiyalokuttaramissakehi sīlādīhi sampannā. Vimuttiñāṇadassanasampannāti etena paccavekkhaṇañāṇasampannā vuttāti ñātabbaṃ, tañca kho lokiyameva. Abhijappantīti patthenti. Jappantīti paccāsīsanti. Pajappantīti atīva paccāsīsanti. Yājayogesu yuttāti anuyoge deyyadhamme diyyamāne abhiyogavasena yuttā.
16. ат̇а го жарахийд̇и ат̇а ид̣̇аани го ан̃н̃о ад̇аари.
16.Atha ko carahīti atha idāni ko añño atāri.
17. сан̇кааяаад̇и н̃аан̣зна виймам̣сид̇ваа. баробараанийд̇и бараани жа обараани жа, барад̇д̇абхаавасагад̇д̇абхааваад̣̇ийни бараани жа обараани жаад̇и вуд̇д̇ам̣ ход̇и. вид̇хуумод̇и гааяад̣̇ужжарид̇аад̣̇ид̇хуумавирахид̇о . анийгход̇и рааг̇аад̣̇иийгхавирахид̇о. ад̇аари сод̇и со зваруубо арахаа ж̇аад̇иж̇арам̣ ад̇аари.
17.Saṅkhāyāti ñāṇena vīmaṃsitvā. Paroparānīti parāni ca oparāni ca, parattabhāvasakattabhāvādīni parāni ca oparāni cāti vuttaṃ hoti. Vidhūmoti kāyaduccaritādidhūmavirahito . Anīghoti rāgādiīghavirahito. Atāri soti so evarūpo arahā jātijaraṃ atāri.
сагаруубаад̇и ад̇д̇ано руубаа. бараруубаад̇и барзсам̣ руубаа. гааяад̣̇ужжарид̇ам̣ вид̇хуумид̇анд̇и д̇ивид̇хагааяад̣̇ужжарид̇ам̣ вид̇хуумам̣ гад̇ам̣. вид̇хамид̇анд̇и наасид̇ам̣.
Sakarūpāti attano rūpā. Pararūpāti paresaṃ rūpā. Kāyaduccaritaṃ vidhūmitanti tividhakāyaduccaritaṃ vidhūmaṃ kataṃ. Vidhamitanti nāsitaṃ.
маано хи д̇з, б̣раахман̣а, каарибхаарод̇и яат̇аа каарибхааро канд̇хзна ваяхамаано убаридтид̇оби агганд̇агганд̇адтаанам̣ бат̇авияаа сад̣̇д̇хим̣ пассзд̇и вияа, звам̣ ж̇аад̇иг̇од̇д̇агулаад̣̇ийни маанавад̇т̇ууни ниссааяа уссаабид̇о маано, д̇ад̇т̇а д̇ад̇т̇а иссам̣ уббаад̣̇знд̇о жад̇уусу абааязсу сам̣сийд̣̇аабзд̇и. д̇знааха – ‘‘маано хи д̇з, б̣раахман̣а, каарибхааро’’д̇и. год̇хо д̇хуумод̇и д̇ава н̃аан̣аг̇г̇исса убаггилзсадтзна год̇хо д̇хуумо. д̇зна хи д̇з убаггилидто н̃аан̣аг̇г̇и на вирожад̇и. бхасмани мосаваж̇ж̇анд̇и нирож̇адтзна мусааваад̣̇о чааригаа наама. яат̇аа хи чааригааяа бадижчанно аг̇г̇и на ж̇од̇ад̇и, звам̣ д̇з мусааваад̣̇зна бадижчаннам̣ н̃аан̣анд̇и д̣̇ассзд̇и. ж̇ивхаа суж̇аад̇и яат̇аа д̇уяхам̣ суван̣н̣араж̇ад̇алохагадтамад̇д̇игаасу ан̃н̃ад̇арамаяаа яааг̇аяаж̇анад̇т̇ааяа суж̇аа ход̇и, звам̣ маяхам̣ д̇хаммаяааг̇аяаж̇анад̇т̇ааяа бахуд̇аж̇ивхаа суж̇аад̇и вад̣̇ад̇и. яат̇аа д̇уяхам̣ над̣̇ийд̇ийрз яаж̇анадтаанам̣, звам̣ д̇хаммаяааг̇аяаж̇анадтаанадтзна хад̣̇аяам̣ ж̇од̇идтаанам̣. ад̇д̇аад̇и жид̇д̇ам̣.
Māno hi te, brāhmaṇa, khāribhāroti yathā khāribhāro khandhena vayhamāno upariṭṭhitopi akkantakkantaṭṭhānaṃ pathaviyā saddhiṃ phasseti viya, evaṃ jātigottakulādīni mānavatthūni nissāya ussāpito māno, tattha tattha issaṃ uppādento catūsu apāyesu saṃsīdāpeti. Tenāha – ‘‘māno hi te, brāhmaṇa, khāribhāro’’ti. Kodho dhūmoti tava ñāṇaggissa upakkilesaṭṭhena kodho dhūmo. Tena hi te upakkiliṭṭho ñāṇaggi na virocati. Bhasmani mosavajjanti nirojaṭṭhena musāvādo chārikā nāma. Yathā hi chārikāya paṭicchanno aggi na jotati, evaṃ te musāvādena paṭicchannaṃ ñāṇanti dasseti. Jivhā sujāti yathā tuyhaṃ suvaṇṇarajatalohakaṭṭhamattikāsu aññataramayā yāgayajanatthāya sujā hoti, evaṃ mayhaṃ dhammayāgayajanatthāya pahutajivhā sujāti vadati. Yathā tuyhaṃ nadītīre yajanaṭṭhānaṃ, evaṃ dhammayāgayajanaṭṭhānaṭṭhena hadayaṃ jotiṭṭhānaṃ. Attāti cittaṃ.
ж̇аад̇ийд̇и ж̇ааяанагавасзна ж̇аад̇и. ид̣̇амзд̇т̇а сабхаавабажжад̇д̇ам̣. сан̃ж̇ааяанавасзна сан̃ж̇аад̇и, убасаг̇г̇зна бад̣̇ам̣ вад̣дхид̇ам̣. оггаманавасзна огганд̇и. ж̇ааяанадтзна ваа ж̇аад̇и. саа абарибун̣н̣ааяад̇анавасзна яуд̇д̇аа. сан̃ж̇ааяанадтзна сан̃ж̇аад̇и. саа барибун̣н̣ааяад̇анавасзна яуд̇д̇аа. оггаманадтзна огганд̇и. саа ан̣д̣аж̇аж̇алааб̣уж̇авасзна яуд̇д̇аа. д̇з хи ан̣д̣агосан̃жа вад̇т̇игосан̃жа оггаманд̇и бависанд̇и оггаманд̇аа бависанд̇аа вияа бадисанд̇хим̣ г̇ан̣ханд̇и. абхиниб̣б̣ад̇д̇анадтзна абхиниб̣б̣ад̇д̇и. саа сам̣сзд̣̇аж̇аобабаад̇игавасзна яуд̇д̇аа. д̇з хи баагадаа зва худ̇ваа ниб̣б̣ад̇д̇анд̇и. аяам̣ д̇аава саммуд̇игат̇аа.
Jātīti jāyanakavasena jāti. Idamettha sabhāvapaccattaṃ. Sañjāyanavasena sañjāti, upasaggena padaṃ vaḍḍhitaṃ. Okkamanavasena okkanti. Jāyanaṭṭhena vā jāti. Sā aparipuṇṇāyatanavasena yuttā. Sañjāyanaṭṭhena sañjāti. Sā paripuṇṇāyatanavasena yuttā. Okkamanaṭṭhena okkanti. Sā aṇḍajajalābujavasena yuttā. Te hi aṇḍakosañca vatthikosañca okkamanti pavisanti okkamantā pavisantā viya paṭisandhiṃ gaṇhanti. Abhinibbattanaṭṭhena abhinibbatti. Sā saṃsedajaopapātikavasena yuttā. Te hi pākaṭā eva hutvā nibbattanti. Ayaṃ tāva sammutikathā.
ид̣̇аани барамад̇т̇агат̇аа ход̇и. канд̇хаа зва хи барамад̇т̇ад̇о баад̇убхаванд̇и, на сад̇д̇аа. д̇ад̇т̇а жа канд̇хаананд̇и згавогаарабхавз згасса, жад̇увогаарабхавз жад̇уннам̣, бан̃жавогаарабхавз бан̃жаннамби г̇ахан̣ам̣ взд̣̇ид̇аб̣б̣ам̣. баад̇убхаавод̇и уббад̇д̇и. ааяад̇анаананд̇и зд̇т̇а д̇ад̇ра д̇ад̇ра убабаж̇ж̇амаанааяад̇анаанам̣ сан̇г̇ахо взд̣̇ид̇аб̣б̣о. бадилаабход̇и санд̇ад̇ияаа баад̇убхаавоязва. баад̇убхаванд̇аанзва хи д̇аани бадилад̣̇д̇хаани наама хонд̇и. саа банзсаа д̇ад̇т̇а д̇ад̇т̇а бхавз батамаабхиниб̣б̣ад̇д̇илагкан̣аа ж̇аад̇и, нияяаад̇анарасаа, ад̇ийд̇абхавад̇о ид̇ха уммуж̇ж̇анабажжубадтаанаа, палавасзна д̣̇угкавижид̇д̇ад̇аабажжубадтаанаа ваа.
Idāni paramatthakathā hoti. Khandhā eva hi paramatthato pātubhavanti, na sattā. Tattha ca khandhānanti ekavokārabhave ekassa, catuvokārabhave catunnaṃ, pañcavokārabhave pañcannampi gahaṇaṃ veditabbaṃ. Pātubhāvoti uppatti. Āyatanānanti ettha tatra tatra upapajjamānāyatanānaṃ saṅgaho veditabbo. Paṭilābhoti santatiyā pātubhāvoyeva. Pātubhavantāneva hi tāni paṭiladdhāni nāma honti. Sā panesā tattha tattha bhave paṭhamābhinibbattilakkhaṇā jāti, niyyātanarasā, atītabhavato idha ummujjanapaccupaṭṭhānā, phalavasena dukkhavicittatāpaccupaṭṭhānā vā.
ж̇араад̇и сабхаавабажжад̇д̇ам̣. ж̇ийран̣ад̇аад̇и аагаарабхааванид̣̇д̣̇зсо. кан̣д̣ижжанд̇иаад̣̇аяо д̇аяо гаалаад̇иггамз гижжанид̣̇д̣̇зсаа, бажчимаа д̣̇вз багад̇инид̣̇д̣̇зсаа. аяан̃хи ж̇араад̇и иминаа бад̣̇зна сабхаавад̇о д̣̇ийбид̇аа. д̇знассаа ид̣̇ам̣ сабхаавабажжад̇д̇ам̣. ж̇ийран̣ад̇аад̇и иминаа аагаарад̇о, д̇знассааяам̣ аагааранид̣̇д̣̇зсо. кан̣д̣ижжанд̇и иминаа гаалаад̇иггамз д̣̇анд̇анакаанам̣ кан̣д̣ид̇абхаавагаран̣агижжад̇о. баалижжанд̇и иминаа гзсаломаанам̣ балид̇абхаавагаран̣агижжад̇о. валид̇д̇ажад̇аад̇и иминаа мам̣сам̣ милаабзд̇ваа д̇ажз валибхаавагаран̣агижжад̇о. д̇знассаа имз кан̣д̣ижжанд̇иаад̣̇аяо д̇аяо гаалаад̇иггамз гижжанид̣̇д̣̇зсаа. д̇зхи имзсам̣ вигаараанам̣ д̣̇ассанавасзна баагадийбхууд̇аа баагадаж̇араа д̣̇ассид̇аа. яат̇зва хи уд̣̇агасса ваа ваад̇асса ваа аг̇г̇ино ваа д̇ин̣аругкаад̣̇ийнам̣ сам̣бхаг̇г̇абалибхаг̇г̇ад̇ааяа ваа жхаамад̇ааяа ваа г̇ад̇амаг̇г̇о баагадо ход̇и, на жа со г̇ад̇амаг̇г̇о д̇аанзва уд̣̇агаад̣̇ийни, звамзва ж̇арааяа д̣̇анд̇аад̣̇ийнам̣ кан̣д̣ижжаад̣̇ивасзна г̇ад̇амаг̇г̇о баагадо, жагкум̣ уммийлзд̇вааби г̇аяхад̇и, на жа кан̣д̣ижжаад̣̇ийнзва ж̇араа. на хи ж̇араа жагкувин̃н̃зяяаа ход̇и.
Jarāti sabhāvapaccattaṃ. Jīraṇatāti ākārabhāvaniddeso. Khaṇḍiccantiādayo tayo kālātikkame kiccaniddesā, pacchimā dve pakatiniddesā. Ayañhi jarāti iminā padena sabhāvato dīpitā. Tenassā idaṃ sabhāvapaccattaṃ. Jīraṇatāti iminā ākārato, tenassāyaṃ ākāraniddeso. Khaṇḍiccanti iminā kālātikkame dantanakhānaṃ khaṇḍitabhāvakaraṇakiccato. Pāliccanti iminā kesalomānaṃ palitabhāvakaraṇakiccato. Valittacatāti iminā maṃsaṃ milāpetvā tace valibhāvakaraṇakiccato. Tenassā ime khaṇḍiccantiādayo tayo kālātikkame kiccaniddesā. Tehi imesaṃ vikārānaṃ dassanavasena pākaṭībhūtā pākaṭajarā dassitā. Yatheva hi udakassa vā vātassa vā aggino vā tiṇarukkhādīnaṃ saṃbhaggapalibhaggatāya vā jhāmatāya vā gatamaggo pākaṭo hoti, na ca so gatamaggo tāneva udakādīni, evameva jarāya dantādīnaṃ khaṇḍiccādivasena gatamaggo pākaṭo, cakkhuṃ ummīletvāpi gayhati, na ca khaṇḍiccādīneva jarā. Na hi jarā cakkhuviññeyyā hoti.
ааяуно сам̣хаани инд̣̇рияаанам̣ барибаагод̇и имзхи бана бад̣̇зхи гаалаад̇иггамзязва абхиб̣яад̇д̇ааяа ааяугкаяажагкаад̣̇иинд̣̇рияабарибаагасан̇каад̇ааяа багад̇ияаа д̣̇ийбид̇аа, д̇знассимз бажчимаа д̣̇вз багад̇инид̣̇д̣̇зсаад̇и взд̣̇ид̇аб̣б̣аа. д̇ад̇т̇а яасмаа ж̇арам̣ бад̇д̇асса ааяу хааяад̇и, д̇асмаа ж̇араа ‘‘ааяуно сам̣хааний’’д̇и палуубажаарзна вуд̇д̇аа. яасмаа жа д̣̇ахарагаалз суббасаннаани сукумамби ад̇д̇ано висаяам̣ сукзнзва г̇ан̣ханасамад̇т̇аани жагкаад̣̇ийни инд̣̇рияаани ж̇арам̣ бад̇д̇асса барибаггаани аалул̣ид̇аани ависад̣̇аани, ол̣ааригамби ад̇д̇ано висаяам̣ г̇ахзд̇ум̣ асамад̇т̇аани хонд̇и. д̇асмаа ‘‘инд̣̇рияаанам̣ барибааго’’д̇и палуубажаарзнзва вуд̇д̇аа.
Āyunosaṃhāni indriyānaṃ paripākoti imehi pana padehi kālātikkameyeva abhibyattāya āyukkhayacakkhādiindriyaparipākasaṅkhātāya pakatiyā dīpitā, tenassime pacchimā dve pakatiniddesāti veditabbā. Tattha yasmā jaraṃ pattassa āyu hāyati, tasmā jarā ‘‘āyuno saṃhānī’’ti phalūpacārena vuttā. Yasmā ca daharakāle suppasannāni sukhumampi attano visayaṃ sukheneva gaṇhanasamatthāni cakkhādīni indriyāni jaraṃ pattassa paripakkāni āluḷitāni avisadāni, oḷārikampi attano visayaṃ gahetuṃ asamatthāni honti. Tasmā ‘‘indriyānaṃ paripāko’’ti phalūpacāreneva vuttā.
саа банзсаа звам̣ нид̣̇д̣̇идтаа саб̣б̣ааби ж̇араа баагадаа бадижчаннаад̇и д̣̇увид̇хаа ход̇и. д̇ад̇т̇а д̣̇анд̇аад̣̇ийсу кан̣д̣аад̣̇ибхаавад̣̇ассанад̇о руубад̇хаммзсу ж̇араа баагадаж̇араа наама. аруубад̇хаммзсу бана ж̇араа д̇аад̣̇исасса вигаарасса ад̣̇ассанад̇о бадижчаннаж̇араа наама. д̇ад̇т̇а явааяам̣ кан̣д̣аад̣̇ибхааво д̣̇иссад̇и, со д̇аад̣̇исаанам̣ д̣̇анд̇аад̣̇ийнам̣ сувин̃н̃зяяад̇д̇аа ван̣н̣оязва. д̇ан̃жа жагкунаа д̣̇исваа манод̣̇ваарзна жинд̇зд̇ваа ‘‘имз д̣̇анд̇аа ж̇арааяа бахадаа’’д̇и ж̇арам̣ ж̇аанаад̇и. уд̣̇агадтаанз б̣ад̣̇д̇хаани г̇осин̇г̇аад̣̇ийни ологзд̇ваа хздтаа уд̣̇агасса ад̇т̇ибхааваж̇аананам̣ вияа.
Sā panesā evaṃ niddiṭṭhā sabbāpi jarā pākaṭā paṭicchannāti duvidhā hoti. Tattha dantādīsu khaṇḍādibhāvadassanato rūpadhammesu jarā pākaṭajarā nāma. Arūpadhammesu pana jarā tādisassa vikārassa adassanato paṭicchannajarā nāma. Tattha yvāyaṃ khaṇḍādibhāvo dissati, so tādisānaṃ dantādīnaṃ suviññeyyattā vaṇṇoyeva. Tañca cakkhunā disvā manodvārena cintetvā ‘‘ime dantā jarāya pahaṭā’’ti jaraṃ jānāti. Udakaṭṭhāne baddhāni gosiṅgādīni oloketvā heṭṭhā udakassa atthibhāvajānanaṃ viya.
буна авийжи савийжийд̇и звамби аяам̣ ж̇араа д̣̇увид̇хаа ход̇и. д̇ад̇т̇а ман̣иганагараж̇ад̇абаваал̣ажанд̣̇асуурияаад̣̇ийнам̣ манд̣̇ад̣̇асагаад̣̇ийсу баан̣ийнам̣ вияа жа бубпапалабаллаваад̣̇ийсу абаан̣ийнам̣ вияа жа анд̇аранд̇араа ван̣н̣ависзсаад̣̇ийнам̣ д̣̇уб̣б̣ин̃н̃зяяад̇д̇аа ж̇араа авийжиж̇араа наама, ниранд̇араж̇араад̇и ад̇т̇о. д̇ад̇о ан̃н̃зсу бана яат̇аавуд̇д̇зсу анд̇аранд̇араа ван̣н̣ависзсаад̣̇ийнам̣ сувин̃н̃зяяад̇д̇аа ж̇араа савийжиж̇араа наама.
Puna avīci savīcīti evampi ayaṃ jarā duvidhā hoti. Tattha maṇikanakarajatapavāḷacandasūriyādīnaṃ mandadasakādīsu pāṇīnaṃ viya ca pupphaphalapallavādīsu apāṇīnaṃ viya ca antarantarā vaṇṇavisesādīnaṃ dubbiññeyyattā jarā avīcijarā nāma, nirantarajarāti attho. Tato aññesu pana yathāvuttesu antarantarā vaṇṇavisesādīnaṃ suviññeyyattā jarā savīcijarā nāma.
д̇ад̇т̇а савийжиж̇араа убаад̣̇иннагаанубаад̣̇иннагавасзна звам̣ д̣̇ийбзд̇аб̣б̣аа – д̣̇ахарагумаарагаанан̃хи батамамзва кийрад̣̇анд̇аа наама удтаханд̇и, на д̇з т̇ираа. д̇зсу бана бад̇ид̇зсу буна д̣̇анд̇аа удтаханд̇и, д̇з батамамзва сзд̇аа хонд̇и, ж̇арааваад̇зна бана бахадагаалз гаал̣агаа хонд̇и. гзсаа бана батамамзва д̇амб̣ааби хонд̇и гаал̣агааби сзд̇агааби. чави бана салохид̇агаа ход̇и. вад̣дханд̇аанам̣ вад̣дханд̇аанам̣ од̣̇аад̇аанам̣ од̣̇аад̇абхааво, гаал̣агаанам̣ гаал̣агабхааво бан̃н̃ааяад̇и. ж̇арааваад̇зна бахадагаалз жа валим̣ г̇ан̣хаад̇и. саб̣б̣амби сассам̣ вабид̇агаалз сзд̇ам̣ ход̇и, бажчаа нийлам̣. ж̇арааваад̇зна бана бахадагаалз бан̣д̣арам̣ ход̇и. амб̣ан̇гурзнааби д̣̇ийбзд̇ум̣ ваддад̇и зва. саа банзсаа канд̇хабарибаагалагкан̣аа ж̇араа, маран̣уубанаяанарасаа, яоб̣б̣анавинаасабажжубадтаанаа. сзсам̣ саб̣б̣ад̇т̇а баагадамзва. звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси, д̣̇зсанаабарияосаанз аяамби б̣раахман̣о арахад̇д̇з бад̇идтааси сад̣̇д̇хим̣ анд̇зваасигасахассзна. ан̃н̃зсан̃жа анзгасахассаанам̣ д̇хаммажагкум̣ уд̣̇абаад̣̇и. сзсам̣ вуд̇д̇асад̣̇исамзва.
Tattha savīcijarā upādinnakaanupādinnakavasena evaṃ dīpetabbā – daharakumārakānañhi paṭhamameva khīradantā nāma uṭṭhahanti, na te thirā. Tesu pana patitesu puna dantā uṭṭhahanti, te paṭhamameva setā honti, jarāvātena pana pahaṭakāle kāḷakā honti. Kesā pana paṭhamameva tambāpi honti kāḷakāpi setakāpi. Chavi pana salohitakā hoti. Vaḍḍhantānaṃ vaḍḍhantānaṃ odātānaṃ odātabhāvo, kāḷakānaṃ kāḷakabhāvo paññāyati. Jarāvātena pahaṭakāle ca valiṃ gaṇhāti. Sabbampi sassaṃ vapitakāle setaṃ hoti, pacchā nīlaṃ. Jarāvātena pana pahaṭakāle paṇḍaraṃ hoti. Ambaṅkurenāpi dīpetuṃ vaṭṭati eva. Sā panesā khandhaparipākalakkhaṇā jarā, maraṇūpanayanarasā, yobbanavināsapaccupaṭṭhānā. Sesaṃ sabbattha pākaṭameva. Evaṃ bhagavā idampi suttaṃ arahattanikūṭeneva desesi, desanāpariyosāne ayampi brāhmaṇo arahatte patiṭṭhāsi saddhiṃ antevāsikasahassena. Aññesañca anekasahassānaṃ dhammacakkhuṃ udapādi. Sesaṃ vuttasadisameva.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
бун̣н̣агамаан̣авасуд̇д̇анид̣̇д̣̇зсаван̣н̣анаа нидтид̇аа.
Puṇṇakamāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
3. бун̣н̣агамаан̣авабужчаа • 3. Puṇṇakamāṇavapucchā
3. бун̣н̣агамаан̣авабужчаанид̣̇д̣̇зсо • 3. Puṇṇakamāṇavapucchāniddeso
