| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
3. бун̣н̣агасуд̇д̇аван̣н̣анаа
3. Puṇṇakasuttavaṇṇanā
1050. анзж̇анд̇и бун̣н̣агасуд̇д̇ам̣. имамби буриманаязнзва могхарааж̇аанам̣ бадигкибид̇ваа вуд̇д̇ам̣. д̇ад̇т̇а муулад̣̇ассаавинд̇и агусаламуулаад̣̇ид̣̇ассаавим̣. исаяод̇и исинаамагаа ж̇адилаа. яан̃н̃анд̇и д̣̇зяяад̇хаммам̣. агаббаяим̣сууд̇и бариязсанд̇и.
1050.Anejanti puṇṇakasuttaṃ. Imampi purimanayeneva mogharājānaṃ paṭikkhipitvā vuttaṃ. Tattha mūladassāvinti akusalamūlādidassāviṃ. Isayoti isināmakā jaṭilā. Yaññanti deyyadhammaṃ. Akappayiṃsūti pariyesanti.
1051. аасийсамаанаад̇и руубаад̣̇ийни бад̇т̇аяамаанаа. ид̇т̇ад̇д̇анд̇и ид̇т̇абхааван̃жа бад̇т̇аяамаанаа, мануссаад̣̇ибхаавам̣ ижчанд̇аад̇и вуд̇д̇ам̣ ход̇и. ж̇арам̣ сид̇аад̇и ж̇арам̣ ниссид̇аа. ж̇араамукзна жзд̇т̇а саб̣б̣аваддад̣̇угкам̣ вуд̇д̇ам̣. д̇зна ваддад̣̇угканиссид̇аа д̇ад̇о абаримужжамаанаа зва габбаяим̣сууд̇и д̣̇ийбзд̇и.
1051.Āsīsamānāti rūpādīni patthayamānā. Itthattanti itthabhāvañca patthayamānā, manussādibhāvaṃ icchantāti vuttaṃ hoti. Jaraṃ sitāti jaraṃ nissitā. Jarāmukhena cettha sabbavaṭṭadukkhaṃ vuttaṃ. Tena vaṭṭadukkhanissitā tato aparimuccamānā eva kappayiṃsūti dīpeti.
1052. гажжиссу д̇з бхаг̇аваа яан̃н̃абат̇з аббамад̇д̇аа, ад̇аарум̣ ж̇аад̇ин̃жа ж̇аран̃жа маарисаад̇и зд̇т̇а яан̃н̃оязва яан̃н̃абат̇о. ид̣̇ам̣ вуд̇д̇ам̣ ход̇и – гажжи д̇з яан̃н̃з аббамад̇д̇аа худ̇ваа яан̃н̃ам̣ габбаяанд̇аа ваддад̣̇угкамад̇арим̣сууд̇и.
1052.Kaccissu te bhagavā yaññapathe appamattā, atāruṃ jātiñca jarañca mārisāti ettha yaññoyeva yaññapatho. Idaṃ vuttaṃ hoti – kacci te yaññe appamattā hutvā yaññaṃ kappayantā vaṭṭadukkhamatariṃsūti.
1053. аасийсанд̇ийд̇и руубабадилаабхаад̣̇аяо бад̇т̇знд̇и. т̇омаяанд̇ийд̇и ‘‘суяидтам̣ сужи д̣̇инна’’нд̇иаад̣̇инаа наязна яан̃н̃аад̣̇ийни басам̣санд̇и. абхиж̇аббанд̇ийд̇и руубаад̣̇ибадилаабхааяа ваажам̣ бхинд̣̇анд̇и. ж̇уханд̇ийд̇и д̣̇знд̇и. гаамаабхиж̇аббанд̇и бадижжа лаабханд̇и руубаад̣̇ибадилаабхам̣ бадижжа бунаббунам̣ гаамз зва абхиж̇аббанд̇и, ‘‘ахо вад̇а амхаагам̣ сияу’’нд̇и вад̣̇анд̇и, д̇ан̣хан̃жа д̇ад̇т̇а вад̣дхзнд̇ийд̇и вуд̇д̇ам̣ ход̇и. яааж̇аяог̇аад̇и яааг̇аад̇химуд̇д̇аа. бхаварааг̇арад̇д̇аад̇и звамимзхи аасийсанаад̣̇ийхи бхаварааг̇знзва рад̇д̇аа, бхаварааг̇арад̇д̇аа ваа худ̇ваа зд̇аани аасийсанаад̣̇ийни гаронд̇аа наад̇арим̣су ж̇аад̇иаад̣̇иваддад̣̇угкам̣ на уд̇д̇арим̣сууд̇и.
1053.Āsīsantīti rūpapaṭilābhādayo patthenti. Thomayantīti ‘‘suyiṭṭhaṃ suci dinna’’ntiādinā nayena yaññādīni pasaṃsanti. Abhijappantīti rūpādipaṭilābhāya vācaṃ bhindanti. Juhantīti denti. Kāmābhijappanti paṭicca lābhanti rūpādipaṭilābhaṃ paṭicca punappunaṃ kāme eva abhijappanti, ‘‘aho vata amhākaṃ siyu’’nti vadanti, taṇhañca tattha vaḍḍhentīti vuttaṃ hoti. Yājayogāti yāgādhimuttā. Bhavarāgarattāti evamimehi āsīsanādīhi bhavarāgeneva rattā, bhavarāgarattā vā hutvā etāni āsīsanādīni karontā nātariṃsu jātiādivaṭṭadukkhaṃ na uttariṃsūti.
1054-5. ат̇агожарахийд̇и ат̇а ид̣̇аани го ан̃н̃о ад̇аарийд̇и. сан̇кааяаад̇и н̃аан̣зна виймам̣сид̇ваа. баробараанийд̇и бараани жа ораани жа, барад̇д̇абхаавасагад̇д̇абхааваад̣̇ийни бараани жа ораани жаад̇и вуд̇д̇ам̣ ход̇и. вид̇хуумод̇и гааяад̣̇ужжарид̇аад̣̇ид̇хуумавирахид̇о. анийгход̇и рааг̇аад̣̇иийгхавирахид̇о . ад̇аари сод̇и со зваруубо арахаа ж̇аад̇иж̇арам̣ ад̇аари. сзсамзд̇т̇а баагадамзва.
1054-5.Athakocarahīti atha idāni ko añño atārīti. Saṅkhāyāti ñāṇena vīmaṃsitvā. Paroparānīti parāni ca orāni ca, parattabhāvasakattabhāvādīni parāni ca orāni cāti vuttaṃ hoti. Vidhūmoti kāyaduccaritādidhūmavirahito. Anīghoti rāgādiīghavirahito . Atāri soti so evarūpo arahā jātijaraṃ atāri. Sesamettha pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз аяамби б̣раахман̣о арахад̇д̇з бад̇идтааси сад̣̇д̇хим̣ анд̇зваасисахассзна, ан̃н̃зсан̃жа анзгасад̇аанам̣ д̇хаммажагкум̣ уд̣̇абаад̣̇и. сзсам̣ вуд̇д̇асад̣̇исамзваад̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ayampi brāhmaṇo arahatte patiṭṭhāsi saddhiṃ antevāsisahassena, aññesañca anekasatānaṃ dhammacakkhuṃ udapādi. Sesaṃ vuttasadisamevāti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа бун̣н̣агасуд̇д̇аван̣н̣анаа нидтид̇аа.
Suttanipāta-aṭṭhakathāya puṇṇakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 3. бун̣н̣агамаан̣авабужчаа • 3. Puṇṇakamāṇavapucchā
