Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā

2. бун̣н̣агад̇т̇зраабад̣̇аанаван̣н̣анаа

2. Puṇṇakattheraapadānavaṇṇanā

29. д̣̇уд̇ияаабад̣̇аанз баб̣бхаарагуудам̣ ниссааяаад̇иаад̣̇игам̣ ааяасмад̇о бун̣н̣агад̇т̇зрасса абад̣̇аанам̣. д̇ад̇т̇а химаванд̇з яагкасзнаабад̇и худ̇ваа бариниб̣б̣уд̇асса бажжзгаб̣уд̣̇д̇хасса аал̣аханагаран̣амзва наанад̇д̇ам̣. сзсам̣ баатаанусаарзна сувин̃н̃зяяамзва.

29. Dutiyāpadāne pabbhārakūṭaṃ nissāyātiādikaṃ āyasmato puṇṇakattherassa apadānaṃ. Tattha himavante yakkhasenāpati hutvā parinibbutassa paccekabuddhassa āḷahanakaraṇameva nānattaṃ. Sesaṃ pāṭhānusārena suviññeyyameva.

45. д̇ад̇ияаабад̣̇аанз химаванд̇ассаавид̣̇уурзд̇иаад̣̇игам̣ ааяасмад̇о мзд̇д̇аг̇уд̇т̇зрасса абад̣̇аанам̣. д̇ад̇т̇а химаванд̇асамийбз асогабаб̣б̣ад̇з со д̇аабасо худ̇ваа бан̣н̣асаалааяам̣ васанд̇о сумзд̇хасамб̣уд̣̇д̇хам̣ д̣̇исваа бад̇д̇ам̣ г̇ахзд̇ваа саббибууран̣ам̣ висзсо. сзсам̣ бун̃н̃апалаани жа сувин̃н̃зяяаанзва. абад̣̇аанаг̇аат̇аанам̣ ад̇т̇о жа баагадоязва.

45. Tatiyāpadāne himavantassāvidūretiādikaṃ āyasmato mettaguttherassa apadānaṃ. Tattha himavantasamīpe asokapabbate so tāpaso hutvā paṇṇasālāyaṃ vasanto sumedhasambuddhaṃ disvā pattaṃ gahetvā sappipūraṇaṃ viseso. Sesaṃ puññaphalāni ca suviññeyyāneva. Apadānagāthānaṃ attho ca pākaṭoyeva.

72. жад̇уд̇т̇аабад̣̇аанз г̇ан̇г̇аа бхааг̇ийрат̇ий наамаад̇иаад̣̇игам̣ ааяасмад̇о д̇ход̇агад̇т̇зрасса абад̣̇аанам̣. д̇ад̇рааби б̣раахман̣о худ̇ваа бхааг̇ийрат̇ийг̇ан̇г̇ааяа д̇арамаанз бхигкуу д̣̇исваа басаннамаанасо сзд̇ум̣ гаараабзд̇ваа б̣уд̣̇д̇хаббамукасса бхигкусан̇гхасса нияяаад̣̇ид̇абхаавоязва висзсо. бун̃н̃апалабарид̣̇ийбанаг̇аат̇аанам̣ ад̇т̇о наяаанусаарзна сувин̃н̃зяяова.

72. Catutthāpadāne gaṅgā bhāgīrathī nāmātiādikaṃ āyasmato dhotakattherassa apadānaṃ. Tatrāpi brāhmaṇo hutvā bhāgīrathīgaṅgāya taramāne bhikkhū disvā pasannamānaso setuṃ kārāpetvā buddhappamukhassa bhikkhusaṅghassa niyyāditabhāvoyeva viseso. Puññaphalaparidīpanagāthānaṃ attho nayānusārena suviññeyyova.

100. бан̃жамаабад̣̇аанз химаванд̇ассаавид̣̇уурзд̇иаад̣̇игам̣ ааяасмад̇о убасивад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇з бад̣̇умуд̇д̇арам̣ бхаг̇аванд̇ам̣ д̣̇исваа д̇ин̣асант̇арам̣ сант̇арид̇ваа д̇ад̇т̇а нисиннасса бхаг̇авад̇о саалабубпабууж̇ам̣ агаасийд̇и аяам̣ висзсо, сзсамуд̇д̇аанамзва.

100. Pañcamāpadāne himavantassāvidūretiādikaṃ āyasmato upasivattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto gharāvāsaṃ pahāya isipabbajjaṃ pabbajitvā himavante padumuttaraṃ bhagavantaṃ disvā tiṇasantharaṃ santharitvā tattha nisinnassa bhagavato sālapupphapūjaṃ akāsīti ayaṃ viseso, sesamuttānameva.

161. чадтаабад̣̇аанз миг̇алуд̣̇д̣̇о бурз аасинд̇иаад̣̇игам̣ ааяасмад̇о нанд̣̇агад̇т̇зрасса абад̣̇аанам̣. аяам̣ гира бад̣̇умуд̇д̇арасса бхаг̇авад̇о гаалз гаравигасагун̣о худ̇ваа мад̇хурагууж̇ид̇ам̣ гаронд̇о сад̇т̇аарам̣ бад̣̇агкин̣ам̣ агааси. абарабхааг̇з маяууро худ̇ваа ан̃н̃ад̇арасса бажжзгаб̣уд̣̇д̇хасса васанаг̇ухаад̣̇ваарз басаннамаанасо д̣̇ивасасса д̇игкад̇д̇ум̣ мад̇хурзна вассид̇ам̣ васси. звам̣ д̇ад̇т̇а д̇ад̇т̇а бхавз бун̃н̃аани гад̇ваа амхаагам̣ бхаг̇авад̇о гаалз саавад̇т̇ияам̣ гулаг̇зхз ниб̣б̣ад̇д̇о нанд̣̇агод̇и лад̣̇д̇ханаамо сад̇т̇у санд̇игз д̇хаммам̣ суд̇ваа баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ баабун̣и. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о миг̇алуд̣̇д̣̇о бурз аасинд̇иаад̣̇имааха. д̇ад̇т̇а бажжзгаб̣уд̣̇д̇хасса ман̣д̣абам̣ гад̇ваа бад̣̇умабубпзхи чад̣̇анамзва висзсо.

161. Chaṭṭhāpadāne migaluddo pure āsintiādikaṃ āyasmato nandakattherassa apadānaṃ. Ayaṃ kira padumuttarassa bhagavato kāle karavikasakuṇo hutvā madhurakūjitaṃ karonto satthāraṃ padakkhiṇaṃ akāsi. Aparabhāge mayūro hutvā aññatarassa paccekabuddhassa vasanaguhādvāre pasannamānaso divasassa tikkhattuṃ madhurena vassitaṃ vassi. Evaṃ tattha tattha bhave puññāni katvā amhākaṃ bhagavato kāle sāvatthiyaṃ kulagehe nibbatto nandakoti laddhanāmo satthu santike dhammaṃ sutvā pabbajitvā vipassanaṃ vaḍḍhetvā arahattaṃ pāpuṇi. So aparabhāge attano pubbakammaṃ saritvā somanassajāto pubbacaritāpadānaṃ pakāsento migaluddo pure āsintiādimāha. Tattha paccekabuddhassa maṇḍapaṃ katvā padumapupphehi chadanameva viseso.

183. сад̇д̇амаабад̣̇аанз баб̣бхаарагуудам̣ ниссааяаад̇иаад̣̇игам̣ ааяасмад̇о хзмагад̇т̇зрасса абад̣̇аанам̣. д̇ад̇т̇ааби исибаб̣б̣аж̇ж̇ам̣ баб̣б̣аж̇ид̇ваа химаванд̇з васанд̇о бияад̣̇ассим̣ бхаг̇аванд̇ам̣ убаг̇ад̇ам̣ д̣̇исваа рад̇анамаяам̣ бийтам̣ ад̇т̇арид̇ваа адтааси. д̇ад̇т̇а нисиннасса гумбхамад̇д̇ам̣ ж̇амб̣упалам̣ аахарид̇ваа ад̣̇ааси. бхаг̇аваа д̇асса жид̇д̇аббасаад̣̇ад̇т̇ааяа д̇ам̣ палам̣ барибхун̃ж̇и. зд̇д̇агамзва висзсо.

183. Sattamāpadāne pabbhārakūṭaṃ nissāyātiādikaṃ āyasmato hemakattherassa apadānaṃ. Tatthāpi isipabbajjaṃ pabbajitvā himavante vasanto piyadassiṃ bhagavantaṃ upagataṃ disvā ratanamayaṃ pīṭhaṃ attharitvā aṭṭhāsi. Tattha nisinnassa kumbhamattaṃ jambuphalaṃ āharitvā adāsi. Bhagavā tassa cittappasādatthāya taṃ phalaṃ paribhuñji. Ettakameva viseso.

224. адтамаабад̣̇аанз рааж̇ааси виж̇аяо наамаад̇иаад̣̇игам̣ ааяасмад̇о д̇од̣̇зяяад̇т̇зрасса абад̣̇аанам̣. д̇ад̇т̇а рааж̇ааси виж̇аяо наамаад̇и д̣̇ахарагаалад̇о бадтааяа саб̣б̣асан̇г̇аамзсу ж̇инад̇о, жад̇уухи сан̇г̇ахавад̇т̇уухи ж̇анам̣ ран̃ж̇анад̇о аллийяанад̇о виж̇аяо наама рааж̇аа ахосийд̇и ад̇т̇о. гзд̇умад̇ийбуруд̇д̇амзд̇и гзд̇у вужжанд̇и д̇хаж̇абадаагаа. ат̇а ваа наг̇арасобханад̇т̇ааяа наг̇арамаж̇жхз уссаабид̇арад̇анад̇оран̣аани, д̇з гзд̇уу нижжам̣ уссаабид̇аа собхаяамаанаа ассаа ад̇т̇ийд̇и гзд̇умад̇ий. буурзд̇и д̇ханад̇хан̃н̃зхи саб̣б̣аж̇анаанам̣ мананд̇и бурам̣. гзд̇умад̇ий жа саа буран̃жа сздтадтзна уд̇д̇аман̃жзд̇и гзд̇умад̇ийбуруд̇д̇амам̣, д̇асмим̣ гзд̇умад̇ийбуруд̇д̇амз. сууро виггамасамбаннод̇и абхийд̇о вийрияасамбанно виж̇аяо наама рааж̇аа аж̇жхаавасийд̇и самб̣анд̇хо. ид̇т̇ам̣ бхууд̇ам̣ буран̃жа саб̣б̣авад̇т̇увааханан̃жа чад̣д̣зд̇ваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа васанд̇о сумзд̇хабхаг̇аванд̇ам̣ д̣̇исваа соманассам̣ уббаад̣̇зд̇ваа жанд̣̇анзна бууж̇аагаран̣амзва висзсо.

224. Aṭṭhamāpadāne rājāsi vijayo nāmātiādikaṃ āyasmato todeyyattherassa apadānaṃ. Tattha rājāsi vijayo nāmāti daharakālato paṭṭhāya sabbasaṅgāmesu jinato, catūhi saṅgahavatthūhi janaṃ rañjanato allīyanato vijayo nāma rājā ahosīti attho. Ketumatīpuruttameti ketu vuccanti dhajapaṭākā. Atha vā nagarasobhanatthāya nagaramajjhe ussāpitaratanatoraṇāni, te ketū niccaṃ ussāpitā sobhayamānā assā atthīti ketumatī. Pūreti dhanadhaññehi sabbajanānaṃ mananti puraṃ. Ketumatī ca sā purañca seṭṭhaṭṭhena uttamañceti ketumatīpuruttamaṃ, tasmiṃ ketumatīpuruttame. Sūro vikkamasampannoti abhīto vīriyasampanno vijayo nāma rājā ajjhāvasīti sambandho. Itthaṃ bhūtaṃ purañca sabbavatthuvāhanañca chaḍḍetvā himavantaṃ pavisitvā isipabbajjaṃ pabbajitvā vasanto sumedhabhagavantaṃ disvā somanassaṃ uppādetvā candanena pūjākaraṇameva viseso.

276. навамаабад̣̇аанз наг̇арз хам̣савад̇ияаад̇иаад̣̇игам̣ ааяасмад̇о ж̇ад̇уган̣н̣ид̇т̇зрасса абад̣̇аанам̣ . д̇ад̇т̇а сздтибуд̇д̇о худ̇ваа суван̣н̣абаасаад̣̇з васанабхааво жа бан̃жахи гаамаг̇ун̣зхи саман̇г̇ий худ̇ваа васанабхааво жа саб̣б̣ад̣̇зсаваасийнам̣ саб̣б̣асиббавин̃н̃уунан̃жа ааг̇анд̇ваа сзванабхааво жа висзсо.

276. Navamāpadāne nagare haṃsavatiyātiādikaṃ āyasmato jatukaṇṇittherassa apadānaṃ . Tattha seṭṭhiputto hutvā suvaṇṇapāsāde vasanabhāvo ca pañcahi kāmaguṇehi samaṅgī hutvā vasanabhāvo ca sabbadesavāsīnaṃ sabbasippaviññūnañca āgantvā sevanabhāvo ca viseso.

330. д̣̇асамаабад̣̇аанз химаванд̇ассаавид̣̇уурзд̇иаад̣̇игам̣ ааяасмад̇о уд̣̇знад̇т̇зрасса абад̣̇аанам̣. д̇ад̇т̇а химаванд̇асамийбз бад̣̇умабаб̣б̣ад̇ам̣ ниссааяа д̇аабасабаб̣б̣аж̇ж̇ам̣ баб̣б̣аж̇ид̇ваа васанд̇зна бад̣̇умуд̇д̇арасса бхаг̇авад̇о бад̣̇умабубпам̣ г̇ахзд̇ваа бууж̇ид̇абхаавова висзсо. сзсам̣ саб̣б̣ад̇т̇а уд̇д̇аанамзваад̇и.

330. Dasamāpadāne himavantassāvidūretiādikaṃ āyasmato udenattherassa apadānaṃ. Tattha himavantasamīpe padumapabbataṃ nissāya tāpasapabbajjaṃ pabbajitvā vasantena padumuttarassa bhagavato padumapupphaṃ gahetvā pūjitabhāvova viseso. Sesaṃ sabbattha uttānamevāti.

згажад̇д̇аалийсамаваг̇г̇аван̣н̣анаа самад̇д̇аа.

Ekacattālīsamavaggavaṇṇanā samattā.

Next: 42. бхад̣̇д̣̇ааливаг̇г̇о • 42. Bhaddālivaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact