| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਪੁਣ੍ਣਕਤ੍ਥੇਰਅਪਦਾਨવਣ੍ਣਨਾ
2. Puṇṇakattheraapadānavaṇṇanā
੨੯. ਦੁਤਿਯਾਪਦਾਨੇ ਪਬ੍ਭਾਰਕੂਟਂ ਨਿਸ੍ਸਾਯਾਤਿਆਦਿਕਂ ਆਯਸ੍ਮਤੋ ਪੁਣ੍ਣਕਤ੍ਥੇਰਸ੍ਸ ਅਪਦਾਨਂ। ਤਤ੍ਥ ਹਿਮવਨ੍ਤੇ ਯਕ੍ਖਸੇਨਾਪਤਿ ਹੁਤ੍વਾ ਪਰਿਨਿਬ੍ਬੁਤਸ੍ਸ ਪਚ੍ਚੇਕਬੁਦ੍ਧਸ੍ਸ ਆਲ਼ਹਨਕਰਣਮੇવ ਨਾਨਤ੍ਤਂ। ਸੇਸਂ ਪਾਠਾਨੁਸਾਰੇਨ ਸੁવਿਞ੍ਞੇਯ੍ਯਮੇવ।
29. Dutiyāpadāne pabbhārakūṭaṃ nissāyātiādikaṃ āyasmato puṇṇakattherassa apadānaṃ. Tattha himavante yakkhasenāpati hutvā parinibbutassa paccekabuddhassa āḷahanakaraṇameva nānattaṃ. Sesaṃ pāṭhānusārena suviññeyyameva.
੪੫. ਤਤਿਯਾਪਦਾਨੇ ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਮੇਤ੍ਤਗੁਤ੍ਥੇਰਸ੍ਸ ਅਪਦਾਨਂ। ਤਤ੍ਥ ਹਿਮવਨ੍ਤਸਮੀਪੇ ਅਸੋਕਪਬ੍ਬਤੇ ਸੋ ਤਾਪਸੋ ਹੁਤ੍વਾ ਪਣ੍ਣਸਾਲਾਯਂ વਸਨ੍ਤੋ ਸੁਮੇਧਸਮ੍ਬੁਦ੍ਧਂ ਦਿਸ੍વਾ ਪਤ੍ਤਂ ਗਹੇਤ੍વਾ ਸਪ੍ਪਿਪੂਰਣਂ વਿਸੇਸੋ। ਸੇਸਂ ਪੁਞ੍ਞਫਲਾਨਿ ਚ ਸੁવਿਞ੍ਞੇਯ੍ਯਾਨੇવ। ਅਪਦਾਨਗਾਥਾਨਂ ਅਤ੍ਥੋ ਚ ਪਾਕਟੋਯੇવ।
45. Tatiyāpadāne himavantassāvidūretiādikaṃ āyasmato mettaguttherassa apadānaṃ. Tattha himavantasamīpe asokapabbate so tāpaso hutvā paṇṇasālāyaṃ vasanto sumedhasambuddhaṃ disvā pattaṃ gahetvā sappipūraṇaṃ viseso. Sesaṃ puññaphalāni ca suviññeyyāneva. Apadānagāthānaṃ attho ca pākaṭoyeva.
੭੨. ਚਤੁਤ੍ਥਾਪਦਾਨੇ ਗਙ੍ਗਾ ਭਾਗੀਰਥੀ ਨਾਮਾਤਿਆਦਿਕਂ ਆਯਸ੍ਮਤੋ ਧੋਤਕਤ੍ਥੇਰਸ੍ਸ ਅਪਦਾਨਂ। ਤਤ੍ਰਾਪਿ ਬ੍ਰਾਹ੍ਮਣੋ ਹੁਤ੍વਾ ਭਾਗੀਰਥੀਗਙ੍ਗਾਯ ਤਰਮਾਨੇ ਭਿਕ੍ਖੂ ਦਿਸ੍વਾ ਪਸਨ੍ਨਮਾਨਸੋ ਸੇਤੁਂ ਕਾਰਾਪੇਤ੍વਾ ਬੁਦ੍ਧਪ੍ਪਮੁਖਸ੍ਸ ਭਿਕ੍ਖੁਸਙ੍ਘਸ੍ਸ ਨਿਯ੍ਯਾਦਿਤਭਾવੋਯੇવ વਿਸੇਸੋ। ਪੁਞ੍ਞਫਲਪਰਿਦੀਪਨਗਾਥਾਨਂ ਅਤ੍ਥੋ ਨਯਾਨੁਸਾਰੇਨ ਸੁવਿਞ੍ਞੇਯ੍ਯੋવ।
72. Catutthāpadāne gaṅgā bhāgīrathī nāmātiādikaṃ āyasmato dhotakattherassa apadānaṃ. Tatrāpi brāhmaṇo hutvā bhāgīrathīgaṅgāya taramāne bhikkhū disvā pasannamānaso setuṃ kārāpetvā buddhappamukhassa bhikkhusaṅghassa niyyāditabhāvoyeva viseso. Puññaphalaparidīpanagāthānaṃ attho nayānusārena suviññeyyova.
੧੦੦. ਪਞ੍ਚਮਾਪਦਾਨੇ ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਉਪਸਿવਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਪਹਾਯ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤੇ ਪਦੁਮੁਤ੍ਤਰਂ ਭਗવਨ੍ਤਂ ਦਿਸ੍વਾ ਤਿਣਸਨ੍ਥਰਂ ਸਨ੍ਥਰਿਤ੍વਾ ਤਤ੍ਥ ਨਿਸਿਨ੍ਨਸ੍ਸ ਭਗવਤੋ ਸਾਲਪੁਪ੍ਫਪੂਜਂ ਅਕਾਸੀਤਿ ਅਯਂ વਿਸੇਸੋ, ਸੇਸਮੁਤ੍ਤਾਨਮੇવ।
100. Pañcamāpadāne himavantassāvidūretiādikaṃ āyasmato upasivattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto gharāvāsaṃ pahāya isipabbajjaṃ pabbajitvā himavante padumuttaraṃ bhagavantaṃ disvā tiṇasantharaṃ santharitvā tattha nisinnassa bhagavato sālapupphapūjaṃ akāsīti ayaṃ viseso, sesamuttānameva.
੧੬੧. ਛਟ੍ਠਾਪਦਾਨੇ ਮਿਗਲੁਦ੍ਦੋ ਪੁਰੇ ਆਸਿਨ੍ਤਿਆਦਿਕਂ ਆਯਸ੍ਮਤੋ ਨਨ੍ਦਕਤ੍ਥੇਰਸ੍ਸ ਅਪਦਾਨਂ। ਅਯਂ ਕਿਰ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕਰવਿਕਸਕੁਣੋ ਹੁਤ੍વਾ ਮਧੁਰਕੂਜਿਤਂ ਕਰੋਨ੍ਤੋ ਸਤ੍ਥਾਰਂ ਪਦਕ੍ਖਿਣਂ ਅਕਾਸਿ। ਅਪਰਭਾਗੇ ਮਯੂਰੋ ਹੁਤ੍વਾ ਅਞ੍ਞਤਰਸ੍ਸ ਪਚ੍ਚੇਕਬੁਦ੍ਧਸ੍ਸ વਸਨਗੁਹਾਦ੍વਾਰੇ ਪਸਨ੍ਨਮਾਨਸੋ ਦਿવਸਸ੍ਸ ਤਿਕ੍ਖਤ੍ਤੁਂ ਮਧੁਰੇਨ વਸ੍ਸਿਤਂ વਸ੍ਸਿ। ਏવਂ ਤਤ੍ਥ ਤਤ੍ਥ ਭવੇ ਪੁਞ੍ਞਾਨਿ ਕਤ੍વਾ ਅਮ੍ਹਾਕਂ ਭਗવਤੋ ਕਾਲੇ ਸਾવਤ੍ਥਿਯਂ ਕੁਲਗੇਹੇ ਨਿਬ੍ਬਤ੍ਤੋ ਨਨ੍ਦਕੋਤਿ ਲਦ੍ਧਨਾਮੋ ਸਤ੍ਥੁ ਸਨ੍ਤਿਕੇ ਧਮ੍ਮਂ ਸੁਤ੍વਾ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਾਪੁਣਿ। ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਮਿਗਲੁਦ੍ਦੋ ਪੁਰੇ ਆਸਿਨ੍ਤਿਆਦਿਮਾਹ। ਤਤ੍ਥ ਪਚ੍ਚੇਕਬੁਦ੍ਧਸ੍ਸ ਮਣ੍ਡਪਂ ਕਤ੍વਾ ਪਦੁਮਪੁਪ੍ਫੇਹਿ ਛਦਨਮੇવ વਿਸੇਸੋ।
161. Chaṭṭhāpadāne migaluddo pure āsintiādikaṃ āyasmato nandakattherassa apadānaṃ. Ayaṃ kira padumuttarassa bhagavato kāle karavikasakuṇo hutvā madhurakūjitaṃ karonto satthāraṃ padakkhiṇaṃ akāsi. Aparabhāge mayūro hutvā aññatarassa paccekabuddhassa vasanaguhādvāre pasannamānaso divasassa tikkhattuṃ madhurena vassitaṃ vassi. Evaṃ tattha tattha bhave puññāni katvā amhākaṃ bhagavato kāle sāvatthiyaṃ kulagehe nibbatto nandakoti laddhanāmo satthu santike dhammaṃ sutvā pabbajitvā vipassanaṃ vaḍḍhetvā arahattaṃ pāpuṇi. So aparabhāge attano pubbakammaṃ saritvā somanassajāto pubbacaritāpadānaṃ pakāsento migaluddo pure āsintiādimāha. Tattha paccekabuddhassa maṇḍapaṃ katvā padumapupphehi chadanameva viseso.
੧੮੩. ਸਤ੍ਤਮਾਪਦਾਨੇ ਪਬ੍ਭਾਰਕੂਟਂ ਨਿਸ੍ਸਾਯਾਤਿਆਦਿਕਂ ਆਯਸ੍ਮਤੋ ਹੇਮਕਤ੍ਥੇਰਸ੍ਸ ਅਪਦਾਨਂ। ਤਤ੍ਥਾਪਿ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤੇ વਸਨ੍ਤੋ ਪਿਯਦਸ੍ਸਿਂ ਭਗવਨ੍ਤਂ ਉਪਗਤਂ ਦਿਸ੍વਾ ਰਤਨਮਯਂ ਪੀਠਂ ਅਤ੍ਥਰਿਤ੍વਾ ਅਟ੍ਠਾਸਿ। ਤਤ੍ਥ ਨਿਸਿਨ੍ਨਸ੍ਸ ਕੁਮ੍ਭਮਤ੍ਤਂ ਜਮ੍ਬੁਫਲਂ ਆਹਰਿਤ੍વਾ ਅਦਾਸਿ। ਭਗવਾ ਤਸ੍ਸ ਚਿਤ੍ਤਪ੍ਪਸਾਦਤ੍ਥਾਯ ਤਂ ਫਲਂ ਪਰਿਭੁਞ੍ਜਿ। ਏਤ੍ਤਕਮੇવ વਿਸੇਸੋ।
183. Sattamāpadāne pabbhārakūṭaṃ nissāyātiādikaṃ āyasmato hemakattherassa apadānaṃ. Tatthāpi isipabbajjaṃ pabbajitvā himavante vasanto piyadassiṃ bhagavantaṃ upagataṃ disvā ratanamayaṃ pīṭhaṃ attharitvā aṭṭhāsi. Tattha nisinnassa kumbhamattaṃ jambuphalaṃ āharitvā adāsi. Bhagavā tassa cittappasādatthāya taṃ phalaṃ paribhuñji. Ettakameva viseso.
੨੨੪. ਅਟ੍ਠਮਾਪਦਾਨੇ ਰਾਜਾਸਿ વਿਜਯੋ ਨਾਮਾਤਿਆਦਿਕਂ ਆਯਸ੍ਮਤੋ ਤੋਦੇਯ੍ਯਤ੍ਥੇਰਸ੍ਸ ਅਪਦਾਨਂ। ਤਤ੍ਥ ਰਾਜਾਸਿ વਿਜਯੋ ਨਾਮਾਤਿ ਦਹਰਕਾਲਤੋ ਪਟ੍ਠਾਯ ਸਬ੍ਬਸਙ੍ਗਾਮੇਸੁ ਜਿਨਤੋ, ਚਤੂਹਿ ਸਙ੍ਗਹવਤ੍ਥੂਹਿ ਜਨਂ ਰਞ੍ਜਨਤੋ ਅਲ੍ਲੀਯਨਤੋ વਿਜਯੋ ਨਾਮ ਰਾਜਾ ਅਹੋਸੀਤਿ ਅਤ੍ਥੋ। ਕੇਤੁਮਤੀਪੁਰੁਤ੍ਤਮੇਤਿ ਕੇਤੁ વੁਚ੍ਚਨ੍ਤਿ ਧਜਪਟਾਕਾ। ਅਥ વਾ ਨਗਰਸੋਭਨਤ੍ਥਾਯ ਨਗਰਮਜ੍ਝੇ ਉਸ੍ਸਾਪਿਤਰਤਨਤੋਰਣਾਨਿ, ਤੇ ਕੇਤੂ ਨਿਚ੍ਚਂ ਉਸ੍ਸਾਪਿਤਾ ਸੋਭਯਮਾਨਾ ਅਸ੍ਸਾ ਅਤ੍ਥੀਤਿ ਕੇਤੁਮਤੀ। ਪੂਰੇਤਿ ਧਨਧਞ੍ਞੇਹਿ ਸਬ੍ਬਜਨਾਨਂ ਮਨਨ੍ਤਿ ਪੁਰਂ। ਕੇਤੁਮਤੀ ਚ ਸਾ ਪੁਰਞ੍ਚ ਸੇਟ੍ਠਟ੍ਠੇਨ ਉਤ੍ਤਮਞ੍ਚੇਤਿ ਕੇਤੁਮਤੀਪੁਰੁਤ੍ਤਮਂ, ਤਸ੍ਮਿਂ ਕੇਤੁਮਤੀਪੁਰੁਤ੍ਤਮੇ। ਸੂਰੋ વਿਕ੍ਕਮਸਮ੍ਪਨ੍ਨੋਤਿ ਅਭੀਤੋ વੀਰਿਯਸਮ੍ਪਨ੍ਨੋ વਿਜਯੋ ਨਾਮ ਰਾਜਾ ਅਜ੍ਝਾવਸੀਤਿ ਸਮ੍ਬਨ੍ਧੋ। ਇਤ੍ਥਂ ਭੂਤਂ ਪੁਰਞ੍ਚ ਸਬ੍ਬવਤ੍ਥੁવਾਹਨਞ੍ਚ ਛਡ੍ਡੇਤ੍વਾ ਹਿਮવਨ੍ਤਂ ਪવਿਸਿਤ੍વਾ ਇਸਿਪਬ੍ਬਜ੍ਜਂ ਪਬ੍ਬਜਿਤ੍વਾ વਸਨ੍ਤੋ ਸੁਮੇਧਭਗવਨ੍ਤਂ ਦਿਸ੍વਾ ਸੋਮਨਸ੍ਸਂ ਉਪ੍ਪਾਦੇਤ੍વਾ ਚਨ੍ਦਨੇਨ ਪੂਜਾਕਰਣਮੇવ વਿਸੇਸੋ।
224. Aṭṭhamāpadāne rājāsi vijayo nāmātiādikaṃ āyasmato todeyyattherassa apadānaṃ. Tattha rājāsi vijayo nāmāti daharakālato paṭṭhāya sabbasaṅgāmesu jinato, catūhi saṅgahavatthūhi janaṃ rañjanato allīyanato vijayo nāma rājā ahosīti attho. Ketumatīpuruttameti ketu vuccanti dhajapaṭākā. Atha vā nagarasobhanatthāya nagaramajjhe ussāpitaratanatoraṇāni, te ketū niccaṃ ussāpitā sobhayamānā assā atthīti ketumatī. Pūreti dhanadhaññehi sabbajanānaṃ mananti puraṃ. Ketumatī ca sā purañca seṭṭhaṭṭhena uttamañceti ketumatīpuruttamaṃ, tasmiṃ ketumatīpuruttame. Sūro vikkamasampannoti abhīto vīriyasampanno vijayo nāma rājā ajjhāvasīti sambandho. Itthaṃ bhūtaṃ purañca sabbavatthuvāhanañca chaḍḍetvā himavantaṃ pavisitvā isipabbajjaṃ pabbajitvā vasanto sumedhabhagavantaṃ disvā somanassaṃ uppādetvā candanena pūjākaraṇameva viseso.
੨੭੬. ਨવਮਾਪਦਾਨੇ ਨਗਰੇ ਹਂਸવਤਿਯਾਤਿਆਦਿਕਂ ਆਯਸ੍ਮਤੋ ਜਤੁਕਣ੍ਣਿਤ੍ਥੇਰਸ੍ਸ ਅਪਦਾਨਂ । ਤਤ੍ਥ ਸੇਟ੍ਠਿਪੁਤ੍ਤੋ ਹੁਤ੍વਾ ਸੁવਣ੍ਣਪਾਸਾਦੇ વਸਨਭਾવੋ ਚ ਪਞ੍ਚਹਿ ਕਾਮਗੁਣੇਹਿ ਸਮਙ੍ਗੀ ਹੁਤ੍વਾ વਸਨਭਾવੋ ਚ ਸਬ੍ਬਦੇਸવਾਸੀਨਂ ਸਬ੍ਬਸਿਪ੍ਪવਿਞ੍ਞੂਨਞ੍ਚ ਆਗਨ੍ਤ੍વਾ ਸੇવਨਭਾવੋ ਚ વਿਸੇਸੋ।
276. Navamāpadāne nagare haṃsavatiyātiādikaṃ āyasmato jatukaṇṇittherassa apadānaṃ . Tattha seṭṭhiputto hutvā suvaṇṇapāsāde vasanabhāvo ca pañcahi kāmaguṇehi samaṅgī hutvā vasanabhāvo ca sabbadesavāsīnaṃ sabbasippaviññūnañca āgantvā sevanabhāvo ca viseso.
੩੩੦. ਦਸਮਾਪਦਾਨੇ ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਉਦੇਨਤ੍ਥੇਰਸ੍ਸ ਅਪਦਾਨਂ। ਤਤ੍ਥ ਹਿਮવਨ੍ਤਸਮੀਪੇ ਪਦੁਮਪਬ੍ਬਤਂ ਨਿਸ੍ਸਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ વਸਨ੍ਤੇਨ ਪਦੁਮੁਤ੍ਤਰਸ੍ਸ ਭਗવਤੋ ਪਦੁਮਪੁਪ੍ਫਂ ਗਹੇਤ੍વਾ ਪੂਜਿਤਭਾવੋવ વਿਸੇਸੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
330. Dasamāpadāne himavantassāvidūretiādikaṃ āyasmato udenattherassa apadānaṃ. Tattha himavantasamīpe padumapabbataṃ nissāya tāpasapabbajjaṃ pabbajitvā vasantena padumuttarassa bhagavato padumapupphaṃ gahetvā pūjitabhāvova viseso. Sesaṃ sabbattha uttānamevāti.
ਏਕਚਤ੍ਤਾਲੀਸਮવਗ੍ਗવਣ੍ਣਨਾ ਸਮਤ੍ਤਾ।
Ekacattālīsamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi
੨. ਪੁਣ੍ਣਕਤ੍ਥੇਰਅਪਦਾਨਂ • 2. Puṇṇakattheraapadānaṃ
੩. ਮੇਤ੍ਤਗੁਤ੍ਥੇਰਅਪਦਾਨਂ • 3. Mettaguttheraapadānaṃ
੪. ਧੋਤਕਤ੍ਥੇਰਅਪਦਾਨਂ • 4. Dhotakattheraapadānaṃ
੫. ਉਪਸੀવਤ੍ਥੇਰਅਪਦਾਨਂ • 5. Upasīvattheraapadānaṃ
੬. ਨਨ੍ਦਕਤ੍ਥੇਰਅਪਦਾਨਂ • 6. Nandakattheraapadānaṃ
੭. ਹੇਮਕਤ੍ਥੇਰਅਪਦਾਨਂ • 7. Hemakattheraapadānaṃ
੮. ਤੋਦੇਯ੍ਯਤ੍ਥੇਰਅਪਦਾਨਂ • 8. Todeyyattheraapadānaṃ
੯. ਜਤੁਕਣ੍ਣਿਤ੍ਥੇਰਅਪਦਾਨਂ • 9. Jatukaṇṇittheraapadānaṃ
੧੦. ਉਦੇਨਤ੍ਥੇਰਅਪਦਾਨਂ • 10. Udenattheraapadānaṃ
