| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
புஞ்ஞகிரியவத்தா²தி³கதா²வண்ணனா
Puññakiriyavatthādikathāvaṇṇanā
அபசிதி ஏவ அபசிதிஸஹக³தங் புஞ்ஞகிரியாவத்து² யதா² ‘‘நந்தி³ராக³ஸஹக³தா’’தி. அபசிதி வா சேதனாஸம்பயுத்தகத⁴ம்மா காயவசீகிரியா வா, தங்ஸஹிதா சேதனா அபசிதிஸஹக³தங். ஹிதப²ரணேனாதி தே³ஸகே மெத்தாப²ரணேன, ‘‘ஏவங் மே ஹிதங் ப⁴விஸ்ஸதீ’’தி பவத்தேன ஹிதசித்தேன வா. கம்மஸ்ஸகதாஞாணங் தி³ட்டி²ஜுகம்மங். நியமலக்க²ணந்தி மஹப்ப²லதானியமஸ்ஸ லக்க²ணங். ஸீலமயே ஸங்க³ஹங் க³ச்ச²ந்தி சாரித்தவஸேன. அனவஜ்ஜவத்து²ங் பரிச்சஜந்தோ விய அப்³ப⁴னுமோத³மானோபி பரஸ்ஸ ஸம்பத்தியா மோத³தீதி அப்³ப⁴னுமோத³னா தா³னமயே ஸங்க³ஹிதா. பா⁴வெந்தோபீதி அஸமத்தபா⁴வனங் ஸந்தா⁴யாஹ. ஸமத்தா ஹி அப்பனா ஹோதீதி. அட்டே²வ கொட்டா²ஸே கத்வாதி ஏகஸ்ஸ ஸத்தஸ்ஸ ஏகஸ்மிங் க²ணே உப்பன்னமேகங் பட²மசித்தங் த³ஸ்ஸெத்வா அஞ்ஞானி தாதி³ஸானி அத³ஸ்ஸெந்தேன ஸப்³பா³னி தானி ஸரிக்க²ட்டே²ன ஏகீகதானி ஹொந்தி, ததா² ஸேஸானிபீதி ஏவங் அட்ட² கத்வா.
Apaciti eva apacitisahagataṃ puññakiriyāvatthu yathā ‘‘nandirāgasahagatā’’ti. Apaciti vā cetanāsampayuttakadhammā kāyavacīkiriyā vā, taṃsahitā cetanā apacitisahagataṃ. Hitapharaṇenāti desake mettāpharaṇena, ‘‘evaṃ me hitaṃ bhavissatī’’ti pavattena hitacittena vā. Kammassakatāñāṇaṃ diṭṭhijukammaṃ. Niyamalakkhaṇanti mahapphalatāniyamassa lakkhaṇaṃ. Sīlamaye saṅgahaṃ gacchanti cārittavasena. Anavajjavatthuṃ pariccajanto viya abbhanumodamānopi parassa sampattiyā modatīti abbhanumodanā dānamaye saṅgahitā. Bhāventopīti asamattabhāvanaṃ sandhāyāha. Samattā hi appanā hotīti. Aṭṭheva koṭṭhāse katvāti ekassa sattassa ekasmiṃ khaṇe uppannamekaṃ paṭhamacittaṃ dassetvā aññāni tādisāni adassentena sabbāni tāni sarikkhaṭṭhena ekīkatāni honti, tathā sesānipīti evaṃ aṭṭha katvā.
காமாவசரகுஸலவண்ணனா நிட்டி²தா.
Kāmāvacarakusalavaṇṇanā niṭṭhitā.
