| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. бун̃н̃агирияавад̇т̇усуд̇д̇аван̣н̣анаа
6. Puññakiriyavatthusuttavaṇṇanā
36. чадтз бун̃н̃агирияаани жа д̇аани д̇зсам̣ д̇зсам̣ аанисам̣саанам̣ вад̇т̇ууни жаад̇и бун̃н̃агирияавад̇т̇ууни. д̣̇аанаад̣̇ийнан̃хи лагкан̣з жид̇д̇ам̣ табзд̇ваа ‘‘зваруубам̣ наама амхзхи д̣̇аанам̣ д̣̇аад̇аб̣б̣ам̣, сийлам̣ рагкид̇аб̣б̣ам̣, бхааванаа бхаавзд̇аб̣б̣аа’’д̇и сад̇д̇аа бун̃н̃аани гаронд̇и. д̣̇аанамзва д̣̇аанамаяам̣, д̣̇аанажзд̇анаасу ваа буримажзд̇анаад̇о нибпаннаа саннидтаабагажзд̇анаа д̣̇аанамаяам̣ сийлаад̣̇ийхи сийламаяаад̣̇ийни вияа. сзсад̣̇ваязсуби зсзва наяо. барид̇д̇ам̣ гад̇ам̣ ход̇ийд̇и т̇огам̣ манд̣̇ам̣ гад̇ам̣ ход̇и. наабхисамбход̇ийд̇и на нибпаж̇ж̇ад̇и. агад̇ам̣ ход̇ийд̇и бхааванааяаяог̇оязва анаарад̣̇д̇хо ход̇ийд̇и ад̇т̇о. мануссад̣̇обхаг̇яанд̇и мануссзсу самбад̇д̇ирахид̇ам̣ бан̃жавид̇хам̣ нийжагулам̣. убабаж̇ж̇ад̇ийд̇и бадисанд̇хивасзна убаг̇ажчад̇и, д̇ад̇т̇а ниб̣б̣ад̇д̇ад̇ийд̇и ад̇т̇о. мад̇д̇асо гад̇анд̇и бамаан̣зна гад̇ам̣, т̇огам̣ на б̣аху. мануссасобхаг̇яанд̇и мануссзсу субхаг̇абхаавам̣ д̇ивид̇хагуласамбад̇д̇им̣. ад̇химад̇д̇анд̇и ад̇хигаббамаан̣ам̣ б̣алавам̣ ваа. ад̇хиг̇ан̣ханд̇ийд̇и абхибхавид̇ваа г̇ан̣ханд̇и, висидтад̇араа ж̇здтагаа хонд̇ийд̇и ад̇т̇о.
36. Chaṭṭhe puññakiriyāni ca tāni tesaṃ tesaṃ ānisaṃsānaṃ vatthūni cāti puññakiriyavatthūni. Dānādīnañhi lakkhaṇe cittaṃ ṭhapetvā ‘‘evarūpaṃ nāma amhehi dānaṃ dātabbaṃ, sīlaṃ rakkhitabbaṃ, bhāvanā bhāvetabbā’’ti sattā puññāni karonti. Dānameva dānamayaṃ, dānacetanāsu vā purimacetanāto nipphannā sanniṭṭhāpakacetanā dānamayaṃ sīlādīhi sīlamayādīni viya. Sesadvayesupi eseva nayo. Parittaṃ kataṃ hotīti thokaṃ mandaṃ kataṃ hoti. Nābhisambhotīti na nipphajjati. Akataṃ hotīti bhāvanāyayogoyeva anāraddho hotīti attho. Manussadobhagyanti manussesu sampattirahitaṃ pañcavidhaṃ nīcakulaṃ. Upapajjatīti paṭisandhivasena upagacchati, tattha nibbattatīti attho. Mattaso katanti pamāṇena kataṃ, thokaṃ na bahu. Manussasobhagyanti manussesu subhagabhāvaṃ tividhakulasampattiṃ. Adhimattanti adhikappamāṇaṃ balavaṃ vā. Adhigaṇhantīti abhibhavitvā gaṇhanti, visiṭṭhatarā jeṭṭhakā hontīti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. бун̃н̃агирияавад̇т̇усуд̇д̇ам̣ • 6. Puññakiriyavatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. бун̃н̃агирияавад̇т̇усуд̇д̇аван̣н̣анаа • 6. Puññakiriyavatthusuttavaṇṇanā
