| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. бун̃н̃агирияавад̇т̇усуд̇д̇аван̣н̣анаа
6. Puññakiriyavatthusuttavaṇṇanā
36. чадтз буж̇ж̇абхавапалам̣ ниб̣б̣ад̇д̇знд̇и, ад̇д̇ано санд̇аанам̣ бунанд̇ийд̇и ваа бун̃н̃аани жа д̇аани хзд̇убажжаязхи гад̇д̇аб̣б̣ад̇о гирияаа жаад̇и бун̃н̃агирияаа, д̇ааязва жа д̇зсам̣ д̇зсам̣ бияаманаабад̇аад̣̇иаанисам̣саанам̣ вад̇т̇убхаавад̇о бун̃н̃агирияавад̇т̇ууни.
36. Chaṭṭhe pujjabhavaphalaṃ nibbattenti, attano santānaṃ punantīti vā puññāni ca tāni hetupaccayehi kattabbato kiriyā cāti puññakiriyā, tāyeva ca tesaṃ tesaṃ piyamanāpatādiānisaṃsānaṃ vatthubhāvato puññakiriyavatthūni.
анужчиннабхавамууласса ануг̇г̇ахавасзна, бууж̇аавасзна ваа ад̇д̇ано д̣̇зяяад̇хаммасса барасса барижжааг̇ажзд̇анаа д̣̇ийяад̇и зд̇знаад̇и д̣̇аанам̣, д̣̇аанамзва д̣̇аанамаяам̣. бад̣̇абууран̣амад̇д̇ам̣ маяа-сад̣̇д̣̇о. жийвараад̣̇ийсу жад̇уусу бажжаязсу (д̣̇ий. ни. адта. 3.305), аннаад̣̇ийсу ваа д̣̇асасу д̣̇аанавад̇т̇уусу, руубаад̣̇ийсу ваа часу аарамман̣зсу д̇ам̣ д̇ам̣ д̣̇знд̇асса д̇зсам̣ уббаад̣̇анад̇о бадтааяа буб̣б̣абхааг̇з барижжааг̇агаалз бажчаа соманассажид̇д̇зна ануссаран̣з жаад̇и д̇ийсу гаалзсу бавад̇д̇ажзд̇анаа д̣̇аанамаяам̣ бун̃н̃агирияавад̇т̇у наама.
Anucchinnabhavamūlassa anuggahavasena, pūjāvasena vā attano deyyadhammassa parassa pariccāgacetanā dīyati etenāti dānaṃ, dānameva dānamayaṃ. Padapūraṇamattaṃ maya-saddo. Cīvarādīsu catūsu paccayesu (dī. ni. aṭṭha. 3.305), annādīsu vā dasasu dānavatthūsu, rūpādīsu vā chasu ārammaṇesu taṃ taṃ dentassa tesaṃ uppādanato paṭṭhāya pubbabhāge pariccāgakāle pacchā somanassacittena anussaraṇe cāti tīsu kālesu pavattacetanā dānamayaṃ puññakiriyavatthu nāma.
нижжасийлаубосат̇асийлаад̣̇ивасзна бан̃жа адта д̣̇аса ваа сийлаани самаад̣̇ияанд̇асса ‘‘сийлабууран̣ад̇т̇ам̣ баб̣б̣аж̇иссаамий’’д̇и вихаарам̣ г̇ажчанд̇асса баб̣б̣аж̇анд̇асса, манорат̇ам̣ мад̇т̇агам̣ баабзд̇ваа ‘‘баб̣б̣аж̇ид̇о вад̇амхи саад̇ху судтуу’’д̇и ааваж̇ж̇знд̇асса, сад̣̇д̇хааяа баад̇имогкам̣ барибуурзнд̇асса, бан̃н̃ааяа жийвараад̣̇игз бажжаяз бажжавзгканд̇асса, сад̇ияаа аабаат̇аг̇ад̇зсу руубаад̣̇ийсу жагкуд̣̇ваараад̣̇ийни сам̣варанд̇асса, вийриязна ааж̇ийвам̣ сод̇хзнд̇асса жа бавад̇д̇ажзд̇анаа сийлад̇и, сийлзд̇ийд̇и ваа сийламаяам̣ бун̃н̃агирияавад̇т̇у наама.
Niccasīlauposathasīlādivasena pañca aṭṭha dasa vā sīlāni samādiyantassa ‘‘sīlapūraṇatthaṃ pabbajissāmī’’ti vihāraṃ gacchantassa pabbajantassa, manorathaṃ matthakaṃ pāpetvā ‘‘pabbajito vatamhi sādhu suṭṭhū’’ti āvajjentassa, saddhāya pātimokkhaṃ paripūrentassa, paññāya cīvarādike paccaye paccavekkhantassa, satiyā āpāthagatesu rūpādīsu cakkhudvārādīni saṃvarantassa, vīriyena ājīvaṃ sodhentassa ca pavattacetanā sīlati, sīletīti vā sīlamayaṃ puññakiriyavatthu nāma.
бадисамбхид̣̇ааяам̣ (бади. ма. 1.48) вуд̇д̇зна вибассанаамаг̇г̇зна жагкум̣ анижжад̇о д̣̇угкад̇о анад̇д̇ад̇о вибассанд̇асса, сод̇ам̣…бз… гхаанам̣…бз… ж̇ивхам̣…бз… гааяам̣…бз… руубз…бз… д̇хаммз…бз… жагкувин̃н̃аан̣ам̣…бз… мановин̃н̃аан̣ам̣…бз… жагкусампассам̣ …бз… маносампассам̣…бз… жагкусампассаж̇ам̣ взд̣̇анам̣…бз… маносампассаж̇ам̣ взд̣̇анам̣…бз… ж̇араамаран̣ам̣ анижжад̇о д̣̇угкад̇о анад̇д̇ад̇о вибассанд̇асса яаа жзд̇анаа, яаа жа бат̇авийгасин̣аад̣̇ийсу саб̣б̣аасу адтад̇д̇им̣сааяа аарамман̣зсу бавад̇д̇аа жхаанажзд̇анаа, яаа жа анаваж̇ж̇зсу гаммааяад̇анасиббааяад̇анавиж̇ж̇аадтаанзсу барижаяаманасигаараад̣̇ивасзна бавад̇д̇аа жзд̇анаа, саб̣б̣аа саа бхаавзд̇и зд̇ааяаад̇и бхааванаамаяам̣ вуд̇д̇анаязна бун̃н̃агирияавад̇т̇у жаад̇и бхааванаамаяам̣ бун̃н̃агирияавад̇т̇у.
Paṭisambhidāyaṃ (paṭi. ma. 1.48) vuttena vipassanāmaggena cakkhuṃ aniccato dukkhato anattato vipassantassa, sotaṃ…pe… ghānaṃ…pe… jivhaṃ…pe… kāyaṃ…pe… rūpe…pe… dhamme…pe… cakkhuviññāṇaṃ…pe… manoviññāṇaṃ…pe… cakkhusamphassaṃ …pe… manosamphassaṃ…pe… cakkhusamphassajaṃ vedanaṃ…pe… manosamphassajaṃ vedanaṃ…pe… jarāmaraṇaṃ aniccato dukkhato anattato vipassantassa yā cetanā, yā ca pathavīkasiṇādīsu sabbāsu aṭṭhattiṃsāya ārammaṇesu pavattā jhānacetanā, yā ca anavajjesu kammāyatanasippāyatanavijjāṭṭhānesu paricayamanasikārādivasena pavattā cetanā, sabbā sā bhāveti etāyāti bhāvanāmayaṃ vuttanayena puññakiriyavatthu cāti bhāvanāmayaṃ puññakiriyavatthu.
згамзган̃жзд̇т̇а яат̇аарахам̣ буб̣б̣абхааг̇ад̇о бадтааяа гаронд̇асса гааяагаммам̣ ход̇и. д̇ад̣̇ад̇т̇ам̣ ваажам̣ нижчаарзнд̇асса важийгаммам̣. гааяан̇г̇ам̣ ваажан̇г̇ан̃жа ажобзд̇ваа манасаа жинд̇аяанд̇асса маногаммам̣. аннаад̣̇ийни д̣̇знд̇асса жааби ‘‘аннад̣̇аанаад̣̇ийни д̣̇змий’’д̇и ваа, д̣̇аанабаарамим̣ ааваж̇ж̇зд̇ваа ваа д̣̇аанагаалз д̣̇аанамаяам̣ бун̃н̃агирияавад̇т̇у ход̇и. яат̇аа хи гзвалам̣ ‘‘аннад̣̇аанаад̣̇ийни д̣̇змий’’д̇и д̣̇аанагаалз д̣̇аанамаяам̣ бун̃н̃агирияавад̇т̇у ход̇и, звам̣ ‘‘ид̣̇ам̣ д̣̇аанамаяам̣ саммаасамб̣од̇хияаа бажжаяо ход̇уу’’д̇и д̣̇аанабаарамим̣ ааваж̇ж̇зд̇ваа д̣̇аанагаалзби д̣̇аанасийсзнзва бавад̇д̇ид̇ад̇д̇аа. вад̇д̇асийсз тад̇ваа д̣̇ад̣̇анд̇о ‘‘зд̇ам̣ д̣̇аанам̣ наама маяхам̣ гулавам̣сахзд̇у бавзн̣ижаарид̇д̇а’’нд̇и жаарид̇д̇асийсзна ваа д̣̇знд̇о жаарид̇д̇асийлад̇д̇аа сийламаяам̣. каяад̇о ваяад̇о саммасанам̣ бадтабзд̇ваа д̣̇ад̣̇ад̇о бхааванаамаяам̣ бун̃н̃агирияавад̇т̇у ход̇и. яат̇аа хи д̣̇зяяад̇хаммабарижжааг̇авасзна вад̇д̇амаанааби д̣̇аанажзд̇анаа вад̇д̇асийсз тад̇ваа д̣̇ад̣̇ад̇о сийламаяам̣ бун̃н̃агирияавад̇т̇у ход̇и буб̣б̣аабхисан̇каарасса абарабхааг̇з жзд̇анааяа жа д̇ат̇аабавад̇д̇ад̇д̇аа.
Ekamekañcettha yathārahaṃ pubbabhāgato paṭṭhāya karontassa kāyakammaṃ hoti. Tadatthaṃ vācaṃ nicchārentassa vacīkammaṃ. Kāyaṅgaṃ vācaṅgañca acopetvā manasā cintayantassa manokammaṃ. Annādīni dentassa cāpi ‘‘annadānādīni demī’’ti vā, dānapāramiṃ āvajjetvā vā dānakāle dānamayaṃ puññakiriyavatthu hoti. Yathā hi kevalaṃ ‘‘annadānādīni demī’’ti dānakāle dānamayaṃ puññakiriyavatthu hoti, evaṃ ‘‘idaṃ dānamayaṃ sammāsambodhiyā paccayo hotū’’ti dānapāramiṃ āvajjetvā dānakālepi dānasīseneva pavattitattā. Vattasīse ṭhatvā dadanto ‘‘etaṃ dānaṃ nāma mayhaṃ kulavaṃsahetu paveṇicāritta’’nti cārittasīsena vā dento cārittasīlattā sīlamayaṃ. Khayato vayato sammasanaṃ paṭṭhapetvā dadato bhāvanāmayaṃ puññakiriyavatthu hoti. Yathā hi deyyadhammapariccāgavasena vattamānāpi dānacetanā vattasīse ṭhatvā dadato sīlamayaṃ puññakiriyavatthu hoti pubbābhisaṅkhārassa aparabhāge cetanāya ca tathāpavattattā.
бун̃н̃агирияавад̇т̇усуд̇д̇аван̣н̣анаа нидтид̇аа.
Puññakiriyavatthusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. бун̃н̃агирияавад̇т̇усуд̇д̇ам̣ • 6. Puññakiriyavatthusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. бун̃н̃агирияавад̇т̇усуд̇д̇аван̣н̣анаа • 6. Puññakiriyavatthusuttavaṇṇanā
