| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਪੁਞ੍ਞਕਿਰਿਯવਤ੍ਥੁਸੁਤ੍ਤવਣ੍ਣਨਾ
6. Puññakiriyavatthusuttavaṇṇanā
੩੬. ਛਟ੍ਠੇ ਪੁਞ੍ਞਕਿਰਿਯਾਨਿ ਚ ਤਾਨਿ ਤੇਸਂ ਤੇਸਂ ਆਨਿਸਂਸਾਨਂ વਤ੍ਥੂਨਿ ਚਾਤਿ ਪੁਞ੍ਞਕਿਰਿਯવਤ੍ਥੂਨਿ। ਦਾਨਾਦੀਨਞ੍ਹਿ ਲਕ੍ਖਣੇ ਚਿਤ੍ਤਂ ਠਪੇਤ੍વਾ ‘‘ਏવਰੂਪਂ ਨਾਮ ਅਮ੍ਹੇਹਿ ਦਾਨਂ ਦਾਤਬ੍ਬਂ, ਸੀਲਂ ਰਕ੍ਖਿਤਬ੍ਬਂ, ਭਾવਨਾ ਭਾવੇਤਬ੍ਬਾ’’ਤਿ ਸਤ੍ਤਾ ਪੁਞ੍ਞਾਨਿ ਕਰੋਨ੍ਤਿ। ਦਾਨਮੇવ ਦਾਨਮਯਂ, ਦਾਨਚੇਤਨਾਸੁ વਾ ਪੁਰਿਮਚੇਤਨਾਤੋ ਨਿਪ੍ਫਨ੍ਨਾ ਸਨ੍ਨਿਟ੍ਠਾਪਕਚੇਤਨਾ ਦਾਨਮਯਂ ਸੀਲਾਦੀਹਿ ਸੀਲਮਯਾਦੀਨਿ વਿਯ। ਸੇਸਦ੍વਯੇਸੁਪਿ ਏਸੇવ ਨਯੋ। ਪਰਿਤ੍ਤਂ ਕਤਂ ਹੋਤੀਤਿ ਥੋਕਂ ਮਨ੍ਦਂ ਕਤਂ ਹੋਤਿ। ਨਾਭਿਸਮ੍ਭੋਤੀਤਿ ਨ ਨਿਪ੍ਫਜ੍ਜਤਿ। ਅਕਤਂ ਹੋਤੀਤਿ ਭਾવਨਾਯਯੋਗੋਯੇવ ਅਨਾਰਦ੍ਧੋ ਹੋਤੀਤਿ ਅਤ੍ਥੋ। ਮਨੁਸ੍ਸਦੋਭਗ੍ਯਨ੍ਤਿ ਮਨੁਸ੍ਸੇਸੁ ਸਮ੍ਪਤ੍ਤਿਰਹਿਤਂ ਪਞ੍ਚવਿਧਂ ਨੀਚਕੁਲਂ। ਉਪਪਜ੍ਜਤੀਤਿ ਪਟਿਸਨ੍ਧਿવਸੇਨ ਉਪਗਚ੍ਛਤਿ, ਤਤ੍ਥ ਨਿਬ੍ਬਤ੍ਤਤੀਤਿ ਅਤ੍ਥੋ। ਮਤ੍ਤਸੋ ਕਤਨ੍ਤਿ ਪਮਾਣੇਨ ਕਤਂ, ਥੋਕਂ ਨ ਬਹੁ। ਮਨੁਸ੍ਸਸੋਭਗ੍ਯਨ੍ਤਿ ਮਨੁਸ੍ਸੇਸੁ ਸੁਭਗਭਾવਂ ਤਿવਿਧਕੁਲਸਮ੍ਪਤ੍ਤਿਂ। ਅਧਿਮਤ੍ਤਨ੍ਤਿ ਅਧਿਕਪ੍ਪਮਾਣਂ ਬਲવਂ વਾ। ਅਧਿਗਣ੍ਹਨ੍ਤੀਤਿ ਅਭਿਭવਿਤ੍વਾ ਗਣ੍ਹਨ੍ਤਿ, વਿਸਿਟ੍ਠਤਰਾ ਜੇਟ੍ਠਕਾ ਹੋਨ੍ਤੀਤਿ ਅਤ੍ਥੋ।
36. Chaṭṭhe puññakiriyāni ca tāni tesaṃ tesaṃ ānisaṃsānaṃ vatthūni cāti puññakiriyavatthūni. Dānādīnañhi lakkhaṇe cittaṃ ṭhapetvā ‘‘evarūpaṃ nāma amhehi dānaṃ dātabbaṃ, sīlaṃ rakkhitabbaṃ, bhāvanā bhāvetabbā’’ti sattā puññāni karonti. Dānameva dānamayaṃ, dānacetanāsu vā purimacetanāto nipphannā sanniṭṭhāpakacetanā dānamayaṃ sīlādīhi sīlamayādīni viya. Sesadvayesupi eseva nayo. Parittaṃ kataṃ hotīti thokaṃ mandaṃ kataṃ hoti. Nābhisambhotīti na nipphajjati. Akataṃ hotīti bhāvanāyayogoyeva anāraddho hotīti attho. Manussadobhagyanti manussesu sampattirahitaṃ pañcavidhaṃ nīcakulaṃ. Upapajjatīti paṭisandhivasena upagacchati, tattha nibbattatīti attho. Mattaso katanti pamāṇena kataṃ, thokaṃ na bahu. Manussasobhagyanti manussesu subhagabhāvaṃ tividhakulasampattiṃ. Adhimattanti adhikappamāṇaṃ balavaṃ vā. Adhigaṇhantīti abhibhavitvā gaṇhanti, visiṭṭhatarā jeṭṭhakā hontīti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਪੁਞ੍ਞਕਿਰਿਯવਤ੍ਥੁਸੁਤ੍ਤਂ • 6. Puññakiriyavatthusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਪੁਞ੍ਞਕਿਰਿਯવਤ੍ਥੁਸੁਤ੍ਤવਣ੍ਣਨਾ • 6. Puññakiriyavatthusuttavaṇṇanā
