| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3-5. бун̣н̣аманд̇аан̣ибуд̇д̇ад̇т̇зраабад̣̇аанаван̣н̣анаа
3-5. Puṇṇamantāṇiputtattheraapadānavaṇṇanā
аж̇жхааяаго манд̇ад̇харод̇иаад̣̇игам̣ ааяасмад̇о бун̣н̣асса манд̇аан̣ибуд̇д̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о уббад̇д̇ид̇о бурзд̇арамзва хам̣савад̇ийнаг̇арз б̣раахман̣амахаасаалагулз ниб̣б̣ад̇д̇ид̇ваа ануггамзна вин̃н̃уд̇ам̣ бад̇д̇о. абарабхааг̇з бад̣̇умуд̇д̇арз бхаг̇авад̇и уббаж̇ж̇ид̇ваа б̣од̇ханзяяаанам̣ д̇хаммам̣ д̣̇зсзнд̇з хздтаа вуд̇д̇анаязна махааж̇анзна сад̣̇д̇хим̣ вихаарам̣ г̇анд̇ваа барисабарияанд̇з нисийд̣̇ид̇ваа д̇хаммам̣ сун̣анд̇о сад̇т̇аарам̣ згам̣ бхигкум̣ д̇хаммагат̇игаанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и жинд̇зд̇ваа д̣̇зсанаавасаанз удтид̇ааяа барисааяа сад̇т̇аарам̣ убасан̇гамид̇ваа ниманд̇зд̇ваа хздтаа вуд̇д̇анаязна махаасаггаарам̣ гад̇ваа бхаг̇аванд̇ам̣ звамааха – ‘‘бханд̇з, ахам̣ иминаа ад̇хигаарзна на ан̃н̃ам̣ самбад̇д̇им̣ бад̇т̇зми, яат̇аа банзсо бхигку сад̇д̇амад̣̇ивасамад̇т̇агз д̇умхзхи д̇хаммагат̇игаанам̣ аг̇г̇адтаанз табид̇о, звам̣ ахамби анааг̇ад̇з згасса б̣уд̣̇д̇хасса саасанз д̇хаммагат̇игаанам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа анааг̇ад̇ам̣ ологзд̇ваа д̇асса бад̇т̇анааяа самиж̇жханабхаавам̣ д̣̇исваа ‘‘анааг̇ад̇з габбасад̇асахассамад̇т̇агз г̇од̇амо наама б̣уд̣̇д̇хо уббаж̇ж̇иссад̇и, д̇асса саасанз баб̣б̣аж̇ид̇ваа д̇вам̣ д̇хаммагат̇игаанам̣ аг̇г̇о бхависсасий’’д̇и б̣яаагааси.
Ajjhāyakomantadharotiādikaṃ āyasmato puṇṇassa mantāṇiputtattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato uppattito puretarameva haṃsavatīnagare brāhmaṇamahāsālakule nibbattitvā anukkamena viññutaṃ patto. Aparabhāge padumuttare bhagavati uppajjitvā bodhaneyyānaṃ dhammaṃ desente heṭṭhā vuttanayena mahājanena saddhiṃ vihāraṃ gantvā parisapariyante nisīditvā dhammaṃ suṇanto satthāraṃ ekaṃ bhikkhuṃ dhammakathikānaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti cintetvā desanāvasāne uṭṭhitāya parisāya satthāraṃ upasaṅkamitvā nimantetvā heṭṭhā vuttanayena mahāsakkāraṃ katvā bhagavantaṃ evamāha – ‘‘bhante, ahaṃ iminā adhikārena na aññaṃ sampattiṃ patthemi, yathā paneso bhikkhu sattamadivasamatthake tumhehi dhammakathikānaṃ aggaṭṭhāne ṭhapito, evaṃ ahampi anāgate ekassa buddhassa sāsane dhammakathikānaṃ aggo bhaveyya’’nti patthanaṃ akāsi. Satthā anāgataṃ oloketvā tassa patthanāya samijjhanabhāvaṃ disvā ‘‘anāgate kappasatasahassamatthake gotamo nāma buddho uppajjissati, tassa sāsane pabbajitvā tvaṃ dhammakathikānaṃ aggo bhavissasī’’ti byākāsi.
со яаавад̇ааяугам̣ галяаан̣агаммам̣ гад̇ваа д̇ад̇о жуд̇о габбасад̇асахассам̣ бун̃н̃асамбхаарам̣ самбхаранд̇о д̣̇звамануссзсу сам̣сарид̇ваа амхаагам̣ бхаг̇авад̇о гаалз габилавад̇т̇унаг̇арасса авид̣̇уурз д̣̇он̣авад̇т̇унаамагз б̣раахман̣аг̇аамз б̣раахман̣амахаасаалагулз ан̃н̃аасигон̣д̣ан̃н̃ад̇т̇зрасса бхааг̇инзяяо худ̇ваа ниб̣б̣ад̇д̇и. д̇асса бун̣н̣од̇и наамам̣ агам̣су. со сад̇т̇ари абхисамб̣од̇хим̣ бад̇ваа бавад̇д̇ид̇аварад̇хаммажаггз ануггамзна рааж̇аг̇ахам̣ убаниссааяа вихаранд̇з ан̃н̃аасигон̣д̣ан̃н̃асса санд̇игз баб̣б̣аж̇ид̇ваа лад̣̇д̇хуубасамбад̣̇о бад̇хаанамануяун̃ж̇анд̇о саб̣б̣ам̣ баб̣б̣аж̇ид̇агижжам̣ мад̇т̇агам̣ баабзд̇ваа ‘‘д̣̇асаб̣аласса санд̇игам̣ г̇амиссаамий’’д̇и маад̇улад̇т̇зрзна сад̣̇д̇хим̣ сад̇т̇у санд̇игам̣ ааг̇анд̇ваа габилавад̇т̇усааманд̇ааязва охияид̇ваа яонисо манасигаарз гаммам̣ гаронд̇о нажирассзва вибассанам̣ уссуггаабзд̇ваа арахад̇д̇ам̣ баабун̣и.
So yāvatāyukaṃ kalyāṇakammaṃ katvā tato cuto kappasatasahassaṃ puññasambhāraṃ sambharanto devamanussesu saṃsaritvā amhākaṃ bhagavato kāle kapilavatthunagarassa avidūre doṇavatthunāmake brāhmaṇagāme brāhmaṇamahāsālakule aññāsikoṇḍaññattherassa bhāgineyyo hutvā nibbatti. Tassa puṇṇoti nāmaṃ akaṃsu. So satthari abhisambodhiṃ patvā pavattitavaradhammacakke anukkamena rājagahaṃ upanissāya viharante aññāsikoṇḍaññassa santike pabbajitvā laddhūpasampado padhānamanuyuñjanto sabbaṃ pabbajitakiccaṃ matthakaṃ pāpetvā ‘‘dasabalassa santikaṃ gamissāmī’’ti mātulattherena saddhiṃ satthu santikaṃ āgantvā kapilavatthusāmantāyeva ohiyitvā yoniso manasikāre kammaṃ karonto nacirasseva vipassanaṃ ussukkāpetvā arahattaṃ pāpuṇi.
д̇асса бана бун̣н̣ад̇т̇зрасса санд̇игз баб̣б̣аж̇ид̇аа гулабуд̇д̇аа бан̃жасад̇аа ахзсум̣. т̇зро д̇з д̣̇асагат̇аавад̇т̇уухи овад̣̇и. д̇зби саб̣б̣з д̣̇асагат̇аавад̇т̇уухи овад̣̇ид̇аа д̇асса оваад̣̇з тад̇ваа арахад̇д̇ам̣ баабун̣ид̇ваа ад̇д̇ано баб̣б̣аж̇ид̇агижжам̣ мад̇т̇агаббад̇д̇ам̣ н̃ад̇ваа убаж̇жхааяам̣ убасан̇гамид̇ваа аахам̣су – ‘‘бханд̇з, маяам̣ баб̣б̣аж̇ид̇агижжасса мад̇т̇агам̣ бад̇д̇аа, д̣̇асаннан̃жа гат̇аавад̇т̇уунам̣ лаабхино, самаяо д̣̇аани но д̣̇асаб̣алам̣ бассид̇у’’нд̇и, т̇зро д̇зсам̣ важанам̣ суд̇ваа жинд̇зси – ‘‘маяхам̣ д̣̇асагат̇аавад̇т̇улаабхид̇ам̣ сад̇т̇аа ж̇аанаад̇и. ахам̣ д̇хаммам̣ д̣̇зсзнд̇о д̣̇асагат̇аавад̇т̇ууни амун̃жид̇ваава д̣̇зсзми, маяи жа г̇ажчанд̇з саб̣б̣збимз бхигкуу мам̣ бариваарзд̇ваа г̇ажчиссанд̇и, звам̣ мз г̇ан̣зна сад̣̇д̇хим̣ г̇анд̇ваа аяуд̇д̇ам̣ д̣̇асаб̣алам̣ бассид̇ум̣, имз д̇аава д̣̇асаб̣алам̣ бассид̇ум̣ г̇ажчанд̇уу’’д̇и. ат̇а д̇з звамааха – ‘‘аавусо, д̇умхз бурад̇о г̇анд̇ваа д̣̇асаб̣алам̣ бассат̇а, мама важанзна д̇ат̇ааг̇ад̇асса баад̣̇з ванд̣̇ат̇а, ахамби д̇умхаагам̣ г̇ад̇амаг̇г̇зна ааг̇ажчиссаамий’’д̇и. д̇зби т̇зраа саб̣б̣з д̣̇асаб̣аласса ж̇аад̇ибхуумирадтаваасино саб̣б̣з кийн̣аасаваа саб̣б̣з д̣̇асагат̇аавад̇т̇улаабхино убаж̇жхааяасса оваад̣̇ам̣ ажчинд̣̇ид̇ваа т̇зрам̣ ванд̣̇ид̇ваа анубуб̣б̣зна жааригам̣ жаранд̇аа садтияож̇анамаг̇г̇ам̣ ад̇иггамма рааж̇аг̇ахз взл̣уванамахаавихаарам̣ г̇анд̇ваа д̣̇асаб̣аласса баад̣̇з ванд̣̇ид̇ваа згаманд̇ам̣ нисийд̣̇им̣су. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇унд̇и бхаг̇аваа д̇зхи сад̣̇д̇хим̣ ‘‘гажжи, бхигкавз, каманийяа’’нд̇иаад̣̇инаа наязна мад̇хурабадисант̇аарам̣ гад̇ваа ‘‘гуд̇о жа д̇умхз, бхигкавз, ааг̇ад̇ад̇т̇аа’’д̇и бужчид̇ваа буна д̇зхи ‘‘ж̇аад̇ибхуумид̇о’’д̇и вуд̇д̇з ‘‘го ну ко, бхигкавз, ж̇аад̇ибхуумияам̣ ж̇аад̇ибхуумагаанам̣ бхигкуунам̣ саб̣рахмажаарийнам̣ звам̣ самбхаавид̇о ‘ад̇д̇анаа жа аббижчо аббижчагат̇ан̃жа бхигкуунам̣ гад̇д̇аа’’’д̇и (ма. ни. 1.252) д̣̇асагат̇аавад̇т̇улаабхим̣ бхигкум̣ бужчи. д̇зби ‘‘бун̣н̣о наама, бханд̇з, ааяасмаа манд̇аан̣ибуд̇д̇о’’д̇и аарожаяим̣су.
Tassa pana puṇṇattherassa santike pabbajitā kulaputtā pañcasatā ahesuṃ. Thero te dasakathāvatthūhi ovadi. Tepi sabbe dasakathāvatthūhi ovaditā tassa ovāde ṭhatvā arahattaṃ pāpuṇitvā attano pabbajitakiccaṃ matthakappattaṃ ñatvā upajjhāyaṃ upasaṅkamitvā āhaṃsu – ‘‘bhante, mayaṃ pabbajitakiccassa matthakaṃ pattā, dasannañca kathāvatthūnaṃ lābhino, samayo dāni no dasabalaṃ passitu’’nti, thero tesaṃ vacanaṃ sutvā cintesi – ‘‘mayhaṃ dasakathāvatthulābhitaṃ satthā jānāti. Ahaṃ dhammaṃ desento dasakathāvatthūni amuñcitvāva desemi, mayi ca gacchante sabbepime bhikkhū maṃ parivāretvā gacchissanti, evaṃ me gaṇena saddhiṃ gantvā ayuttaṃ dasabalaṃ passituṃ, ime tāva dasabalaṃ passituṃ gacchantū’’ti. Atha te evamāha – ‘‘āvuso, tumhe purato gantvā dasabalaṃ passatha, mama vacanena tathāgatassa pāde vandatha, ahampi tumhākaṃ gatamaggena āgacchissāmī’’ti. Tepi therā sabbe dasabalassa jātibhūmiraṭṭhavāsino sabbe khīṇāsavā sabbe dasakathāvatthulābhino upajjhāyassa ovādaṃ acchinditvā theraṃ vanditvā anupubbena cārikaṃ carantā saṭṭhiyojanamaggaṃ atikkamma rājagahe veḷuvanamahāvihāraṃ gantvā dasabalassa pāde vanditvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammoditunti bhagavā tehi saddhiṃ ‘‘kacci, bhikkhave, khamanīya’’ntiādinā nayena madhurapaṭisanthāraṃ katvā ‘‘kuto ca tumhe, bhikkhave, āgatatthā’’ti pucchitvā puna tehi ‘‘jātibhūmito’’ti vutte ‘‘ko nu kho, bhikkhave, jātibhūmiyaṃ jātibhūmakānaṃ bhikkhūnaṃ sabrahmacārīnaṃ evaṃ sambhāvito ‘attanā ca appiccho appicchakathañca bhikkhūnaṃ kattā’’’ti (ma. ni. 1.252) dasakathāvatthulābhiṃ bhikkhuṃ pucchi. Tepi ‘‘puṇṇo nāma, bhante, āyasmā mantāṇiputto’’ti ārocayiṃsu.
д̇зсам̣ гат̇ам̣ суд̇ваа ааяасмаа саарибуд̇д̇о т̇зрам̣ д̣̇ассанагаамо ахоси. ат̇а сад̇т̇аа рааж̇аг̇ахад̇о саавад̇т̇им̣ аг̇амааси. бун̣н̣ад̇т̇зроби д̣̇асаб̣аласса д̇ад̇т̇а ааг̇ад̇абхаавам̣ суд̇ваа ‘‘сад̇т̇аарам̣ бассиссаамий’’д̇и г̇анд̇ваа анд̇ог̇анд̇хагудияам̣язва д̇ат̇ааг̇ад̇ам̣ самбаабун̣и. сад̇т̇аа д̇асса д̇хаммам̣ д̣̇зсзси. т̇зро д̇хаммам̣ суд̇ваа д̣̇асаб̣алам̣ ванд̣̇ид̇ваа бадисаллаанад̇т̇ааяа анд̇хаванам̣ г̇анд̇ваа ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. саарибуд̇д̇ад̇т̇зроби д̇ассааг̇аманам̣ суд̇ваа сийсаанулогиго г̇анд̇ваа огаасам̣ саллагкзд̇ваа д̇асмим̣ ругкамуулз нисиннагам̣ убасан̇гамид̇ваа т̇зрзна сад̣̇д̇хим̣ саммод̣̇ид̇ваа д̇ам̣ висуд̣̇д̇хиггамам̣ (ма. ни. 1.257) бужчи. собисса бужчид̇абужчид̇ам̣ б̣яаагаронд̇о рат̇авинийд̇уубамааяа ад̇ивияа жид̇д̇ам̣ аараад̇хзси. д̇з ан̃н̃аман̃н̃асса субхаасид̇ам̣ саманумод̣̇им̣су.
Tesaṃ kathaṃ sutvā āyasmā sāriputto theraṃ dassanakāmo ahosi. Atha satthā rājagahato sāvatthiṃ agamāsi. Puṇṇattheropi dasabalassa tattha āgatabhāvaṃ sutvā ‘‘satthāraṃ passissāmī’’ti gantvā antogandhakuṭiyaṃyeva tathāgataṃ sampāpuṇi. Satthā tassa dhammaṃ desesi. Thero dhammaṃ sutvā dasabalaṃ vanditvā paṭisallānatthāya andhavanaṃ gantvā aññatarasmiṃ rukkhamūle divāvihāraṃ nisīdi. Sāriputtattheropi tassāgamanaṃ sutvā sīsānulokiko gantvā okāsaṃ sallakkhetvā tasmiṃ rukkhamūle nisinnakaṃ upasaṅkamitvā therena saddhiṃ sammoditvā taṃ visuddhikkamaṃ (ma. ni. 1.257) pucchi. Sopissa pucchitapucchitaṃ byākaronto rathavinītūpamāya ativiya cittaṃ ārādhesi. Te aññamaññassa subhāsitaṃ samanumodiṃsu.
434. ат̇а нам̣ сад̇т̇аа абарабхааг̇з бхигкусан̇гхасса маж̇жхз нисинно т̇зрам̣ ‘‘зд̇ад̣̇аг̇г̇ам̣, бхигкавз , мама саавагаанам̣ бхигкуунам̣ д̇хаммагат̇игаанам̣ яад̣̇ид̣̇ам̣ бун̣н̣о’’д̇и (а. ни. 1.188, 196) зд̇ад̣̇аг̇г̇з табзси. со буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ вибхаавзнд̇о аж̇жхааяагод̇иаад̣̇имааха. д̇ад̇т̇а аж̇жхааяагод̇и анзгаб̣раахман̣аанам̣ ваажзд̇аа сигкаабзд̇аа. манд̇ад̇харод̇и манд̇аанам̣ д̇хаарзд̇аад̇и ад̇т̇о, взд̣̇асан̇каад̇асса жад̇уд̇т̇авзд̣̇асса саж̇жхааяанасаванад̣̇аанаанам̣ васзна д̇хаарзд̇аад̇и вуд̇д̇ам̣ ход̇и. д̇ин̣н̣ам̣ взд̣̇аананд̇и ирувзд̣̇аяаж̇увзд̣̇асаамавзд̣̇асан̇каад̇аанам̣ д̇ин̣н̣ам̣ взд̣̇аанам̣ н̃аан̣зна д̇хаарзд̇аб̣б̣ад̇аа ‘‘взд̣̇о’’д̇и лад̣̇д̇ханаамзсу д̇ийсу взд̣̇аг̇ант̇зсу баарам̣ барияосаанам̣ г̇ад̇од̇и ад̇т̇о . бурагкад̇омхи сиссзхийд̇и мама нижжабариваарабхууд̇зхи сиссзхи баривуд̇о ахам̣ амхи. убаг̇ажчим̣ наруд̇д̇аманд̇и нараанам̣ уд̇д̇амам̣ бхаг̇аванд̇ам̣ убасан̇гамим̣, самийбам̣ г̇ад̇од̇и ад̇т̇о. сзсам̣ сувин̃н̃зяяамзва.
434. Atha naṃ satthā aparabhāge bhikkhusaṅghassa majjhe nisinno theraṃ ‘‘etadaggaṃ, bhikkhave , mama sāvakānaṃ bhikkhūnaṃ dhammakathikānaṃ yadidaṃ puṇṇo’’ti (a. ni. 1.188, 196) etadagge ṭhapesi. So pubbakammaṃ saritvā somanassavasena pubbacaritāpadānaṃ vibhāvento ajjhāyakotiādimāha. Tattha ajjhāyakoti anekabrāhmaṇānaṃ vācetā sikkhāpetā. Mantadharoti mantānaṃ dhāretāti attho, vedasaṅkhātassa catutthavedassa sajjhāyanasavanadānānaṃ vasena dhāretāti vuttaṃ hoti. Tiṇṇaṃ vedānanti iruvedayajuvedasāmavedasaṅkhātānaṃ tiṇṇaṃ vedānaṃ ñāṇena dhāretabbatā ‘‘vedo’’ti laddhanāmesu tīsu vedaganthesu pāraṃ pariyosānaṃ gatoti attho . Purakkhatomhi sissehīti mama niccaparivārabhūtehi sissehi parivuto ahaṃ amhi. Upagacchiṃ naruttamanti narānaṃ uttamaṃ bhagavantaṃ upasaṅkamiṃ, samīpaṃ gatoti attho. Sesaṃ suviññeyyameva.
438. абхид̇хамманаяан̃н̃ууханд̇и ахам̣ д̇ад̣̇аа д̇асса б̣уд̣̇д̇хасса гаалз абхид̇хамманаяаговид̣̇од̇и ад̇т̇о. гат̇аавад̇т̇увисуд̣̇д̇хияаад̇и гат̇аавад̇т̇уббагаран̣з висуд̣̇д̇хияаа чзго, аббижчасанд̇удтигат̇аад̣̇ийсу д̣̇асасу гат̇аавад̇т̇уусу ваа чзго, д̇ааяа гат̇аавад̇т̇увисуд̣̇д̇хияаа саб̣б̣зсам̣ яад̇иж̇анаанам̣ бан̣д̣ид̇аанам̣ вин̃н̃аабзд̇ваана б̣од̇хзд̇ваана анаасаво ниггилзсо вихараами ваасам̣ габбзми.
438.Abhidhammanayaññūhanti ahaṃ tadā tassa buddhassa kāle abhidhammanayakovidoti attho. Kathāvatthuvisuddhiyāti kathāvatthuppakaraṇe visuddhiyā cheko, appicchasantuṭṭhikathādīsu dasasu kathāvatthūsu vā cheko, tāya kathāvatthuvisuddhiyā sabbesaṃ yatijanānaṃ paṇḍitānaṃ viññāpetvāna bodhetvāna anāsavo nikkileso viharāmi vāsaṃ kappemi.
439. ид̇о бан̃жасад̇з габбзд̇и ид̇о бан̃жаб̣уд̣̇д̇хабадиман̣д̣ид̇ад̇о бхад̣̇д̣̇агаббад̇о бан̃жасад̇з габбз суббагаасагаа судту баагадаа жаггарад̇анаад̣̇и сад̇д̇ахи рад̇анзхи самбаннаа ж̇амб̣уд̣̇ийбаад̣̇ижад̇уд̣̇ийбамхи иссараа бад̇хаанаа жад̇уро жад̇д̇ааро жаггавад̇д̇ирааж̇аано ахзсунд̇и ад̇т̇о. сзсам̣ вуд̇д̇анаяамзваад̇и.
439.Ito pañcasate kappeti ito pañcabuddhapaṭimaṇḍitato bhaddakappato pañcasate kappe suppakāsakā suṭṭhu pākaṭā cakkaratanādi sattahi ratanehi sampannā jambudīpādicatudīpamhi issarā padhānā caturo cattāro cakkavattirājāno ahesunti attho. Sesaṃ vuttanayamevāti.
бун̣н̣аманд̇аан̣ибуд̇д̇ад̇т̇зраабад̣̇аанаван̣н̣анаа самад̇д̇аа.
Puṇṇamantāṇiputtattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3-5. бун̣н̣аманд̇аан̣ибуд̇д̇ад̇т̇зраабад̣̇аанам̣ • 3-5. Puṇṇamantāṇiputtattheraapadānaṃ
