| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. бун̣н̣амаасад̇т̇зраг̇аат̇ааван̣н̣анаа
10. Puṇṇamāsattheragāthāvaṇṇanā
вихари абзгканд̇и ааяасмад̇о бун̣н̣амаасад̇т̇зрасса г̇аат̇аа. гаа уббад̇д̇и? со гира вибассисса бхаг̇авад̇о гаалз жаггаваагаяонияам̣ ниб̣б̣ад̇д̇о бхаг̇аванд̇ам̣ г̇ажчанд̇ам̣ д̣̇исваа басаннамаанасо ад̇д̇ано мукад̇ун̣д̣агзна саалабубпам̣ г̇ахзд̇ваа бууж̇ам̣ агааси. со д̇зна бун̃н̃агаммзна д̣̇звамануссзсу сам̣саранд̇о ид̇о сад̇д̇арасз габбз адтагкад̇д̇ум̣ жаггавад̇д̇ий рааж̇аа ахоси. имасмим̣ бана габбз гассабасса бхаг̇авад̇о саасанз осаггамаанз гудумб̣ияагулз ниб̣б̣ад̇д̇ид̇ваа баб̣б̣аж̇ид̇ваа саман̣ад̇хаммам̣ гад̇ваа д̇ад̇о жуд̇о д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇инаг̇арз самид̣̇д̇хисса наама б̣раахман̣асса буд̇д̇о худ̇ваа ниб̣б̣ад̇д̇и. д̇асса ж̇аад̇ад̣̇ивасз д̇асмим̣ г̇зхз саб̣б̣аа рид̇д̇агумбхияо суван̣н̣амаасаанам̣ бун̣н̣аа ахзсум̣. д̇знасса бун̣н̣амаасод̇и наамам̣ агам̣су. со ваяаббад̇д̇о б̣раахман̣авиж̇ж̇аасу нибпад̇д̇им̣ бад̇ваа виваахагаммам̣ гад̇ваа згам̣ буд̇д̇ам̣ лабхид̇ваа убаниссаяасамбаннад̇ааяа гхарааваасам̣ ж̇иг̇ужчанд̇о бхаг̇аванд̇ам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбад̣̇о буб̣б̣агижжасамбанно жад̇усажжагаммадтаанз яуд̇д̇аббаяуд̇д̇о вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.7.13-19) –
Vihariapekkhanti āyasmato puṇṇamāsattherassa gāthā. Kā uppatti? So kira vipassissa bhagavato kāle cakkavākayoniyaṃ nibbatto bhagavantaṃ gacchantaṃ disvā pasannamānaso attano mukhatuṇḍakena sālapupphaṃ gahetvā pūjaṃ akāsi. So tena puññakammena devamanussesu saṃsaranto ito sattarase kappe aṭṭhakkhattuṃ cakkavattī rājā ahosi. Imasmiṃ pana kappe kassapassa bhagavato sāsane osakkamāne kuṭumbiyakule nibbattitvā pabbajitvā samaṇadhammaṃ katvā tato cuto devamanussesu saṃsaranto imasmiṃ buddhuppāde sāvatthinagare samiddhissa nāma brāhmaṇassa putto hutvā nibbatti. Tassa jātadivase tasmiṃ gehe sabbā rittakumbhiyo suvaṇṇamāsānaṃ puṇṇā ahesuṃ. Tenassa puṇṇamāsoti nāmaṃ akaṃsu. So vayappatto brāhmaṇavijjāsu nipphattiṃ patvā vivāhakammaṃ katvā ekaṃ puttaṃ labhitvā upanissayasampannatāya gharāvāsaṃ jigucchanto bhagavantaṃ upasaṅkamitvā dhammaṃ sutvā paṭiladdhasaddho pabbajitvā laddhūpasampado pubbakiccasampanno catusaccakammaṭṭhāne yuttappayutto vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.7.13-19) –
‘‘синд̇хуяаа над̣̇ияаа д̇ийрз, жаггавааго ахам̣ д̇ад̣̇аа;
‘‘Sindhuyā nadiyā tīre, cakkavāko ahaṃ tadā;
суд̣̇д̇хасзваалабхагкохам̣, баабзсу жа сусан̃н̃ад̇о.
Suddhasevālabhakkhohaṃ, pāpesu ca susaññato.
‘‘ад̣̇д̣̇асам̣ вираж̇ам̣ б̣уд̣̇д̇хам̣, г̇ажчанд̇ам̣ анилан̃ж̇асз;
‘‘Addasaṃ virajaṃ buddhaṃ, gacchantaṃ anilañjase;
д̇ун̣д̣зна саалам̣ баг̇г̇аяха, вибассиссаабхиробаяим̣.
Tuṇḍena sālaṃ paggayha, vipassissābhiropayiṃ.
‘‘яасса сад̣̇д̇хаа д̇ат̇ааг̇ад̇з, ажалаа суббад̇идтид̇аа;
‘‘Yassa saddhā tathāgate, acalā suppatiṭṭhitā;
д̇зна жид̇д̇аббасаад̣̇зна, д̣̇уг̇г̇ад̇им̣ со на г̇ажчад̇и.
Tena cittappasādena, duggatiṃ so na gacchati.
‘‘свааг̇ад̇ам̣ вад̇а мз ааси, б̣уд̣̇д̇хасздтасса санд̇игз;
‘‘Svāgataṃ vata me āsi, buddhaseṭṭhassa santike;
вихан̇г̇амзна санд̇зна, суб̣ийж̇ам̣ робид̇ам̣ маяаа.
Vihaṅgamena santena, subījaṃ ropitaṃ mayā.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘сужааруд̣̇ассанаа наама, адтзд̇з зганаамагаа;
‘‘Sucārudassanā nāma, aṭṭhete ekanāmakā;
габбз сад̇д̇арасз аасум̣, жаггавад̇д̇ий махаб̣б̣алаа.
Kappe sattarase āsuṃ, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇асса бураан̣ад̣̇уд̇ияигаа д̇ам̣ балобхзд̇угаамаа алан̇гад̇абадияад̇д̇аа буд̇д̇зна сад̣̇д̇хим̣ убаг̇анд̇ваа бияаалаабабхааваад̣̇игзхи бхаававиваран̣агаммам̣ наама гаад̇ум̣ аарабхи. т̇зро д̇ассаа гааран̣ам̣ д̣̇исваа ад̇д̇ано гад̇т̇ажиби алаг̇г̇абхаавам̣ багаасзнд̇о ‘‘вихари абзгка’’нд̇и г̇аат̇ам̣ абхааси.
Athassa purāṇadutiyikā taṃ palobhetukāmā alaṅkatapaṭiyattā puttena saddhiṃ upagantvā piyālāpabhāvādikehi bhāvavivaraṇakammaṃ nāma kātuṃ ārabhi. Thero tassā kāraṇaṃ disvā attano katthacipi alaggabhāvaṃ pakāsento ‘‘vihari apekkha’’nti gāthaṃ abhāsi.
10. д̇ад̇т̇а вихарийд̇и висзсад̇о хари абахари абанзси. абзгканд̇и д̇ан̣хам̣. ид̇хаад̇и имасмим̣ логз ад̇д̇абхаавз ваа. хуранд̇и абарасмим̣ анааг̇ад̇з ад̇д̇абхаавз ваа. ид̇хаад̇и ваа аж̇жхад̇д̇игзсу ааяад̇анзсу. хуранд̇и б̣аахирзсу . ваа-сад̣̇д̣̇о самужжаяад̇т̇о ‘‘абад̣̇аа ваа д̣̇вибад̣̇аа ваа’’д̇иаад̣̇ийсу (ид̇иву. 90; а. ни. 4.34; 5.32) вияа. яод̇и ад̇д̇аанамзва барам̣ вияа д̣̇ассзд̇и. взд̣̇аг̇ууд̇и взд̣̇зна г̇ад̇о маг̇г̇ан̃аан̣зна ниб̣б̣аанам̣ г̇ад̇о ад̇хиг̇ад̇о, жад̇д̇аари ваа сажжаани барин̃н̃аабахаанасажчигирияаабхааванаабхисамаяавасзна абхисамзжжа тид̇о. яад̇ад̇д̇од̇и маг̇г̇асам̣варзна сам̣яад̇асабхааво, саммаавааяаамзна ваа сам̣яад̇асабхааво. саб̣б̣зсу д̇хаммзсу ануубалид̇д̇од̇и саб̣б̣зсу аарамман̣зсу д̇хаммзсу д̇ан̣хаад̣̇идтилзбавасзна на убалид̇д̇о, д̇зна лаабхаад̣̇илогад̇хаммз самад̇иггамам̣ д̣̇ассзд̇и. логассаад̇и убаад̣̇аанагканд̇хабан̃жагасса. д̇ан̃хи луж̇ж̇анабалуж̇ж̇анадтзна лого. ж̇ан̃н̃аад̇и ж̇аанид̇ваа. уд̣̇аяаб̣б̣аяан̃жаад̇и уббаад̣̇ан̃жзва ваяан̃жа, зд̇зна яат̇аавуд̇д̇аг̇ун̣аанам̣ буб̣б̣абхааг̇абадибад̣̇ам̣ д̣̇ассзд̇и. аяам̣ банзд̇т̇а ад̇т̇о – яо сагаласса канд̇хаад̣̇илогасса самабан̃н̃аасааяа аагаарзхи уд̣̇аяаб̣б̣аяам̣ ж̇аанид̇ваа взд̣̇аг̇уу яад̇ад̇д̇о гад̇т̇ажи анубалид̇д̇о, со саб̣б̣ад̇т̇а абзгкам̣ винзяяа санд̇усид̇о д̇аад̣̇исаанам̣ виббагаараанам̣ на гин̃жи ман̃н̃ад̇и, д̇асмаа д̇вам̣ анд̇хаб̣аалз яат̇ааг̇ад̇амаг̇г̇знзва г̇ажчаад̇и. ат̇а саа ид̇т̇ий ‘‘аяам̣ саман̣о маяи буд̇д̇з жа нирабзгко, на саггаа имам̣ балобхзд̇у’’нд̇и баггаами.
10. Tattha viharīti visesato hari apahari apanesi. Apekkhanti taṇhaṃ. Idhāti imasmiṃ loke attabhāve vā. Huranti aparasmiṃ anāgate attabhāve vā. Idhāti vā ajjhattikesu āyatanesu. Huranti bāhiresu . Vā-saddo samuccayattho ‘‘apadā vā dvipadā vā’’tiādīsu (itivu. 90; a. ni. 4.34; 5.32) viya. Yoti attānameva paraṃ viya dasseti. Vedagūti vedena gato maggañāṇena nibbānaṃ gato adhigato, cattāri vā saccāni pariññāpahānasacchikiriyābhāvanābhisamayavasena abhisamecca ṭhito. Yatattoti maggasaṃvarena saṃyatasabhāvo, sammāvāyāmena vā saṃyatasabhāvo. Sabbesu dhammesu anūpalittoti sabbesu ārammaṇesu dhammesu taṇhādiṭṭhilepavasena na upalitto, tena lābhādilokadhamme samatikkamaṃ dasseti. Lokassāti upādānakkhandhapañcakassa. Tañhi lujjanapalujjanaṭṭhena loko. Jaññāti jānitvā. Udayabbayañcāti uppādañceva vayañca, etena yathāvuttaguṇānaṃ pubbabhāgapaṭipadaṃ dasseti. Ayaṃ panettha attho – yo sakalassa khandhādilokassa samapaññāsāya ākārehi udayabbayaṃ jānitvā vedagū yatatto katthaci anupalitto, so sabbattha apekkhaṃ vineyya santusito tādisānaṃ vippakārānaṃ na kiñci maññati, tasmā tvaṃ andhabāle yathāgatamaggeneva gacchāti. Atha sā itthī ‘‘ayaṃ samaṇo mayi putte ca nirapekkho, na sakkā imaṃ palobhetu’’nti pakkāmi.
бун̣н̣амаасад̇т̇зраг̇аат̇ааван̣н̣анаа нидтид̇аа.
Puṇṇamāsattheragāthāvaṇṇanā niṭṭhitā.
барамад̇т̇ад̣̇ийбанияаа т̇зраг̇аат̇аасам̣ван̣н̣анааяа
Paramatthadīpaniyā theragāthāsaṃvaṇṇanāya
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. бун̣н̣амаасад̇т̇зраг̇аат̇аа • 10. Puṇṇamāsattheragāthā
