| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. бун̣н̣амаасад̇т̇зраг̇аат̇ааван̣н̣анаа
6. Puṇṇamāsattheragāthāvaṇṇanā
бан̃жа нийваран̣з хид̇ваад̇иаад̣̇игаа ааяасмад̇о бун̣н̣амаасад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о д̇иссасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇ари аран̃н̃з вихаранд̇з бам̣сугуулажийварам̣ д̣̇умасаакааяа лаг̇г̇зд̇ваа г̇анд̇хагудим̣ бавидтз д̇ханухад̇т̇о г̇аханам̣ бавидто сад̇т̇у бам̣сугуулам̣ д̣̇исваа басаннамаанасо д̇ханум̣ нигкибид̇ваа б̣уд̣̇д̇хаг̇ун̣з ануссарид̇ваа бам̣сугуулам̣ ванд̣̇и. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ гудумб̣ияагулз ниб̣б̣ад̇д̇и. д̇асса гира ж̇аад̇ад̣̇ивасз д̇асмим̣ г̇зхз саб̣б̣абхааж̇анаани суван̣н̣арад̇анамаязхи маасзхи барибун̣н̣аанзва ахзсум̣. д̇знасса бун̣н̣амаасод̇взва наамам̣ агам̣су. со ваяаббад̇д̇о д̣̇аарабариг̇г̇ахам̣ гад̇ваа згасмим̣ буд̇д̇з уббаннз гхарааваасам̣ бахааяа баб̣б̣аж̇ид̇ваа г̇аамагааваасз васанд̇о гхадзнд̇о вааяаманд̇о чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.49.1-8) –
Pañca nīvaraṇe hitvātiādikā āyasmato puṇṇamāsattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto tissassa bhagavato kāle kulagehe nibbattitvā viññutaṃ patto ekadivasaṃ satthari araññe viharante paṃsukūlacīvaraṃ dumasākhāya laggetvā gandhakuṭiṃ paviṭṭhe dhanuhattho gahanaṃ paviṭṭho satthu paṃsukūlaṃ disvā pasannamānaso dhanuṃ nikkhipitvā buddhaguṇe anussaritvā paṃsukūlaṃ vandi. So tena puññakammena devamanussesu saṃsaranto imasmiṃ buddhuppāde sāvatthiyaṃ kuṭumbiyakule nibbatti. Tassa kira jātadivase tasmiṃ gehe sabbabhājanāni suvaṇṇaratanamayehi māsehi paripuṇṇāneva ahesuṃ. Tenassa puṇṇamāsotveva nāmaṃ akaṃsu. So vayappatto dārapariggahaṃ katvā ekasmiṃ putte uppanne gharāvāsaṃ pahāya pabbajitvā gāmakāvāse vasanto ghaṭento vāyamanto chaḷabhiñño ahosi. Tena vuttaṃ apadāne (apa. thera 2.49.1-8) –
‘‘д̇иссо наамааси бхаг̇аваа, саяамбхуу аг̇г̇абуг̇г̇ало;
‘‘Tisso nāmāsi bhagavā, sayambhū aggapuggalo;
бам̣сугуулам̣ табзд̇ваана, вихаарам̣ баависий ж̇ино.
Paṃsukūlaṃ ṭhapetvāna, vihāraṃ pāvisī jino.
‘‘винад̇ам̣ д̇ханумаад̣̇ааяа, бхагкад̇т̇ааяа жарим̣ ахам̣;
‘‘Vinataṃ dhanumādāya, bhakkhatthāya cariṃ ahaṃ;
ман̣д̣алаг̇г̇ам̣ г̇ахзд̇ваана, гаананам̣ баависим̣ ахам̣.
Maṇḍalaggaṃ gahetvāna, kānanaṃ pāvisiṃ ahaṃ.
‘‘д̇ад̇т̇ад̣̇д̣̇асам̣ бам̣сугуулам̣, д̣̇умаг̇г̇з лаг̇г̇ид̇ам̣ д̇ад̣̇аа;
‘‘Tatthaddasaṃ paṃsukūlaṃ, dumagge laggitaṃ tadā;
жаабам̣ д̇ад̇т̇зва нигкибба, сирз гад̇ваана ан̃ж̇алим̣.
Cāpaṃ tattheva nikkhippa, sire katvāna añjaliṃ.
‘‘басаннажид̇д̇о сумано, вибулааяа жа бийд̇ияаа;
‘‘Pasannacitto sumano, vipulāya ca pītiyā;
б̣уд̣̇д̇хасздтам̣ сарид̇ваана, бам̣сугуулам̣ аванд̣̇ахам̣.
Buddhaseṭṭhaṃ saritvāna, paṃsukūlaṃ avandahaṃ.
‘‘д̣̇взнавуд̇з ид̇о габбз, бам̣сугууламаванд̣̇ахам̣;
‘‘Dvenavute ito kappe, paṃsukūlamavandahaṃ;
д̣̇уг̇г̇ад̇им̣ наабхиж̇аанаами, ванд̣̇анааяа ид̣̇ам̣ палам̣.
Duggatiṃ nābhijānāmi, vandanāya idaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа саавад̇т̇им̣ убаг̇анд̇ваа сад̇т̇аарам̣ ванд̣̇ид̇ваа сусаанз васад̇и, д̇асса жа ажирааг̇ад̇ассзва сад̇о буд̇д̇о гааламагааси. д̣̇аарагамаад̇аа т̇зрасса ааг̇ад̇абхаавам̣ суд̇ваа, ‘‘маа ид̣̇ам̣ абуд̇д̇агам̣ саабад̇зяяам̣ рааж̇аано харзяяу’’нд̇и д̇ам̣ уббаб̣б̣ааж̇зд̇угаамаа махад̇аа бариваарзна т̇зрасса санд̇игам̣ г̇анд̇ваа бадисант̇аарам̣ гад̇ваа балобхзд̇ум̣ аарабхи. т̇зро ад̇д̇ано вийд̇арааг̇абхааваж̇аанаабанад̇т̇ам̣ аагаасз тад̇ваа ад̇д̇ано бадибад̇д̇игид̇д̇анамукзна д̇ассаа д̇хаммам̣ д̣̇зсзнд̇о –
Chaḷabhiñño pana hutvā sāvatthiṃ upagantvā satthāraṃ vanditvā susāne vasati, tassa ca acirāgatasseva sato putto kālamakāsi. Dārakamātā therassa āgatabhāvaṃ sutvā, ‘‘mā idaṃ aputtakaṃ sāpateyyaṃ rājāno hareyyu’’nti taṃ uppabbājetukāmā mahatā parivārena therassa santikaṃ gantvā paṭisanthāraṃ katvā palobhetuṃ ārabhi. Thero attano vītarāgabhāvajānāpanatthaṃ ākāse ṭhatvā attano paṭipattikittanamukhena tassā dhammaṃ desento –
171.
171.
‘‘бан̃жа нийваран̣з хид̇ваа, яог̇агкзмасса бад̇д̇ияаа;
‘‘Pañca nīvaraṇe hitvā, yogakkhemassa pattiyā;
д̇хаммаад̣̇аасам̣ г̇ахзд̇ваана, н̃аан̣ад̣̇ассанамад̇д̇ано.
Dhammādāsaṃ gahetvāna, ñāṇadassanamattano.
172.
172.
‘‘бажжавзгким̣ имам̣ гааяам̣, саб̣б̣ам̣ санд̇араб̣аахирам̣;
‘‘Paccavekkhiṃ imaṃ kāyaṃ, sabbaṃ santarabāhiraṃ;
аж̇жхад̇д̇ан̃жа б̣ахид̣̇д̇хаа жа, д̇ужчо гааяо ад̣̇иссат̇аа’’д̇и. –
Ajjhattañca bahiddhā ca, tuccho kāyo adissathā’’ti. –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а бан̃жа нийваран̣з хид̇ваад̇и гаамажчанд̣̇аад̣̇игз бан̃жа нийваран̣з бахааяа жхаанаад̇хиг̇амзна вид̣̇д̇хам̣сзд̇ваа. яог̇агкзмасса бад̇д̇ияаад̇и гаамаяог̇аад̣̇ийхи жад̇уухи яог̇зхи кзмасса анубад̣̇д̣̇уд̇асса ниб̣б̣аанасса ад̇хиг̇амааяа. д̇хаммаад̣̇аасанд̇и д̇хаммабхууд̇ам̣ аад̣̇аасам̣. яат̇аа хи аад̣̇аасо ологзнд̇асса руубагааяз г̇ун̣ааг̇ун̣ам̣ аад̣̇ам̣сзд̇и, звам̣ вибассанаасан̇каад̇о д̇хаммаанам̣ сааман̃н̃ависзсааваб̣од̇ханад̇о н̃аан̣ад̣̇ассанабхууд̇о д̇хаммаад̣̇аасо вибассанд̇асса вод̣̇аанасам̣гилзсад̇хаммавибхааванзна д̇аббахаанасаад̇ханзна жа висзсад̇о наамагааяз г̇ун̣ам̣ аад̣̇ам̣сзд̇и. д̇знааха –
Tattha pañca nīvaraṇe hitvāti kāmacchandādike pañca nīvaraṇe pahāya jhānādhigamena viddhaṃsetvā. Yogakkhemassa pattiyāti kāmayogādīhi catūhi yogehi khemassa anupaddutassa nibbānassa adhigamāya. Dhammādāsanti dhammabhūtaṃ ādāsaṃ. Yathā hi ādāso olokentassa rūpakāye guṇāguṇaṃ ādaṃseti, evaṃ vipassanāsaṅkhāto dhammānaṃ sāmaññavisesāvabodhanato ñāṇadassanabhūto dhammādāso vipassantassa vodānasaṃkilesadhammavibhāvanena tappahānasādhanena ca visesato nāmakāye guṇaṃ ādaṃseti. Tenāha –
‘‘д̇хаммаад̣̇аасам̣ г̇ахзд̇ваана, н̃аан̣ад̣̇ассанамад̇д̇ано;
‘‘Dhammādāsaṃ gahetvāna, ñāṇadassanamattano;
бажжавзгким̣ имам̣ гааяам̣, саб̣б̣ам̣ санд̇араб̣аахира’’нд̇и. –
Paccavekkhiṃ imaṃ kāyaṃ, sabbaṃ santarabāhira’’nti. –
имам̣ гааяам̣ д̇хаммасамуухам̣ мама ад̇д̇абхаавам̣ аж̇жхад̇д̇игаб̣аахирааяад̇анабхаавад̇о санд̇араб̣аахирам̣ саб̣б̣ам̣ анавасзсам̣ д̇хаммаад̣̇аасам̣ г̇ахзд̇ваа ‘‘анижжа’’нд̇иби ‘‘д̣̇угка’’нд̇иби ‘‘анад̇д̇аа’’д̇иби бад̇иавзгким̣ н̃аан̣ажагкунаа бассим̣. звам̣ бассад̇аа жа маяаа аж̇жхад̇д̇ан̃жа б̣ахид̣̇д̇хаа жаад̇и ад̇д̇ано санд̇аанз барасанд̇аанз жа д̇ужчо гааяо ад̣̇иссат̇а нижжасаараад̣̇ивирахид̇о д̇ужчо канд̇хабан̃жагасан̇каад̇о ад̇д̇абхаавагааяо н̃аан̣ажагкунаа яаат̇аавад̇о абассид̇т̇а. сагаламби хи канд̇хабан̃жагам̣ ‘‘авиж̇ж̇аанивуд̇асса, бхигкавз, б̣ааласса д̇ан̣хаасам̣яуд̇д̇асса звамаяам̣ гааяо самуд̣̇ааг̇ад̇о’’д̇иаад̣̇ийсу (сам̣. ни. 2.19) ‘‘гааяо’’д̇и вужжад̇и. ‘‘ад̣̇иссат̇аа’’д̇и жа иминаа яад̣̇зва гааяз д̣̇адтаб̣б̣ам̣, д̇ам̣ д̣̇идтам̣, на д̣̇аанисса гин̃жи маяаа бассид̇аб̣б̣ам̣ ад̇т̇ийд̇и гад̇агижжад̇ам̣ д̣̇ассзнд̇о ан̃н̃ам̣ б̣яаагааси. звам̣ т̇зро имаахи г̇аат̇аахи бураан̣ад̣̇уд̇ияигааяа д̇хаммам̣ д̣̇зсзд̇ваа д̇ам̣ саран̣зсу жа сийлзсу жа самбад̇идтаабзд̇ваа уяяож̇зси.
Imaṃ kāyaṃ dhammasamūhaṃ mama attabhāvaṃ ajjhattikabāhirāyatanabhāvato santarabāhiraṃ sabbaṃ anavasesaṃ dhammādāsaṃ gahetvā ‘‘anicca’’ntipi ‘‘dukkha’’ntipi ‘‘anattā’’tipi patiavekkhiṃ ñāṇacakkhunā passiṃ. Evaṃ passatā ca mayā ajjhattañca bahiddhā cāti attano santāne parasantāne ca tuccho kāyo adissatha niccasārādivirahito tuccho khandhapañcakasaṅkhāto attabhāvakāyo ñāṇacakkhunā yāthāvato apassittha. Sakalampi hi khandhapañcakaṃ ‘‘avijjānivutassa, bhikkhave, bālassa taṇhāsaṃyuttassa evamayaṃ kāyo samudāgato’’tiādīsu (saṃ. ni. 2.19) ‘‘kāyo’’ti vuccati. ‘‘Adissathā’’ti ca iminā yadeva kāye daṭṭhabbaṃ, taṃ diṭṭhaṃ, na dānissa kiñci mayā passitabbaṃ atthīti katakiccataṃ dassento aññaṃ byākāsi. Evaṃ thero imāhi gāthāhi purāṇadutiyikāya dhammaṃ desetvā taṃ saraṇesu ca sīlesu ca sampatiṭṭhāpetvā uyyojesi.
бун̣н̣амаасад̇т̇зраг̇аат̇ааван̣н̣анаа нидтид̇аа.
Puṇṇamāsattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. бун̣н̣амаасад̇т̇зраг̇аат̇аа • 6. Puṇṇamāsattheragāthā
