| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. бун̣н̣амасуд̇д̇ам̣
10. Puṇṇamasuttaṃ
82. згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з махад̇аа бхигкусан̇гхзна сад̣̇д̇хим̣. д̇зна ко бана самаязна бхаг̇аваа д̇ад̣̇ахубосат̇з баннарасз бун̣н̣ааяа бун̣н̣амааяа рад̇д̇ияаа бхигкусан̇гхабаривуд̇о аж̇жхогаасз нисинно ход̇и.
82. Ekaṃ samayaṃ bhagavā sāvatthiyaṃ viharati pubbārāme migāramātupāsāde mahatā bhikkhusaṅghena saddhiṃ. Tena kho pana samayena bhagavā tadahuposathe pannarase puṇṇāya puṇṇamāya rattiyā bhikkhusaṅghaparivuto ajjhokāse nisinno hoti.
ат̇а ко ан̃н̃ад̇аро бхигку удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘бужчзяяаахам̣, бханд̇з, бхаг̇аванд̇ам̣ гин̃жид̣̇зва 1 д̣̇зсам̣, сажз мз бхаг̇аваа огаасам̣ гарод̇и бан̃хасса взяяаагаран̣ааяаа’’д̇и? ‘‘д̇зна хи д̇вам̣, бхигку, сагз аасанз нисийд̣̇ид̇ваа бужча яад̣̇ааган̇касий’’д̇и. ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа сагз аасанз нисийд̣̇ид̇ваа бхаг̇аванд̇ам̣ зд̇ад̣̇авожа – ‘‘имз ну ко, бханд̇з, бан̃жубаад̣̇аанагканд̇хаа, сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо’’д̇и.
Atha kho aññataro bhikkhu uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘puccheyyāhaṃ, bhante, bhagavantaṃ kiñcideva 2 desaṃ, sace me bhagavā okāsaṃ karoti pañhassa veyyākaraṇāyā’’ti? ‘‘Tena hi tvaṃ, bhikkhu, sake āsane nisīditvā puccha yadākaṅkhasī’’ti. ‘‘Evaṃ, bhante’’ti kho so bhikkhu bhagavato paṭissutvā sake āsane nisīditvā bhagavantaṃ etadavoca – ‘‘ime nu kho, bhante, pañcupādānakkhandhā, seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho’’ti.
‘‘имз ко бана, бхигку, бан̃жубаад̣̇аанагканд̇хаа; сзяяат̇ид̣̇ам̣ – руубубаад̣̇аанагканд̇хо…бз… вин̃н̃аан̣убаад̣̇аанагканд̇хо’’д̇и. ‘‘саад̇ху, бханд̇з’’д̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ бан̃хам̣ абужчи –
‘‘Ime kho pana, bhikkhu, pañcupādānakkhandhā; seyyathidaṃ – rūpupādānakkhandho…pe… viññāṇupādānakkhandho’’ti. ‘‘Sādhu, bhante’’ti kho so bhikkhu bhagavato bhāsitaṃ abhinanditvā anumoditvā bhagavantaṃ uttariṃ pañhaṃ apucchi –
‘‘имз ко бана, бханд̇з, бан̃жубаад̣̇аанагканд̇хаа гим̣муулагаа’’д̇и? ‘‘имз ко, бхигку, бан̃жубаад̣̇аанагканд̇хаа чанд̣̇амуулагаа’’д̇и…бз… д̇ан̃н̃зва ну ко, бханд̇з, убаад̣̇аанам̣ д̇з бан̃жубаад̣̇аанагканд̇хаа уд̣̇ааху ан̃н̃ад̇ра бан̃жахи убаад̣̇аанагканд̇хзхи убаад̣̇аананд̇и? ‘‘на ко, бхигку, д̇ан̃н̃зва убаад̣̇аанам̣ д̇з бан̃жубаад̣̇аанагканд̇хаа нааби ан̃н̃ад̇ра бан̃жахи убаад̣̇аанагканд̇хзхи убаад̣̇аанам̣, аби жа яо д̇ад̇т̇а чанд̣̇арааг̇о д̇ам̣ д̇ад̇т̇а убаад̣̇аана’’нд̇и. ‘‘саад̇ху, бханд̇з’’д̇и ко со бхигку…бз… уд̇д̇арим̣ бан̃хам̣ абужчи –
‘‘Ime kho pana, bhante, pañcupādānakkhandhā kiṃmūlakā’’ti? ‘‘Ime kho, bhikkhu, pañcupādānakkhandhā chandamūlakā’’ti…pe… taññeva nu kho, bhante, upādānaṃ te pañcupādānakkhandhā udāhu aññatra pañcahi upādānakkhandhehi upādānanti? ‘‘Na kho, bhikkhu, taññeva upādānaṃ te pañcupādānakkhandhā nāpi aññatra pañcahi upādānakkhandhehi upādānaṃ, api ca yo tattha chandarāgo taṃ tattha upādāna’’nti. ‘‘Sādhu, bhante’’ti kho so bhikkhu…pe… uttariṃ pañhaṃ apucchi –
‘‘сияаа бана, бханд̇з, бан̃жубаад̣̇аанагканд̇хзсу чанд̣̇арааг̇авзмад̇д̇ад̇аа’’д̇и? ‘‘сияаа, бхигкуу’’д̇и бхаг̇аваа авожа – ‘‘ид̇ха, бхигку, згажжасса звам̣ ход̇и – ‘звам̣руубо сияам̣ анааг̇ад̇амад̣̇д̇хаанам̣, звам̣взд̣̇ано сияам̣ анааг̇ад̇амад̣̇д̇хаанам̣, звам̣сан̃н̃о сияам̣ анааг̇ад̇амад̣̇д̇хаанам̣, звам̣сан̇кааро сияам̣ анааг̇ад̇амад̣̇д̇хаанам̣ , звам̣вин̃н̃аан̣о сияам̣ анааг̇ад̇амад̣̇д̇хаана’нд̇и. звам̣ ко, бхигку, сияаа бан̃жубаад̣̇аанагканд̇хзсу чанд̣̇арааг̇авзмад̇д̇ад̇аа’’д̇и? ‘‘саад̇ху, бханд̇з’’д̇и ко со бхигку…бз… уд̇д̇арим̣ бан̃хам̣ абужчи –
‘‘Siyā pana, bhante, pañcupādānakkhandhesu chandarāgavemattatā’’ti? ‘‘Siyā, bhikkhū’’ti bhagavā avoca – ‘‘idha, bhikkhu, ekaccassa evaṃ hoti – ‘evaṃrūpo siyaṃ anāgatamaddhānaṃ, evaṃvedano siyaṃ anāgatamaddhānaṃ, evaṃsañño siyaṃ anāgatamaddhānaṃ, evaṃsaṅkhāro siyaṃ anāgatamaddhānaṃ , evaṃviññāṇo siyaṃ anāgatamaddhāna’nti. Evaṃ kho, bhikkhu, siyā pañcupādānakkhandhesu chandarāgavemattatā’’ti? ‘‘Sādhu, bhante’’ti kho so bhikkhu…pe… uttariṃ pañhaṃ apucchi –
‘‘гид̇д̇аавад̇аа ну ко, бханд̇з, канд̇хаанам̣ канд̇хаад̇хиважана’’нд̇и? ‘‘яам̣ гин̃жи, бхигку, руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, аяам̣ вужжад̇и руубагканд̇хо. яаа гаажи взд̣̇анаа… яаа гаажи сан̃н̃аа … яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, аяам̣ вужжад̇и вин̃н̃аан̣агканд̇хо. зд̇д̇аавад̇аа ко, бхигку, канд̇хаанам̣ канд̇хаад̇хиважана’’нд̇и. ‘‘саад̇ху, бханд̇з’’д̇и ко со бхигку…бз… абужчи –
‘‘Kittāvatā nu kho, bhante, khandhānaṃ khandhādhivacana’’nti? ‘‘Yaṃ kiñci, bhikkhu, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, ayaṃ vuccati rūpakkhandho. Yā kāci vedanā… yā kāci saññā … ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, ayaṃ vuccati viññāṇakkhandho. Ettāvatā kho, bhikkhu, khandhānaṃ khandhādhivacana’’nti. ‘‘Sādhu, bhante’’ti kho so bhikkhu…pe… apucchi –
‘‘го ну ко, бханд̇з, хзд̇у го бажжаяо руубагканд̇хасса бан̃н̃аабанааяа; го хзд̇у го бажжаяо взд̣̇анаагканд̇хасса бан̃н̃аабанааяа; го хзд̇у го бажжаяо сан̃н̃аагканд̇хасса бан̃н̃аабанааяа; го хзд̇у го бажжаяо сан̇каарагканд̇хасса бан̃н̃аабанааяа; го хзд̇у го бажжаяо вин̃н̃аан̣агканд̇хасса бан̃н̃аабанааяаа’’д̇и? ‘‘жад̇д̇ааро ко, бхигку, махаабхууд̇аа хзд̇у, жад̇д̇ааро махаабхууд̇аа бажжаяо руубагканд̇хасса бан̃н̃аабанааяа. пассо хзд̇у пассо бажжаяо взд̣̇анаагканд̇хасса бан̃н̃аабанааяа. пассо хзд̇у пассо бажжаяо сан̃н̃аагканд̇хасса бан̃н̃аабанааяа. пассо хзд̇у , пассо бажжаяо сан̇каарагканд̇хасса бан̃н̃аабанааяа. наамаруубам̣ хзд̇у, наамаруубам̣ бажжаяо вин̃н̃аан̣агканд̇хасса бан̃н̃аабанааяаа’’д̇и. ‘‘саад̇ху, бханд̇з’’д̇и ко со бхигку…бз… абужчи –
‘‘Ko nu kho, bhante, hetu ko paccayo rūpakkhandhassa paññāpanāya; ko hetu ko paccayo vedanākkhandhassa paññāpanāya; ko hetu ko paccayo saññākkhandhassa paññāpanāya; ko hetu ko paccayo saṅkhārakkhandhassa paññāpanāya; ko hetu ko paccayo viññāṇakkhandhassa paññāpanāyā’’ti? ‘‘Cattāro kho, bhikkhu, mahābhūtā hetu, cattāro mahābhūtā paccayo rūpakkhandhassa paññāpanāya. Phasso hetu phasso paccayo vedanākkhandhassa paññāpanāya. Phasso hetu phasso paccayo saññākkhandhassa paññāpanāya. Phasso hetu , phasso paccayo saṅkhārakkhandhassa paññāpanāya. Nāmarūpaṃ hetu, nāmarūpaṃ paccayo viññāṇakkhandhassa paññāpanāyā’’ti. ‘‘Sādhu, bhante’’ti kho so bhikkhu…pe… apucchi –
‘‘гат̇ам̣ ну ко, бханд̇з, саггааяад̣̇идти ход̇ий’’д̇и? ‘‘ид̇ха, бхигку, ассуд̇аваа бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о руубам̣ ад̇д̇ад̇о саманубассад̇и, руубаванд̇ам̣ ваа ад̇д̇аанам̣; ад̇д̇ани ваа руубам̣, руубасмим̣ ваа ад̇д̇аанам̣; взд̣̇анам̣… сан̃н̃ам̣… сан̇каарз… вин̃н̃аан̣ам̣… ад̇д̇ад̇о саманубассад̇и, вин̃н̃аан̣аванд̇ам̣ ваа ад̇д̇аанам̣; ад̇д̇ани ваа вин̃н̃аан̣ам̣, вин̃н̃аан̣асмим̣ ваа ад̇д̇аанам̣. звам̣ ко, бхигку, саггааяад̣̇идти ход̇ий’’д̇и. ‘‘саад̇ху, бханд̇з’’д̇и ко со бхигку…бз… абужчи –
‘‘Kathaṃ nu kho, bhante, sakkāyadiṭṭhi hotī’’ti? ‘‘Idha, bhikkhu, assutavā puthujjano ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto rūpaṃ attato samanupassati, rūpavantaṃ vā attānaṃ; attani vā rūpaṃ, rūpasmiṃ vā attānaṃ; vedanaṃ… saññaṃ… saṅkhāre… viññāṇaṃ… attato samanupassati, viññāṇavantaṃ vā attānaṃ; attani vā viññāṇaṃ, viññāṇasmiṃ vā attānaṃ. Evaṃ kho, bhikkhu, sakkāyadiṭṭhi hotī’’ti. ‘‘Sādhu, bhante’’ti kho so bhikkhu…pe… apucchi –
‘‘гат̇ам̣ бана, бханд̇з, саггааяад̣̇идти на ход̇ий’’д̇и? ‘‘ид̇ха, бхигку, суд̇аваа арияасааваго арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о, саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о на руубам̣ ад̇д̇ад̇о саманубассад̇и, на руубаванд̇ам̣ ваа ад̇д̇аанам̣; на ад̇д̇ани ваа руубам̣, на руубасмим̣ ваа ад̇д̇аанам̣; на взд̣̇анам̣… на сан̃н̃ам̣… на сан̇каарз… на вин̃н̃аан̣ам̣ ад̇д̇ад̇о саманубассад̇и, на вин̃н̃аан̣аванд̇ам̣ ваа ад̇д̇аанам̣; на ад̇д̇ани ваа вин̃н̃аан̣ам̣, на вин̃н̃аан̣асмим̣ ваа ад̇д̇аанам̣. звам̣ ко, бхигку, саггааяад̣̇идти на ход̇ий’’д̇и. ‘‘саад̇ху , бханд̇з’’д̇и ко со бхигку…бз… абужчи –
‘‘Kathaṃ pana, bhante, sakkāyadiṭṭhi na hotī’’ti? ‘‘Idha, bhikkhu, sutavā ariyasāvako ariyānaṃ dassāvī ariyadhammassa kovido ariyadhamme suvinīto, sappurisānaṃ dassāvī sappurisadhammassa kovido sappurisadhamme suvinīto na rūpaṃ attato samanupassati, na rūpavantaṃ vā attānaṃ; na attani vā rūpaṃ, na rūpasmiṃ vā attānaṃ; na vedanaṃ… na saññaṃ… na saṅkhāre… na viññāṇaṃ attato samanupassati, na viññāṇavantaṃ vā attānaṃ; na attani vā viññāṇaṃ, na viññāṇasmiṃ vā attānaṃ. Evaṃ kho, bhikkhu, sakkāyadiṭṭhi na hotī’’ti. ‘‘Sādhu , bhante’’ti kho so bhikkhu…pe… apucchi –
‘‘го ну ко, бханд̇з, руубасса ассаад̣̇о, го аад̣̇ийнаво, гим̣ ниссаран̣ам̣; го взд̣̇анааяа… го сан̃н̃ааяа… го сан̇каараанам̣… го вин̃н̃аан̣асса ассаад̣̇о, го аад̣̇ийнаво, гим̣ ниссаран̣а’’нд̇и? ‘‘яам̣ ко, бхигку, руубам̣ бадижжа уббаж̇ж̇ад̇и сукам̣ соманассам̣ – аяам̣ руубасса ассаад̣̇о. яам̣ руубам̣ анижжам̣ д̣̇угкам̣ вибарин̣аамад̇хаммам̣ – аяам̣ руубасса аад̣̇ийнаво. яо руубасмим̣ чанд̣̇арааг̇авинаяо чанд̣̇арааг̇аббахаанам̣ – ид̣̇ам̣ руубасса ниссаран̣ам̣. яам̣ взд̣̇анам̣ бадижжа… яам̣ сан̃н̃ам̣ бадижжа… яз сан̇каарз бадижжа… яам̣ вин̃н̃аан̣ам̣ бадижжа уббаж̇ж̇ад̇и сукам̣ соманассам̣ – аяам̣ вин̃н̃аан̣асса ассаад̣̇о. яам̣ вин̃н̃аан̣ам̣ анижжам̣ д̣̇угкам̣ вибарин̣аамад̇хаммам̣ – аяам̣ вин̃н̃аан̣асса аад̣̇ийнаво. яо вин̃н̃аан̣асмим̣ чанд̣̇арааг̇авинаяо чанд̣̇арааг̇аббахаанам̣ – ид̣̇ам̣ вин̃н̃аан̣асса ниссаран̣а’’нд̇и. ‘‘саад̇ху, бханд̇з’’д̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ уд̇д̇арим̣ бан̃хам̣ абужчи –
‘‘Ko nu kho, bhante, rūpassa assādo, ko ādīnavo, kiṃ nissaraṇaṃ; ko vedanāya… ko saññāya… ko saṅkhārānaṃ… ko viññāṇassa assādo, ko ādīnavo, kiṃ nissaraṇa’’nti? ‘‘Yaṃ kho, bhikkhu, rūpaṃ paṭicca uppajjati sukhaṃ somanassaṃ – ayaṃ rūpassa assādo. Yaṃ rūpaṃ aniccaṃ dukkhaṃ vipariṇāmadhammaṃ – ayaṃ rūpassa ādīnavo. Yo rūpasmiṃ chandarāgavinayo chandarāgappahānaṃ – idaṃ rūpassa nissaraṇaṃ. Yaṃ vedanaṃ paṭicca… yaṃ saññaṃ paṭicca… ye saṅkhāre paṭicca… yaṃ viññāṇaṃ paṭicca uppajjati sukhaṃ somanassaṃ – ayaṃ viññāṇassa assādo. Yaṃ viññāṇaṃ aniccaṃ dukkhaṃ vipariṇāmadhammaṃ – ayaṃ viññāṇassa ādīnavo. Yo viññāṇasmiṃ chandarāgavinayo chandarāgappahānaṃ – idaṃ viññāṇassa nissaraṇa’’nti. ‘‘Sādhu, bhante’’ti kho so bhikkhu bhagavato bhāsitaṃ abhinanditvā anumoditvā bhagavantaṃ uttariṃ pañhaṃ apucchi –
‘‘гат̇ам̣ ну ко, бханд̇з, ж̇аанад̇о, гат̇ам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаанусаяаа на хонд̇ий’’д̇и? ‘‘яам̣ гин̃жи, бхигку, руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. яаа гаажи взд̣̇анаа… яаа гаажи сан̃н̃аа… яз гзжи сан̇каараа… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ – ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. звам̣ ко, бхигку, ж̇аанад̇о звам̣ бассад̇о имасмин̃жа савин̃н̃аан̣агз гааяз б̣ахид̣̇д̇хаа жа саб̣б̣анимид̇д̇зсу ахан̇гаарамаман̇гаарамаанаанусаяаа на хонд̇ий’’д̇и.
‘‘Kathaṃ nu kho, bhante, jānato, kathaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānānusayā na hontī’’ti? ‘‘Yaṃ kiñci, bhikkhu, rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Yā kāci vedanā… yā kāci saññā… ye keci saṅkhārā… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ – ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Evaṃ kho, bhikkhu, jānato evaṃ passato imasmiñca saviññāṇake kāye bahiddhā ca sabbanimittesu ahaṅkāramamaṅkāramānānusayā na hontī’’ti.
д̇зна ко бана самаязна ан̃н̃ад̇арасса бхигкуно звам̣ жзд̇асо баривид̇агго уд̣̇абаад̣̇и – ‘‘ид̇и гира бхо руубам̣ анад̇д̇аа, взд̣̇анаа… сан̃н̃аа… сан̇каараа… вин̃н̃аан̣ам̣ анад̇д̇аа; анад̇д̇агад̇аани гаммаани гат̇амад̇д̇аанам̣ 3 пусиссанд̇ий’’д̇и. ат̇а ко бхаг̇аваа д̇асса бхигкуно жзд̇асаа жзд̇о баривид̇аггаман̃н̃ааяа бхигкуу ааманд̇зси –
Tena kho pana samayena aññatarassa bhikkhuno evaṃ cetaso parivitakko udapādi – ‘‘iti kira bho rūpaṃ anattā, vedanā… saññā… saṅkhārā… viññāṇaṃ anattā; anattakatāni kammāni kathamattānaṃ 4 phusissantī’’ti. Atha kho bhagavā tassa bhikkhuno cetasā ceto parivitakkamaññāya bhikkhū āmantesi –
‘‘таанам̣ ко банзд̇ам̣, бхигкавз, виж̇ж̇ад̇и яам̣ ид̇хзгажжо могхабурисо авид̣̇ваа авиж̇ж̇ааг̇ад̇о д̇ан̣хаад̇хибад̇зяязна жзд̇асаа сад̇т̇усаасанам̣ ад̇ид̇хаавид̇аб̣б̣ам̣ ман̃н̃зяяа. ид̇и гира, бхо, руубам̣ анад̇д̇аа, взд̣̇анаа… сан̃н̃аа… сан̇каараа… вин̃н̃аан̣ам̣ анад̇д̇аа. анад̇д̇агад̇аани гаммаани гат̇амад̇д̇аанам̣ пусиссанд̇ийд̇и? бадибужчаавинийд̇аа ко мз д̇умхз, бхигкавз, д̇ад̇ра д̇ад̇ра д̇зсу д̇зсу д̇хаммзсу.
‘‘Ṭhānaṃ kho panetaṃ, bhikkhave, vijjati yaṃ idhekacco moghapuriso avidvā avijjāgato taṇhādhipateyyena cetasā satthusāsanaṃ atidhāvitabbaṃ maññeyya. Iti kira, bho, rūpaṃ anattā, vedanā… saññā… saṅkhārā… viññāṇaṃ anattā. Anattakatāni kammāni kathamattānaṃ phusissantīti? Paṭipucchāvinītā kho me tumhe, bhikkhave, tatra tatra tesu tesu dhammesu.
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и ? ‘‘анижжам̣, бханд̇з’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бханд̇з’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хзд̇ам̣, бханд̇з’’. д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti ? ‘‘Aniccaṃ, bhante’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hetaṃ, bhante’’. Tasmātiha…pe… evaṃ passaṃ…pe… nāparaṃ itthattāyāti pajānātī’’ti.
‘‘д̣̇вз канд̇хаа д̇ан̃н̃зва сияам̣, ад̇хиважанан̃жа хзд̇унаа;
‘‘Dve khandhā taññeva siyaṃ, adhivacanañca hetunā;
саггааязна д̣̇увз вуд̇д̇аа, ассаад̣̇авин̃н̃аан̣агзна жа;
Sakkāyena duve vuttā, assādaviññāṇakena ca;
зд̇з д̣̇асавид̇хаа вуд̇д̇аа, ход̇и бхигку бужчааяаа’’д̇и. д̣̇асамам̣;
Ete dasavidhā vuttā, hoti bhikkhu pucchāyā’’ti. dasamaṃ;
каж̇ж̇анийяаваг̇г̇о адтамо.
Khajjanīyavaggo aṭṭhamo.
д̇ассуд̣̇д̣̇аанам̣ –
Tassuddānaṃ –
ассаад̣̇о д̣̇вз самуд̣̇аяаа, араханд̇зхи абарз д̣̇вз;
Assādo dve samudayā, arahantehi apare dve;
сийхо каж̇ж̇аний бин̣д̣оляам̣, баалилзяязна бун̣н̣амаад̇и.
Sīho khajjanī piṇḍolyaṃ, pālileyyena puṇṇamāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. бун̣н̣амасуд̇д̇аван̣н̣анаа • 10. Puṇṇamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бун̣н̣амасуд̇д̇аван̣н̣анаа • 10. Puṇṇamasuttavaṇṇanā
