| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. бун̣н̣амасуд̇д̇аван̣н̣анаа
10. Puṇṇamasuttavaṇṇanā
82. д̣̇асамз д̇ад̣̇ахубосат̇зд̇иаад̣̇и бавааран̣асуд̇д̇з вид̇т̇аарид̇амзва. гин̃жид̣̇зва д̣̇зсанд̇и гин̃жи гааран̣ам̣. сагз аасанз нисийд̣̇ид̇ваа бужча яад̣̇ааган̇касийд̇и гасмаа звамааха? со гира бхигку бан̃жасад̇абхигкубаривааро. аажарияз бана тид̇агз бужчанд̇з сажз д̇з бхигкуу нисийд̣̇анд̇и, сад̇т̇ари г̇ааравам̣ гад̇ам̣ ход̇и, аажарияз аг̇ааравам̣. сажз удтаханд̇и, аажарияз г̇ааравам̣ гад̇ам̣ ход̇и, сад̇т̇ари аг̇ааравам̣. ид̇и нзсам̣ жид̇д̇ам̣ анзгаг̇г̇ам̣ бхависсад̇и, д̣̇зсанам̣ самбадижчид̇ум̣ на сагкиссанд̇и. д̇асмим̣ бана нисийд̣̇ид̇ваа бужчанд̇з д̇зсам̣ жид̇д̇ам̣ згаг̇г̇ам̣ бхависсад̇и, д̣̇зсанам̣ самбадижчид̇ум̣ сагкиссанд̇ийд̇и н̃ад̇ваа бхаг̇аваа звамааха. имз ну ко, бханд̇зд̇и аяам̣ т̇зро бан̃жаннам̣ бхигкусад̇аанам̣ аажарияо, бан̃жагканд̇хамад̇д̇амби наббаж̇аанаад̇ийд̇и на вад̇д̇аб̣б̣о. бан̃хам̣ бужчанд̇зна бана ‘‘имз бан̃жубаад̣̇аанагканд̇хаа, на ан̃н̃з’’д̇и звам̣ ж̇аананд̇зна вияа худ̇ваа бужчид̇ум̣ на ваддад̇и, д̇асмаа аж̇аананд̇о вияа бужчад̇и. д̇зби жасса анд̇зваасигаа ‘‘амхаагам̣ аажарияо ‘ахам̣ ж̇аанаамий’д̇и на гат̇зд̇и, саб̣б̣ан̃н̃уд̇ан̃н̃аан̣зна бана сад̣̇д̇хим̣ сам̣санд̣̇ид̇ваава гат̇зд̇ий’’д̇и сод̇аб̣б̣ам̣ сад̣̇д̇хаад̇аб̣б̣ам̣ ман̃н̃иссанд̇ийд̇иби аж̇аананд̇о вияа бужчад̇и.
82. Dasame tadahuposathetiādi pavāraṇasutte vitthāritameva. Kiñcideva desanti kiñci kāraṇaṃ. Sake āsane nisīditvā puccha yadākaṅkhasīti kasmā evamāha? So kira bhikkhu pañcasatabhikkhuparivāro. Ācariye pana ṭhitake pucchante sace te bhikkhū nisīdanti, satthari gāravaṃ kataṃ hoti, ācariye agāravaṃ. Sace uṭṭhahanti, ācariye gāravaṃ kataṃ hoti, satthari agāravaṃ. Iti nesaṃ cittaṃ anekaggaṃ bhavissati, desanaṃ sampaṭicchituṃ na sakkhissanti. Tasmiṃ pana nisīditvā pucchante tesaṃ cittaṃ ekaggaṃ bhavissati, desanaṃ sampaṭicchituṃ sakkhissantīti ñatvā bhagavā evamāha. Ime nu kho, bhanteti ayaṃ thero pañcannaṃ bhikkhusatānaṃ ācariyo, pañcakkhandhamattampi nappajānātīti na vattabbo. Pañhaṃ pucchantena pana ‘‘ime pañcupādānakkhandhā, na aññe’’ti evaṃ jānantena viya hutvā pucchituṃ na vaṭṭati, tasmā ajānanto viya pucchati. Tepi cassa antevāsikā ‘‘amhākaṃ ācariyo ‘ahaṃ jānāmī’ti na katheti, sabbaññutaññāṇena pana saddhiṃ saṃsanditvāva kathetī’’ti sotabbaṃ saddhātabbaṃ maññissantītipi ajānanto viya pucchati.
чанд̣̇амуулагаад̇и д̇ан̣хаачанд̣̇амуулагаа. на ко бхигку д̇ан̃н̃зва убаад̣̇аанам̣ д̇з бан̃жубаад̣̇аанагканд̇хаад̇и яасмаа чанд̣̇арааг̇амад̇д̇ам̣ бан̃жагканд̇хаа на ход̇и, д̇асмаа ид̣̇ам̣ вуд̇д̇ам̣. яасмаа бана сахаж̇аад̇ад̇о ваа аарамман̣ад̇о ваа канд̇хз мун̃жид̇ваа убаад̣̇аанам̣ над̇т̇и, д̇асмаа нааби ан̃н̃ад̇ра бан̃жахи убаад̣̇аанагканд̇хзхи убаад̣̇аананд̇и вуд̇д̇ам̣. д̇ан̣хаасамбаяуд̇д̇асмин̃хи жид̇д̇з вад̇д̇амаанз д̇ам̣жид̇д̇асамудтаанаруубам̣ руубагканд̇хо, табзд̇ваа д̇ам̣ д̇ан̣хам̣ сзсаа аруубад̇хаммаа жад̇д̇ааро канд̇хаад̇и сахаж̇аад̇ад̇оби канд̇хз мун̃жид̇ваа убаад̣̇аанам̣ над̇т̇и. убаад̣̇аанасса бана руубаад̣̇ийсу ан̃н̃ад̇арам̣ аарамман̣ам̣ гад̇ваа уббаж̇ж̇анад̇о аарамман̣ад̇оби бан̃жагканд̇хз мун̃жид̇ваа убаад̣̇аанам̣ над̇т̇и. чанд̣̇арааг̇авзмад̇д̇ад̇аад̇и чанд̣̇арааг̇анаанад̇д̇ам̣. звам̣ ко бхигкууд̇и звам̣ руубаарамман̣асса чанд̣̇арааг̇асса взд̣̇анаад̣̇ийсу ан̃н̃ад̇арам̣ аарамман̣ам̣ агаран̣ад̇о сияаа чанд̣̇арааг̇авзмад̇д̇ад̇аа. канд̇хаад̇хиважананд̇и канд̇хаад̇и аяам̣ бан̃н̃ад̇д̇и. аяам̣ бана анусанд̇хи на гхадияад̇и, гин̃жааби на гхадияад̇и, саанусанд̇хигаава бужчаа, саанусанд̇хигам̣ виссаж̇ж̇анам̣. аяан̃хи т̇зро д̇зсам̣ д̇зсам̣ бхигкуунам̣ аж̇жхаасаязна бужчад̇и, сад̇т̇ааби д̇зсам̣ д̇зсам̣ аж̇жхаасаязнзва виссаж̇ж̇зд̇и. сзсам̣ саб̣б̣ад̇т̇а уд̇д̇аанамзва. д̣̇асамам̣.
Chandamūlakāti taṇhāchandamūlakā. Na kho bhikkhu taññeva upādānaṃ te pañcupādānakkhandhāti yasmā chandarāgamattaṃ pañcakkhandhā na hoti, tasmā idaṃ vuttaṃ. Yasmā pana sahajātato vā ārammaṇato vā khandhe muñcitvā upādānaṃ natthi, tasmā nāpi aññatra pañcahiupādānakkhandhehi upādānanti vuttaṃ. Taṇhāsampayuttasmiñhi citte vattamāne taṃcittasamuṭṭhānarūpaṃ rūpakkhandho, ṭhapetvā taṃ taṇhaṃ sesā arūpadhammā cattāro khandhāti sahajātatopi khandhe muñcitvā upādānaṃ natthi. Upādānassa pana rūpādīsu aññataraṃ ārammaṇaṃ katvā uppajjanato ārammaṇatopi pañcakkhandhe muñcitvā upādānaṃ natthi. Chandarāgavemattatāti chandarāganānattaṃ. Evaṃ kho bhikkhūti evaṃ rūpārammaṇassa chandarāgassa vedanādīsu aññataraṃ ārammaṇaṃ akaraṇato siyā chandarāgavemattatā. Khandhādhivacananti khandhāti ayaṃ paññatti. Ayaṃ pana anusandhi na ghaṭiyati, kiñcāpi na ghaṭiyati, sānusandhikāva pucchā, sānusandhikaṃ vissajjanaṃ. Ayañhi thero tesaṃ tesaṃ bhikkhūnaṃ ajjhāsayena pucchati, satthāpi tesaṃ tesaṃ ajjhāsayeneva vissajjeti. Sesaṃ sabbattha uttānameva. Dasamaṃ.
имасса жа бана ваг̇г̇асса згзгасмим̣ суд̇д̇з бан̃жасад̇аа бан̃жасад̇аа бхигкуу арахад̇д̇ам̣ бад̇д̇аад̇и.
Imassa ca pana vaggassa ekekasmiṃ sutte pañcasatā pañcasatā bhikkhū arahattaṃ pattāti.
каж̇ж̇анийяаваг̇г̇о адтамо.
Khajjanīyavaggo aṭṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. бун̣н̣амасуд̇д̇ам̣ • 10. Puṇṇamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бун̣н̣амасуд̇д̇аван̣н̣анаа • 10. Puṇṇamasuttavaṇṇanā
