| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. бун̣н̣амасуд̇д̇аван̣н̣анаа
10. Puṇṇamasuttavaṇṇanā
82. д̣̇иссад̇и абад̣̇иссад̇ийд̇и д̣̇зсо, гааран̣ам̣, д̇ан̃жа ко н̃аабагам̣ д̣̇адтаб̣б̣ам̣. яан̃хи со ж̇аанид̇угаамо руббанаад̣̇исабхаавам̣, батамам̣ бана саруубам̣ бужчид̇ваа буна д̇асса висзсо бужчид̇аб̣б̣од̇и батамам̣ ‘‘имз ну ко’’д̇иаад̣̇инаа бужчам̣ гарод̇и, ид̇хааби жа со висзсо зва д̇асса бхигкуно анд̇анд̇и д̣̇ассзд̇и. аж̇аананд̇о вияа бужчад̇и д̇зсам̣ хзд̇унд̇и ад̇хиббааяо.
82. Dissati apadissatīti deso, kāraṇaṃ, tañca kho ñāpakaṃ daṭṭhabbaṃ. Yañhi so jānitukāmo ruppanādisabhāvaṃ, paṭhamaṃ pana sarūpaṃ pucchitvā puna tassa viseso pucchitabboti paṭhamaṃ ‘‘ime nu kho’’tiādinā pucchaṃ karoti, idhāpi ca so viseso eva tassa bhikkhuno antanti dasseti. Ajānanto viya pucchati tesaṃ hetunti adhippāyo.
д̇ан̣хаачанд̣̇амуулагаа бабхавад̇д̇аа. бан̃жубаад̣̇аанагканд̇хаад̇и зд̇т̇а висзсад̇о д̇ан̣хубаад̣̇аанасса г̇ахан̣ам̣ ид̇арасса д̇аг̇г̇ахан̣знзва г̇ахид̇ам̣ д̇ад̣̇авинаабхаавад̇од̇и чанд̣̇арааг̇о зва уд̣̇д̇хадо. ид̣̇анд̇и д̇аббан̃хабадигкибанам̣. яад̣̇иби канд̇хаа убаад̣̇аанзхи асахаж̇аад̇ааби хонд̇и убаад̣̇аанасса анаарамман̣абхууд̇ааби, убаад̣̇аанам̣ бана д̇зхи сахаж̇аад̇амзва, д̇ад̣̇аарамман̣ан̃жа ход̇иязваад̇и д̣̇ассзд̇и. на хи асахаж̇аад̇ам̣ анаарамман̣ан̃жа убаад̣̇аанам̣ ад̇т̇ийд̇и. ид̣̇аани д̇амад̇т̇ам̣ виварид̇ваа д̣̇ассзд̇ум̣ ‘‘д̇ан̣хаасамбаяуд̇д̇асми’’нд̇иаад̣̇и вуд̇д̇ам̣, д̇ам̣ сувин̃н̃зяяамзва. аарамман̣ад̇од̇и аарамман̣агаран̣ад̇о. ‘‘звам̣руубо сияа’’нд̇и звам̣бавад̇д̇асса чанд̣̇арааг̇асса ‘‘звам̣взд̣̇ано сияа’’нд̇и звам̣бавад̇д̇ияаа абхаавад̇о д̇ад̇т̇а д̇ад̇т̇зва над̇асан̇каараа бхиж̇ж̇анд̇и, д̇асмаа руубавзд̣̇анаарамман̣аанам̣ чанд̣̇арааг̇аад̣̇ийнам̣ абхаавад̇о ад̇т̇зва чанд̣̇арааг̇авзмад̇д̇ад̇аа. чанд̣̇арааг̇асса бахаанаад̣̇ивасзна чанд̣̇арааг̇абадисам̣яуд̇д̇асса абужчид̇ад̇д̇аа, ‘‘анусанд̇хи на гхадияад̇ий’’д̇и вуд̇д̇ам̣. гин̃жааби на гхадияад̇ийд̇и ан̃н̃ассзва бужчид̇ад̇д̇аа, д̇ат̇ааби саанусанд̇хигаава бужчаа , д̇ад̇о зва саанусанд̇хигам̣ виссаж̇ж̇анам̣. д̇ад̇т̇а гааран̣амааха ‘‘д̇зсам̣ д̇зса’’нд̇иаад̣̇инаа. д̇зна аж̇жхаасаяаанусанд̇хивасзна саанусанд̇хигаанзва бужчаависсаж̇ж̇анаанийд̇и д̣̇ассзд̇и.
Taṇhāchandamūlakā pabhavattā. Pañcupādānakkhandhāti ettha visesato taṇhupādānassa gahaṇaṃ itarassa taggahaṇeneva gahitaṃ tadavinābhāvatoti chandarāgo eva uddhaṭo. Idanti tappañhapaṭikkhipanaṃ. Yadipi khandhā upādānehi asahajātāpi honti upādānassa anārammaṇabhūtāpi, upādānaṃ pana tehi sahajātameva, tadārammaṇañca hotiyevāti dasseti. Na hi asahajātaṃ anārammaṇañca upādānaṃ atthīti. Idāni tamatthaṃ vivaritvā dassetuṃ ‘‘taṇhāsampayuttasmi’’ntiādi vuttaṃ, taṃ suviññeyyameva. Ārammaṇatoti ārammaṇakaraṇato. ‘‘Evaṃrūpo siya’’nti evaṃpavattassa chandarāgassa ‘‘evaṃvedano siya’’nti evaṃpavattiyā abhāvato tattha tattheva natasaṅkhārā bhijjanti, tasmā rūpavedanārammaṇānaṃ chandarāgādīnaṃ abhāvato attheva chandarāgavemattatā. Chandarāgassa pahānādivasena chandarāgapaṭisaṃyuttassa apucchitattā, ‘‘anusandhi na ghaṭiyatī’’ti vuttaṃ. Kiñcāpi na ghaṭiyatīti aññasseva pucchitattā, tathāpi sānusandhikāva pucchā, tato eva sānusandhikaṃ vissajjanaṃ. Tattha kāraṇamāha ‘‘tesaṃ tesa’’ntiādinā. Tena ajjhāsayānusandhivasena sānusandhikāneva pucchāvissajjanānīti dasseti.
бун̣н̣амасуд̇д̇аван̣н̣анаа нидтид̇аа.
Puṇṇamasuttavaṇṇanā niṭṭhitā.
каж̇ж̇анийяаваг̇г̇аван̣н̣анаа нидтид̇аа.
Khajjanīyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. бун̣н̣амасуд̇д̇ам̣ • 10. Puṇṇamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. бун̣н̣амасуд̇д̇аван̣н̣анаа • 10. Puṇṇamasuttavaṇṇanā
