| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5-6. бун̣н̣асуд̇д̇аад̣̇иван̣н̣анаа
5-6. Puṇṇasuttādivaṇṇanā
88-89. бан̃жамз д̇ан̃жзд̇и д̇ам̣ жагкун̃жзва руубан̃жа. нанд̣̇исамуд̣̇аяаа д̣̇угкасамуд̣̇аяод̇и д̇ан̣хааяа самод̇хаанзна бан̃жагканд̇хад̣̇угкасса самод̇хаанам̣ ход̇и. ид̇и часу д̣̇ваарзсу ‘‘нанд̣̇исамуд̣̇аяаа д̣̇угкасамуд̣̇аяо’’д̇и иминаа д̣̇виннам̣ сажжаанам̣ васзна ваддам̣ мад̇т̇агам̣ баабзд̇ваа д̣̇ассзси. д̣̇уд̇ияанаяз нирод̇хо маг̇г̇од̇и д̣̇виннам̣ сажжаанам̣ васзна виваддам̣ мад̇т̇агам̣ баабзд̇ваа д̣̇ассзси. иминаа д̇вам̣ бун̣н̣аад̇и баадиязгго анусанд̇хи. звам̣ д̇аава ваддавиваддавасзна д̣̇зсанам̣ арахад̇д̇з багкибид̇ваа ид̣̇аани бун̣н̣ад̇т̇зрам̣ сад̇д̇асу таанзсу сийханаад̣̇ам̣ над̣̇аабзд̇ум̣ иминаа д̇ванд̇иаад̣̇имааха.
88-89. Pañcame tañceti taṃ cakkhuñceva rūpañca. Nandisamudayā dukkhasamudayoti taṇhāya samodhānena pañcakkhandhadukkhassa samodhānaṃ hoti. Iti chasu dvāresu ‘‘nandisamudayā dukkhasamudayo’’ti iminā dvinnaṃ saccānaṃ vasena vaṭṭaṃ matthakaṃ pāpetvā dassesi. Dutiyanaye nirodho maggoti dvinnaṃ saccānaṃ vasena vivaṭṭaṃ matthakaṃ pāpetvā dassesi. Iminā tvaṃ puṇṇāti pāṭiyekko anusandhi. Evaṃ tāva vaṭṭavivaṭṭavasena desanaṃ arahatte pakkhipitvā idāni puṇṇattheraṃ sattasu ṭhānesu sīhanādaṃ nadāpetuṃ iminā tvantiādimāha.
жан̣д̣аад̇и д̣̇удтаа гиб̣б̣исаа. парусаад̇и гагкал̣аа аггосиссанд̇ийд̇и д̣̇асахи аггосавад̇т̇уухи аггосиссанд̇и. барибхаасиссанд̇ийд̇и ‘‘гим̣ саман̣о наама д̇вам̣, ид̣̇ан̃жид̣̇ан̃жа д̇з гариссаамаа’’д̇и д̇аж̇ж̇зссанд̇и. звамзд̇т̇аад̇и звам̣ маяхам̣ зд̇т̇а бхависсад̇и. д̣̇ан̣д̣знаад̇и жад̇ухад̇т̇ад̣̇ан̣д̣зна ваа кад̣̇ирад̣̇ан̣д̣зна ваа гхадигамуг̇г̇арзна ваа. сад̇т̇знаад̇и згад̇од̇хаараад̣̇инаа сад̇т̇зна. сад̇т̇ахаарагам̣ бариязсанд̇ийд̇и ж̇ийвид̇ахаарагасад̇т̇ам̣ бариязсанд̇и. ид̣̇ам̣ т̇зро д̇ад̇ияабаарааж̇игавад̇т̇усмим̣ асубхагат̇ам̣ суд̇ваа ад̇д̇абхаавзна ж̇иг̇ужчанд̇аанам̣ бхигкуунам̣ сад̇т̇ахаарагабариязсанам̣ санд̇хааяааха. д̣̇амуубасамзнаад̇и зд̇т̇а д̣̇амод̇и инд̣̇рияасам̣вараад̣̇ийнам̣ зд̇ам̣ наамам̣.
Caṇḍāti duṭṭhā kibbisā. Pharusāti kakkhaḷā akkosissantīti dasahi akkosavatthūhi akkosissanti. Paribhāsissantīti ‘‘kiṃ samaṇo nāma tvaṃ, idañcidañca te karissāmā’’ti tajjessanti. Evametthāti evaṃ mayhaṃ ettha bhavissati. Daṇḍenāti catuhatthadaṇḍena vā khadiradaṇḍena vā ghaṭikamuggarena vā. Satthenāti ekatodhārādinā satthena. Satthahārakaṃ pariyesantīti jīvitahārakasatthaṃ pariyesanti. Idaṃ thero tatiyapārājikavatthusmiṃ asubhakathaṃ sutvā attabhāvena jigucchantānaṃ bhikkhūnaṃ satthahārakapariyesanaṃ sandhāyāha. Damūpasamenāti ettha damoti indriyasaṃvarādīnaṃ etaṃ nāmaṃ.
‘‘сажжзна д̣̇анд̇о д̣̇амасаа убзд̇о,
‘‘Saccena danto damasā upeto,
взд̣̇анд̇аг̇уу вусид̇аб̣рахмажарияо’’д̇и. (сам̣. ни. 1.195; су. ни. 467) –
Vedantagū vusitabrahmacariyo’’ti. (saṃ. ni. 1.195; su. ni. 467) –
зд̇т̇а хи инд̣̇рияасам̣варо д̣̇амод̇и вуд̇д̇о. ‘‘яад̣̇и сажжаа д̣̇амаа жааг̇аа, канд̇яаа бхияяод̇ха виж̇ж̇ад̇ий’’д̇и (су. ни. 191; сам̣. ни. 1.246) зд̇т̇а бан̃н̃аа д̣̇амод̇и вуд̇д̇аа. ‘‘д̣̇аанзна д̣̇амзна сам̣яамзна сажжаваж̇ж̇знаа’’д̇и (д̣̇ий. ни. 1.165; ма. ни. 2.226) зд̇т̇а убосат̇агаммам̣ д̣̇амод̇и вуд̇д̇ам̣. имасмим̣ бана суд̇д̇з канд̇и д̣̇амод̇и взд̣̇ид̇аб̣б̣о. убасамод̇и д̇ассзва взважанам̣.
Ettha hi indriyasaṃvaro damoti vutto. ‘‘Yadi saccā damā cāgā, khantyā bhiyyodha vijjatī’’ti (su. ni. 191; saṃ. ni. 1.246) ettha paññā damoti vuttā. ‘‘Dānena damena saṃyamena saccavajjenā’’ti (dī. ni. 1.165; ma. ni. 2.226) ettha uposathakammaṃ damoti vuttaṃ. Imasmiṃ pana sutte khanti damoti veditabbo. Upasamoti tasseva vevacanaṃ.
ат̇а ко ааяасмаа бун̣н̣од̇и го банзса бун̣н̣о, гасмаа жа банзд̇т̇а г̇анд̇угаамо ахосийд̇и? сунаабаранд̇аваасиго зва зса, саавад̇т̇ияам̣ бана асаббааяавихаарам̣ саллагкзд̇ваа д̇ад̇т̇а г̇анд̇угаамо ахоси.
Atha kho āyasmā puṇṇoti ko panesa puṇṇo, kasmā ca panettha gantukāmo ahosīti? Sunāparantavāsiko eva esa, sāvatthiyaṃ pana asappāyavihāraṃ sallakkhetvā tattha gantukāmo ahosi.
д̇ад̇рааяам̣ ануббуб̣б̣игат̇аа – сунаабаранд̇арадтз гира згасмим̣ ваан̣иж̇аг̇аамз зд̇з д̣̇вз бхаад̇аро. д̇зсу гад̣̇аажи ж̇здто бан̃жа сагадасад̇аани г̇ахзд̇ваа ж̇анабад̣̇ам̣ г̇анд̇ваа бхан̣д̣ам̣ аахарад̇и, гад̣̇аажи ганидто. имасмим̣ бана самаяз ганидтам̣ гхарз табзд̇ваа, ж̇здтабхаад̇иго бан̃жа сагадасад̇аани г̇ахзд̇ваа, ж̇анабад̣̇ажааригам̣ жаранд̇о анубуб̣б̣зна саавад̇т̇им̣ бад̇ваа, ж̇зд̇аванасса наад̇ид̣̇уурз сагадасад̇т̇ам̣ нивзсзд̇ваа бхуд̇д̇абаад̇араасо бариж̇анабаривуд̇о паасугадтаанз нисийд̣̇и.
Tatrāyaṃ anuppubbikathā – sunāparantaraṭṭhe kira ekasmiṃ vāṇijagāme ete dve bhātaro. Tesu kadāci jeṭṭho pañca sakaṭasatāni gahetvā janapadaṃ gantvā bhaṇḍaṃ āharati, kadāci kaniṭṭho. Imasmiṃ pana samaye kaniṭṭhaṃ ghare ṭhapetvā, jeṭṭhabhātiko pañca sakaṭasatāni gahetvā, janapadacārikaṃ caranto anupubbena sāvatthiṃ patvā, jetavanassa nātidūre sakaṭasatthaṃ nivesetvā bhuttapātarāso parijanaparivuto phāsukaṭṭhāne nisīdi.
д̇зна жа самаязна саавад̇т̇иваасино бхуд̇д̇абаад̇араасаа убосат̇ан̇г̇аани ад̇хидтааяа суд̣̇д̇худ̇д̇араасан̇г̇аа г̇анд̇хабубпаад̣̇ихад̇т̇аа язна б̣уд̣̇д̇хо, язна д̇хаммо, язна сан̇гхо, д̇анниннаа д̇аббон̣аа д̇аббаб̣бхаараа худ̇ваа, д̣̇агкин̣ад̣̇ваарзна нигкамид̇ваа ж̇зд̇аванам̣ г̇ажчанд̇и. со д̇з д̣̇исваа ‘‘гахам̣ имз г̇ажчанд̇ий’’д̇и згам̣ мануссам̣ бужчи. гим̣ д̇вам̣, аяяо, на ж̇аанааси? логз б̣уд̣̇д̇хад̇хаммасан̇гхарад̇анаани наама уббаннаани, ижжзсо махааж̇ано сад̇т̇у санд̇игам̣ д̇хаммагат̇ам̣ сод̇ум̣ г̇ажчад̇ийд̇и. д̇асса ‘‘б̣уд̣̇д̇хо’’д̇и важанам̣ чавижаммаад̣̇ийни чинд̣̇ид̇ваа адтимин̃ж̇ам̣ аахажжа адтааси. со ад̇д̇ано бариж̇анабаривуд̇о д̇ааяа барисааяа сад̣̇д̇хим̣ вихаарам̣ г̇анд̇ваа, сад̇т̇у мад̇хурассарзна д̇хаммам̣ д̣̇зсзнд̇асса барисабарияанд̇з тид̇о, д̇хаммам̣ суд̇ваа баб̣б̣аж̇ж̇ааяа жид̇д̇ам̣ уббаад̣̇зси. ат̇а д̇ат̇ааг̇ад̇зна гаалам̣ вид̣̇ид̇ваа барисааяа уяяож̇ид̇ааяа сад̇т̇аарам̣ убасан̇гамид̇ваа, ванд̣̇ид̇ваа, сваад̇анааяа ниманд̇зд̇ваа, д̣̇уд̇ияад̣̇ивасз ман̣д̣абам̣ гаарзд̇ваа, аасанаани бан̃н̃аабзд̇ваа, б̣уд̣̇д̇хаббамукасса сан̇гхасса махаад̣̇аанам̣ д̣̇ад̇ваа, бхуд̇д̇абаад̇араасо убосат̇ан̇г̇аани ад̇хидтааяа бхан̣д̣ааг̇ааригам̣ баггосаабзд̇ваа, ‘‘зд̇д̇агам̣ д̇ханам̣ виссаж̇ж̇ид̇ам̣, зд̇д̇агам̣ д̇ханам̣ на виссаж̇ж̇ид̇а’’нд̇и саб̣б̣ам̣ аажигкид̇ваа, ‘‘имам̣ саабад̇зяяам̣ маяхам̣ ганидтасса д̣̇зхий’’д̇и саб̣б̣ам̣ нияяаад̇зд̇ваа, сад̇т̇у санд̇игз баб̣б̣аж̇ид̇ваа, гаммадтаанабарааяан̣о ахоси.
Tena ca samayena sāvatthivāsino bhuttapātarāsā uposathaṅgāni adhiṭṭhāya suddhuttarāsaṅgā gandhapupphādihatthā yena buddho, yena dhammo, yena saṅgho, tanninnā tappoṇā tappabbhārā hutvā, dakkhiṇadvārena nikkhamitvā jetavanaṃ gacchanti. So te disvā ‘‘kahaṃ ime gacchantī’’ti ekaṃ manussaṃ pucchi. Kiṃ tvaṃ, ayyo, na jānāsi? Loke buddhadhammasaṅgharatanāni nāma uppannāni, icceso mahājano satthu santikaṃ dhammakathaṃ sotuṃ gacchatīti. Tassa ‘‘buddho’’ti vacanaṃ chavicammādīni chinditvā aṭṭhimiñjaṃ āhacca aṭṭhāsi. So attano parijanaparivuto tāya parisāya saddhiṃ vihāraṃ gantvā, satthu madhurassarena dhammaṃ desentassa parisapariyante ṭhito, dhammaṃ sutvā pabbajjāya cittaṃ uppādesi. Atha tathāgatena kālaṃ viditvā parisāya uyyojitāya satthāraṃ upasaṅkamitvā, vanditvā, svātanāya nimantetvā, dutiyadivase maṇḍapaṃ kāretvā, āsanāni paññāpetvā, buddhappamukhassa saṅghassa mahādānaṃ datvā, bhuttapātarāso uposathaṅgāni adhiṭṭhāya bhaṇḍāgārikaṃ pakkosāpetvā, ‘‘ettakaṃ dhanaṃ vissajjitaṃ, ettakaṃ dhanaṃ na vissajjita’’nti sabbaṃ ācikkhitvā, ‘‘imaṃ sāpateyyaṃ mayhaṃ kaniṭṭhassa dehī’’ti sabbaṃ niyyātetvā, satthu santike pabbajitvā, kammaṭṭhānaparāyaṇo ahosi.
ат̇асса гаммадтаанам̣ манасигаронд̇асса гаммадтаанам̣ на убадтаад̇и. д̇ад̇о жинд̇зси – ‘‘аяам̣ ж̇анабад̣̇о маяхам̣ асаббааяо, яам̣нуунаахам̣ сад̇т̇у санд̇игз гаммадтаанам̣ г̇ахзд̇ваа сагарадтамзва г̇ажчзяяа’’нд̇и. ат̇а буб̣б̣ан̣хасамаяз бин̣д̣ааяа жарид̇ваа, сааяанхз бадисаллаанаа вудтахид̇ваа, бхаг̇аванд̇ам̣ убасан̇гамид̇ваа, гаммадтаанам̣ гат̇аабзд̇ваа, сад̇д̇а сийханаад̣̇з над̣̇ид̇ваа, баггаами. д̇зна вуд̇д̇ам̣, ‘‘ат̇а ко ааяасмаа бун̣н̣о…бз… вихарад̇ий’’д̇и.
Athassa kammaṭṭhānaṃ manasikarontassa kammaṭṭhānaṃ na upaṭṭhāti. Tato cintesi – ‘‘ayaṃ janapado mayhaṃ asappāyo, yaṃnūnāhaṃ satthu santike kammaṭṭhānaṃ gahetvā sakaraṭṭhameva gaccheyya’’nti. Atha pubbaṇhasamaye piṇḍāya caritvā, sāyanhe paṭisallānā vuṭṭhahitvā, bhagavantaṃ upasaṅkamitvā, kammaṭṭhānaṃ kathāpetvā, satta sīhanāde naditvā, pakkāmi. Tena vuttaṃ, ‘‘atha kho āyasmā puṇṇo…pe… viharatī’’ti.
гад̇т̇а банааяам̣ вихаасийд̇и? жад̇уусу таанзсу вихааси. сунаабаранд̇арадтам̣ д̇аава бависид̇ваа жа аб̣б̣ухад̇т̇абаб̣б̣ад̇ам̣ наама бад̇ваа ваан̣иж̇аг̇аамам̣ бин̣д̣ааяа баависи. ат̇а нам̣ ганидтабхаад̇аа сан̃ж̇аанид̇ваа бхигкам̣ д̣̇ад̇ваа, ‘‘бханд̇з, ан̃н̃ад̇т̇а аг̇анд̇ваа ид̇хзва васат̇аа’’д̇и бадин̃н̃ам̣ гаарзд̇ваа д̇ад̇т̇зва васаабзси.
Kattha panāyaṃ vihāsīti? Catūsu ṭhānesu vihāsi. Sunāparantaraṭṭhaṃ tāva pavisitvā ca abbuhatthapabbataṃ nāma patvā vāṇijagāmaṃ piṇḍāya pāvisi. Atha naṃ kaniṭṭhabhātā sañjānitvā bhikkhaṃ datvā, ‘‘bhante, aññattha agantvā idheva vasathā’’ti paṭiññaṃ kāretvā tattheva vasāpesi.
д̇ад̇о самуд̣̇д̣̇аг̇иривихаарам̣ наама аг̇амааси. д̇ад̇т̇а аяаганд̇абаасаан̣зхи барижчинд̣̇ид̇ваа гад̇ажан̇гамо ад̇т̇и, гожи д̇ам̣ жан̇гамид̇ум̣ самад̇т̇о наама над̇т̇и. д̇ад̇т̇а самуд̣̇д̣̇авийжияо ааг̇анд̇ваа аяаганд̇абаасаан̣зсу бахарид̇ваа махаасад̣̇д̣̇ам̣ гаронд̇и. т̇зро ‘‘гаммадтаанам̣ манасигаронд̇аанам̣ паасувихааро ход̇уу’’д̇и самуд̣̇д̣̇ам̣ ниссад̣̇д̣̇ам̣ гад̇ваа ад̇хидтааси.
Tato samuddagirivihāraṃ nāma agamāsi. Tattha ayakantapāsāṇehi paricchinditvā katacaṅkamo atthi, koci taṃ caṅkamituṃ samattho nāma natthi. Tattha samuddavīciyo āgantvā ayakantapāsāṇesu paharitvā mahāsaddaṃ karonti. Thero ‘‘kammaṭṭhānaṃ manasikarontānaṃ phāsuvihāro hotū’’ti samuddaṃ nissaddaṃ katvā adhiṭṭhāsi.
д̇ад̇о маад̇улаг̇ирим̣ наама аг̇амааси. д̇ад̇т̇аби сагун̣асан̇гхо уссанно рад̇д̇ин̃жа д̣̇иваа жа сад̣̇д̣̇о згааб̣ад̣̇д̇хова ахоси. т̇зро ‘‘ид̣̇ам̣ таанам̣ на паасуга’’нд̇и д̇ад̇о магулагаараамавихаарам̣ наама г̇ад̇о. со ваан̣иж̇аг̇аамасса наад̇ид̣̇ууро нажжаасанно г̇аманааг̇аманасамбанно вивид̇д̇о аббасад̣̇д̣̇о. т̇зро ‘‘имам̣ таанам̣ паасуга’’нд̇и д̇ад̇т̇а рад̇д̇идтаанад̣̇иваадтаанажан̇гаманаад̣̇ийни гаарзд̇ваа вассам̣ убаг̇ажчи. звам̣ жад̇уусу таанзсу вихааси.
Tato mātulagiriṃ nāma agamāsi. Tatthapi sakuṇasaṅgho ussanno rattiñca divā ca saddo ekābaddhova ahosi. Thero ‘‘idaṃ ṭhānaṃ na phāsuka’’nti tato makulakārāmavihāraṃ nāma gato. So vāṇijagāmassa nātidūro naccāsanno gamanāgamanasampanno vivitto appasaddo. Thero ‘‘imaṃ ṭhānaṃ phāsuka’’nti tattha rattiṭṭhānadivāṭṭhānacaṅkamanādīni kāretvā vassaṃ upagacchi. Evaṃ catūsu ṭhānesu vihāsi.
ат̇згад̣̇ивасам̣ д̇асмим̣язва анд̇овассз бан̃жа ваан̣иж̇асад̇аани ‘‘барасамуд̣̇д̣̇ам̣ г̇ажчаамаа’’д̇и наавааяа бхан̣д̣ам̣ багкибим̣су. нааваароханад̣̇ивасз т̇зрасса ганидтабхаад̇аа т̇зрам̣ бхож̇зд̇ваа, т̇зрасса санд̇игз сигкаабад̣̇аани г̇ахзд̇ваа, ванд̣̇ид̇ваа, ‘‘бханд̇з, самуд̣̇д̣̇о наама асад̣̇д̇хзяяо анзганд̇арааяо, амхз ааваж̇ж̇зяяаат̇аа’’д̇и вад̇ваа наавам̣ аарухи. нааваа уд̇д̇амаж̇авзна г̇ажчамаанаа ан̃н̃ад̇арам̣ д̣̇ийбагам̣ баабун̣и. мануссаа ‘‘баад̇араасам̣ гариссаамаа’’д̇и д̣̇ийбагз уд̇д̇ин̣н̣аа. д̇асмим̣ бана д̣̇ийбагз ан̃н̃ам̣ гин̃жи над̇т̇и, жанд̣̇анаванамзва ахоси.
Athekadivasaṃ tasmiṃyeva antovasse pañca vāṇijasatāni ‘‘parasamuddaṃ gacchāmā’’ti nāvāya bhaṇḍaṃ pakkhipiṃsu. Nāvārohanadivase therassa kaniṭṭhabhātā theraṃ bhojetvā, therassa santike sikkhāpadāni gahetvā, vanditvā, ‘‘bhante, samuddo nāma asaddheyyo anekantarāyo, amhe āvajjeyyāthā’’ti vatvā nāvaṃ āruhi. Nāvā uttamajavena gacchamānā aññataraṃ dīpakaṃ pāpuṇi. Manussā ‘‘pātarāsaṃ karissāmā’’ti dīpake uttiṇṇā. Tasmiṃ pana dīpake aññaṃ kiñci natthi, candanavanameva ahosi.
ат̇зго ваасияаа ругкам̣ аагодзд̇ваа лохид̇ажанд̣̇анабхаавам̣ н̃ад̇ваа ааха – ‘‘бхо, маяам̣ лаабхад̇т̇ааяа барасамуд̣̇д̣̇ам̣ г̇ажчаама, ид̇о жа уд̇д̇ари лаабхо наама над̇т̇и, жад̇уран̇г̇уламад̇д̇аа гхадигаа сад̇асахассам̣ аг̇гхад̇и. хаарзд̇аб̣б̣аяуд̇д̇агам̣ бхан̣д̣ам̣ хаарзд̇ваа жанд̣̇анасса буурзссаамаа’’д̇и д̇з д̇ат̇аа гарим̣су . жанд̣̇анаванз ад̇хивад̇т̇аа амануссаа гуж̇жхид̇ваа, ‘‘имзхи амхаагам̣ жанд̣̇анаванам̣ наасид̇ам̣ гхаад̇зссаама нз’’д̇и жинд̇зд̇ваа – ‘‘ид̇хзва гхаад̇ид̇зсу саб̣б̣ам̣ згагун̣абам̣ бхависсад̇и, самуд̣̇д̣̇амаж̇жхз нзсам̣ наавам̣ осийд̣̇зссаамаа’’д̇и аахам̣су. ат̇а нзсам̣ наавам̣ ааруяха мухуд̇д̇ам̣ г̇ад̇агаалзязва уббаад̇игам̣ удтабзд̇ваа саяамби д̇з амануссаа бхаяаанагаани руубаани д̣̇ассаяим̣су. бхийд̇аа мануссаа ад̇д̇ано ад̇д̇ано д̣̇звад̇аанам̣ намассанд̇и. т̇зрасса ганидто жуул̣абун̣н̣агудумб̣иго ‘‘маяхам̣ бхаад̇аа авассаяо ход̇уу’’д̇и т̇зрасса намассамаано адтааси.
Atheko vāsiyā rukkhaṃ ākoṭetvā lohitacandanabhāvaṃ ñatvā āha – ‘‘bho, mayaṃ lābhatthāya parasamuddaṃ gacchāma, ito ca uttari lābho nāma natthi, caturaṅgulamattā ghaṭikā satasahassaṃ agghati. Hāretabbayuttakaṃ bhaṇḍaṃ hāretvā candanassa pūressāmā’’ti te tathā kariṃsu . Candanavane adhivatthā amanussā kujjhitvā, ‘‘imehi amhākaṃ candanavanaṃ nāsitaṃ ghātessāma ne’’ti cintetvā – ‘‘idheva ghātitesu sabbaṃ ekakuṇapaṃ bhavissati, samuddamajjhe nesaṃ nāvaṃ osīdessāmā’’ti āhaṃsu. Atha nesaṃ nāvaṃ āruyha muhuttaṃ gatakāleyeva uppātikaṃ uṭṭhapetvā sayampi te amanussā bhayānakāni rūpāni dassayiṃsu. Bhītā manussā attano attano devatānaṃ namassanti. Therassa kaniṭṭho cūḷapuṇṇakuṭumbiko ‘‘mayhaṃ bhātā avassayo hotū’’ti therassa namassamāno aṭṭhāsi.
т̇зроби гира д̇асмим̣язва кан̣з ааваж̇ж̇зд̇ваа, д̇зсам̣ б̣яасануббад̇д̇им̣ н̃ад̇ваа, взхаасам̣ уббад̇ид̇ваа, абхимуко адтааси. амануссаа т̇зрам̣ д̣̇исваава ‘‘аяяо бун̣н̣ад̇т̇зро зд̇ий’’д̇и абаггамим̣су, уббаад̇игам̣ саннисийд̣̇и. т̇зро ‘‘маа бхааяат̇аа’’д̇и д̇з ассаасзд̇ваа ‘‘гахам̣ г̇анд̇угаамад̇т̇аа’’д̇и бужчи. бханд̇з, амхаагам̣ сагадтаанамзва г̇ажчаамаад̇и. т̇зро нааван̇г̇ан̣з аггамид̇ваа ‘‘зд̇зсам̣ ижчид̇адтаанам̣ г̇ажчад̇уу’’д̇и ад̇хидтааси. ваан̣иж̇аа сагадтаанам̣ г̇анд̇ваа, д̇ам̣ бавад̇д̇им̣ буд̇д̇ад̣̇аарасса аарожзд̇ваа, ‘‘зт̇а т̇зрам̣ саран̣ам̣ г̇ажчаамаа’’д̇и бан̃жасад̇ааби ад̇д̇ано бан̃жахи маад̇уг̇аамасад̇зхи сад̣̇д̇хим̣ д̇ийсу саран̣зсу бад̇идтааяа убаасагад̇д̇ам̣ бадивзд̣̇зсум̣. д̇ад̇о наавааяа бхан̣д̣ам̣ од̇аарзд̇ваа т̇зрасса згам̣ годтаасам̣ гад̇ваа, ‘‘аяам̣, бханд̇з, д̇умхаагам̣ годтаасо’’д̇и аахам̣су. т̇зро маяхам̣ висум̣ годтаасагижжам̣ над̇т̇и. сад̇т̇аа бана д̇умхзхи д̣̇идтабуб̣б̣од̇и. на д̣̇идтабуб̣б̣о, бханд̇зд̇и. д̇зна хи иминаа сад̇т̇у ман̣д̣аламаал̣ам̣ гарот̇а. звам̣ сад̇т̇аарам̣ бассиссат̇аад̇и. д̇з саад̇ху, бханд̇зд̇и. д̇зна жа годтаасзна ад̇д̇ано жа годтаасзхи ман̣д̣аламаал̣ам̣ гаад̇ум̣ аарабхим̣су.
Theropi kira tasmiṃyeva khaṇe āvajjetvā, tesaṃ byasanuppattiṃ ñatvā, vehāsaṃ uppatitvā, abhimukho aṭṭhāsi. Amanussā theraṃ disvāva ‘‘ayyo puṇṇatthero etī’’ti apakkamiṃsu, uppātikaṃ sannisīdi. Thero ‘‘mā bhāyathā’’ti te assāsetvā ‘‘kahaṃ gantukāmatthā’’ti pucchi. Bhante, amhākaṃ sakaṭṭhānameva gacchāmāti. Thero nāvaṅgaṇe akkamitvā ‘‘etesaṃ icchitaṭṭhānaṃ gacchatū’’ti adhiṭṭhāsi. Vāṇijā sakaṭṭhānaṃ gantvā, taṃ pavattiṃ puttadārassa ārocetvā, ‘‘etha theraṃ saraṇaṃ gacchāmā’’ti pañcasatāpi attano pañcahi mātugāmasatehi saddhiṃ tīsu saraṇesu patiṭṭhāya upāsakattaṃ paṭivedesuṃ. Tato nāvāya bhaṇḍaṃ otāretvā therassa ekaṃ koṭṭhāsaṃ katvā, ‘‘ayaṃ, bhante, tumhākaṃ koṭṭhāso’’ti āhaṃsu. Thero mayhaṃ visuṃ koṭṭhāsakiccaṃ natthi. Satthā pana tumhehi diṭṭhapubboti. Na diṭṭhapubbo, bhanteti. Tena hi iminā satthu maṇḍalamāḷaṃ karotha. Evaṃ satthāraṃ passissathāti. Te sādhu, bhanteti. Tena ca koṭṭhāsena attano ca koṭṭhāsehi maṇḍalamāḷaṃ kātuṃ ārabhiṃsu.
сад̇т̇ааби гира д̇ам̣ аарад̣̇д̇хагаалад̇о бадтааяа барибхог̇ам̣ агааси. аарагкамануссаа рад̇д̇им̣ обхаасам̣ д̣̇исваа, ‘‘махзсагкаа д̣̇звад̇аа ад̇т̇ий’’д̇и сан̃н̃ам̣ гарим̣су. убаасагаа ман̣д̣аламаал̣ан̃жа бхигкусан̇гхасса жа сзнаасанаани нидтаабзд̇ваа д̣̇аанасамбхаарам̣ саж̇ж̇зд̇ваа, ‘‘гад̇ам̣, бханд̇з, амхзхи ад̇д̇ано гижжам̣, сад̇т̇аарам̣ баггосат̇аа’’д̇и т̇зрасса аарожзсум̣. т̇зро сааяанхасамаяз ид̣̇д̇хияаа саавад̇т̇им̣ г̇анд̇ваа, ‘‘бханд̇з, ваан̣иж̇аг̇аамаваасино д̇умхз д̣̇адтугаамаа , д̇зсам̣ анугамбам̣ гарот̇аа’’д̇и бхаг̇аванд̇ам̣ яаажи. бхаг̇аваа ад̇хиваасзси. т̇зро сагадтаанамзва бажжааг̇ад̇о.
Satthāpi kira taṃ āraddhakālato paṭṭhāya paribhogaṃ akāsi. Ārakkhamanussā rattiṃ obhāsaṃ disvā, ‘‘mahesakkhā devatā atthī’’ti saññaṃ kariṃsu. Upāsakā maṇḍalamāḷañca bhikkhusaṅghassa ca senāsanāni niṭṭhāpetvā dānasambhāraṃ sajjetvā, ‘‘kataṃ, bhante, amhehi attano kiccaṃ, satthāraṃ pakkosathā’’ti therassa ārocesuṃ. Thero sāyanhasamaye iddhiyā sāvatthiṃ gantvā, ‘‘bhante, vāṇijagāmavāsino tumhe daṭṭhukāmā , tesaṃ anukampaṃ karothā’’ti bhagavantaṃ yāci. Bhagavā adhivāsesi. Thero sakaṭṭhānameva paccāgato.
бхаг̇авааби аананд̣̇ад̇т̇зрам̣ ааманд̇зси, ‘‘аананд̣̇а, свз сунаабаранд̇з ваан̣иж̇аг̇аамз бин̣д̣ааяа жариссаама, д̇вам̣ згуунабан̃жасад̇аанам̣ бхигкуунам̣ салаагам̣ д̣̇зхий’’д̇и. т̇зро ‘‘саад̇ху, бханд̇з’’д̇и бхигкусан̇гхасса д̇амад̇т̇ам̣ аарожзд̇ваа, ‘‘аагаасажаарий бхигкуу салаагам̣ г̇ан̣ханд̇уу’’д̇и ааха. д̇ам̣д̣̇ивасам̣ гун̣д̣ад̇хаанад̇т̇зро батамам̣ салаагам̣ аг̇г̇ахзси. ваан̣иж̇аг̇аамаваасиноби ‘‘свз гира сад̇т̇аа ааг̇амиссад̇ий’’д̇и г̇аамамаж̇жхз ман̣д̣абам̣ гад̇ваа д̣̇аанаг̇г̇ам̣ саж̇ж̇аяим̣су. бхаг̇аваа баад̇ова сарийрабадиж̇аг̇г̇анам̣ гад̇ваа, г̇анд̇хагудим̣ бависид̇ваа, паласамаабад̇д̇им̣ аббзд̇ваа, нисийд̣̇и. саггасса бан̣д̣угамб̣аласилаасанам̣ ун̣хам̣ ахоси. со ‘‘гим̣ ид̣̇а’’нд̇и ааваж̇ж̇зд̇ваа сад̇т̇у сунаабаранд̇аг̇аманам̣ д̣̇исваа, виссагаммам̣ ааманд̇зси, ‘‘д̇аад̇а, аж̇ж̇а бхаг̇аваа д̇им̣самад̇д̇аани яож̇анасад̇аани бин̣д̣ажаарам̣ г̇амиссад̇и. бан̃жа гуудааг̇аарасад̇аани маабзд̇ваа ж̇зд̇аванад̣̇ваарагодтагамад̇т̇агз г̇аманасаж̇ж̇аани гад̇ваа табзхий’’д̇и. со д̇ат̇аа агааси. бхаг̇авад̇о гуудааг̇аарам̣ жад̇умукам̣ ахоси, д̣̇виннам̣ аг̇г̇асаавагаанам̣ д̣̇вимукаани, сзсаани згамукаани, сад̇т̇аа г̇анд̇хагудид̇о нигкамид̇ваа бадибаадияаа табид̇агуудааг̇аарзсу д̇хурагуудааг̇аарам̣ баависи. д̣̇вз аг̇г̇асаавагз аад̣̇им̣ гад̇ваа згуунабан̃жабхигкусад̇ааниби гуудааг̇аараг̇ад̇аани ахзсум̣. згам̣ д̇ужчам̣ гуудааг̇аарам̣ ахоси, бан̃жаби гуудааг̇аарасад̇аани аагаасз уббад̇д̇им̣су.
Bhagavāpi ānandattheraṃ āmantesi, ‘‘ānanda, sve sunāparante vāṇijagāme piṇḍāya carissāma, tvaṃ ekūnapañcasatānaṃ bhikkhūnaṃ salākaṃ dehī’’ti. Thero ‘‘sādhu, bhante’’ti bhikkhusaṅghassa tamatthaṃ ārocetvā, ‘‘ākāsacārī bhikkhū salākaṃ gaṇhantū’’ti āha. Taṃdivasaṃ kuṇḍadhānatthero paṭhamaṃ salākaṃ aggahesi. Vāṇijagāmavāsinopi ‘‘sve kira satthā āgamissatī’’ti gāmamajjhe maṇḍapaṃ katvā dānaggaṃ sajjayiṃsu. Bhagavā pātova sarīrapaṭijagganaṃ katvā, gandhakuṭiṃ pavisitvā, phalasamāpattiṃ appetvā, nisīdi. Sakkassa paṇḍukambalasilāsanaṃ uṇhaṃ ahosi. So ‘‘kiṃ ida’’nti āvajjetvā satthu sunāparantagamanaṃ disvā, vissakammaṃ āmantesi, ‘‘tāta, ajja bhagavā tiṃsamattāni yojanasatāni piṇḍacāraṃ gamissati. Pañca kūṭāgārasatāni māpetvā jetavanadvārakoṭṭhakamatthake gamanasajjāni katvā ṭhapehī’’ti. So tathā akāsi. Bhagavato kūṭāgāraṃ catumukhaṃ ahosi, dvinnaṃ aggasāvakānaṃ dvimukhāni, sesāni ekamukhāni, satthā gandhakuṭito nikkhamitvā paṭipāṭiyā ṭhapitakūṭāgāresu dhurakūṭāgāraṃ pāvisi. Dve aggasāvake ādiṃ katvā ekūnapañcabhikkhusatānipi kūṭāgāragatāni ahesuṃ. Ekaṃ tucchaṃ kūṭāgāraṃ ahosi, pañcapi kūṭāgārasatāni ākāse uppattiṃsu.
сад̇т̇аа сажжаб̣анд̇хабаб̣б̣ад̇ам̣ наама бад̇ваа гуудааг̇аарам̣ аагаасз табзси. д̇асмим̣ баб̣б̣ад̇з сажжаб̣анд̇хо наама мижчаад̣̇идтигад̇аабасо махааж̇анам̣ мижчаад̣̇идтим̣ уг̇г̇ан̣хаабзнд̇о лаабхаг̇г̇аяасаг̇г̇аббад̇д̇о худ̇ваа васад̇и, аб̣бханд̇арз жасса анд̇ожаадияам̣ бад̣̇ийбо вияа арахад̇д̇апаласса убаниссаяо ж̇алад̇и. д̇ам̣ д̣̇исваа ‘‘д̇хаммамасса гат̇зссаамий’’д̇и г̇анд̇ваа д̇хаммам̣ д̣̇зсзси. д̇аабасо д̣̇зсанаабарияосаанз арахад̇д̇ам̣ баабун̣и. маг̇г̇знзвасса абхин̃н̃аа ааг̇ад̇аа. со зхибхигку худ̇ваа ид̣̇д̇химаяабад̇д̇ажийварад̇харо д̇ужчагуудааг̇аарам̣ баависи.
Satthā saccabandhapabbataṃ nāma patvā kūṭāgāraṃ ākāse ṭhapesi. Tasmiṃ pabbate saccabandho nāma micchādiṭṭhikatāpaso mahājanaṃ micchādiṭṭhiṃ uggaṇhāpento lābhaggayasaggappatto hutvā vasati, abbhantare cassa antocāṭiyaṃ padīpo viya arahattaphalassa upanissayo jalati. Taṃ disvā ‘‘dhammamassa kathessāmī’’ti gantvā dhammaṃ desesi. Tāpaso desanāpariyosāne arahattaṃ pāpuṇi. Maggenevassa abhiññā āgatā. So ehibhikkhu hutvā iddhimayapattacīvaradharo tucchakūṭāgāraṃ pāvisi.
бхаг̇аваа гуудааг̇аараг̇ад̇зхи бан̃жахи бхигкусад̇зхи сад̣̇д̇хим̣ ваан̣иж̇аг̇аамам̣ г̇анд̇ваа, гуудааг̇аараани ад̣̇иссамаанагаани гад̇ваа, ваан̣иж̇аг̇аамам̣ баависи. ваан̣иж̇аа б̣уд̣̇д̇хаббамукасса сан̇гхасса махаад̣̇аанам̣ д̣̇ад̇ваа сад̇т̇аарам̣ магулагаараамам̣ наяим̣су. сад̇т̇аа ман̣д̣аламаал̣ам̣ баависи. махааж̇ано яаава сад̇т̇аа бхад̇д̇ад̣̇арат̇ам̣ бадиббассамбхзд̇и, д̇аава баад̇араасам̣ гад̇ваа убосат̇ан̇г̇аани самаад̣̇ааяа б̣ахум̣ г̇анд̇хан̃жа бубпан̃жа аад̣̇ааяа д̇хаммассаванад̇т̇ааяа аараамам̣ бажжааг̇амааси. сад̇т̇аа д̇хаммам̣ д̣̇зсзси. махааж̇анасса б̣анд̇ханамогко ж̇аад̇о, маханд̇ам̣ б̣уд̣̇д̇хаголаахалам̣ ахоси.
Bhagavā kūṭāgāragatehi pañcahi bhikkhusatehi saddhiṃ vāṇijagāmaṃ gantvā, kūṭāgārāni adissamānakāni katvā, vāṇijagāmaṃ pāvisi. Vāṇijā buddhappamukhassa saṅghassa mahādānaṃ datvā satthāraṃ makulakārāmaṃ nayiṃsu. Satthā maṇḍalamāḷaṃ pāvisi. Mahājano yāva satthā bhattadarathaṃ paṭippassambheti, tāva pātarāsaṃ katvā uposathaṅgāni samādāya bahuṃ gandhañca pupphañca ādāya dhammassavanatthāya ārāmaṃ paccāgamāsi. Satthā dhammaṃ desesi. Mahājanassa bandhanamokkho jāto, mahantaṃ buddhakolāhalaṃ ahosi.
сад̇т̇аа махааж̇анасса сан̇г̇ахад̇т̇ааяа сад̇д̇аахам̣ д̇ад̇т̇зва васи, арун̣ам̣ бана махааг̇анд̇хагудияам̣язва удтабзси. сад̇д̇аахамби д̇хаммад̣̇зсанаабарияосаанз жад̇ураасийд̇ияаа баан̣асахассаанам̣ д̇хаммаабхисамаяо ахоси. д̇ад̇т̇а сад̇д̇аахам̣ васид̇ваа, ваан̣иж̇аг̇аамз бин̣д̣ааяа жарид̇ваа, ‘‘д̇вам̣ ид̇хзва васаахий’’д̇и бун̣н̣ад̇т̇зрам̣ нивад̇д̇зд̇ваа анд̇арз наммад̣̇аанад̣̇ий наама ад̇т̇и, д̇ассаа д̇ийрам̣ аг̇амааси. наммад̣̇аа нааг̇арааж̇аа сад̇т̇у бажжуг̇г̇аманам̣ гад̇ваа, нааг̇абхаванам̣ бавзсзд̇ваа, д̇ин̣н̣ам̣ рад̇анаанам̣ саггаарам̣ агааси. сад̇т̇аа д̇асса д̇хаммам̣ гат̇зд̇ваа нааг̇абхаванаа нигками. со ‘‘маяхам̣, бханд̇з, барижарид̇аб̣б̣ам̣ д̣̇зт̇аа’’д̇и яаажи. бхаг̇аваа наммад̣̇аанад̣̇ийд̇ийрз бад̣̇ажзд̇ияам̣ д̣̇ассзси. д̇ам̣ вийжийсу ааг̇ад̇аасу бид̇хийяад̇и, г̇ад̇аасу виварийяад̇и. махаасаггаарабад̇д̇ам̣ ахоси. сад̇т̇аа д̇ад̇о нигкамид̇ваа сажжаб̣анд̇хабаб̣б̣ад̇ам̣ г̇анд̇ваа сажжаб̣анд̇хам̣ ааха – ‘‘д̇аяаа махааж̇ано абааяамаг̇г̇з од̇аарид̇о. д̇вам̣ ид̇хзва васид̇ваа, зд̇зсам̣ лад̣̇д̇хим̣ виссаж̇ж̇аабзд̇ваа, ниб̣б̣аанамаг̇г̇з бад̇идтаабзхий’’д̇и. соби барижарид̇аб̣б̣ам̣ яаажи. сад̇т̇аа гханабидтибаасаан̣з алламад̇д̇игабин̣д̣амхи лан̃чанам̣ вияа бад̣̇ажзд̇ияам̣ д̣̇ассзси. д̇ад̇о ж̇зд̇аванамзва г̇ад̇о. зд̇амад̇т̇ам̣ санд̇хааяа д̇знзва анд̇аравассзнаад̇иаад̣̇и вуд̇д̇ам̣.
Satthā mahājanassa saṅgahatthāya sattāhaṃ tattheva vasi, aruṇaṃ pana mahāgandhakuṭiyaṃyeva uṭṭhapesi. Sattāhampi dhammadesanāpariyosāne caturāsītiyā pāṇasahassānaṃ dhammābhisamayo ahosi. Tattha sattāhaṃ vasitvā, vāṇijagāme piṇḍāya caritvā, ‘‘tvaṃ idheva vasāhī’’ti puṇṇattheraṃ nivattetvā antare nammadānadī nāma atthi, tassā tīraṃ agamāsi. Nammadā nāgarājā satthu paccuggamanaṃ katvā, nāgabhavanaṃ pavesetvā, tiṇṇaṃ ratanānaṃ sakkāraṃ akāsi. Satthā tassa dhammaṃ kathetvā nāgabhavanā nikkhami. So ‘‘mayhaṃ, bhante, paricaritabbaṃ dethā’’ti yāci. Bhagavā nammadānadītīre padacetiyaṃ dassesi. Taṃ vīcīsu āgatāsu pidhīyati, gatāsu vivarīyati. Mahāsakkārapattaṃ ahosi. Satthā tato nikkhamitvā saccabandhapabbataṃ gantvā saccabandhaṃ āha – ‘‘tayā mahājano apāyamagge otārito. Tvaṃ idheva vasitvā, etesaṃ laddhiṃ vissajjāpetvā, nibbānamagge patiṭṭhāpehī’’ti. Sopi paricaritabbaṃ yāci. Satthā ghanapiṭṭhipāsāṇe allamattikapiṇḍamhi lañchanaṃ viya padacetiyaṃ dassesi. Tato jetavanameva gato. Etamatthaṃ sandhāya teneva antaravassenātiādi vuttaṃ.
бариниб̣б̣ааяийд̇и анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. махааж̇ано т̇зрасса сад̇д̇а д̣̇ивасаани сарийрабууж̇ам̣ гад̇ваа, б̣ахууни г̇анд̇хагадтаани самод̇хаанзд̇ваа, сарийрам̣ жхаабзд̇ваа д̇хаад̇уяо аад̣̇ааяа жзд̇ияам̣ агааси. самб̣ахулаа бхигкууд̇и т̇зрасса аал̣ааханадтаанз тид̇абхигкуу. сзсам̣ саб̣б̣ад̇т̇а уд̇д̇аанамзва. чадтам̣ уд̇д̇аанамзва.
Parinibbāyīti anupādisesāya nibbānadhātuyā parinibbāyi. Mahājano therassa satta divasāni sarīrapūjaṃ katvā, bahūni gandhakaṭṭhāni samodhānetvā, sarīraṃ jhāpetvā dhātuyo ādāya cetiyaṃ akāsi. Sambahulā bhikkhūti therassa āḷāhanaṭṭhāne ṭhitabhikkhū. Sesaṃ sabbattha uttānameva. Chaṭṭhaṃ uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
5. бун̣н̣асуд̇д̇ам̣ • 5. Puṇṇasuttaṃ
6. б̣аахияасуд̇д̇ам̣ • 6. Bāhiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. бун̣н̣асуд̇д̇аад̣̇иван̣н̣анаа • 5-6. Puṇṇasuttādivaṇṇanā
