| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5-6. бун̣н̣асуд̇д̇аад̣̇иван̣н̣анаа
5-6. Puṇṇasuttādivaṇṇanā
88-89. д̇анд̇и жагкуруубад̣̇ваяам̣. д̇знааха ‘‘жагкун̃жзва руубан̃жаа’’д̇и. нанд̣̇исамуд̣̇аяаад̇и нанд̣̇ияаа самуд̣̇аяад̇ан̣хааяа сзсагааран̣зхи нанд̣̇ияаа самуд̣̇ид̇и самод̇хаанам̣ нанд̣̇исамуд̣̇аяо, д̇асмаа нанд̣̇исамуд̣̇аяаа. д̇знааха ‘‘д̇ан̣хааяа самод̇хаанзнаа’’д̇и. бан̃жагканд̇хасан̇каад̇асса д̣̇угкасса самод̇хаанзна самуд̣̇ид̇и бавад̇д̇иязваад̇и саха самуд̣̇аязна д̣̇угкасса д̣̇ассид̇ад̇д̇аа ‘‘ваддам̣ мад̇т̇агам̣ баабзд̇ваа’’д̇и вуд̇д̇ам̣. нирод̇хуубааязна сад̣̇д̇хим̣ нирод̇хасса д̣̇ассид̇ад̇д̇аа ‘‘виваддам̣ мад̇т̇агам̣ баабзд̇ваа’’д̇и. бужчаанусанд̇хиаад̣̇ийсу ан̃н̃ад̇аро на ход̇ийд̇и ааха – ‘‘баадиязгго анусанд̇хий’’д̇и.
88-89.Tanti cakkhurūpadvayaṃ. Tenāha ‘‘cakkhuñceva rūpañcā’’ti. Nandisamudayāti nandiyā samudayataṇhāya sesakāraṇehi nandiyā samuditi samodhānaṃ nandisamudayo, tasmā nandisamudayā. Tenāha ‘‘taṇhāya samodhānenā’’ti. Pañcakkhandhasaṅkhātassa dukkhassa samodhānena samuditi pavattiyevāti saha samudayena dukkhassa dassitattā ‘‘vaṭṭaṃ matthakaṃ pāpetvā’’ti vuttaṃ. Nirodhūpāyena saddhiṃ nirodhassa dassitattā ‘‘vivaṭṭaṃ matthakaṃ pāpetvā’’ti. Pucchānusandhiādīsu aññataro na hotīti āha – ‘‘pāṭiyekko anusandhī’’ti.
жан̣д̣аад̇и год̇ханаа. д̣̇удтаад̇и д̣̇осаванд̇од̇и ад̇т̇о. гиб̣б̣исаад̇и баабаа. гагкал̣аад̇и д̣̇аарун̣аа. гхадигамуг̇г̇арзнаад̇и згасмим̣ багкз гхадигам̣ д̣̇ассзд̇ваа гад̇зна рассад̣̇ан̣д̣зна. сад̇д̇аанам̣ сасанад̇о сад̇т̇ам̣, д̇ад̇о зва ж̇ийвид̇асса харан̣ад̇о хаараган̃жаад̇и сад̇т̇ахаарагам̣. инд̣̇рияасам̣варо ‘‘д̣̇амо’’д̇и вуд̇д̇о манажчадтаанам̣ инд̣̇рияаанам̣ д̣̇аманад̇о. бан̃н̃аа ‘‘д̣̇амо’’д̇и вуд̇д̇аа гилзсависзвид̇аанам̣ д̣̇аманад̇о вуубасаманад̇о. убосат̇агаммам̣ ‘‘д̣̇амо’’д̇и вуд̇д̇ам̣ гааяад̣̇ваараад̣̇ийхи уббаж̇ж̇анагаасамасса д̣̇аманад̇о. канд̇и ‘‘д̣̇амо’’д̇и взд̣̇ид̇аб̣б̣аа агканд̇ияаа д̣̇аманад̇о вуубасаманад̇о. д̇знааха ‘‘убасамод̇и д̇ассзва взважана’’нд̇и.
Caṇḍāti kodhanā. Duṭṭhāti dosavantoti attho. Kibbisāti pāpā. Kakkhaḷāti dāruṇā. Ghaṭikamuggarenāti ekasmiṃ pakkhe ghaṭikaṃ dassetvā katena rassadaṇḍena. Sattānaṃ sasanato satthaṃ, tato eva jīvitassa haraṇato hārakañcāti satthahārakaṃ. Indriyasaṃvaro ‘‘damo’’ti vutto manacchaṭṭhānaṃ indriyānaṃ damanato. Paññā ‘‘damo’’ti vuttā kilesavisevitānaṃ damanato vūpasamanato. Uposathakammaṃ ‘‘damo’’tivuttaṃ kāyadvārādīhi uppajjanakaasamassa damanato. Khanti ‘‘damo’’ti veditabbā akkhantiyā damanato vūpasamanato. Tenāha ‘‘upasamoti tasseva vevacana’’nti.
зд̇т̇аад̇и сунаабаранд̇аж̇анабад̣̇з. зд̇з д̣̇взд̇и аяам̣ бун̣н̣ад̇т̇зро д̇асса ганидтод̇и зд̇з д̣̇вз бхаад̇аро. аахажжа адтааси ул̣аарам̣ б̣уд̣̇д̇хаарамман̣ам̣ бийд̇им̣ уббаад̣̇зд̇ваа. сад̇д̇а сийханаад̣̇з над̣̇ид̇ваад̇и маммажчзд̣̇агаанамби аггосабарибхаасаанам̣ каманз санд̇осаабхаавад̣̇ийбанам̣, баан̣иббахаарасса, лзд̣д̣уббахаарасса, д̣̇ан̣д̣аббахаарасса, сад̇т̇аббахаарасса, ж̇ийвид̇аворобанасса, каманз санд̇осаабхаавад̣̇ийбанан̃жаад̇и звам̣ сад̇д̇а сийханаад̣̇з над̣̇ид̇ваа. жад̇уусу таанзсу васид̇ад̇д̇аа баал̣ияам̣ васанадтаанам̣ ануд̣̇д̣̇зсигам̣ гад̇ваа ‘‘сунаабаранд̇асмим̣ ж̇анабад̣̇з вихарад̇и’’ижжзва вуд̇д̇ам̣.
Etthāti sunāparantajanapade. Ete dveti ayaṃ puṇṇatthero tassa kaniṭṭhoti ete dve bhātaro. Āhacca aṭṭhāsi uḷāraṃ buddhārammaṇaṃ pītiṃ uppādetvā. Satta sīhanāde naditvāti mammacchedakānampi akkosaparibhāsānaṃ khamane santosābhāvadīpanaṃ, pāṇippahārassa, leḍḍuppahārassa, daṇḍappahārassa, satthappahārassa, jīvitavoropanassa, khamane santosābhāvadīpanañcāti evaṃ satta sīhanāde naditvā. Catūsu ṭhānesu vasitattā pāḷiyaṃ vasanaṭṭhānaṃ anuddesikaṃ katvā ‘‘sunāparantasmiṃ janapade viharati’’icceva vuttaṃ.
жад̇уусу таанзсууд̇и аб̣б̣ухад̇т̇абаб̣б̣ад̇з, самуд̣̇д̣̇аг̇иривихаарз, маад̇улаг̇иримхи, магул̣агаараамавихаарзд̇и имзсу жад̇уусу таанзсу. д̇анд̇и жан̇гамам̣ ааруяха гожи бхигку жан̇гамид̇ум̣ самад̇т̇о над̇т̇и махад̇аа самуд̣̇д̣̇абариссаязна бхааванааманасигаарасса анабхисамбхун̣анад̇о. уббаад̇иганд̇и уббаад̇агарам̣ махаасан̇кобхам̣ удтабзд̇ваа. саммукзд̇и анилабад̣̇зсз. бадивзд̣̇зсунд̇и бавзд̣̇зсум̣.
Catūsu ṭhānesūti abbuhatthapabbate, samuddagirivihāre, mātulagirimhi, makuḷakārāmavihāreti imesu catūsu ṭhānesu. Tanti caṅkamaṃ āruyha koci bhikkhu caṅkamituṃ samattho natthi mahatā samuddaparissayena bhāvanāmanasikārassa anabhisambhuṇanato. Uppātikanti uppātakaraṃ mahāsaṅkhobhaṃ uṭṭhapetvā. Sammukheti anilapadese. Paṭivedesunti pavedesuṃ.
аарад̣̇д̇хагаалад̇о бадтааяаад̇и ман̣д̣аламаал̣асса гаад̇ум̣ бат̇авиймид̇агаалад̇о бабхуд̇и. сажжаб̣анд̇хзна бан̃жасад̇аани барибуурзд̇ум̣ ‘‘згуунабан̃жасад̇аана’’нд̇и вуд̇д̇ам̣. г̇анд̇хагудинд̇и ж̇зд̇аванамахаавихаарз махааг̇анд̇хагудим̣.
Āraddhakālato paṭṭhāyāti maṇḍalamāḷassa kātuṃ pathavīmitakālato pabhuti. Saccabandhena pañcasatāni paripūretuṃ ‘‘ekūnapañcasatāna’’nti vuttaṃ. Gandhakuṭinti jetavanamahāvihāre mahāgandhakuṭiṃ.
сажжаб̣анд̇ханаамод̇и сажжаб̣анд̇хз баб̣б̣ад̇з жираниваасид̇ааяа ‘‘сажжаб̣анд̇хо’’д̇взва лад̣̇д̇ханаамо. арахад̇д̇ам̣ баабун̣ийд̇и бан̃жаабхин̃н̃аабариваарам̣ арахад̇д̇ам̣ ад̇хиг̇ажчи. д̇знааха ‘‘маг̇г̇знзвасса абхин̃н̃аа ааг̇ад̇аа’’д̇и.
Saccabandhanāmoti saccabandhe pabbate ciranivāsitāya ‘‘saccabandho’’tveva laddhanāmo. Arahattaṃ pāpuṇīti pañcābhiññāparivāraṃ arahattaṃ adhigacchi. Tenāha ‘‘maggenevassa abhiññā āgatā’’ti.
д̇асмим̣ саннибад̇ид̇аа махааж̇анаа гзжи сод̇аабаннаа, гзжи сагад̣̇ааг̇аамино, гзжи анааг̇аамино, гзжи араханд̇о ахзсум̣. д̇ад̇т̇ааби гзжи д̇звиж̇ж̇аа, гзжи чал̣абхин̃н̃аа, гзжи бадисамбхид̣̇аббад̇д̇аа ахзсум̣. д̇ам̣ санд̇хааяа вуд̇д̇ам̣ ‘‘махааж̇анасса б̣анд̇ханамогко ж̇аад̇о’’д̇и. яз бана д̇ад̇т̇а саран̣аг̇аманабан̃жасийлад̣̇асасийласамаад̣̇аанзна лад̣̇д̇хаануг̇г̇ахаа, д̇зсам̣ д̣̇звад̇аанан̃жа васзна ‘‘маханд̇ам̣ б̣уд̣̇д̇хаголаахалам̣ ахосий’’д̇и вуд̇д̇ам̣.
Tasmiṃ sannipatitā mahājanā keci sotāpannā, keci sakadāgāmino, keci anāgāmino, keci arahanto ahesuṃ. Tatthāpi keci tevijjā, keci chaḷabhiññā, keci paṭisambhidappattā ahesuṃ. Taṃ sandhāya vuttaṃ ‘‘mahājanassa bandhanamokkho jāto’’ti. Ye pana tattha saraṇagamanapañcasīladasasīlasamādānena laddhānuggahā, tesaṃ devatānañca vasena ‘‘mahantaṃ buddhakolāhalaṃ ahosī’’ti vuttaṃ.
арун̣ам̣ бана махааг̇анд̇хагудияам̣язва удтабзси д̣̇звад̇аануг̇г̇ахад̇т̇ан̃жзва гулаануд̣̇аяааяа жа. абааяамаг̇г̇з од̇аарид̇о ‘‘гожи логасса саж̇ид̇аа ад̇т̇и, д̇асса васзна бавад̇д̇исам̣хаараа хонд̇и, д̇знзвааяам̣ баж̇аа санаат̇аа ход̇и, д̇ам̣ яун̃ж̇ад̇и жа д̇асмим̣ д̇асмим̣ гаммз’’д̇и мижчааг̇аахзхи. барижарид̇аб̣б̣ам̣ яаажи ‘‘зд̇т̇а маяаа жирам̣ васид̇аб̣б̣а’’нд̇и.
Aruṇaṃpana mahāgandhakuṭiyaṃyeva uṭṭhapesi devatānuggahatthañceva kulānudayāya ca. Apāyamagge otārito ‘‘koci lokassa sajitā atthi, tassa vasena pavattisaṃhārā honti, tenevāyaṃ pajā sanāthā hoti, taṃ yuñjati ca tasmiṃ tasmiṃ kamme’’ti micchāgāhehi. Paricaritabbaṃ yāci ‘‘ettha mayā ciraṃ vasitabba’’nti.
чадтанд̇и б̣аахияасуд̇д̇ам̣. д̇ам̣ уд̇д̇аанамзва хздтаа вуд̇д̇анаяад̇д̇аа.
Chaṭṭhanti bāhiyasuttaṃ. Taṃ uttānameva heṭṭhā vuttanayattā.
бун̣н̣асуд̇д̇аад̣̇иван̣н̣анаа нидтид̇аа.
Puṇṇasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
5. бун̣н̣асуд̇д̇ам̣ • 5. Puṇṇasuttaṃ
6. б̣аахияасуд̇д̇ам̣ • 6. Bāhiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. бун̣н̣асуд̇д̇аад̣̇иван̣н̣анаа • 5-6. Puṇṇasuttādivaṇṇanā
