Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

5. бун̣н̣асуд̇д̇ам̣

5. Puṇṇasuttaṃ

88. ат̇а ¹ ко ааяасмаа бун̣н̣о язна бхаг̇аваа д̇знубасан̇гами; убасан̇гамид̇ваа…бз… згаманд̇ам̣ нисинно ко ааяасмаа бун̣н̣о бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и.

88. Atha ² kho āyasmā puṇṇo yena bhagavā tenupasaṅkami; upasaṅkamitvā…pe… ekamantaṃ nisinno kho āyasmā puṇṇo bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.

‘‘санд̇и ко, бун̣н̣а, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇ад̇и нанд̣̇ий. ‘нанд̣̇исамуд̣̇аяаа д̣̇угкасамуд̣̇аяо, бун̣н̣аа’д̇и вад̣̇аами…бз… санд̇и ко, бун̣н̣а, ж̇ивхаавин̃н̃зяяаа расаа…бз… санд̇и ко, бун̣н̣а, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇ад̇и нанд̣̇ий. ‘нанд̣̇исамуд̣̇аяаа д̣̇угкасамуд̣̇аяо, бун̣н̣аа’д̇и вад̣̇аами.

‘‘Santi kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī. ‘Nandisamudayā dukkhasamudayo, puṇṇā’ti vadāmi…pe… santi kho, puṇṇa, jivhāviññeyyā rasā…pe… santi kho, puṇṇa, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī. ‘Nandisamudayā dukkhasamudayo, puṇṇā’ti vadāmi.

‘‘санд̇и ко, бун̣н̣а, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о нируж̇жхад̇и нанд̣̇ий. ‘нанд̣̇инирод̇хаа д̣̇угканирод̇хо, бун̣н̣аа’д̇и вад̣̇аами…бз… санд̇и ко, бун̣н̣а, мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ан̃жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и, д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о нируж̇жхад̇и нанд̣̇ий. ‘нанд̣̇инирод̇хаа д̣̇угканирод̇хо, бун̣н̣аа’д̇и вад̣̇аами.

‘‘Santi kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati, tassa taṃ anabhinandato anabhivadato anajjhosāya tiṭṭhato nirujjhati nandī. ‘Nandinirodhā dukkhanirodho, puṇṇā’ti vadāmi…pe… santi kho, puṇṇa, manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati, tassa taṃ anabhinandato anabhivadato anajjhosāya tiṭṭhato nirujjhati nandī. ‘Nandinirodhā dukkhanirodho, puṇṇā’ti vadāmi.

‘‘иминаа д̇вам̣ ³, бун̣н̣а, маяаа сам̣кид̇д̇зна оваад̣̇зна овад̣̇ид̇о гад̇амасмим̣ ⁴ ж̇анабад̣̇з вихариссасий’’д̇и? ‘‘ад̇т̇и, бханд̇з, сунаабаранд̇о наама ж̇анабад̣̇о, д̇ад̇т̇аахам̣ вихариссаамий’’д̇и.

‘‘Iminā tvaṃ ⁵, puṇṇa, mayā saṃkhittena ovādena ovadito katamasmiṃ ⁶ janapade viharissasī’’ti? ‘‘Atthi, bhante, sunāparanto nāma janapado, tatthāhaṃ viharissāmī’’ti.

‘‘жан̣д̣аа ко, бун̣н̣а, сунаабаранд̇агаа мануссаа; парусаа ко, бун̣н̣а, сунаабаранд̇агаа мануссаа. сажз д̇ам̣, бун̣н̣а, сунаабаранд̇агаа мануссаа аггосиссанд̇и барибхаасиссанд̇и, д̇ад̇ра д̇з, бун̣н̣а, гинд̇и бхависсад̇ий’’д̇и?

‘‘Caṇḍā kho, puṇṇa, sunāparantakā manussā; pharusā kho, puṇṇa, sunāparantakā manussā. Sace taṃ, puṇṇa, sunāparantakā manussā akkosissanti paribhāsissanti, tatra te, puṇṇa, kinti bhavissatī’’ti?

‘‘сажз мам̣, бханд̇з, сунаабаранд̇агаа мануссаа аггосиссанд̇и барибхаасиссанд̇и, д̇ад̇ра мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз ⁷ наяимз баан̣инаа бахаарам̣ д̣̇знд̇ий’д̇и. звамзд̇т̇а ⁸, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.

‘‘Sace maṃ, bhante, sunāparantakā manussā akkosissanti paribhāsissanti, tatra me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me ⁹ nayime pāṇinā pahāraṃ dentī’ti. Evamettha ¹⁰, bhagavā, bhavissati; evamettha, sugata, bhavissatī’’ti.

‘‘сажз бана д̇з, бун̣н̣а, сунаабаранд̇агаа мануссаа баан̣инаа бахаарам̣ д̣̇ассанд̇и, д̇ад̇ра бана д̇з, бун̣н̣а, гинд̇и бхависсад̇ий’’д̇и?

‘‘Sace pana te, puṇṇa, sunāparantakā manussā pāṇinā pahāraṃ dassanti, tatra pana te, puṇṇa, kinti bhavissatī’’ti?

‘‘сажз мз, бханд̇з, сунаабаранд̇агаа мануссаа баан̣инаа бахаарам̣ д̣̇ассанд̇и, д̇ад̇ра мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз ¹¹ наяимз лзд̣д̣унаа бахаарам̣ д̣̇знд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.

‘‘Sace me, bhante, sunāparantakā manussā pāṇinā pahāraṃ dassanti, tatra me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me ¹² nayime leḍḍunā pahāraṃ dentī’ti. Evamettha, bhagavā, bhavissati; evamettha, sugata, bhavissatī’’ti.

‘‘сажз бана д̇з, бун̣н̣а, сунаабаранд̇агаа мануссаа лзд̣д̣унаа бахаарам̣ д̣̇ассанд̇и, д̇ад̇ра бана д̇з, бун̣н̣а, гинд̇и бхависсад̇ий’’д̇и?

‘‘Sace pana te, puṇṇa, sunāparantakā manussā leḍḍunā pahāraṃ dassanti, tatra pana te, puṇṇa, kinti bhavissatī’’ti?

‘‘сажз мз, бханд̇з, сунаабаранд̇агаа мануссаа лзд̣д̣унаа бахаарам̣ д̣̇ассанд̇и, д̇ад̇ра мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз д̣̇ан̣д̣зна бахаарам̣ д̣̇знд̇ий’д̇и . звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.

‘‘Sace me, bhante, sunāparantakā manussā leḍḍunā pahāraṃ dassanti, tatra me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me nayime daṇḍena pahāraṃ dentī’ti . Evamettha, bhagavā, bhavissati; evamettha, sugata, bhavissatī’’ti.

‘‘сажз бана бун̣н̣а, сунаабаранд̇агаа мануссаа д̣̇ан̣д̣зна бахаарам̣ д̣̇ассанд̇и, д̇ад̇ра бана д̇з, бун̣н̣а, гинд̇и бхависсад̇ий’’д̇и?

‘‘Sace pana puṇṇa, sunāparantakā manussā daṇḍena pahāraṃ dassanti, tatra pana te, puṇṇa, kinti bhavissatī’’ti?

‘‘сажз мз, бханд̇з, сунаабаранд̇агаа мануссаа д̣̇ан̣д̣зна бахаарам̣ д̣̇ассанд̇и, д̇ад̇ра мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз сад̇т̇зна бахаарам̣ д̣̇знд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.

‘‘Sace me, bhante, sunāparantakā manussā daṇḍena pahāraṃ dassanti, tatra me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me nayime satthena pahāraṃ dentī’ti. Evamettha, bhagavā, bhavissati; evamettha, sugata, bhavissatī’’ti.

‘‘сажз бана д̇з, бун̣н̣а, сунаабаранд̇агаа мануссаа сад̇т̇зна бахаарам̣ д̣̇ассанд̇и, д̇ад̇ра бана д̇з, бун̣н̣а, гинд̇и бхависсад̇ий’’д̇и?

‘‘Sace pana te, puṇṇa, sunāparantakā manussā satthena pahāraṃ dassanti, tatra pana te, puṇṇa, kinti bhavissatī’’ti?

‘‘сажз мз, бханд̇з, сунаабаранд̇агаа мануссаа сад̇т̇зна бахаарам̣ д̣̇ассанд̇и, д̇ад̇ра мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мам̣ наяимз д̇ин̣хзна сад̇т̇зна ж̇ийвид̇аа воробзнд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.

‘‘Sace me, bhante, sunāparantakā manussā satthena pahāraṃ dassanti, tatra me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ maṃ nayime tiṇhena satthena jīvitā voropentī’ti. Evamettha, bhagavā, bhavissati; evamettha, sugata, bhavissatī’’ti.

‘‘сажз бана д̇ам̣, бун̣н̣а, сунаабаранд̇агаа мануссаа д̇ин̣хзна сад̇т̇зна ж̇ийвид̇аа воробзссанд̇и, д̇ад̇ра бана д̇з, бун̣н̣а, гинд̇и бхависсад̇ий’’д̇и?

‘‘Sace pana taṃ, puṇṇa, sunāparantakā manussā tiṇhena satthena jīvitā voropessanti, tatra pana te, puṇṇa, kinti bhavissatī’’ti?

‘‘сажз мам̣, бханд̇з, сунаабаранд̇агаа мануссаа д̇ин̣хзна сад̇т̇зна ж̇ийвид̇аа воробзссанд̇и, д̇ад̇ра мз звам̣ бхависсад̇и – ‘санд̇и ко д̇асса бхаг̇авад̇о саавагаа гааязна жа ж̇ийвид̇зна жа аддийяамаанаа харааяамаанаа ж̇иг̇ужчамаанаа сад̇т̇ахаарагам̣ бариязсанд̇и, д̇ам̣ мз ид̣̇ам̣ абарияидтан̃н̃зва сад̇т̇ахаарагам̣ лад̣̇д̇ха’нд̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.

‘‘Sace maṃ, bhante, sunāparantakā manussā tiṇhena satthena jīvitā voropessanti, tatra me evaṃ bhavissati – ‘santi kho tassa bhagavato sāvakā kāyena ca jīvitena ca aṭṭīyamānā harāyamānā jigucchamānā satthahārakaṃ pariyesanti, taṃ me idaṃ apariyiṭṭhaññeva satthahārakaṃ laddha’nti. Evamettha, bhagavā, bhavissati; evamettha, sugata, bhavissatī’’ti.

‘‘саад̇ху саад̇ху, бун̣н̣а! сагкиссаси ко д̇вам̣, бун̣н̣а, иминаа д̣̇амуубасамзна саманнааг̇ад̇о сунаабаранд̇асмим̣ ж̇анабад̣̇з вад̇т̇ум̣. яасса д̣̇аани д̇вам̣, бун̣н̣а, гаалам̣ ман̃н̃асий’’д̇и.

‘‘Sādhu sādhu, puṇṇa! Sakkhissasi kho tvaṃ, puṇṇa, iminā damūpasamena samannāgato sunāparantasmiṃ janapade vatthuṃ. Yassa dāni tvaṃ, puṇṇa, kālaṃ maññasī’’ti.

ат̇а ко ааяасмаа бун̣н̣о бхаг̇авад̇о важанам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа сзнаасанам̣ сам̣саамзд̇ваа бад̇д̇ажийварамаад̣̇ааяа язна сунаабаранд̇о ж̇анабад̣̇о д̇зна жааригам̣ баггаами. анубуб̣б̣зна жааригам̣ жарамаано язна сунаабаранд̇о ж̇анабад̣̇о д̇ад̣̇авасари. д̇ад̇ра суд̣̇ам̣ ааяасмаа бун̣н̣о сунаабаранд̇асмим̣ ж̇анабад̣̇з вихарад̇и. ат̇а ко ааяасмаа бун̣н̣о д̇знзванд̇аравассзна бан̃жамад̇д̇аани убаасагасад̇аани бадивзд̣̇зси ¹³. д̇знзванд̇аравассзна бан̃жамад̇д̇аани убаасигаасад̇аани бадивзд̣̇зси. д̇знзванд̇аравассзна д̇иссо виж̇ж̇аа сажчаагааси. д̇знзванд̇аравассзна бариниб̣б̣ааяи.

Atha kho āyasmā puṇṇo bhagavato vacanaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā senāsanaṃ saṃsāmetvā pattacīvaramādāya yena sunāparanto janapado tena cārikaṃ pakkāmi. Anupubbena cārikaṃ caramāno yena sunāparanto janapado tadavasari. Tatra sudaṃ āyasmā puṇṇo sunāparantasmiṃ janapade viharati. Atha kho āyasmā puṇṇo tenevantaravassena pañcamattāni upāsakasatāni paṭivedesi ¹⁴. Tenevantaravassena pañcamattāni upāsikāsatāni paṭivedesi. Tenevantaravassena tisso vijjā sacchākāsi. Tenevantaravassena parinibbāyi.

ат̇а ко самб̣ахулаа бхигкуу язна бхаг̇аваа д̇знубасан̇гамим̣су…бз… згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘яо со, бханд̇з, бун̣н̣о наама гулабуд̇д̇о бхаг̇авад̇аа сам̣кид̇д̇зна оваад̣̇зна овад̣̇ид̇о, со гаалан̇гад̇о. д̇асса гаа г̇ад̇и го абхисамбарааяо’’д̇и?

Atha kho sambahulā bhikkhū yena bhagavā tenupasaṅkamiṃsu…pe… ekamantaṃ nisinnā kho te bhikkhū bhagavantaṃ etadavocuṃ – ‘‘yo so, bhante, puṇṇo nāma kulaputto bhagavatā saṃkhittena ovādena ovadito, so kālaṅkato. Tassa kā gati ko abhisamparāyo’’ti?

‘‘бан̣д̣ид̇о, бхигкавз, бун̣н̣о гулабуд̇д̇о ¹⁵, бажжабаад̣̇и ¹⁶ д̇хаммассаануд̇хаммам̣, на жа мам̣ д̇хаммаад̇хигаран̣ам̣ вихзсзси ¹⁷. бариниб̣б̣уд̇о, бхигкавз, бун̣н̣о гулабуд̇д̇о’’д̇и. бан̃жамам̣.

‘‘Paṇḍito, bhikkhave, puṇṇo kulaputto ¹⁸, paccapādi ¹⁹ dhammassānudhammaṃ, na ca maṃ dhammādhikaraṇaṃ vihesesi ²⁰. Parinibbuto, bhikkhave, puṇṇo kulaputto’’ti. Pañcamaṃ.

Next: 6. б̣аахияасуд̇д̇ам̣ • 6. Bāhiyasuttaṃ

Footnotes:

1. саавад̇т̇инид̣̇аанам̣. ат̇а (?) ма. ни. 3.395 бассид̇аб̣б̣ам̣

2. sāvatthinidānaṃ. atha (?) ma. ni. 3.395 passitabbaṃ

3. иминаа жа д̇вам̣

4. гад̇арасмим̣ (ма. ни. 3.395)

5. iminā ca tvaṃ

6. katarasmiṃ (ma. ni. 3.395)

7. мам̣ (саб̣б̣ад̇т̇а)

8. зваммзд̇т̇а (?)

9. maṃ (sabbattha)

10. evammettha (?)

11. зваммзд̇т̇а (?)

12. evammettha (?)

13. бадибаад̣̇зси (сий. бий.), бадид̣̇зсзси (сяаа. гам̣.)

14. paṭipādesi (sī. pī.), paṭidesesi (syā. kaṃ.)

15. гулабуд̇д̇о ахоси (саб̣б̣ад̇т̇а)

16. сажжаваад̣̇ий (сяаа. гам̣. га.)

17. вихзтзси (сий. сяаа. гам̣.)

18. kulaputto ahosi (sabbattha)

19. saccavādī (syā. kaṃ. ka.)

20. viheṭhesi (sī. syā. kaṃ.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-6. бун̣н̣асуд̇д̇аад̣̇иван̣н̣анаа • 5-6. Puṇṇasuttādivaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. бун̣н̣асуд̇д̇аад̣̇иван̣н̣анаа • 5-6. Puṇṇasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact