| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. бун̣н̣аат̇зрийг̇аат̇ааван̣н̣анаа
3. Puṇṇātherīgāthāvaṇṇanā
бун̣н̣з буурассу д̇хаммзхийд̇и бун̣н̣ааяа наама сигкамаанааяа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий б̣уд̣̇д̇хасун̃н̃з логз жанд̣̇абхааг̇ааяа над̣̇ияаа д̇ийрз гиннараяонияам̣ ниб̣б̣ад̇д̇аа. згад̣̇ивасам̣ д̇ад̇т̇а ан̃н̃ад̇арам̣ бажжзгаб̣уд̣̇д̇хам̣ д̣̇исваа басаннамаанасаа нал̣амаалааяа д̇ам̣ бууж̇зд̇ваа ан̃ж̇алим̣ баг̇г̇аяха адтааси. саа д̇зна бун̃н̃агаммзна суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ г̇ахабад̇имахаасаалагулз ниб̣б̣ад̇д̇и. бун̣н̣аад̇иссаа наамам̣ ахоси. саа убаниссаяасамбаннад̇ааяа вийсад̇ивассаани васамаанаа махаабаж̇аабад̇иг̇од̇амияаа санд̇игз д̇хаммам̣ суд̇ваа бадилад̣̇д̇хасад̣̇д̇хаа баб̣б̣аж̇ид̇ваа сигкамаанаа зва худ̇ваа вибассанам̣ аарабхи. сад̇т̇аа д̇ассаа г̇анд̇хагудияам̣ нисинно зва обхаасам̣ виссаж̇ж̇зд̇ваа –
Puṇṇepūrassu dhammehīti puṇṇāya nāma sikkhamānāya gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī buddhasuññe loke candabhāgāya nadiyā tīre kinnarayoniyaṃ nibbattā. Ekadivasaṃ tattha aññataraṃ paccekabuddhaṃ disvā pasannamānasā naḷamālāya taṃ pūjetvā añjaliṃ paggayha aṭṭhāsi. Sā tena puññakammena sugatīsuyeva saṃsarantī imasmiṃ buddhuppāde sāvatthiyaṃ gahapatimahāsālakule nibbatti. Puṇṇātissā nāmaṃ ahosi. Sā upanissayasampannatāya vīsativassāni vasamānā mahāpajāpatigotamiyā santike dhammaṃ sutvā paṭiladdhasaddhā pabbajitvā sikkhamānā eva hutvā vipassanaṃ ārabhi. Satthā tassā gandhakuṭiyaṃ nisinno eva obhāsaṃ vissajjetvā –
3.
3.
‘‘бун̣н̣з буурассу д̇хаммзхи, жанд̣̇о баннарасзрива;
‘‘Puṇṇe pūrassu dhammehi, cando pannaraseriva;
барибун̣н̣ааяа бан̃н̃ааяа, д̇амоканд̇хам̣ бад̣̇аалаяаа’’д̇и. – имам̣ г̇аат̇амааха;
Paripuṇṇāya paññāya, tamokhandhaṃ padālayā’’ti. – imaṃ gāthamāha;
д̇ад̇т̇а бун̣н̣зд̇и д̇ассаа аалабанам̣. буурассу д̇хаммзхийд̇и сад̇д̇ад̇им̣саб̣од̇хибагкияад̇хаммзхи барибун̣н̣аа хохи. жанд̣̇о баннарасзриваад̇и ра-гааро бад̣̇асанд̇хигаро. баннарасз бун̣н̣амаасияам̣ саб̣б̣аахи галаахи барибун̣н̣о жанд̣̇о вияа. барибун̣н̣ааяа бан̃н̃ааяаад̇и сол̣асаннам̣ гижжаанам̣ баарибуурияаа барибун̣н̣ааяа арахад̇д̇амаг̇г̇абан̃н̃ааяа. д̇амоканд̇хам̣ бад̣̇аалаяаад̇и мохагканд̇хам̣ анавасзсад̇о бхинд̣̇а самужчинд̣̇а. мохагканд̇хабад̣̇ааланзна сахзва саб̣б̣зби гилзсаа бад̣̇аалид̇аа хонд̇ийд̇и.
Tattha puṇṇeti tassā ālapanaṃ. Pūrassu dhammehīti sattatiṃsabodhipakkhiyadhammehi paripuṇṇā hohi. Cando pannaraserivāti ra-kāro padasandhikaro. Pannarase puṇṇamāsiyaṃ sabbāhi kalāhi paripuṇṇo cando viya. Paripuṇṇāya paññāyāti soḷasannaṃ kiccānaṃ pāripūriyā paripuṇṇāya arahattamaggapaññāya. Tamokhandhaṃ padālayāti mohakkhandhaṃ anavasesato bhinda samucchinda. Mohakkhandhapadālanena saheva sabbepi kilesā padālitā hontīti.
саа д̇ам̣ г̇аат̇ам̣ суд̇ваа вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.1.37-45) –
Sā taṃ gāthaṃ sutvā vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. therī 2.1.37-45) –
‘‘жанд̣̇абхааг̇аанад̣̇ийд̇ийрз, ахосим̣ гиннарий д̇ад̣̇аа;
‘‘Candabhāgānadītīre, ahosiṃ kinnarī tadā;
ад̣̇д̣̇асам̣ вираж̇ам̣ б̣уд̣̇д̇хам̣, саяамбхум̣ абарааж̇ид̇ам̣.
Addasaṃ virajaṃ buddhaṃ, sayambhuṃ aparājitaṃ.
‘‘басаннажид̇д̇аа суманаа, взд̣̇аж̇аад̇аа гад̇ан̃ж̇алий;
‘‘Pasannacittā sumanā, vedajātā katañjalī;
нал̣амаалам̣ г̇ахзд̇ваана, саяамбхум̣ абхибууж̇аяим̣.
Naḷamālaṃ gahetvāna, sayambhuṃ abhipūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа гиннарийд̣̇зхам̣, аг̇ажчим̣ д̇ид̣̇асам̣ г̇ад̇им̣.
Jahitvā kinnarīdehaṃ, agacchiṃ tidasaṃ gatiṃ.
‘‘чад̇д̇им̣сад̣̇зварааж̇уунам̣, махзсид̇д̇амагаараяим̣;
‘‘Chattiṃsadevarājūnaṃ, mahesittamakārayiṃ;
д̣̇асаннам̣ жаггавад̇д̇ийнам̣, махзсид̇д̇амагаараяим̣;
Dasannaṃ cakkavattīnaṃ, mahesittamakārayiṃ;
сам̣взж̇зд̇ваана мз жид̇д̇ам̣, баб̣б̣аж̇им̣ анаг̇аарияам̣.
Saṃvejetvāna me cittaṃ, pabbajiṃ anagāriyaṃ.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘жад̇уннавуд̇ид̇о габбз, яам̣ бубпамабхибууж̇аяим̣;
‘‘Catunnavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, бубпабууж̇ааяид̣̇ам̣ палам̣.
Duggatiṃ nābhijānāmi, pupphapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа саа т̇зрий д̇амзва г̇аат̇ам̣ уд̣̇аанзси. аяамзва жассаа ан̃н̃ааб̣яаагаран̣аг̇аат̇аа ахосийд̇и.
Arahattaṃ pana patvā sā therī tameva gāthaṃ udānesi. Ayameva cassā aññābyākaraṇagāthā ahosīti.
бун̣н̣аат̇зрийг̇аат̇ааван̣н̣анаа нидтид̇аа.
Puṇṇātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. бун̣н̣аат̇зрийг̇аат̇аа • 3. Puṇṇātherīgāthā
