| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
12. сол̣асанибаад̇о
12. Soḷasanipāto
1. бун̣н̣аат̇зрийг̇аат̇ааван̣н̣анаа
1. Puṇṇātherīgāthāvaṇṇanā
сол̣асанибаад̇з уд̣̇ахаарий ахам̣ сийд̇зд̇иаад̣̇игаа бун̣н̣ааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа хзд̇усамбаннад̇ааяа сан̃ж̇аад̇асам̣взг̇аа бхигкунийнам̣ санд̇игам̣ г̇анд̇ваа д̇хаммам̣ суд̇ваа лад̣̇д̇хаббасаад̣̇аа баб̣б̣аж̇ид̇ваа барисуд̣̇д̇хасийлаа д̇ийн̣и бидагаани уг̇г̇ахзд̇ваа б̣ахуссуд̇аа д̇хаммад̇хараа д̇хаммагат̇игаа жа ахоси. яат̇аа жа вибассисса бхаг̇авад̇о саасанз, звам̣ сикисса взссабхусса гагусанд̇хасса гон̣ааг̇аманасса гассабасса жа бхаг̇авад̇о саасанз баб̣б̣аж̇ид̇ваа сийласамбаннаа б̣ахуссуд̇аа д̇хаммад̇хараа д̇хаммагат̇игаа жа ахоси. маанад̇хаад̇угад̇д̇аа бана гилзсз самужчинд̣̇ид̇ум̣ наасагки. маанобаниссаяавасзна гаммасса гад̇ад̇д̇аа имасмим̣ б̣уд̣̇д̇хуббаад̣̇з анаат̇абин̣д̣игасса сздтино гхарад̣̇аасияаа гужчимхи ниб̣б̣ад̇д̇и, бун̣н̣аад̇иссаа наамам̣ ахоси. саа сийханаад̣̇асуд̇д̇анд̇ад̣̇зсанааяа (ма. ни. 1.146 аад̣̇аяо) сод̇аабаннаа худ̇ваа бажчаа уд̣̇агасуд̣̇д̇хигам̣ б̣раахман̣ам̣ д̣̇амзд̇ваа сздтинаа самбхаавид̇аа худ̇ваа д̇зна бхуж̇иссабхаавам̣ баабид̇аа д̇ам̣ баб̣б̣аж̇ж̇ам̣ ануж̇аанаабзд̇ваа баб̣б̣аж̇ид̇ваа вибассанааяа гаммам̣ гаронд̇ий на жирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.4.184-203) –
Soḷasanipāte udahārī ahaṃ sītetiādikā puṇṇāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī vipassissa bhagavato kāle kulagehe nibbattitvā viññutaṃ patvā hetusampannatāya sañjātasaṃvegā bhikkhunīnaṃ santikaṃ gantvā dhammaṃ sutvā laddhappasādā pabbajitvā parisuddhasīlā tīṇi piṭakāni uggahetvā bahussutā dhammadharā dhammakathikā ca ahosi. Yathā ca vipassissa bhagavato sāsane, evaṃ sikhissa vessabhussa kakusandhassa koṇāgamanassa kassapassa ca bhagavato sāsane pabbajitvā sīlasampannā bahussutā dhammadharā dhammakathikā ca ahosi. Mānadhātukattā pana kilese samucchindituṃ nāsakkhi. Mānopanissayavasena kammassa katattā imasmiṃ buddhuppāde anāthapiṇḍikassa seṭṭhino gharadāsiyā kucchimhi nibbatti, puṇṇātissā nāmaṃ ahosi. Sā sīhanādasuttantadesanāya (ma. ni. 1.146 ādayo) sotāpannā hutvā pacchā udakasuddhikaṃ brāhmaṇaṃ dametvā seṭṭhinā sambhāvitā hutvā tena bhujissabhāvaṃ pāpitā taṃ pabbajjaṃ anujānāpetvā pabbajitvā vipassanāya kammaṃ karontī na cirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.4.184-203) –
‘‘вибассино бхаг̇авад̇о, сикино взссабхусса жа;
‘‘Vipassino bhagavato, sikhino vessabhussa ca;
гагусанд̇хасса мунино, гон̣ааг̇аманад̇аад̣̇ино.
Kakusandhassa munino, koṇāgamanatādino.
‘‘гассабасса жа б̣уд̣̇д̇хасса, баб̣б̣аж̇ид̇ваана саасанз;
‘‘Kassapassa ca buddhassa, pabbajitvāna sāsane;
бхигкуний сийласамбаннаа, нибагаа сам̣вуд̇инд̣̇рияаа.
Bhikkhunī sīlasampannā, nipakā saṃvutindriyā.
‘‘б̣ахуссуд̇аа д̇хаммад̇хараа, д̇хаммад̇т̇абадибужчигаа;
‘‘Bahussutā dhammadharā, dhammatthapaṭipucchikā;
уг̇г̇ахзд̇аа жа д̇хаммаанам̣, сод̇аа баяирубаасид̇аа.
Uggahetā ca dhammānaṃ, sotā payirupāsitā.
‘‘д̣̇зсзнд̇ий ж̇анамаж̇жхзхам̣, ахосим̣ ж̇инасаасанз;
‘‘Desentī janamajjhehaṃ, ahosiṃ jinasāsane;
б̣аахусажжзна д̇знаахам̣, бзсалаа абхиман̃н̃исам̣.
Bāhusaccena tenāhaṃ, pesalā abhimaññisaṃ.
‘‘бажчимз жа бхавз д̣̇аани, саавад̇т̇ияам̣ буруд̇д̇амз;
‘‘Pacchime ca bhave dāni, sāvatthiyaṃ puruttame;
анаат̇абин̣д̣ино г̇зхз, ж̇аад̇аахам̣ гумбхад̣̇аасияаа.
Anāthapiṇḍino gehe, jātāhaṃ kumbhadāsiyā.
‘‘г̇ад̇аа уд̣̇агахаарияам̣, сод̇т̇ияам̣ д̣̇иж̇амад̣̇д̣̇асам̣;
‘‘Gatā udakahāriyaṃ, sotthiyaṃ dijamaddasaṃ;
сийд̇аддам̣ д̇ояамаж̇жхамхи, д̇ам̣ д̣̇исваа ид̣̇амаб̣равим̣.
Sītaṭṭaṃ toyamajjhamhi, taṃ disvā idamabraviṃ.
‘‘уд̣̇ахаарий ахам̣ сийд̇з, сад̣̇аа уд̣̇агамод̇арим̣;
‘‘Udahārī ahaṃ sīte, sadā udakamotariṃ;
аяяаанам̣ д̣̇ан̣д̣абхаяабхийд̇аа, ваажаад̣̇осабхаяаддид̇аа.
Ayyānaṃ daṇḍabhayabhītā, vācādosabhayaṭṭitā.
‘‘гасса б̣раахман̣а д̇вам̣ бхийд̇о, сад̣̇аа уд̣̇агамод̇ари;
‘‘Kassa brāhmaṇa tvaṃ bhīto, sadā udakamotari;
взд̇хамаанзхи г̇ад̇д̇зхи, сийд̇ам̣ взд̣̇аяасз бхусам̣.
Vedhamānehi gattehi, sītaṃ vedayase bhusaṃ.
‘‘ж̇аананд̇ий вад̇а мам̣ бход̇и, бун̣н̣игз барибужчаси;
‘‘Jānantī vata maṃ bhoti, puṇṇike paripucchasi;
гаронд̇ам̣ гусалам̣ гаммам̣, рунд̇ханд̇ам̣ гад̇абаабагам̣.
Karontaṃ kusalaṃ kammaṃ, rundhantaṃ katapāpakaṃ.
‘‘яо жа вуд̣дхо д̣̇ахаро ваа, баабагаммам̣ багуб̣б̣ад̇и;
‘‘Yo ca vuḍḍho daharo vā, pāpakammaṃ pakubbati;
д̣̇агаабхисзжанаа соби, баабагаммаа бамужжад̇и.
Dakābhisecanā sopi, pāpakammā pamuccati.
‘‘уд̇д̇аранд̇асса агкаасим̣, д̇хаммад̇т̇асам̣хид̇ам̣ бад̣̇ам̣;
‘‘Uttarantassa akkhāsiṃ, dhammatthasaṃhitaṃ padaṃ;
д̇ан̃жа суд̇ваа са сам̣виг̇г̇о, баб̣б̣аж̇ид̇ваарахаа аху.
Tañca sutvā sa saṃviggo, pabbajitvārahā ahu.
‘‘буурзнд̇ий уунагасад̇ам̣, ж̇аад̇аа д̣̇аасигулз яад̇о;
‘‘Pūrentī ūnakasataṃ, jātā dāsikule yato;
д̇ад̇о бун̣н̣аад̇и наамам̣ мз, бхуж̇иссам̣ мам̣ агам̣су д̇з.
Tato puṇṇāti nāmaṃ me, bhujissaṃ maṃ akaṃsu te.
‘‘сздтим̣ д̇ад̇онуж̇аанзд̇ваа, баб̣б̣аж̇им̣ анаг̇аарияам̣;
‘‘Seṭṭhiṃ tatonujānetvā, pabbajiṃ anagāriyaṃ;
на жирзнзва гаалзна, арахад̇д̇амабаабун̣им̣.
Na cireneva kālena, arahattamapāpuṇiṃ.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
жзд̇обарияан̃аан̣асса, васий хоми махаамунз.
Cetopariyañāṇassa, vasī homi mahāmune.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘Atthadhammaniruttīsu, paṭibhāne tatheva ca;
н̃аан̣ам̣ мз вималам̣ суд̣̇д̇хам̣, б̣уд̣̇д̇хасздтасса ваахасаа.
Ñāṇaṃ me vimalaṃ suddhaṃ, buddhaseṭṭhassa vāhasā.
‘‘бхааванааяа махаабан̃н̃аа, суд̇знзва суд̇аавиний;
‘‘Bhāvanāya mahāpaññā, suteneva sutāvinī;
маанзна нийжагулаж̇аа, на хи гаммам̣ винассад̇и.
Mānena nīcakulajā, na hi kammaṃ vinassati.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Arahattaṃ pana patvā attano paṭipattiṃ paccavekkhitvā udānavasena –
236.
236.
‘‘уд̣̇ахаарий ахам̣ сийд̇з, сад̣̇аа уд̣̇агамод̇арим̣;
‘‘Udahārī ahaṃ sīte, sadā udakamotariṃ;
аяяаанам̣ д̣̇ан̣д̣абхаяабхийд̇аа, ваажаад̣̇осабхаяаддид̇аа.
Ayyānaṃ daṇḍabhayabhītā, vācādosabhayaṭṭitā.
237.
237.
‘‘гасса б̣раахман̣а д̇вам̣ бхийд̇о, сад̣̇аа уд̣̇агамод̇ари;
‘‘Kassa brāhmaṇa tvaṃ bhīto, sadā udakamotari;
взд̇хамаанзхи г̇ад̇д̇зхи, сийд̇ам̣ взд̣̇аяасз бхусам̣.
Vedhamānehi gattehi, sītaṃ vedayase bhusaṃ.
238.
238.
‘‘ж̇аананд̇ий вад̇а мам̣ бход̇и, бун̣н̣игз барибужчаси;
‘‘Jānantī vata maṃ bhoti, puṇṇike paripucchasi;
гаронд̇ам̣ гусалам̣ гаммам̣, рунд̇ханд̇ам̣ гад̇абаабагам̣.
Karontaṃ kusalaṃ kammaṃ, rundhantaṃ katapāpakaṃ.
239.
239.
‘‘яо жа вуд̣дхо д̣̇ахаро ваа, баабагаммам̣ багуб̣б̣ад̇и;
‘‘Yo ca vuḍḍho daharo vā, pāpakammaṃ pakubbati;
д̣̇агаабхисзжанаа соби, баабагаммаа бамужжад̇и.
Dakābhisecanā sopi, pāpakammā pamuccati.
240.
240.
‘‘го ну д̇з ид̣̇амагкааси, аж̇аананд̇асса аж̇аанаго;
‘‘Ko nu te idamakkhāsi, ajānantassa ajānako;
‘д̣̇агаабхисзжанаа наама, баабагаммаа бамужжад̇и’.
‘Dakābhisecanā nāma, pāpakammā pamuccati’.
241.
241.
‘‘саг̇г̇ам̣ нууна г̇амиссанд̇и, саб̣б̣з ман̣д̣уугагажчабаа;
‘‘Saggaṃ nūna gamissanti, sabbe maṇḍūkakacchapā;
нааг̇аа жа сусумаараа жа, яз жан̃н̃з уд̣̇агз жараа.
Nāgā ca susumārā ca, ye caññe udake carā.
242.
242.
‘‘ораб̣бхигаа суугаригаа, мажчигаа миг̇аб̣анд̇хагаа;
‘‘Orabbhikā sūkarikā, macchikā migabandhakā;
жораа жа важ̇жхагхаад̇аа жа, яз жан̃н̃з баабагаммино;
Corā ca vajjhaghātā ca, ye caññe pāpakammino;
д̣̇агаабхисзжанаа д̇зби, баабагаммаа бамужжарз.
Dakābhisecanā tepi, pāpakammā pamuccare.
243.
243.
‘‘сажз имаа над̣̇ияо д̇з, баабам̣ буб̣б̣з гад̇ам̣ вахум̣;
‘‘Sace imā nadiyo te, pāpaṃ pubbe kataṃ vahuṃ;
бун̃н̃амби маа вахзяяум̣ д̇з, д̇зна д̇вам̣ бариб̣аахиро.
Puññampi mā vaheyyuṃ te, tena tvaṃ paribāhiro.
244.
244.
‘‘яасса б̣раахман̣а д̇вам̣ бхийд̇о, сад̣̇аа уд̣̇агамод̇ари;
‘‘Yassa brāhmaṇa tvaṃ bhīto, sadā udakamotari;
д̇амзва б̣рахмз маагааси, маа д̇з сийд̇ам̣ чавим̣ ханз.
Tameva brahme mākāsi, mā te sītaṃ chaviṃ hane.
245.
245.
‘‘гуммаг̇г̇абадибаннам̣ мам̣, арияамаг̇г̇ам̣ самаанаяи;
‘‘Kummaggapaṭipannaṃ maṃ, ariyamaggaṃ samānayi;
д̣̇агаабхисзжанаа бход̇и, имам̣ саадам̣ д̣̇ад̣̇аами д̇з.
Dakābhisecanā bhoti, imaṃ sāṭaṃ dadāmi te.
246.
246.
‘‘д̇уяхзва саадаго ход̇у, наахамижчаами саадагам̣;
‘‘Tuyheva sāṭako hotu, nāhamicchāmi sāṭakaṃ;
сажз бхааяаси д̣̇угкасса, сажз д̇з д̣̇угкамаббияам̣.
Sace bhāyasi dukkhassa, sace te dukkhamappiyaṃ.
247.
247.
‘‘маагааси баабагам̣ гаммам̣, аави ваа яад̣̇и ваа рахо;
‘‘Mākāsi pāpakaṃ kammaṃ, āvi vā yadi vā raho;
сажз жа баабагам̣ гаммам̣, гариссаси гароси ваа.
Sace ca pāpakaṃ kammaṃ, karissasi karosi vā.
248.
248.
‘‘на д̇з д̣̇угкаа бамуд̇яад̇т̇и, убзжжааби балааяад̇о;
‘‘Na te dukkhā pamutyatthi, upeccāpi palāyato;
сажз бхааяаси д̣̇угкасса, сажз д̇з д̣̇угкамаббияам̣.
Sace bhāyasi dukkhassa, sace te dukkhamappiyaṃ.
249.
249.
‘‘убзхи саран̣ам̣ б̣уд̣̇д̇хам̣, д̇хаммам̣ сан̇гхан̃жа д̇аад̣̇инам̣;
‘‘Upehi saraṇaṃ buddhaṃ, dhammaṃ saṅghañca tādinaṃ;
самаад̣̇ияаахи сийлаани, д̇ам̣ д̇з ад̇т̇ааяа хзхид̇и.
Samādiyāhi sīlāni, taṃ te atthāya hehiti.
250.
250.
‘‘убзми саран̣ам̣ б̣уд̣̇д̇хам̣, д̇хаммам̣ сан̇гхан̃жа д̇аад̣̇инам̣;
‘‘Upemi saraṇaṃ buddhaṃ, dhammaṃ saṅghañca tādinaṃ;
самаад̣̇ияаами сийлаани, д̇ам̣ мз ад̇т̇ааяа хзхид̇и.
Samādiyāmi sīlāni, taṃ me atthāya hehiti.
251.
251.
‘‘б̣рахмаб̣анд̇ху бурз аасим̣, аж̇ж̇амхи сажжаб̣раахман̣о;
‘‘Brahmabandhu pure āsiṃ, ajjamhi saccabrāhmaṇo;
д̇звиж̇ж̇о взд̣̇асамбанно, сод̇д̇ияо жамхи нхаад̇аго’’д̇и. –
Tevijjo vedasampanno, sottiyo camhi nhātako’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а уд̣̇ахаарийд̇и гхадзна уд̣̇агам̣ ваахигаа. сийд̇з д̇ад̣̇аа уд̣̇агамод̇аринд̇и сийд̇агаалзби саб̣б̣ад̣̇аа рад̇д̇инд̣̇ивам̣ уд̣̇агам̣ од̇арим̣. яад̣̇аа яад̣̇аа аяяагаанам̣ уд̣̇агзна ад̇т̇о, д̇ад̣̇аа д̇ад̣̇аа уд̣̇агам̣ баависим̣, уд̣̇агамод̇арид̇ваа уд̣̇агам̣ убанзсинд̇и ад̇хиббааяо. аяяаанам̣ д̣̇ан̣д̣абхаяабхийд̇аад̇и аяяагаанам̣ д̣̇ан̣д̣абхаязна бхийд̇аа. ваажаад̣̇осабхаяаддид̇аад̇и важийд̣̇ан̣д̣абхаязна жзва д̣̇осабхаязна жа аддид̇аа бийл̣ид̇аа, сийд̇зби уд̣̇агамод̇аринд̇и яож̇анаа.
Tattha udahārīti ghaṭena udakaṃ vāhikā. Sīte tadā udakamotarinti sītakālepi sabbadā rattindivaṃ udakaṃ otariṃ. Yadā yadā ayyakānaṃ udakena attho, tadā tadā udakaṃ pāvisiṃ, udakamotaritvā udakaṃ upanesinti adhippāyo. Ayyānaṃ daṇḍabhayabhītāti ayyakānaṃ daṇḍabhayena bhītā. Vācādosabhayaṭṭitāti vacīdaṇḍabhayena ceva dosabhayena ca aṭṭitā pīḷitā, sītepi udakamotarinti yojanā.
ат̇згад̣̇ивасам̣ бун̣н̣аа д̣̇аасий гхадзна уд̣̇агам̣ аанзд̇ум̣ уд̣̇агад̇ид̇т̇ам̣ г̇ад̇аа. д̇ад̇т̇а ад̣̇д̣̇аса ан̃н̃ад̇арам̣ б̣раахман̣ам̣ уд̣̇агасуд̣̇д̇хигам̣ химабаад̇асамаяз махад̇и сийд̇з вад̇д̇амаанз баад̇ова уд̣̇агам̣ од̇арид̇ваа сасийсам̣ нимуж̇ж̇ид̇ваа манд̇з ж̇аббид̇ваа уд̣̇агад̇о удтахид̇ваа аллавад̇т̇ам̣ аллагзсам̣ бавзд̇ханд̇ам̣ д̣̇анд̇авийн̣ам̣ ваад̣̇аяамаанам̣. д̇ам̣ д̣̇исваа гарун̣ааяа сан̃жод̣̇ид̇амаанасаа д̇ад̇о нам̣ д̣̇идтиг̇ад̇аа вивзжзд̇угаамаа ‘‘гасса, б̣раахман̣а, д̇вам̣ бхийд̇о’’д̇и г̇аат̇амааха. д̇ад̇т̇а гасса, б̣раахман̣а, д̇вам̣ гуд̇о жа наама бхаяахзд̇уд̇о бхийд̇о худ̇ваа сад̣̇аа уд̣̇агамод̇ари саб̣б̣агаалам̣ сааяам̣ баад̇ам̣ уд̣̇агам̣ од̇ари. од̇арид̇ваа жа взд̇хамаанзхи гамбамаанзхи г̇ад̇д̇зхи сарийрааваяавзхи сийд̇ам̣ взд̣̇аяасз бхусам̣ сийд̇ад̣̇угкам̣ ад̇ивияа д̣̇уссахам̣ бадисам̣взд̣̇аяаси бажжанубхаваси.
Athekadivasaṃ puṇṇā dāsī ghaṭena udakaṃ ānetuṃ udakatitthaṃ gatā. Tattha addasa aññataraṃ brāhmaṇaṃ udakasuddhikaṃ himapātasamaye mahati sīte vattamāne pātova udakaṃ otaritvā sasīsaṃ nimujjitvā mante jappitvā udakato uṭṭhahitvā allavatthaṃ allakesaṃ pavedhantaṃ dantavīṇaṃ vādayamānaṃ. Taṃ disvā karuṇāya sañcoditamānasā tato naṃ diṭṭhigatā vivecetukāmā ‘‘kassa, brāhmaṇa, tvaṃ bhīto’’ti gāthamāha. Tattha kassa, brāhmaṇa, tvaṃ kuto ca nāma bhayahetuto bhīto hutvā sadāudakamotari sabbakālaṃ sāyaṃ pātaṃ udakaṃ otari. Otaritvā ca vedhamānehi kampamānehi gattehi sarīrāvayavehi sītaṃ vedayase bhusaṃ sītadukkhaṃ ativiya dussahaṃ paṭisaṃvedayasi paccanubhavasi.
ж̇аананд̇ий вад̇а мам̣ бход̇ийд̇и, бход̇и бун̣н̣игз, д̇вам̣ д̇ам̣ убажид̇ам̣ баабагаммам̣ рунд̇ханд̇ам̣ нивааран̣асамад̇т̇ам̣ гусалам̣ гаммам̣ иминаа уд̣̇агороханзна гаронд̇ам̣ мам̣ ж̇аананд̇ий вад̇а барибужчаси.
Jānantī vata maṃ bhotīti, bhoti puṇṇike, tvaṃ taṃ upacitaṃ pāpakammaṃ rundhantaṃ nivāraṇasamatthaṃ kusalaṃ kammaṃ iminā udakorohanena karontaṃ maṃ jānantī vata paripucchasi.
нану аяамад̇т̇о логз баагадо зва. гат̇ааби маяам̣ д̇уяхам̣ вад̣̇аамаад̇и д̣̇ассзнд̇о ‘‘яо жа вуд̣дхо’’д̇и г̇аат̇амааха. д̇ассад̇т̇о – вуд̣дхо ваа д̣̇ахаро ваа маж̇жхимо ваа яо гожи хим̣саад̣̇ибхзд̣̇ам̣ баабагаммам̣ багуб̣б̣ад̇и ад̇ивияа гарод̇и, соби бхусам̣ баабагамманирад̇о д̣̇агаабхисзжанаа синаанзна д̇ад̇о баабагаммаа бамужжад̇и ажжанд̇амзва вимужжад̇ийд̇и.
Nanu ayamattho loke pākaṭo eva. Kathāpi mayaṃ tuyhaṃ vadāmāti dassento ‘‘yo ca vuḍḍho’’ti gāthamāha. Tassattho – vuḍḍho vā daharo vā majjhimo vā yo koci hiṃsādibhedaṃ pāpakammaṃpakubbati ativiya karoti, sopi bhusaṃ pāpakammanirato dakābhisecanā sinānena tato pāpakammā pamuccati accantameva vimuccatīti.
д̇ам̣ суд̇ваа бун̣н̣игаа д̇асса бадиважанам̣ д̣̇знд̇ий ‘‘го ну д̇з’’д̇иаад̣̇имааха. д̇ад̇т̇а го ну д̇з ид̣̇амагкааси, аж̇аананд̇асса аж̇аанагод̇и гаммавибаагам̣ аж̇аананд̇асса д̇з саб̣б̣зна саб̣б̣ам̣ гаммавибаагам̣ аж̇аанад̇о аж̇аанаго авид̣̇д̣̇асу б̣аало уд̣̇агаабхисзжанахзд̇у баабагаммад̇о бамужжад̇ийд̇и, ид̣̇ам̣ ад̇т̇аж̇аад̇ам̣ го ну наама агкааси, на со сад̣̇д̇хзяяаважано, нааби жзд̇ам̣ яуд̇д̇анд̇и ад̇хиббааяо.
Taṃ sutvā puṇṇikā tassa paṭivacanaṃ dentī ‘‘ko nu te’’tiādimāha. Tattha ko nu te idamakkhāsi, ajānantassaajānakoti kammavipākaṃ ajānantassa te sabbena sabbaṃ kammavipākaṃ ajānato ajānako aviddasu bālo udakābhisecanahetu pāpakammato pamuccatīti, idaṃ atthajātaṃ ko nu nāma akkhāsi, na so saddheyyavacano, nāpi cetaṃ yuttanti adhippāyo.
ид̣̇аанисса д̇амзва яуд̇д̇иабхаавам̣ вибхаавзнд̇ий ‘‘саг̇г̇ам̣ нууна г̇амиссанд̇ий’’д̇иаад̣̇имааха. д̇ад̇т̇а нааг̇аад̇и виж̇жхасаа. сусумаараад̇и гумбхийлаа. яз жан̃н̃з уд̣̇агз жараад̇и яз жан̃н̃зби ваариг̇ожараа мажчамагарананд̣̇ияаавад̇д̇аад̣̇аяо жа, д̇зби саг̇г̇ам̣ нууна г̇амиссанд̇и д̣̇звалогам̣ убабаж̇ж̇иссанд̇и ман̃н̃з, уд̣̇агаабхисзжанаа баабагаммад̇о муд̇д̇и ход̇и жзд̇и ад̇т̇о.
Idānissa tameva yuttiabhāvaṃ vibhāventī ‘‘saggaṃ nūna gamissantī’’tiādimāha. Tattha nāgāti vijjhasā. Susumārāti kumbhīlā. Ye caññe udake carāti ye caññepi vārigocarā macchamakaranandiyāvattādayo ca, tepi saggaṃ nūna gamissanti devalokaṃ upapajjissanti maññe, udakābhisecanā pāpakammato mutti hoti ceti attho.
ораб̣бхигаад̇и ураб̣бхагхаад̇агаа. суугаригаад̇и суугарагхаад̇агаа. мажчигаад̇и гзваддаа. миг̇аб̣анд̇хагаад̇и мааг̇авигаа. важ̇жхагхаад̇аад̇и важ̇жхагхаад̇агаммз нияуд̇д̇аа.
Orabbhikāti urabbhaghātakā. Sūkarikāti sūkaraghātakā. Macchikāti kevaṭṭā. Migabandhakāti māgavikā. Vajjhaghātāti vajjhaghātakamme niyuttā.
бун̃н̃амби маа вахзяяунд̇и имаа ажиравад̇иаад̣̇аяо над̣̇ияо яат̇аа д̇аяаа буб̣б̣з гад̇ам̣ баабам̣ д̇ад̇т̇а уд̣̇агаабхисзжанзна сажз вахум̣ нийхарзяяум̣, д̇ат̇аа д̇аяаа гад̇ам̣ бун̃н̃амби имаа над̣̇ияо вахзяяум̣ баваахзяяум̣. д̇зна д̇вам̣ бариб̣аахиро асса д̇ат̇аа сад̇и д̇зна бун̃н̃агаммзна д̇вам̣ бариб̣аахиро вирахид̇ова бхавзяяаад̇и на жзд̇ам̣ яуд̇д̇анд̇и ад̇хиббааяо. яат̇аа ваа уд̣̇агзна уд̣̇агорохагасса бун̃н̃абавааханам̣ на ход̇и, звам̣ баабабавааханамби на ход̇и зва. гасмаа? нхаанасса баабахзд̇уунам̣ аббадибагкабхаавад̇о. яо яам̣ винаасзд̇и, со д̇асса бадибагко. яат̇аа аалого анд̇хагаарасса, виж̇ж̇аа жа авиж̇ж̇ааяа, на звам̣ нхаанам̣ баабасса. д̇асмаа нидтамзд̇т̇а г̇анд̇аб̣б̣ам̣ ‘‘на уд̣̇агаабхисзжанаа баабад̇о баримуд̇д̇ий’’д̇и. д̇знааха бхаг̇аваа –
Puññampi mā vaheyyunti imā aciravatiādayo nadiyo yathā tayā pubbe kataṃ pāpaṃ tattha udakābhisecanena sace vahuṃ nīhareyyuṃ, tathā tayā kataṃ puññampi imā nadiyo vaheyyuṃ pavāheyyuṃ. Tena tvaṃparibāhiroassa tathā sati tena puññakammena tvaṃ paribāhiro virahitova bhaveyyāti na cetaṃ yuttanti adhippāyo. Yathā vā udakena udakorohakassa puññapavāhanaṃ na hoti, evaṃ pāpapavāhanampi na hoti eva. Kasmā? Nhānassa pāpahetūnaṃ appaṭipakkhabhāvato. Yo yaṃ vināseti, so tassa paṭipakkho. Yathā āloko andhakārassa, vijjā ca avijjāya, na evaṃ nhānaṃ pāpassa. Tasmā niṭṭhamettha gantabbaṃ ‘‘na udakābhisecanā pāpato parimuttī’’ti. Tenāha bhagavā –
‘‘на уд̣̇агзна сужий ход̇и, б̣ахвзд̇т̇а нхааяад̇ий ж̇ано;
‘‘Na udakena sucī hoti, bahvettha nhāyatī jano;
яамхи сажжан̃жа д̇хаммо жа, со сужий со жа б̣раахман̣о’’д̇и. (уд̣̇аа. 9; нзд̇д̇и. 104);
Yamhi saccañca dhammo ca, so sucī so ca brāhmaṇo’’ti. (udā. 9; netti. 104);
ид̣̇аани яад̣̇и баабам̣ баваахзд̇угаамоси, саб̣б̣зна саб̣б̣ам̣ баабам̣ маа гарохийд̇и д̣̇ассзд̇ум̣ ‘‘яасса, б̣раахман̣аа’’д̇и г̇аат̇амааха. д̇ад̇т̇а д̇амзва б̣рахмз маагаасийд̇и яад̇о баабад̇о д̇вам̣ бхийд̇о, д̇амзва баабам̣ б̣рахмз, б̣раахман̣а, д̇вам̣ маа агааси. уд̣̇агороханам̣ бана ийд̣̇исз сийд̇агаалз гзвалам̣ сарийрамзва б̣аад̇хад̇и . д̇знааха – ‘‘маа д̇з сийд̇ам̣ чавим̣ ханз’’д̇и, ийд̣̇исз сийд̇агаалз уд̣̇агаабхисзжанзна ж̇аад̇асийд̇ам̣ д̇ава сарийражчавим̣ маа ханзяяа маа б̣аад̇хзсийд̇и ад̇т̇о.
Idāni yadi pāpaṃ pavāhetukāmosi, sabbena sabbaṃ pāpaṃ mā karohīti dassetuṃ ‘‘yassa, brāhmaṇā’’ti gāthamāha. Tattha tameva brahme mākāsīti yato pāpato tvaṃ bhīto, tameva pāpaṃ brahme, brāhmaṇa, tvaṃ mā akāsi. Udakorohanaṃ pana īdise sītakāle kevalaṃ sarīrameva bādhati . Tenāha – ‘‘mā te sītaṃ chaviṃ hane’’ti, īdise sītakāle udakābhisecanena jātasītaṃ tava sarīracchaviṃ mā haneyya mā bādhesīti attho.
гуммаг̇г̇абадибаннам̣ манд̇и ‘‘уд̣̇агаабхисзжанзна суд̣̇д̇хи ход̇ий’’д̇и имам̣ гуммаг̇г̇ам̣ мижчааг̇аахам̣ бадибаннам̣ баг̇г̇аяха тид̇ам̣ мам̣. арияамаг̇г̇ам̣ самаанаяийд̇и ‘‘саб̣б̣абаабасса агаран̣ам̣, гусаласса убасамбад̣̇аа’’д̇и (д̣̇ий. ни. 2.90; д̇ха. ба. 183; нзд̇д̇и. 30, 116, 124; бздаго. 29) имам̣ б̣уд̣̇д̇хаад̣̇ийхи ариязхи г̇ад̇амаг̇г̇ам̣ самаанаяи, саммад̣̇зва убанзси, д̇асмаа бход̇и имам̣ саадагам̣ д̇удтид̣̇аанам̣ аажарияабхааг̇ам̣ д̇уяхам̣ д̣̇ад̣̇аами, д̇ам̣ бадиг̇г̇ан̣хаад̇и ад̇т̇о.
Kummaggapaṭipannaṃ manti ‘‘udakābhisecanena suddhi hotī’’ti imaṃ kummaggaṃ micchāgāhaṃ paṭipannaṃ paggayha ṭhitaṃ maṃ. Ariyamaggaṃ samānayīti ‘‘sabbapāpassa akaraṇaṃ, kusalassa upasampadā’’ti (dī. ni. 2.90; dha. pa. 183; netti. 30, 116, 124; peṭako. 29) imaṃ buddhādīhi ariyehi gatamaggaṃ samānayi, sammadeva upanesi, tasmā bhoti imaṃ sāṭakaṃ tuṭṭhidānaṃ ācariyabhāgaṃ tuyhaṃ dadāmi, taṃ paṭiggaṇhāti attho.
саа д̇ам̣ бадигкибид̇ваа д̇хаммам̣ гат̇зд̇ваа саран̣зсу сийлзсу жа бад̇идтаабзд̇ум̣ ‘‘д̇уяхзва саадаго ход̇у, наахамижчаами саадага’’нд̇и вад̇ваа ‘‘сажз бхааяаси д̣̇угкассаа’’д̇иаад̣̇имааха. д̇ассад̇т̇о – яад̣̇и д̇увам̣ сагалаабааяигз суг̇ад̇ияан̃жа апаасугад̇аад̣̇обхаг̇г̇ад̇аад̣̇ибхзд̣̇аа д̣̇угкаа бхааяаси. яад̣̇и д̇з д̇ам̣ аббияам̣ на идтам̣. аави ваа барзсам̣ баагадабхаавзна аббадижчаннам̣ гад̇ваа гааязна ваажааяа баан̣аад̇ибаад̇аад̣̇ивасзна ваа яад̣̇и ваа рахо абаагадабхаавзна бадижчаннам̣ гад̇ваа манод̣̇ваарзязва абхиж̇жхаад̣̇ивасзна ваа ан̣умад̇д̇амби баабагам̣ лаамагам̣ гаммам̣ маагааси маа гари. ат̇а бана д̇ам̣ баабагаммам̣ ааяад̇им̣ гариссаси, зд̇арахи гароси ваа, ‘‘нираяаад̣̇ийсу жад̇уусу абааязсу мануссзсу жа д̇асса палабхууд̇ам̣ д̣̇угкам̣ ид̇о зд̇д̇о ваа балааяанд̇з маяи наануб̣анд̇хиссад̇ий’’д̇и ад̇хиббааязна убзжжа сан̃жижжа балааяад̇оби д̇з д̇ад̇о баабад̇о муд̇д̇и могкаа над̇т̇и, г̇ад̇игаалаад̣̇ибажжаяанд̇арасамавааяз сад̇и вибажжад̇з зваад̇и ад̇т̇о. ‘‘уббажжаа’’д̇и ваа баато, уббад̇ид̇ваад̇и ад̇т̇о. звам̣ баабасса агаран̣зна д̣̇угкаабхаавам̣ д̣̇ассзд̇ваа ид̣̇аани бун̃н̃асса гаран̣знаби д̇ам̣ д̣̇ассзд̇ум̣ ‘‘сажз бхааяасий’’д̇иаад̣̇и вуд̇д̇ам̣. д̇ад̇т̇а д̇аад̣̇инанд̇и д̣̇идтаад̣̇ийсу д̇аад̣̇ибхааваббад̇д̇ам̣. яат̇аа ваа буримагаа саммаасамб̣уд̣̇д̇хаа бассид̇аб̣б̣аа, д̇ат̇аа бассид̇аб̣б̣ад̇о д̇аад̣̇и, д̇ам̣ б̣уд̣̇д̇хам̣ саран̣ам̣ убзхийд̇и яож̇анаа. д̇хаммасан̇гхзсуби зсзва наяо. д̇аад̣̇ийнам̣ вараб̣уд̣̇д̇хаанам̣ д̇хаммам̣, адтаннам̣ арияабуг̇г̇алаанам̣ сан̇гхам̣ самууханд̇и яож̇анаа. д̇анд̇и саран̣аг̇аманам̣ сийлаанам̣ самаад̣̇аанан̃жа. хзхид̇ийд̇и бхависсад̇и.
Sā taṃ paṭikkhipitvā dhammaṃ kathetvā saraṇesu sīlesu ca patiṭṭhāpetuṃ ‘‘tuyheva sāṭako hotu, nāhamicchāmi sāṭaka’’nti vatvā ‘‘sace bhāyasi dukkhassā’’tiādimāha. Tassattho – yadi tuvaṃ sakalāpāyike sugatiyañca aphāsukatādobhaggatādibhedā dukkhā bhāyasi. Yadi te taṃ appiyaṃ na iṭṭhaṃ. Āvi vā paresaṃ pākaṭabhāvena appaṭicchannaṃ katvā kāyena vācāya pāṇātipātādivasena vā yadi vā raho apākaṭabhāvena paṭicchannaṃ katvā manodvāreyeva abhijjhādivasena vā aṇumattampi pāpakaṃ lāmakaṃ kammaṃ mākāsi mā kari. Atha pana taṃ pāpakammaṃ āyatiṃ karissasi, etarahi karosi vā, ‘‘nirayādīsu catūsu apāyesu manussesu ca tassa phalabhūtaṃ dukkhaṃ ito etto vā palāyante mayi nānubandhissatī’’ti adhippāyena upecca sañcicca palāyatopi te tato pāpato mutti mokkhā natthi, gatikālādipaccayantarasamavāye sati vipaccate evāti attho. ‘‘Uppaccā’’ti vā pāṭho, uppatitvāti attho. Evaṃ pāpassa akaraṇena dukkhābhāvaṃ dassetvā idāni puññassa karaṇenapi taṃ dassetuṃ ‘‘sace bhāyasī’’tiādi vuttaṃ. Tattha tādinanti diṭṭhādīsu tādibhāvappattaṃ. Yathā vā purimakā sammāsambuddhā passitabbā, tathā passitabbato tādi, taṃ buddhaṃ saraṇaṃ upehīti yojanā. Dhammasaṅghesupi eseva nayo. Tādīnaṃ varabuddhānaṃ dhammaṃ, aṭṭhannaṃ ariyapuggalānaṃ saṅghaṃ samūhanti yojanā. Tanti saraṇagamanaṃ sīlānaṃ samādānañca. Hehitīti bhavissati.
со б̣раахман̣о саран̣зсу сийлзсу жа бад̇идтааяа абарабхааг̇з сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа гхадзнд̇о вааяаманд̇о на жирассзва д̇звиж̇ж̇о худ̇ваа ад̇д̇ано бадибад̇д̇им̣ бажжавзгкид̇ваа уд̣̇аанзнд̇о ‘‘б̣рахмаб̣анд̇хуу’’д̇и г̇аат̇амааха.
So brāhmaṇo saraṇesu sīlesu ca patiṭṭhāya aparabhāge satthu santike dhammaṃ sutvā paṭiladdhasaddho pabbajitvā ghaṭento vāyamanto na cirasseva tevijjo hutvā attano paṭipattiṃ paccavekkhitvā udānento ‘‘brahmabandhū’’ti gāthamāha.
д̇ассад̇т̇о – ахам̣ буб̣б̣з б̣раахман̣агулз уббад̇д̇имад̇д̇зна б̣рахмаб̣анд̇ху наамаасим̣. д̇ат̇аа ируб̣б̣зд̣̇аад̣̇ийнам̣ аж̇жхзнаад̣̇имад̇д̇зна д̇звиж̇ж̇о взд̣̇асамбанно сод̇д̇ияо нхаад̇аго жа наамаасим̣. ид̣̇аани саб̣б̣асо б̣аахид̇абаабад̇ааяа сажжаб̣раахман̣о барамад̇т̇аб̣раахман̣о, виж̇ж̇ад̇д̇аяаад̇хиг̇амзна д̇звиж̇ж̇о, маг̇г̇ан̃аан̣асан̇каад̇зна взд̣̇зна саманнааг̇ад̇ад̇д̇аа взд̣̇асамбанно, нид̇т̇арасаб̣б̣абаабад̇ааяа нхаад̇аго жа амхийд̇и. зд̇т̇а жа б̣раахман̣зна вуд̇д̇аг̇аат̇ааби ад̇д̇анаа вуд̇д̇аг̇аат̇ааби бажчаа т̇зрияаа бажжзгам̣ бхаасид̇аад̇и саб̣б̣аа т̇зрияаа г̇аат̇аа зва ж̇аад̇аад̇и.
Tassattho – ahaṃ pubbe brāhmaṇakule uppattimattena brahmabandhu nāmāsiṃ. Tathā irubbedādīnaṃ ajjhenādimattena tevijjo vedasampanno sottiyo nhātako ca nāmāsiṃ. Idāni sabbaso bāhitapāpatāya saccabrāhmaṇo paramatthabrāhmaṇo, vijjattayādhigamena tevijjo, maggañāṇasaṅkhātena vedena samannāgatattā vedasampanno, nittharasabbapāpatāya nhātako ca amhīti. Ettha ca brāhmaṇena vuttagāthāpi attanā vuttagāthāpi pacchā theriyā paccekaṃ bhāsitāti sabbā theriyā gāthā eva jātāti.
бун̣н̣аат̇зрийг̇аат̇ааван̣н̣анаа нидтид̇аа.
Puṇṇātherīgāthāvaṇṇanā niṭṭhitā.
сол̣асанибаад̇аван̣н̣анаа нидтид̇аа.
Soḷasanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. бун̣н̣аат̇зрийг̇аат̇аа • 1. Puṇṇātherīgāthā
