| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. бун̣н̣ад̇т̇зраг̇аат̇ааван̣н̣анаа
4. Puṇṇattheragāthāvaṇṇanā
саб̣бхирзва самаасзт̇аад̇и ааяасмад̇о бун̣н̣ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса д̣̇асаб̣аласса уббад̇д̇ид̇о бурзд̇арамзва хам̣савад̇ийнаг̇арз б̣раахман̣амахаасаалагулз ниб̣б̣ад̇д̇о ануггамзна вин̃н̃уд̇ам̣ бад̇д̇о сад̇т̇ари логз уббаж̇ж̇анд̇з згад̣̇ивасам̣ б̣уд̣̇д̇хаанам̣ д̇хаммад̣̇зсанаагаалз хздтаа вуд̇д̇анаязна махааж̇анзна сад̣̇д̇хим̣ вихаарам̣ г̇анд̇ваа барисабарияанд̇з нисийд̣̇ид̇ваа д̇хаммам̣ сун̣анд̇о сад̇т̇аарам̣ згам̣ бхигкум̣ д̇хаммагат̇игаанам̣ аг̇г̇адтаанз табзнд̇ам̣ д̣̇исваа ‘‘маяааби анааг̇ад̇з зваруубзна бхавид̇ум̣ ваддад̇ий’’д̇и жинд̇зд̇ваа д̣̇зсанаавасаанз вудтид̇ааяа барисааяа сад̇т̇аарам̣ убасан̇гамид̇ваа ниманд̇зд̇ваа хздтаа вуд̇д̇анаязнзва махаасаггаарам̣ гад̇ваа бхаг̇аванд̇ам̣ звамааха – ‘‘бханд̇з, ахам̣ иминаа ад̇хигаарагаммзна наан̃н̃ам̣ самбад̇д̇им̣ бад̇т̇зми. яат̇аа бана со бхигку ид̇о сад̇д̇амад̣̇ивасамад̇т̇агз д̇хаммагат̇игаанам̣ аг̇г̇адтаанз табид̇о, звам̣ ахамби анааг̇ад̇з згасса б̣уд̣̇д̇хасса саасанз д̇хаммагат̇игаанам̣ бхигкуунам̣ аг̇г̇о бхавзяяа’’нд̇и бад̇т̇анам̣ агааси. сад̇т̇аа анааг̇ад̇ам̣ ологзд̇ваа д̇асса бад̇т̇анааяа самиж̇жханабхаавам̣ д̣̇исваа ‘‘анааг̇ад̇з габбасад̇асахассамад̇т̇агз г̇од̇амо наама б̣уд̣̇д̇хо уббаж̇ж̇иссад̇и, д̇асса саасанз д̇вам̣ баб̣б̣аж̇ид̇ваа д̇хаммагат̇игаанам̣ аг̇г̇о бхависсасий’’д̇и б̣яаагааси.
Sabbhirevasamāsethāti āyasmato puṇṇattherassa gāthā. Kā uppatti? Ayaṃ kira padumuttarassa dasabalassa uppattito puretarameva haṃsavatīnagare brāhmaṇamahāsālakule nibbatto anukkamena viññutaṃ patto satthari loke uppajjante ekadivasaṃ buddhānaṃ dhammadesanākāle heṭṭhā vuttanayena mahājanena saddhiṃ vihāraṃ gantvā parisapariyante nisīditvā dhammaṃ suṇanto satthāraṃ ekaṃ bhikkhuṃ dhammakathikānaṃ aggaṭṭhāne ṭhapentaṃ disvā ‘‘mayāpi anāgate evarūpena bhavituṃ vaṭṭatī’’ti cintetvā desanāvasāne vuṭṭhitāya parisāya satthāraṃ upasaṅkamitvā nimantetvā heṭṭhā vuttanayeneva mahāsakkāraṃ katvā bhagavantaṃ evamāha – ‘‘bhante, ahaṃ iminā adhikārakammena nāññaṃ sampattiṃ patthemi. Yathā pana so bhikkhu ito sattamadivasamatthake dhammakathikānaṃ aggaṭṭhāne ṭhapito, evaṃ ahampi anāgate ekassa buddhassa sāsane dhammakathikānaṃ bhikkhūnaṃ aggo bhaveyya’’nti patthanaṃ akāsi. Satthā anāgataṃ oloketvā tassa patthanāya samijjhanabhāvaṃ disvā ‘‘anāgate kappasatasahassamatthake gotamo nāma buddho uppajjissati, tassa sāsane tvaṃ pabbajitvā dhammakathikānaṃ aggo bhavissasī’’ti byākāsi.
со д̇ад̇т̇а яааваж̇ийвам̣ галяаан̣ад̇хаммам̣ гад̇ваа д̇ад̇о жуд̇о габбасад̇асахассам̣ бун̃н̃ан̃аан̣асамбхаарам̣ самбхаранд̇о д̣̇звамануссзсу сам̣сарид̇ваа амхаагам̣ бхаг̇авад̇о гаалз габилавад̇т̇унаг̇арасса авид̣̇уурз д̣̇он̣авад̇т̇унаамагз б̣раахман̣аг̇аамз б̣раахман̣амахаасаалагулз ан̃н̃аасигон̣д̣ан̃н̃ад̇т̇зрасса бхааг̇инзяяо худ̇ваа ниб̣б̣ад̇д̇и. д̇асса наамаг̇г̇ахан̣ад̣̇ивасз ‘‘бун̣н̣о’’д̇и наамам̣ агам̣су. со сад̇т̇ари абхисамб̣од̇хим̣ бад̇ваа бавад̇д̇аварад̇хаммажаггз анубуб̣б̣зна рааж̇аг̇ахам̣ г̇анд̇ваа д̇ам̣ убаниссааяа вихаранд̇з ан̃н̃аасигон̣д̣ан̃н̃ад̇т̇зрасса санд̇игз баб̣б̣аж̇ид̇ваа лад̣̇д̇хуубасамбад̣̇о саб̣б̣ам̣ буб̣б̣агижжам̣ гад̇ваа бад̇хаанамануяун̃ж̇анд̇о баб̣б̣аж̇ид̇агижжам̣ мад̇т̇агам̣ баабзд̇ваава ‘‘д̣̇асаб̣аласса санд̇игам̣ г̇амиссаамий’’д̇и маад̇улад̇т̇зрзна сад̣̇д̇хим̣ сад̇т̇у санд̇игам̣ аг̇анд̇ваа габилавад̇т̇усааманд̇ааязва охийяид̇ваа яонисоманасигаарз гаммам̣ гаронд̇о нажирассзва вибассанам̣ уссуггаабзд̇ваа арахад̇д̇ам̣ баабун̣и. вуд̇д̇амби жзд̇ам̣ абад̣̇аанз (аба. т̇зра 1.1.434-440) –
So tattha yāvajīvaṃ kalyāṇadhammaṃ katvā tato cuto kappasatasahassaṃ puññañāṇasambhāraṃ sambharanto devamanussesu saṃsaritvā amhākaṃ bhagavato kāle kapilavatthunagarassa avidūre doṇavatthunāmake brāhmaṇagāme brāhmaṇamahāsālakule aññāsikoṇḍaññattherassa bhāgineyyo hutvā nibbatti. Tassa nāmaggahaṇadivase ‘‘puṇṇo’’ti nāmaṃ akaṃsu. So satthari abhisambodhiṃ patvā pavattavaradhammacakke anupubbena rājagahaṃ gantvā taṃ upanissāya viharante aññāsikoṇḍaññattherassa santike pabbajitvā laddhūpasampado sabbaṃ pubbakiccaṃ katvā padhānamanuyuñjanto pabbajitakiccaṃ matthakaṃ pāpetvāva ‘‘dasabalassa santikaṃ gamissāmī’’ti mātulattherena saddhiṃ satthu santikaṃ agantvā kapilavatthusāmantāyeva ohīyitvā yonisomanasikāre kammaṃ karonto nacirasseva vipassanaṃ ussukkāpetvā arahattaṃ pāpuṇi. Vuttampi cetaṃ apadāne (apa. thera 1.1.434-440) –
‘‘аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу;
‘‘Ajjhāyako mantadharo, tiṇṇaṃ vedāna pāragū;
бурагкад̇омхи сиссзхи, убаг̇ажчим̣ наруд̇д̇амам̣.
Purakkhatomhi sissehi, upagacchiṃ naruttamaṃ.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
мама гаммам̣ багид̇д̇зси, сам̣кид̇д̇зна махаамуни.
Mama kammaṃ pakittesi, saṃkhittena mahāmuni.
‘‘д̇аахам̣ д̇хаммам̣ сун̣ид̇ваана, абхиваад̣̇зд̇ваана сад̇т̇уно;
‘‘Tāhaṃ dhammaṃ suṇitvāna, abhivādetvāna satthuno;
ан̃ж̇алим̣ баг̇г̇ахзд̇ваана, баггамим̣ д̣̇агкин̣аамуко.
Añjaliṃ paggahetvāna, pakkamiṃ dakkhiṇāmukho.
‘‘сам̣кид̇д̇зна сун̣ид̇ваана, вид̇т̇аарзна абхаасаяим̣;
‘‘Saṃkhittena suṇitvāna, vitthārena abhāsayiṃ;
саб̣б̣з сиссаа ад̇д̇аманаа, суд̇ваана мама бхаасад̇о.
Sabbe sissā attamanā, sutvāna mama bhāsato.
‘‘сагам̣ д̣̇идтим̣ винод̣̇зд̇ваа, б̣уд̣̇д̇хз жид̇д̇ам̣ басаад̣̇аяум̣;
‘‘Sakaṃ diṭṭhiṃ vinodetvā, buddhe cittaṃ pasādayuṃ;
сам̣кид̇д̇знаби д̣̇зсзми, вид̇т̇аарзна д̇ат̇звахам̣.
Saṃkhittenapi desemi, vitthārena tathevahaṃ.
‘‘абхид̇хамманаяан̃н̃уухам̣, гат̇аавад̇т̇увисуд̣̇д̇хияаа;
‘‘Abhidhammanayaññūhaṃ, kathāvatthuvisuddhiyā;
саб̣б̣зсам̣ вин̃н̃аабзд̇ваана, вихараами анаасаво.
Sabbesaṃ viññāpetvāna, viharāmi anāsavo.
‘‘ид̇о бан̃жасад̇з габбз, жад̇уро суббагаасагаа;
‘‘Ito pañcasate kappe, caturo suppakāsakā;
сад̇д̇арад̇анасамбаннаа, жад̇уд̣̇ийбамхи иссараа.
Sattaratanasampannā, catudīpamhi issarā.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
д̇асса бана бун̣н̣ад̇т̇зрасса санд̇игз баб̣б̣аж̇ид̇аа гулабуд̇д̇аа бан̃жасад̇аа ахзсум̣. т̇зро саяам̣ д̣̇асагат̇аавад̇т̇улаабхид̇ааяа д̇зби д̣̇асахи гат̇аавад̇т̇уухи овад̣̇и. д̇з д̇асса оваад̣̇з тад̇ваа саб̣б̣зва арахад̇д̇ам̣ бад̇д̇аа. д̇з ад̇д̇ано баб̣б̣аж̇ид̇агижжам̣ мад̇т̇агаббад̇д̇ам̣ н̃ад̇ваа убаж̇жхааяам̣ убасан̇гамид̇ваа аахам̣су – ‘‘бханд̇з, амхаагам̣ гижжам̣ мад̇т̇агаббад̇д̇ам̣, д̣̇асаннан̃жамха гат̇аавад̇т̇уунам̣ лаабхино, самаяо, д̣̇аани но д̣̇асаб̣алам̣ бассид̇у’’нд̇и. т̇зро д̇зсам̣ важанам̣ суд̇ваа жинд̇зси – ‘‘мама д̣̇асагат̇аавад̇т̇улаабхид̇ам̣ сад̇т̇аа ж̇аанаад̇и ахам̣ д̇хаммам̣ д̣̇зсзнд̇о д̣̇аса гат̇аавад̇т̇ууни амун̃жид̇ваава д̣̇зсзми, маяи г̇ажчанд̇з саб̣б̣збимз бхигкуу мам̣ бариваарзд̇ваа г̇ажчиссанд̇и, звам̣ г̇ан̣асан̇г̇ан̣игааяа г̇анд̇ваа бана аяуд̇д̇ам̣ маяхам̣ д̣̇асаб̣алам̣ бассид̇ум̣, имз д̇аава г̇анд̇ваа бассанд̇уу’’д̇и д̇з бхигкуу ааха – ‘‘аавусо, д̇умхз бурад̇о г̇анд̇ваа д̇ат̇ааг̇ад̇ам̣ бассат̇а, мама важанзна жасса баад̣̇з ванд̣̇ат̇а, ахамби д̇умхаагам̣ г̇ад̇амаг̇г̇знааг̇амиссаамий’’д̇и. д̇з т̇зраа саб̣б̣зби д̣̇асаб̣аласса ж̇аад̇ибхуумирадтаваасино саб̣б̣з кийн̣аасаваа саб̣б̣з д̣̇асагат̇аавад̇т̇улаабхино ад̇д̇ано убаж̇жхааяасса оваад̣̇ам̣ самбадижчид̇ваа т̇зрам̣ ванд̣̇ид̇ваа анубуб̣б̣зна жааригам̣ жаранд̇аа садтияож̇анамаг̇г̇ам̣ ад̇иггамма рааж̇аг̇ахз взл̣уванамахаавихаарам̣ г̇анд̇ваа д̣̇асаб̣аласса баад̣̇з ванд̣̇ид̇ваа згаманд̇ам̣ нисийд̣̇им̣су.
Tassa pana puṇṇattherassa santike pabbajitā kulaputtā pañcasatā ahesuṃ. Thero sayaṃ dasakathāvatthulābhitāya tepi dasahi kathāvatthūhi ovadi. Te tassa ovāde ṭhatvā sabbeva arahattaṃ pattā. Te attano pabbajitakiccaṃ matthakappattaṃ ñatvā upajjhāyaṃ upasaṅkamitvā āhaṃsu – ‘‘bhante, amhākaṃ kiccaṃ matthakappattaṃ, dasannañcamha kathāvatthūnaṃ lābhino, samayo, dāni no dasabalaṃ passitu’’nti. Thero tesaṃ vacanaṃ sutvā cintesi – ‘‘mama dasakathāvatthulābhitaṃ satthā jānāti ahaṃ dhammaṃ desento dasa kathāvatthūni amuñcitvāva desemi, mayi gacchante sabbepime bhikkhū maṃ parivāretvā gacchissanti, evaṃ gaṇasaṅgaṇikāya gantvā pana ayuttaṃ mayhaṃ dasabalaṃ passituṃ, ime tāva gantvā passantū’’ti te bhikkhū āha – ‘‘āvuso, tumhe purato gantvā tathāgataṃ passatha, mama vacanena cassa pāde vandatha, ahampi tumhākaṃ gatamaggenāgamissāmī’’ti. Te therā sabbepi dasabalassa jātibhūmiraṭṭhavāsino sabbe khīṇāsavā sabbe dasakathāvatthulābhino attano upajjhāyassa ovādaṃ sampaṭicchitvā theraṃ vanditvā anupubbena cārikaṃ carantā saṭṭhiyojanamaggaṃ atikkamma rājagahe veḷuvanamahāvihāraṃ gantvā dasabalassa pāde vanditvā ekamantaṃ nisīdiṃsu.
аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇унд̇и бхаг̇аваа д̇зхи сад̣̇д̇хим̣ – ‘‘гажжи, бхигкавз, каманийяа’’нд̇иаад̣̇инаа наязна мад̇хурабадисант̇аарам̣ гад̇ваа ‘‘гуд̇о жа д̇умхз, бхигкавз, ааг̇ажчат̇аа’’д̇и бужчи . ат̇а д̇зхи ‘‘ж̇аад̇ибхуумид̇о’’д̇и вуд̇д̇з ‘‘го ну ко, бхигкавз, ж̇аад̇ибхуумияам̣ ж̇аад̇ибхуумагаанам̣ бхигкуунам̣ саб̣рахмажаарийнам̣ звам̣ самбхаавид̇о ‘ад̇д̇анаа жа аббижчо аббижчагат̇ан̃жа бхигкуунам̣ гад̇д̇аа’’’д̇и (ма. ни. 1.252) д̣̇асагат̇аавад̇т̇улаабхим̣ бхигкум̣ бужчи. д̇зби ‘‘бун̣н̣о наама, бханд̇з, ааяасмаа манд̇аан̣ибуд̇д̇о’’д̇и аарожаяим̣су. д̇ам̣ гат̇ам̣ суд̇ваа ааяасмаа саарибуд̇д̇о т̇зрасса д̣̇ассанагаамо ахоси. ат̇а сад̇т̇аа рааж̇аг̇ахад̇о саавад̇т̇им̣ аг̇амааси . бун̣н̣ад̇т̇зроби д̣̇асаб̣аласса д̇ад̇т̇а ааг̇ад̇абхаавам̣ суд̇ваа – ‘‘сад̇т̇аарам̣ бассиссаамий’’д̇и г̇анд̇ваа анд̇ог̇анд̇хагудияам̣язва д̇ат̇ааг̇ад̇ам̣ самбаабун̣и. сад̇т̇аа д̇асса д̇хаммам̣ д̣̇зсзси. т̇зро д̇хаммам̣ суд̇ваа д̣̇асаб̣алам̣ ванд̣̇ид̇ваа бадисаллаанад̇т̇ааяа анд̇хаванам̣ г̇анд̇ваа ан̃н̃ад̇арамхи ругкамуулз д̣̇иваавихаарам̣ нисийд̣̇и.
Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammoditunti bhagavā tehi saddhiṃ – ‘‘kacci, bhikkhave, khamanīya’’ntiādinā nayena madhurapaṭisanthāraṃ katvā ‘‘kuto ca tumhe, bhikkhave, āgacchathā’’ti pucchi . Atha tehi ‘‘jātibhūmito’’ti vutte ‘‘ko nu kho, bhikkhave, jātibhūmiyaṃ jātibhūmakānaṃ bhikkhūnaṃ sabrahmacārīnaṃ evaṃ sambhāvito ‘attanā ca appiccho appicchakathañca bhikkhūnaṃ kattā’’’ti (ma. ni. 1.252) dasakathāvatthulābhiṃ bhikkhuṃ pucchi. Tepi ‘‘puṇṇo nāma, bhante, āyasmā mantāṇiputto’’ti ārocayiṃsu. Taṃ kathaṃ sutvā āyasmā sāriputto therassa dassanakāmo ahosi. Atha satthā rājagahato sāvatthiṃ agamāsi . Puṇṇattheropi dasabalassa tattha āgatabhāvaṃ sutvā – ‘‘satthāraṃ passissāmī’’ti gantvā antogandhakuṭiyaṃyeva tathāgataṃ sampāpuṇi. Satthā tassa dhammaṃ desesi. Thero dhammaṃ sutvā dasabalaṃ vanditvā paṭisallānatthāya andhavanaṃ gantvā aññataramhi rukkhamūle divāvihāraṃ nisīdi.
саарибуд̇д̇ад̇т̇зроби д̇ассааг̇аманам̣ суд̇ваа сийсаанулогиго г̇анд̇ваа огаасам̣ саллагкзд̇ваа д̇ам̣ ругкамуулз нисиннам̣ убасан̇гамид̇ваа т̇зрзна сад̣̇д̇хим̣ саммод̣̇ид̇ваа, д̇ам̣ сад̇д̇ависуд̣̇д̇хиггамам̣ бужчи. т̇зробисса бужчид̇абужчид̇ам̣ б̣яаагаронд̇о рат̇авинийд̇уубамааяа жид̇д̇ам̣ аараад̇хзси, д̇з ан̃н̃аман̃н̃асса субхаасид̇ам̣ саманумод̣̇им̣су. ат̇а сад̇т̇аа абарабхааг̇з бхигкусан̇гхамаж̇жхз нисинно т̇зрам̣ ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̇хаммагат̇игаанам̣ яад̣̇ид̣̇ам̣ бун̣н̣о’’д̇и (а. ни. 1.188, 196) д̇хаммагат̇игаанам̣ аг̇г̇адтаанз табзси. со згад̣̇ивасам̣ ад̇д̇ано вимуд̇д̇исамбад̇д̇им̣ бажжавзгкид̇ваа ‘‘сад̇т̇аарам̣ ниссааяа ахан̃жзва ан̃н̃з жа б̣ахуу сад̇д̇аа сам̣саарад̣̇угкад̇о виббамуд̇д̇аа, б̣ахуубагаараа вад̇а саббурисасам̣сзваа’’д̇и бийд̇исоманассаж̇аад̇о уд̣̇аанавасзна бийд̇ивзг̇ависсадтам̣ ‘‘саб̣бхирзва самаасзт̇аа’’д̇и г̇аат̇ам̣ абхааси.
Sāriputtattheropi tassāgamanaṃ sutvā sīsānulokiko gantvā okāsaṃ sallakkhetvā taṃ rukkhamūle nisinnaṃ upasaṅkamitvā therena saddhiṃ sammoditvā, taṃ sattavisuddhikkamaṃ pucchi. Theropissa pucchitapucchitaṃ byākaronto rathavinītūpamāya cittaṃ ārādhesi, te aññamaññassa subhāsitaṃ samanumodiṃsu. Atha satthā aparabhāge bhikkhusaṅghamajjhe nisinno theraṃ ‘‘etadaggaṃ, bhikkhave, mama sāvakānaṃ bhikkhūnaṃ dhammakathikānaṃ yadidaṃ puṇṇo’’ti (a. ni. 1.188, 196) dhammakathikānaṃ aggaṭṭhāne ṭhapesi. So ekadivasaṃ attano vimuttisampattiṃ paccavekkhitvā ‘‘satthāraṃ nissāya ahañceva aññe ca bahū sattā saṃsāradukkhato vippamuttā, bahūpakārā vata sappurisasaṃsevā’’ti pītisomanassajāto udānavasena pītivegavissaṭṭhaṃ ‘‘sabbhireva samāsethā’’ti gāthaṃ abhāsi.
4. д̇ад̇т̇а саб̣бхирзваад̇и саббурисзхи зва. санд̇од̇и банзд̇т̇а б̣уд̣̇д̇хаад̣̇аяо арияаа ад̇хиббзд̇аа. д̇з хи анавасзсад̇о асад̇ам̣ д̇хаммам̣ бахааяа сад̣̇д̇хаммз уггам̣саг̇ад̇ад̇д̇аа саад̇исаяам̣ басам̣сияад̇д̇аа жа висзсад̇о ‘‘санд̇о саббурисаа’’д̇и жа вужжанд̇и. самаасзт̇аад̇и самам̣ аасзт̇а саха васзяяа. д̇з баяирубаасанд̇о д̇зсам̣ суссуусанд̇о д̣̇идтаануг̇ад̇ин̃жа аабаж̇ж̇анд̇о самаанаваасо бхавзяяаад̇и ад̇т̇о. бан̣д̣ид̇зхад̇т̇ад̣̇ассибхийд̇и д̇зсам̣ т̇оманаа. бан̣д̣аа вужжад̇и бан̃н̃аа, саа имзсам̣ сан̃ж̇аад̇аад̇и бан̣д̣ид̇аа. д̇ад̇о зва ад̇д̇ад̇т̇аад̣̇ибхзд̣̇ам̣ ад̇т̇ам̣ авибарийд̇ад̇о бассанд̇ийд̇и ад̇т̇ад̣̇ассино. д̇зхи бан̣д̣ид̇зхи ад̇т̇ад̣̇ассийбхи самаасзт̇а. гасмаад̇и жз? яасмаа д̇з санд̇о бан̣д̣ид̇аа, д̇з ваа саммаа сзванд̇аа зганд̇ахид̇абхаавад̇о маг̇г̇ан̃аан̣аад̣̇ийхзва аран̣ийяад̇о ад̇т̇ам̣, махааг̇ун̣ад̇ааяа санд̇ад̇ааяа жа маханд̇ам̣, аг̇аад̇хабхаавад̇о г̇амбхийран̃аан̣аг̇ожарад̇о жа г̇амбхийрам̣, хийнажчанд̣̇аад̣̇ийхи д̣̇адтум̣ асаггун̣зяяад̇д̇аа ид̇арзхи жа гижчзна д̣̇адтаб̣б̣ад̇д̇аа д̣̇уд̣̇д̣̇асам̣ , д̣̇уд̣̇д̣̇асад̇д̇аа сан̣ханибун̣асабхаавад̇д̇аа нибун̣ан̃аан̣аг̇ожарад̇о жа нибун̣ам̣, нибун̣ад̇д̇аа звам̣ сукумасабхаавад̇ааяа ан̣ум̣ ниб̣б̣аанам̣, авибарийд̇адтзна ваа барамад̇т̇асабхаавад̇д̇аа ад̇т̇ам̣, арияабхаавагарад̇д̇аа махад̇д̇анимид̇д̇ад̇ааяа маханд̇ам̣, ануд̇д̇аанасабхаавад̇ааяа г̇амбхийрам̣, д̣̇угкзна д̣̇адтаб̣б̣ам̣ на сукзна д̣̇адтум̣ саггаад̇и д̣̇уд̣̇д̣̇асам̣, г̇амбхийрад̇д̇аа д̣̇уд̣̇д̣̇асам̣, д̣̇уд̣̇д̣̇асад̇д̇аа г̇амбхийранд̇и жад̇усажжам̣, висзсад̇о нибун̣ам̣ ан̣ум̣, нирод̇хасажжанд̇и звамзд̇ам̣ жад̇усажжам̣ д̇хийраа самад̇хиг̇ажчанд̇и д̇хид̇исамбаннад̇ааяа д̇хийраа жад̇усажжагаммадтаанабхааванам̣ уссуггаабзд̇ваа саммад̣̇зва ад̇хиг̇ажчанд̇и. аббамад̇д̇аад̇и саб̣б̣ад̇т̇а сад̇иавиббаваасзна аббамаад̣̇абадибад̇д̇им̣ буурзнд̇аа. вижагкан̣аад̇и вибассанаабхааванааяа чзгаа гусалаа. д̇асмаа саб̣бхирзва самаасзт̇аад̇и яож̇анаа. бан̣д̣ид̇зхад̇т̇ад̣̇ассибхийд̇и ваа зд̇ам̣ ниссаггаважанам̣. яасмаа бан̣д̣ид̇зхи ад̇т̇ад̣̇ассийбхи самуд̣̇ааяабхууд̇зхи д̇хийраа аббамад̇д̇аа вижагкан̣аа маханд̇аад̣̇ивисзсаванд̇ам̣ ад̇т̇ам̣ самад̇хиг̇ажчанд̇и, д̇асмаа д̇аад̣̇исзхи саб̣бхирзва самаасзт̇аад̇и самб̣анд̇хо. звамзсаа т̇зрасса бадивзд̇хад̣̇ийбанзна ан̃н̃ааб̣яаагаран̣аг̇аат̇ааби ахосийд̇и.
4. Tattha sabbhirevāti sappurisehi eva. Santoti panettha buddhādayo ariyā adhippetā. Te hi anavasesato asataṃ dhammaṃ pahāya saddhamme ukkaṃsagatattā sātisayaṃ pasaṃsiyattā ca visesato ‘‘santo sappurisā’’ti ca vuccanti. Samāsethāti samaṃ āsetha saha vaseyya. Te payirupāsanto tesaṃ sussūsanto diṭṭhānugatiñca āpajjanto samānavāso bhaveyyāti attho. Paṇḍitehatthadassibhīti tesaṃ thomanā. Paṇḍā vuccati paññā, sā imesaṃ sañjātāti paṇḍitā. Tato eva attatthādibhedaṃ atthaṃ aviparītato passantīti atthadassino. Tehi paṇḍitehi atthadassībhi samāsetha. Kasmāti ce? Yasmā te santo paṇḍitā, te vā sammā sevantā ekantahitabhāvato maggañāṇādīheva araṇīyato atthaṃ, mahāguṇatāya santatāya ca mahantaṃ, agādhabhāvato gambhīrañāṇagocarato ca gambhīraṃ, hīnacchandādīhi daṭṭhuṃ asakkuṇeyyattā itarehi ca kicchena daṭṭhabbattā duddasaṃ, duddasattā saṇhanipuṇasabhāvattā nipuṇañāṇagocarato ca nipuṇaṃ, nipuṇattā evaṃ sukhumasabhāvatāya aṇuṃ nibbānaṃ, aviparītaṭṭhena vā paramatthasabhāvattā atthaṃ, ariyabhāvakarattā mahattanimittatāya mahantaṃ, anuttānasabhāvatāya gambhīraṃ, dukkhena daṭṭhabbaṃ na sukhena daṭṭhuṃ sakkāti duddasaṃ, gambhīrattā duddasaṃ, duddasattā gambhīranti catusaccaṃ, visesato nipuṇaṃ aṇuṃ, nirodhasaccanti evametaṃ catusaccaṃ dhīrā samadhigacchanti dhitisampannatāya dhīrā catusaccakammaṭṭhānabhāvanaṃ ussukkāpetvā sammadeva adhigacchanti. Appamattāti sabbattha satiavippavāsena appamādapaṭipattiṃ pūrentā. Vicakkhaṇāti vipassanābhāvanāya chekā kusalā. Tasmā sabbhireva samāsethāti yojanā. Paṇḍitehatthadassibhīti vā etaṃ nissakkavacanaṃ. Yasmā paṇḍitehi atthadassībhi samudāyabhūtehi dhīrā appamattā vicakkhaṇā mahantādivisesavantaṃ atthaṃ samadhigacchanti, tasmā tādisehi sabbhireva samāsethāti sambandho. Evamesā therassa paṭivedhadīpanena aññābyākaraṇagāthāpi ahosīti.
бун̣н̣ад̇т̇зраг̇аат̇ааван̣н̣анаа нидтид̇аа.
Puṇṇattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. бун̣н̣ад̇т̇зраг̇аат̇аа • 4. Puṇṇattheragāthā
