| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
10. бун̣н̣ад̇т̇зраг̇аат̇ааван̣н̣анаа
10. Puṇṇattheragāthāvaṇṇanā
сийламзваад̇и ааяасмад̇о бун̣н̣ад̇т̇зрасса г̇аат̇аа. гаа уббад̇д̇и? соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о ид̇о зганавуд̇з габбз б̣уд̣̇д̇хасун̃н̃з логз б̣раахман̣агулз ниб̣б̣ад̇д̇ид̇ваа ваяаббад̇д̇о б̣раахман̣асиббзсу нибпад̇д̇им̣ г̇анд̇ваа гаамзсу аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇аббад̣̇зсз бан̣н̣агудим̣ гад̇ваа ваасам̣ габбзси. д̇асса васанадтаанасса авид̣̇уурз згасмим̣ баб̣бхаарз бажжзгаб̣уд̣̇д̇хо ааб̣аад̇хиго худ̇ваа бариниб̣б̣ааяи, д̇асса бариниб̣б̣аанасамаяз махаа аалого ахоси. д̇ам̣ д̣̇исваа со, ‘‘гат̇ам̣ ну ко аяам̣ аалого уббанно’’д̇и виймам̣санавасзна ид̇о жид̇о жа аахин̣д̣анд̇о баб̣бхаарз бажжзгасамб̣уд̣̇д̇хам̣ бариниб̣б̣уд̇ам̣ д̣̇исваа г̇анд̇хад̣̇аарууни сам̣гад̣дхид̇ваа сарийрам̣ жхаабзд̇ваа г̇анд̇ход̣̇агзна убасин̃жи. д̇ад̇т̇зго д̣̇звабуд̇д̇о анд̇алигкз тад̇ваа звамааха – ‘‘саад̇ху, саад̇ху, саббуриса, б̣ахум̣ д̇аяаа бун̃н̃ам̣ басаванд̇зна буурид̇ам̣ суг̇ад̇исам̣вад̇д̇анияам̣ гаммам̣ д̇зна д̇вам̣ суг̇ад̇ийсуязва уббаж̇ж̇иссаси, ‘бун̣н̣о’д̇и жа д̇з наамам̣ бхависсад̇ий’’д̇и. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сунаабаранд̇аж̇анабад̣̇з суббаарагабадданз г̇ахабад̇игулз ниб̣б̣ад̇д̇и, бун̣н̣од̇исса наамам̣ ахоси. со ваяаббад̇д̇о ваан̣иж̇ж̇авасзна махад̇аа сад̇т̇зна сад̣̇д̇хим̣ саавад̇т̇им̣ г̇ад̇о. д̇зна жа самаязна бхаг̇аваа саавад̇т̇ияам̣ вихарад̇и. ат̇а со саавад̇т̇иваасийхи убаасагзхи сад̣̇д̇хим̣ вихаарам̣ г̇ад̇о сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вад̇д̇абадивад̇д̇зхи аажарияубаж̇жхааяз аараад̇хзнд̇о вихааси. со згад̣̇ивасам̣ сад̇т̇аарам̣ убасан̇гамид̇ваа, ‘‘саад̇ху мам̣, бханд̇з бхаг̇аваа, сам̣кид̇д̇зна оваад̣̇зна овад̣̇ад̇у, яамахам̣ суд̇ваа сунаабаранд̇аж̇анабад̣̇з вихарзяяа’’нд̇и ааха. д̇асса бхаг̇аваа, ‘‘санд̇и ко, бун̣н̣а, жагкувин̃н̃зяяаа руубаа’’д̇иаад̣̇инаа (ма. ни. 3.395; сам̣. ни. 4.88) оваад̣̇ам̣ д̣̇ад̇ваа сийханаад̣̇ам̣ над̣̇аабзд̇ваа виссаж̇ж̇зси. со бхаг̇аванд̇ам̣ ванд̣̇ид̇ваа сунаабаранд̇аж̇анабад̣̇ам̣ г̇анд̇ваа суббаарагабадданз вихаранд̇о самат̇авибассанам̣ уссуггаабзд̇ваа д̇иссо виж̇ж̇аа сажчаагааси. д̇зна вуд̇д̇ам̣ абад̣̇аанз (аба. т̇зра 1.41.29-44) –
Sīlamevāti āyasmato puṇṇattherassa gāthā. Kā uppatti? Sopi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto ito ekanavute kappe buddhasuññe loke brāhmaṇakule nibbattitvā vayappatto brāhmaṇasippesu nipphattiṃ gantvā kāmesu ādīnavaṃ disvā gharāvāsaṃ pahāya tāpasapabbajjaṃ pabbajitvā himavantappadese paṇṇakuṭiṃ katvā vāsaṃ kappesi. Tassa vasanaṭṭhānassa avidūre ekasmiṃ pabbhāre paccekabuddho ābādhiko hutvā parinibbāyi, tassa parinibbānasamaye mahā āloko ahosi. Taṃ disvā so, ‘‘kathaṃ nu kho ayaṃ āloko uppanno’’ti vīmaṃsanavasena ito cito ca āhiṇḍanto pabbhāre paccekasambuddhaṃ parinibbutaṃ disvā gandhadārūni saṃkaḍḍhitvā sarīraṃ jhāpetvā gandhodakena upasiñci. Tattheko devaputto antalikkhe ṭhatvā evamāha – ‘‘sādhu, sādhu, sappurisa, bahuṃ tayā puññaṃ pasavantena pūritaṃ sugatisaṃvattaniyaṃ kammaṃ tena tvaṃ sugatīsuyeva uppajjissasi, ‘puṇṇo’ti ca te nāmaṃ bhavissatī’’ti. So tena puññakammena devamanussesu saṃsaranto imasmiṃ buddhuppāde sunāparantajanapade suppārakapaṭṭane gahapatikule nibbatti, puṇṇotissa nāmaṃ ahosi. So vayappatto vāṇijjavasena mahatā satthena saddhiṃ sāvatthiṃ gato. Tena ca samayena bhagavā sāvatthiyaṃ viharati. Atha so sāvatthivāsīhi upāsakehi saddhiṃ vihāraṃ gato satthu santike dhammaṃ sutvā paṭiladdhasaddho pabbajitvā vattapaṭivattehi ācariyupajjhāye ārādhento vihāsi. So ekadivasaṃ satthāraṃ upasaṅkamitvā, ‘‘sādhu maṃ, bhante bhagavā, saṃkhittena ovādena ovadatu, yamahaṃ sutvā sunāparantajanapade vihareyya’’nti āha. Tassa bhagavā, ‘‘santi kho, puṇṇa, cakkhuviññeyyā rūpā’’tiādinā (ma. ni. 3.395; saṃ. ni. 4.88) ovādaṃ datvā sīhanādaṃ nadāpetvā vissajjesi. So bhagavantaṃ vanditvā sunāparantajanapadaṃ gantvā suppārakapaṭṭane viharanto samathavipassanaṃ ussukkāpetvā tisso vijjā sacchākāsi. Tena vuttaṃ apadāne (apa. thera 1.41.29-44) –
‘‘баб̣бхаарагуудам̣ ниссааяа, саяамбхуу абарааж̇ид̇о;
‘‘Pabbhārakūṭaṃ nissāya, sayambhū aparājito;
ааб̣аад̇хиго жа со б̣уд̣̇д̇хо, васад̇и баб̣б̣ад̇анд̇арз.
Ābādhiko ca so buddho, vasati pabbatantare.
‘‘мама ассамасааманд̇аа, банаад̣̇о ааси д̇аавад̣̇з;
‘‘Mama assamasāmantā, panādo āsi tāvade;
б̣уд̣̇д̇хз ниб̣б̣ааяамаанамхи, аалого уд̣̇абаж̇ж̇ат̇а.
Buddhe nibbāyamānamhi, āloko udapajjatha.
‘‘яаавад̇аа ванасан̣д̣асмим̣, ажчагогад̇аражчагаа;
‘‘Yāvatā vanasaṇḍasmiṃ, acchakokataracchakā;
ваал̣аа жа гзсарий саб̣б̣з, абхиг̇аж̇ж̇им̣су д̇аавад̣̇з.
Vāḷā ca kesarī sabbe, abhigajjiṃsu tāvade.
‘‘уббаад̇ам̣ д̇амахам̣ д̣̇исваа, баб̣бхаарам̣ аг̇амаасахам̣;
‘‘Uppātaṃ tamahaṃ disvā, pabbhāraṃ agamāsahaṃ;
д̇ад̇т̇ад̣̇д̣̇асаасим̣ самб̣уд̣̇д̇хам̣, ниб̣б̣уд̇ам̣ абарааж̇ид̇ам̣.
Tatthaddasāsiṃ sambuddhaṃ, nibbutaṃ aparājitaṃ.
‘‘супуллам̣ сааларааж̇ам̣ва, сад̇арам̣сим̣ва уг̇г̇ад̇ам̣;
‘‘Suphullaṃ sālarājaṃva, sataraṃsiṃva uggataṃ;
вийд̇ажжигам̣ва ан̇г̇аарам̣, ниб̣б̣уд̇ам̣ абарааж̇ид̇ам̣.
Vītaccikaṃva aṅgāraṃ, nibbutaṃ aparājitaṃ.
‘‘д̇ин̣ам̣ гадтан̃жа буурзд̇ваа, жид̇агам̣ д̇ад̇т̇агаасахам̣;
‘‘Tiṇaṃ kaṭṭhañca pūretvā, citakaṃ tatthakāsahaṃ;
жид̇агам̣ сугад̇ам̣ гад̇ваа, сарийрам̣ жхаабаяим̣ ахам̣.
Citakaṃ sukataṃ katvā, sarīraṃ jhāpayiṃ ahaṃ.
‘‘сарийрам̣ жхаабаяид̇ваана, г̇анд̇хад̇ояам̣ самогирим̣;
‘‘Sarīraṃ jhāpayitvāna, gandhatoyaṃ samokiriṃ;
анд̇алигкз тид̇о яагко, наамамаг̇г̇ахи д̇аавад̣̇з.
Antalikkhe ṭhito yakkho, nāmamaggahi tāvade.
‘‘яам̣ буурид̇ам̣ д̇аяаа гижжам̣, саяамбхусса махзсино;
‘‘Yaṃ pūritaṃ tayā kiccaṃ, sayambhussa mahesino;
бун̣н̣аго наама наамзна, сад̣̇аа хохи д̇увам̣ мунз.
Puṇṇako nāma nāmena, sadā hohi tuvaṃ mune.
‘‘д̇амхаа гааяаа жавид̇ваана, д̣̇звалогам̣ аг̇ажчахам̣;
‘‘Tamhā kāyā cavitvāna, devalokaṃ agacchahaṃ;
д̇ад̇т̇а д̣̇иб̣б̣амаяо г̇анд̇хо, анд̇алигкаа бавассад̇и.
Tattha dibbamayo gandho, antalikkhā pavassati.
‘‘д̇ад̇рааби наамад̇хзяяам̣ мз, бун̣н̣агод̇и ахуу д̇ад̣̇аа;
‘‘Tatrāpi nāmadheyyaṃ me, puṇṇakoti ahū tadā;
д̣̇звабхууд̇о мануссо ваа, сан̇габбам̣ буураяаамахам̣.
Devabhūto manusso vā, saṅkappaṃ pūrayāmahaṃ.
‘‘ид̣̇ам̣ бажчимагам̣ маяхам̣, жаримо вад̇д̇ад̇з бхаво;
‘‘Idaṃ pacchimakaṃ mayhaṃ, carimo vattate bhavo;
ид̇хааби бун̣н̣аго наама, наамад̇хзяяам̣ багаасад̇и.
Idhāpi puṇṇako nāma, nāmadheyyaṃ pakāsati.
‘‘д̇осаяид̇ваана самб̣уд̣̇д̇хам̣, г̇од̇амам̣ сагяабун̇г̇авам̣;
‘‘Tosayitvāna sambuddhaṃ, gotamaṃ sakyapuṅgavaṃ;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘зганавуд̇ид̇о габбз, яам̣ гаммамагарим̣ д̇ад̣̇аа;
‘‘Ekanavutito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, д̇анугижжассид̣̇ам̣ палам̣.
Duggatiṃ nābhijānāmi, tanukiccassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро б̣ахуу мануссз саасанз абхиббасаад̣̇зси. яад̇о бан̃жасад̇амад̇д̇аа бурисаа убаасагад̇д̇ам̣ бан̃жасад̇амад̇д̇аа жа ид̇т̇ияо убаасигаабхаавам̣ бадивзд̣̇зсум̣. со д̇ад̇т̇а рад̇д̇ажанд̣̇анзна жанд̣̇анамаал̣ам̣ наама г̇анд̇хагудим̣ гаараабзд̇ваа, ‘‘сад̇т̇аа бан̃жахи бхигкусад̇зхи сад̣̇д̇хим̣ маал̣ам̣ бадижчад̇уу’’д̇и бхаг̇аванд̇ам̣ бубпад̣̇ууд̇зна ниманд̇зси . бхаг̇аваа жа ид̣̇д̇хаанубхаавзна д̇ад̇д̇агзхи бхигкуухи сад̣̇д̇хим̣ д̇ад̇т̇а г̇анд̇ваа жанд̣̇анамаал̣ам̣ бадиг̇г̇ахзд̇ваа арун̣з анудтид̇зязва бажжааг̇амааси. т̇зро абарабхааг̇з бариниб̣б̣аанасамаяз ан̃н̃ам̣ б̣яаагаронд̇о –
Arahattaṃ pana patvā thero bahū manusse sāsane abhippasādesi. Yato pañcasatamattā purisā upāsakattaṃ pañcasatamattā ca itthiyo upāsikābhāvaṃ paṭivedesuṃ. So tattha rattacandanena candanamāḷaṃ nāma gandhakuṭiṃ kārāpetvā, ‘‘satthā pañcahi bhikkhusatehi saddhiṃ māḷaṃ paṭicchatū’’ti bhagavantaṃ pupphadūtena nimantesi . Bhagavā ca iddhānubhāvena tattakehi bhikkhūhi saddhiṃ tattha gantvā candanamāḷaṃ paṭiggahetvā aruṇe anuṭṭhiteyeva paccāgamāsi. Thero aparabhāge parinibbānasamaye aññaṃ byākaronto –
70.
70.
‘‘сийламзва ид̇ха аг̇г̇ам̣, бан̃н̃аваа бана уд̇д̇амо;
‘‘Sīlameva idha aggaṃ, paññavā pana uttamo;
мануссзсу жа д̣̇звзсу, сийлабан̃н̃аан̣ад̇о ж̇аяа’’нд̇и. – г̇аат̇ам̣ абхааси;
Manussesu ca devesu, sīlapaññāṇato jaya’’nti. – gāthaṃ abhāsi;
д̇ад̇т̇а сийланд̇и сийланадтзна сийлам̣, бад̇идтаанадтзна самаад̇хаанадтзна жаад̇и ад̇т̇о. сийлан̃хи саб̣б̣аг̇ун̣аанам̣ бад̇идтаа, д̇знааха – ‘‘сийлз бад̇идтааяа наро сабан̃н̃о’’д̇и (сам̣. ни. 1.23; бздаго. 22; висуд̣̇д̇хи. 1.1). самаад̣̇ахад̇и жа д̇ам̣ гааяаваажааавиббагин̣н̣ам̣ гарод̇ийд̇и ад̇т̇о. д̇аяид̣̇ам̣ сийламзва аг̇г̇ам̣ саб̣б̣аг̇ун̣аанам̣ муулабхаавад̇о бамукабхаавад̇о жа. яат̇ааха – ‘‘д̇асмаад̇иха, д̇вам̣ бхигку, аад̣̇имзва висод̇хзхи гусалзсу д̇хаммзсу. го жаад̣̇и гусалаанам̣ д̇хаммаанам̣ сийлан̃жа сувисуд̣̇д̇ха’’нд̇и (сам̣. ни. 5.369), ‘‘баад̇имогканд̇и мукамзд̇ам̣ бамукамзд̇а’’нд̇и (махаава. 135) жа аад̣̇и. ид̇хаад̇и нибаад̇амад̇д̇ам̣. бан̃н̃аваад̇и н̃аан̣асамбанно. со уд̇д̇амо сздто баварод̇и буг̇г̇алаад̇хидтаанааяа г̇аат̇ааяа бан̃н̃ааяаязва сздтабхаавам̣ д̣̇ассзд̇и. бан̃н̃уд̇д̇араа хи гусалаа д̇хаммаа. ид̣̇аани д̇ам̣ сийлабан̃н̃аанам̣ аг̇г̇асздтабхаавам̣ гааран̣ад̇о д̣̇ассзд̇и ‘‘мануссзсу жа д̣̇звзсу, сийлабан̃н̃аан̣ад̇о ж̇аяа’’нд̇и жа. сийлабан̃н̃аан̣ахзд̇у бадибагкаж̇аяо гаамагилзсаж̇аяо ход̇ийд̇и ад̇т̇о.
Tattha sīlanti sīlanaṭṭhena sīlaṃ, patiṭṭhānaṭṭhena samādhānaṭṭhena cāti attho. Sīlañhi sabbaguṇānaṃ patiṭṭhā, tenāha – ‘‘sīle patiṭṭhāya naro sapañño’’ti (saṃ. ni. 1.23; peṭako. 22; visuddhi. 1.1). Samādahati ca taṃ kāyavācāavippakiṇṇaṃ karotīti attho. Tayidaṃ sīlameva aggaṃ sabbaguṇānaṃ mūlabhāvato pamukhabhāvato ca. Yathāha – ‘‘tasmātiha, tvaṃ bhikkhu, ādimeva visodhehi kusalesu dhammesu. Ko cādi kusalānaṃ dhammānaṃ sīlañca suvisuddha’’nti (saṃ. ni. 5.369), ‘‘pātimokkhanti mukhametaṃ pamukhameta’’nti (mahāva. 135) ca ādi. Idhāti nipātamattaṃ. Paññavāti ñāṇasampanno. So uttamo seṭṭho pavaroti puggalādhiṭṭhānāya gāthāya paññāyayeva seṭṭhabhāvaṃ dasseti. Paññuttarā hi kusalā dhammā. Idāni taṃ sīlapaññānaṃ aggaseṭṭhabhāvaṃ kāraṇato dasseti ‘‘manussesu ca devesu, sīlapaññāṇato jaya’’nti ca. Sīlapaññāṇahetu paṭipakkhajayo kāmakilesajayo hotīti attho.
бун̣н̣ад̇т̇зраг̇аат̇ааван̣н̣анаа нидтид̇аа.
Puṇṇattheragāthāvaṇṇanā niṭṭhitā.
сад̇д̇амаваг̇г̇аван̣н̣анаа нидтид̇аа.
Sattamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 10. бун̣н̣ад̇т̇зраг̇аат̇аа • 10. Puṇṇattheragāthā
