| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. पुण्णिकाथेरीअपदानं
8. Puṇṇikātherīapadānaṃ
१८४.
184.
‘‘विपस्सिनो भगवतो, सिखिनो वेस्सभुस्स च।
‘‘Vipassino bhagavato, sikhino vessabhussa ca;
ककुसन्धस्स मुनिनो, कोणागमनतादिनो॥
Kakusandhassa munino, koṇāgamanatādino.
१८५.
185.
‘‘कस्सपस्स च बुद्धस्स, पब्बजित्वान सासने।
‘‘Kassapassa ca buddhassa, pabbajitvāna sāsane;
भिक्खुनी सीलसम्पन्ना, निपका संवुतिन्द्रिया॥
Bhikkhunī sīlasampannā, nipakā saṃvutindriyā.
१८६.
186.
‘‘बहुस्सुता धम्मधरा, धम्मत्थपटिपुच्छिका।
‘‘Bahussutā dhammadharā, dhammatthapaṭipucchikā;
उग्गहेता च धम्मानं, सोता पयिरुपासिता॥
Uggahetā ca dhammānaṃ, sotā payirupāsitā.
१८७.
187.
‘‘देसेन्ती जनमज्झेहं, अहोसिं जिनसासने।
‘‘Desentī janamajjhehaṃ, ahosiṃ jinasāsane;
बाहुसच्चेन तेनाहं, पेसला अतिमञ्ञिसं॥
Bāhusaccena tenāhaṃ, pesalā atimaññisaṃ.
१८८.
188.
‘‘पच्छिमे च भवे दानि, सावत्थियं पुरुत्तमे।
‘‘Pacchime ca bhave dāni, sāvatthiyaṃ puruttame;
अनाथपिण्डिनो गेहे, जाताहं कुम्भदासिया॥
Anāthapiṇḍino gehe, jātāhaṃ kumbhadāsiyā.
१८९.
189.
‘‘गता उदकहारियं, सोत्थियं दिजमद्दसं।
‘‘Gatā udakahāriyaṃ, sotthiyaṃ dijamaddasaṃ;
सीतट्टं तोयमज्झम्हि, तं दिस्वा इदमब्रविं॥
Sītaṭṭaṃ toyamajjhamhi, taṃ disvā idamabraviṃ.
१९०.
190.
‘‘‘उदहारी अहं सीते, सदा उदकमोतरिं।
‘‘‘Udahārī ahaṃ sīte, sadā udakamotariṃ;
१९१.
191.
‘‘‘कस्स ब्राह्मण त्वं भीतो, सदा उदकमोतरि।
‘‘‘Kassa brāhmaṇa tvaṃ bhīto, sadā udakamotari;
वेधमानेहि गत्तेहि, सीतं वेदयसे भुसं’॥
Vedhamānehi gattehi, sītaṃ vedayase bhusaṃ’.
१९२.
192.
‘‘‘जानन्ती वत मं भोति, पुण्णिके परिपुच्छसि।
‘‘‘Jānantī vata maṃ bhoti, puṇṇike paripucchasi;
१९३.
193.
‘‘‘यो चे वुड्ढो दहरो वा, पापकम्मं पकुब्बति।
‘‘‘Yo ce vuḍḍho daharo vā, pāpakammaṃ pakubbati;
१९४.
194.
‘‘उत्तरन्तस्स अक्खासिं, धम्मत्थसंहितं पदं।
‘‘Uttarantassa akkhāsiṃ, dhammatthasaṃhitaṃ padaṃ;
१९५.
195.
‘‘पूरेन्ती ऊनकसतं, जाता दासिकुले यतो।
‘‘Pūrentī ūnakasataṃ, jātā dāsikule yato;
ततो पुण्णाति नामं मे, भुजिस्सं मं अकंसु ते॥
Tato puṇṇāti nāmaṃ me, bhujissaṃ maṃ akaṃsu te.
१९६.
196.
न चिरेनेव कालेन, अरहत्तमपापुणिं॥
Na cireneva kālena, arahattamapāpuṇiṃ.
१९७.
197.
‘‘इद्धीसु च वसी होमि, दिब्बाय सोतधातुया।
‘‘Iddhīsu ca vasī homi, dibbāya sotadhātuyā;
चेतोपरियञाणस्स, वसी होमि महामुने॥
Cetopariyañāṇassa, vasī homi mahāmune.
१९८.
198.
‘‘पुब्बेनिवासं जानामि, दिब्बचक्खु विसोधितं।
‘‘Pubbenivāsaṃ jānāmi, dibbacakkhu visodhitaṃ;
सब्बासवपरिक्खीणा, नत्थि दानि पुनब्भवो॥
Sabbāsavaparikkhīṇā, natthi dāni punabbhavo.
१९९.
199.
‘‘अत्थधम्मनिरुत्तीसु, पटिभाने तथेव च।
‘‘Atthadhammaniruttīsu, paṭibhāne tatheva ca;
ञाणं मे विमलं सुद्धं, बुद्धसेट्ठस्स वाहसा॥
Ñāṇaṃ me vimalaṃ suddhaṃ, buddhaseṭṭhassa vāhasā.
२००.
200.
‘‘भावनाय महापञ्ञा, सुतेनेव सुताविनी।
‘‘Bhāvanāya mahāpaññā, suteneva sutāvinī;
२०१.
201.
‘‘किलेसा झापिता मय्हं…पे॰… विहरामि अनासवा॥
‘‘Kilesā jhāpitā mayhaṃ…pe… viharāmi anāsavā.
२०२.
202.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
२०३.
203.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं पुण्णिका भिक्खुनी इमा गाथायो अभासित्थाति।
Itthaṃ sudaṃ puṇṇikā bhikkhunī imā gāthāyo abhāsitthāti.
पुण्णिकाथेरियापदानं अट्ठमं।
Puṇṇikātheriyāpadānaṃ aṭṭhamaṃ.
Footnotes:
