| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. бун̣н̣ияасуд̇д̇ам̣
3. Puṇṇiyasuttaṃ
83. ат̇а ко ааяасмаа бун̣н̣ияо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа бун̣н̣ияо бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у го бажжаяо язна аббзгад̣̇аа д̇ат̇ааг̇ад̇ам̣ д̇хаммад̣̇зсанаа бадибхаад̇и аббзгад̣̇аа наббадибхаад̇ий’’д̇и?
83. Atha kho āyasmā puṇṇiyo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā puṇṇiyo bhagavantaṃ etadavoca – ‘‘ko nu kho, bhante, hetu ko paccayo yena appekadā tathāgataṃ dhammadesanā paṭibhāti appekadā nappaṭibhātī’’ti?
‘‘сад̣̇д̇хо жа, бун̣н̣ияа, бхигку ход̇и, но жа убасан̇гамид̇аа; нзва д̇аава д̇ат̇ааг̇ад̇ам̣ д̇хаммад̣̇зсанаа бадибхаад̇и. яад̇о жа ко, бун̣н̣ияа, бхигку сад̣̇д̇хо жа ход̇и убасан̇гамид̇аа жа, звам̣ д̇ат̇ааг̇ад̇ам̣ д̇хаммад̣̇зсанаа бадибхаад̇и.
‘‘Saddho ca, puṇṇiya, bhikkhu hoti, no ca upasaṅkamitā; neva tāva tathāgataṃ dhammadesanā paṭibhāti. Yato ca kho, puṇṇiya, bhikkhu saddho ca hoti upasaṅkamitā ca, evaṃ tathāgataṃ dhammadesanā paṭibhāti.
‘‘сад̣̇д̇хо жа, бун̣н̣ияа, бхигку ход̇и убасан̇гамид̇аа жа, но жа баяирубаасид̇аа…бз… баяирубаасид̇аа жа, но жа барибужчид̇аа… барибужчид̇аа жа, но жа охид̇асод̇о д̇хаммам̣ сун̣аад̇и… охид̇асод̇о жа д̇хаммам̣ сун̣аад̇и, но жа суд̇ваа д̇хаммам̣ д̇хаарзд̇и… суд̇ваа жа д̇хаммам̣ д̇хаарзд̇и, но жа д̇хаад̇аанам̣ д̇хаммаанам̣ ад̇т̇ам̣ убабаригкад̇и… д̇хаад̇аанан̃жа д̇хаммаанам̣ ад̇т̇ам̣ убабаригкад̇и но жа ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно ход̇и… ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно жа ход̇и, но жа галяаан̣аваажо ход̇и галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇ал̣ааяа ад̇т̇асса вин̃н̃аабанияаа… галяаан̣аваажо жа ход̇и галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇ал̣ааяа ад̇т̇асса вин̃н̃аабанияаа, но жа санд̣̇ассаго ход̇и самаад̣̇абаго самуд̇д̇зж̇аго самбахам̣саго саб̣рахмажаарийнам̣, нзва д̇аава д̇ат̇ааг̇ад̇ам̣ д̇хаммад̣̇зсанаа бадибхаад̇и.
‘‘Saddho ca, puṇṇiya, bhikkhu hoti upasaṅkamitā ca, no ca payirupāsitā…pe… payirupāsitā ca, no ca paripucchitā… paripucchitā ca, no ca ohitasoto dhammaṃ suṇāti… ohitasoto ca dhammaṃ suṇāti, no ca sutvā dhammaṃ dhāreti… sutvā ca dhammaṃ dhāreti, no ca dhātānaṃ dhammānaṃ atthaṃ upaparikkhati… dhātānañca dhammānaṃ atthaṃ upaparikkhati no ca atthamaññāya dhammamaññāya dhammānudhammappaṭipanno hoti… atthamaññāya dhammamaññāya dhammānudhammappaṭipanno ca hoti, no ca kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagaḷāya atthassa viññāpaniyā… kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagaḷāya atthassa viññāpaniyā, no ca sandassako hoti samādapako samuttejako sampahaṃsako sabrahmacārīnaṃ, neva tāva tathāgataṃ dhammadesanā paṭibhāti.
‘‘яад̇о жа ко, бун̣н̣ияа, бхигку сад̣̇д̇хо жа ход̇и, убасан̇гамид̇аа жа, баяирубаасид̇аа жа, барибужчид̇аа жа, охид̇асод̇о жа д̇хаммам̣ сун̣аад̇и, суд̇ваа жа д̇хаммам̣ д̇хаарзд̇и, д̇хаад̇аанан̃жа д̇хаммаанам̣ ад̇т̇ам̣ убабаригкад̇и, ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно жа ход̇и, галяаан̣аваажо жа ход̇и галяаан̣авааггаран̣о борияаа ваажааяа саманнааг̇ад̇о виссадтааяа анзлаг̇ал̣ааяа ад̇т̇асса вин̃н̃аабанияаа, санд̣̇ассаго жа ход̇и самаад̣̇абаго самуд̇д̇зж̇аго самбахам̣саго саб̣рахмажаарийнам̣ – звам̣ д̇ат̇ааг̇ад̇ам̣ д̇хаммад̣̇зсанаа бадибхаад̇и. имзхи ко, бун̣н̣ияа , д̣̇асахи д̇хаммзхи саманнааг̇ад̇аа 1 2 зганд̇абадибхаанаа 3 д̇ат̇ааг̇ад̇ам̣ д̇хаммад̣̇зсанаа ход̇ий’’д̇и 4. д̇ад̇ияам̣.
‘‘Yato ca kho, puṇṇiya, bhikkhu saddho ca hoti, upasaṅkamitā ca, payirupāsitā ca, paripucchitā ca, ohitasoto ca dhammaṃ suṇāti, sutvā ca dhammaṃ dhāreti, dhātānañca dhammānaṃ atthaṃ upaparikkhati, atthamaññāya dhammamaññāya dhammānudhammappaṭipanno ca hoti, kalyāṇavāco ca hoti kalyāṇavākkaraṇo poriyā vācāya samannāgato vissaṭṭhāya anelagaḷāya atthassa viññāpaniyā, sandassako ca hoti samādapako samuttejako sampahaṃsako sabrahmacārīnaṃ – evaṃ tathāgataṃ dhammadesanā paṭibhāti. Imehi kho, puṇṇiya , dasahi dhammehi samannāgatā 56 ekantapaṭibhānā 7 tathāgataṃ dhammadesanā hotī’’ti 8. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-3. вааханасуд̇д̇аад̣̇иван̣н̣анаа • 1-3. Vāhanasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-8. вааханасуд̇д̇аад̣̇иван̣н̣анаа • 1-8. Vāhanasuttādivaṇṇanā
