| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. бун̣н̣оваад̣̇асуд̇д̇ам̣
3. Puṇṇovādasuttaṃ
395. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа бун̣н̣о сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа бун̣н̣о бхаг̇аванд̇ам̣ зд̇ад̣̇авожа – ‘‘саад̇ху мам̣, бханд̇з, бхаг̇аваа сам̣кид̇д̇зна оваад̣̇зна овад̣̇ад̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и. ‘‘д̇зна хи, бун̣н̣а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа бун̣н̣о бхаг̇авад̇о бажжассоси. бхаг̇аваа зд̇ад̣̇авожа –
395. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā puṇṇo sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā puṇṇo bhagavantaṃ etadavoca – ‘‘sādhu maṃ, bhante, bhagavā saṃkhittena ovādena ovadatu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Tena hi, puṇṇa, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā puṇṇo bhagavato paccassosi. Bhagavā etadavoca –
‘‘санд̇и ко, бун̣н̣а, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ам̣ жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇ад̇и нанд̣̇ий 1. ‘нанд̣̇ийсамуд̣̇аяаа д̣̇угкасамуд̣̇аяо, бун̣н̣аа’д̇и вад̣̇аами.
‘‘Santi kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Taṃ ce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī 2. ‘Nandīsamudayā dukkhasamudayo, puṇṇā’ti vadāmi.
‘‘санд̇и ко, бун̣н̣а, сод̇авин̃н̃зяяаа сад̣̇д̣̇аа… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ам̣ жз бхигку абхинанд̣̇ад̇и абхивад̣̇ад̇и аж̇жхосааяа д̇идтад̇и. д̇асса д̇ам̣ абхинанд̣̇ад̇о абхивад̣̇ад̇о аж̇жхосааяа д̇идтад̇о уббаж̇ж̇ад̇и нанд̣̇ий. ‘нанд̣̇ийсамуд̣̇аяаа д̣̇угкасамуд̣̇аяо, бун̣н̣аа’д̇и вад̣̇аами.
‘‘Santi kho, puṇṇa, sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Taṃ ce bhikkhu abhinandati abhivadati ajjhosāya tiṭṭhati. Tassa taṃ abhinandato abhivadato ajjhosāya tiṭṭhato uppajjati nandī. ‘Nandīsamudayā dukkhasamudayo, puṇṇā’ti vadāmi.
‘‘санд̇и жа ко, бун̣н̣а, жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ам̣ жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о нанд̣̇ий нируж̇жхад̇и. ‘нанд̣̇ийнирод̇хаа д̣̇угканирод̇хо, бун̣н̣аа’д̇и вад̣̇аами.
‘‘Santi ca kho, puṇṇa, cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā. Taṃ ce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato nandī nirujjhati. ‘Nandīnirodhā dukkhanirodho, puṇṇā’ti vadāmi.
‘‘санд̇и жа ко, бун̣н̣а, сод̇авин̃н̃зяяаа сад̣̇д̣̇аа… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа… мановин̃н̃зяяаа д̇хаммаа идтаа ганд̇аа манаабаа бияаруубаа гаамуубасам̣хид̇аа раж̇анийяаа. д̇ам̣ жз бхигку наабхинанд̣̇ад̇и наабхивад̣̇ад̇и нааж̇жхосааяа д̇идтад̇и. д̇асса д̇ам̣ анабхинанд̣̇ад̇о анабхивад̣̇ад̇о анаж̇жхосааяа д̇идтад̇о нанд̣̇ий нируж̇жхад̇и. ‘нанд̣̇ийнирод̇хаа д̣̇угканирод̇хо, бун̣н̣аа’д̇и вад̣̇аами.
‘‘Santi ca kho, puṇṇa, sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā… manoviññeyyā dhammā iṭṭhā kantā manāpā piyarūpā kāmūpasaṃhitā rajanīyā. Taṃ ce bhikkhu nābhinandati nābhivadati nājjhosāya tiṭṭhati. Tassa taṃ anabhinandato anabhivadato anajjhosāya tiṭṭhato nandī nirujjhati. ‘Nandīnirodhā dukkhanirodho, puṇṇā’ti vadāmi.
‘‘иминаа жа д̇вам̣ бун̣н̣а, маяаа сам̣кид̇д̇зна оваад̣̇зна овад̣̇ид̇о гад̇арасмим̣ ж̇анабад̣̇з вихариссасий’’д̇и? ‘‘иминаахам̣, бханд̇з, бхаг̇авад̇аа сам̣кид̇д̇зна оваад̣̇зна овад̣̇ид̇о, ад̇т̇и сунаабаранд̇о наама ж̇анабад̣̇о, д̇ад̇т̇аахам̣ вихариссаамий’’д̇и.
‘‘Iminā ca tvaṃ puṇṇa, mayā saṃkhittena ovādena ovadito katarasmiṃ janapade viharissasī’’ti? ‘‘Imināhaṃ, bhante, bhagavatā saṃkhittena ovādena ovadito, atthi sunāparanto nāma janapado, tatthāhaṃ viharissāmī’’ti.
396. ‘‘жан̣д̣аа ко, бун̣н̣а, сунаабаранд̇агаа мануссаа; парусаа ко, бун̣н̣а, сунаабаранд̇агаа мануссаа. сажз д̇ам̣, бун̣н̣а, сунаабаранд̇агаа мануссаа аггосиссанд̇и барибхаасиссанд̇и, д̇ад̇т̇а д̇з, бун̣н̣а, гинд̇и бхависсад̇ий’’д̇и? ‘‘сажз мам̣, бханд̇з, сунаабаранд̇агаа мануссаа аггосиссанд̇и барибхаасиссанд̇и, д̇ад̇т̇а мз звам̣ бхависсад̇и – ‘бхад̣̇д̣̇агаа 3 вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз баан̣инаа бахаарам̣ д̣̇знд̇ий’д̇и. звамзд̇т̇а 4, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.
396. ‘‘Caṇḍā kho, puṇṇa, sunāparantakā manussā; pharusā kho, puṇṇa, sunāparantakā manussā. Sace taṃ, puṇṇa, sunāparantakā manussā akkosissanti paribhāsissanti, tattha te, puṇṇa, kinti bhavissatī’’ti? ‘‘Sace maṃ, bhante, sunāparantakā manussā akkosissanti paribhāsissanti, tattha me evaṃ bhavissati – ‘bhaddakā 5 vatime sunāparantakā manussā, subhaddakā vatime sunāparantakā manussā, yaṃ me nayime pāṇinā pahāraṃ dentī’ti. Evamettha 6, bhagavā, bhavissati; evamettha, sugata, bhavissatī’’ti.
‘‘сажз бана д̇з, бун̣н̣а, сунаабаранд̇агаа мануссаа баан̣инаа бахаарам̣ д̣̇ассанд̇и, д̇ад̇т̇а бана д̇з, бун̣н̣а, гинд̇и бхависсад̇ий’’д̇и? ‘‘сажз мз, бханд̇з, сунаабаранд̇агаа мануссаа баан̣инаа бахаарам̣ д̣̇ассанд̇и, д̇ад̇т̇а мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз лзд̣д̣унаа бахаарам̣ д̣̇знд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.
‘‘Sace pana te, puṇṇa, sunāparantakā manussā pāṇinā pahāraṃ dassanti, tattha pana te, puṇṇa, kinti bhavissatī’’ti? ‘‘Sace me, bhante, sunāparantakā manussā pāṇinā pahāraṃ dassanti, tattha me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me nayime leḍḍunā pahāraṃ dentī’ti. Evamettha, bhagavā, bhavissati; evamettha, sugata, bhavissatī’’ti.
‘‘сажз бана д̇з, бун̣н̣а, сунаабаранд̇агаа мануссаа лзд̣д̣унаа бахаарам̣ д̣̇ассанд̇и, д̇ад̇т̇а бана д̇з, бун̣н̣а, гинд̇и бхависсад̇ий’’д̇и? ‘‘сажз мз, бханд̇з, сунаабаранд̇агаа мануссаа лзд̣д̣унаа бахаарам̣ д̣̇ассанд̇и, д̇ад̇т̇а мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз д̣̇ан̣д̣зна бахаарам̣ д̣̇знд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.
‘‘Sace pana te, puṇṇa, sunāparantakā manussā leḍḍunā pahāraṃ dassanti, tattha pana te, puṇṇa, kinti bhavissatī’’ti? ‘‘Sace me, bhante, sunāparantakā manussā leḍḍunā pahāraṃ dassanti, tattha me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me nayime daṇḍena pahāraṃ dentī’ti. Evamettha, bhagavā, bhavissati; evamettha, sugata, bhavissatī’’ti.
‘‘сажз бана д̇з, бун̣н̣а, сунаабаранд̇агаа мануссаа д̣̇ан̣д̣зна бахаарам̣ д̣̇ассанд̇и, д̇ад̇т̇а бана д̇з, бун̣н̣а, гинд̇и бхависсад̇ий’’д̇и? ‘‘сажз мз, бханд̇з, сунаабаранд̇агаа мануссаа д̣̇ан̣д̣зна бахаарам̣ д̣̇ассанд̇и, д̇ад̇т̇а мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз сад̇т̇зна бахаарам̣ д̣̇знд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.
‘‘Sace pana te, puṇṇa, sunāparantakā manussā daṇḍena pahāraṃ dassanti, tattha pana te, puṇṇa, kinti bhavissatī’’ti? ‘‘Sace me, bhante, sunāparantakā manussā daṇḍena pahāraṃ dassanti, tattha me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ me nayime satthena pahāraṃ dentī’ti. Evamettha, bhagavā, bhavissati; evamettha, sugata, bhavissatī’’ti.
‘‘сажз бана д̇з, бун̣н̣а, сунаабаранд̇агаа мануссаа сад̇т̇зна бахаарам̣ д̣̇ассанд̇и, д̇ад̇т̇а бана д̇з, бун̣н̣а, гинд̇и бхависсад̇ий’’д̇и? ‘‘сажз мз, бханд̇з, сунаабаранд̇агаа мануссаа сад̇т̇зна бахаарам̣ д̣̇ассанд̇и, д̇ад̇т̇а мз звам̣ бхависсад̇и – ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мам̣ 7 наяимз д̇ин̣хзна сад̇т̇зна ж̇ийвид̇аа воробзнд̇ий’д̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и.
‘‘Sace pana te, puṇṇa, sunāparantakā manussā satthena pahāraṃ dassanti, tattha pana te, puṇṇa, kinti bhavissatī’’ti? ‘‘Sace me, bhante, sunāparantakā manussā satthena pahāraṃ dassanti, tattha me evaṃ bhavissati – ‘bhaddakā vatime sunāparantakā manussā, subhaddakā vatime sunāparantakā manussā, yaṃ maṃ 8 nayime tiṇhena satthena jīvitā voropentī’ti. Evamettha, bhagavā, bhavissati; evamettha, sugata, bhavissatī’’ti.
‘‘сажз бана д̇ам̣, бун̣н̣а, сунаабаранд̇агаа мануссаа д̇ин̣хзна сад̇т̇зна ж̇ийвид̇аа воробзссанд̇и, д̇ад̇т̇а бана д̇з, бун̣н̣а, гинд̇и бхависсад̇ий’’д̇и? ‘‘сажз мам̣, бханд̇з, сунаабаранд̇агаа мануссаа д̇ин̣хзна сад̇т̇зна ж̇ийвид̇аа воробзссанд̇и, д̇ад̇т̇а мз звам̣ бхависсад̇и – ‘санд̇и ко бхаг̇авад̇о саавагаа гааяз жа ж̇ийвид̇з жа аддийяамаанаа харааяамаанаа ж̇иг̇ужчамаанаа сад̇т̇ахаарагам̣ бариязсанд̇и. д̇ам̣ мз ид̣̇ам̣ абарияидтам̣язва сад̇т̇ахаарагам̣ лад̣̇д̇ха’нд̇и. звамзд̇т̇а, бхаг̇аваа, бхависсад̇и; звамзд̇т̇а, суг̇ад̇а, бхависсад̇ий’’д̇и. ‘‘саад̇ху, саад̇ху, бун̣н̣а! сагкиссаси ко д̇вам̣, бун̣н̣а, иминаа д̣̇амуубасамзна саманнааг̇ад̇о сунаабаранд̇асмим̣ ж̇анабад̣̇з вихарид̇ум̣. яассад̣̇аани д̇вам̣, бун̣н̣а, гаалам̣ ман̃н̃асий’’д̇и.
‘‘Sace pana taṃ, puṇṇa, sunāparantakā manussā tiṇhena satthena jīvitā voropessanti, tattha pana te, puṇṇa, kinti bhavissatī’’ti? ‘‘Sace maṃ, bhante, sunāparantakā manussā tiṇhena satthena jīvitā voropessanti, tattha me evaṃ bhavissati – ‘santi kho bhagavato sāvakā kāye ca jīvite ca aṭṭīyamānā harāyamānā jigucchamānā satthahārakaṃ pariyesanti. Taṃ me idaṃ apariyiṭṭhaṃyeva satthahārakaṃ laddha’nti. Evamettha, bhagavā, bhavissati; evamettha, sugata, bhavissatī’’ti. ‘‘Sādhu, sādhu, puṇṇa! Sakkhissasi kho tvaṃ, puṇṇa, iminā damūpasamena samannāgato sunāparantasmiṃ janapade viharituṃ. Yassadāni tvaṃ, puṇṇa, kālaṃ maññasī’’ti.
397. ат̇а ко ааяасмаа бун̣н̣о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа сзнаасанам̣ сам̣саамзд̇ваа бад̇д̇ажийварамаад̣̇ааяа язна сунаабаранд̇о ж̇анабад̣̇о д̇зна жааригам̣ баггаами. анубуб̣б̣зна жааригам̣ жарамаано язна сунаабаранд̇о ж̇анабад̣̇о д̇ад̣̇авасари. д̇ад̇ра суд̣̇ам̣ ааяасмаа бун̣н̣о сунаабаранд̇асмим̣ ж̇анабад̣̇з вихарад̇и. ат̇а ко ааяасмаа бун̣н̣о д̇знзванд̇аравассзна бан̃жамад̇д̇аани убаасагасад̇аани бадивзд̣̇зси 9, д̇знзванд̇аравассзна бан̃жамад̇д̇аани убаасигасад̇аани бадивзд̣̇зси, д̇знзванд̇аравассзна д̇иссо виж̇ж̇аа сажчаагааси. ат̇а ко ааяасмаа бун̣н̣о абарзна самаязна бариниб̣б̣ааяи.
397. Atha kho āyasmā puṇṇo bhagavato bhāsitaṃ abhinanditvā anumoditvā uṭṭhāyāsanā bhagavantaṃ abhivādetvā padakkhiṇaṃ katvā senāsanaṃ saṃsāmetvā pattacīvaramādāya yena sunāparanto janapado tena cārikaṃ pakkāmi. Anupubbena cārikaṃ caramāno yena sunāparanto janapado tadavasari. Tatra sudaṃ āyasmā puṇṇo sunāparantasmiṃ janapade viharati. Atha kho āyasmā puṇṇo tenevantaravassena pañcamattāni upāsakasatāni paṭivedesi 10, tenevantaravassena pañcamattāni upāsikasatāni paṭivedesi, tenevantaravassena tisso vijjā sacchākāsi. Atha kho āyasmā puṇṇo aparena samayena parinibbāyi.
ат̇а ко самб̣ахулаа бхигкуу язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘яо со, бханд̇з, бун̣н̣о наама гулабуд̇д̇о бхаг̇авад̇аа сам̣кид̇д̇зна оваад̣̇зна овад̣̇ид̇о со гаалан̇гад̇о. д̇асса гаа г̇ад̇и, го абхисамбарааяо’’д̇и? ‘‘бан̣д̣ид̇о, бхигкавз, бун̣н̣о гулабуд̇д̇о бажжабаад̣̇и 11 д̇хаммассаануд̇хаммам̣, на жа мам̣ д̇хаммаад̇хигаран̣ам̣ вихзтзси. бариниб̣б̣уд̇о, бхигкавз, бун̣н̣о гулабуд̇д̇о’’д̇и.
Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘yo so, bhante, puṇṇo nāma kulaputto bhagavatā saṃkhittena ovādena ovadito so kālaṅkato. Tassa kā gati, ko abhisamparāyo’’ti? ‘‘Paṇḍito, bhikkhave, puṇṇo kulaputto paccapādi 12 dhammassānudhammaṃ, na ca maṃ dhammādhikaraṇaṃ viheṭhesi. Parinibbuto, bhikkhave, puṇṇo kulaputto’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
бун̣н̣оваад̣̇асуд̇д̇ам̣ нидтид̇ам̣ д̇ад̇ияам̣.
Puṇṇovādasuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. бун̣н̣оваад̣̇асуд̇д̇аван̣н̣анаа • 3. Puṇṇovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. бун̣н̣оваад̣̇асуд̇д̇аван̣н̣анаа • 3. Puṇṇovādasuttavaṇṇanā
