| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. бун̣н̣оваад̣̇асуд̇д̇аван̣н̣анаа
3. Puṇṇovādasuttavaṇṇanā
395. ананд̇арасуд̇д̇з ‘‘бадисаллаанаад̇и паласамаабад̇д̇ид̇о’’д̇и вуд̇д̇ам̣, д̇ад̇т̇а д̇хаммасзнаабад̇ино арияавихаарасса ад̇хиббзд̇ад̇д̇аа, ид̇ха бана агад̇агижжасса бадисаллаанам̣ наама гааяавивзгод̇и ааха – ‘‘бадисаллаанаад̇и згийбхааваа’’д̇и. ‘‘жагкувин̃н̃зяяаа руубаа’’д̇и банзд̇т̇а вин̃н̃зяяаруубам̣ виж̇аананд̇асса д̣̇ваарабхууд̇ам̣ жагкунд̇и убхаяам̣ аж̇жхад̇д̇игам̣ б̣аахиран̃жа ааяад̇анам̣ абхинанд̣̇ид̇аад̣̇исааман̃н̃зна д̇ан̃жзд̇и зд̇т̇а д̇ам̣-сад̣̇д̣̇зна згаж̇жхам̣ бажжаамадтанд̇и ааха – ‘‘д̇ан̃жзд̇и д̇ам̣ жагкун̃жзва руубан̃жаа’’д̇и. яам̣ банзд̇т̇а вин̃н̃зяяасад̣̇д̣̇зна ж̇од̇ид̇ам̣ вин̃н̃аан̣ам̣ д̇ам̣ самбаяуд̇д̇ад̇хаммаад̇и д̇ад̣̇убхаяам̣, ‘‘мановин̃н̃зяяаа д̇хаммаа’’д̇и бад̣̇зна гат̇ид̇амзваад̇и ид̇ха на г̇ахид̇ам̣. зса наяо сзсзсуби. самод̇хаанзнаад̇и сахаавадтаанзна, жид̇д̇зна нанд̣̇ияаа д̇ан̣хааяа саха бавад̇д̇ияаа жид̇д̇асахуббад̇д̇ияаад̇и ад̇т̇о. д̇знааха – ‘‘уббаж̇ж̇ад̇и нанд̣̇ий’’д̇и. бан̃жагканд̇хад̣̇угкасса самод̇хаананд̇и бан̃жагканд̇хасан̇каад̇асса д̣̇угкасажжасса бажжавогаарз сахаббавад̇д̇и ход̇и. яасмаа д̣̇угкам̣ уббаж̇ж̇амаанам̣ чаннам̣ д̣̇ваараанам̣язва васзна уббаж̇ж̇ад̇и, д̇ат̇аа самуд̣̇аяод̇и, д̇асмаа ааха – ‘‘ид̇и часу д̣̇ваарзсуу’’д̇иаад̣̇и. гилзсаваддасса гаммаваддасса вибаагаваддасса жа гат̇ид̇ад̇д̇аа ааха – ‘‘ваддам̣ мад̇т̇агам̣ баабзд̇ваа д̣̇ассзд̇ий’’д̇и. д̣̇уд̇ияанаязд̇и ‘‘санд̇и жа ко’’д̇иаад̣̇инаа вуд̇д̇з д̣̇уд̇ияз д̣̇зсанаанаяз. баадиязгго анусанд̇хийд̇и на яат̇аанусанд̇хи нааби аж̇жхаасаяаанусанд̇хийд̇и ад̇хиббааяо, бужчаанусанд̇хисса бана ид̇ха самбхаво зва над̇т̇ийд̇и. сад̇д̇асу таанзсууд̇и аггосанз барибхаасанз баан̣иббахаарз лзд̣д̣уббахаарз д̣̇ан̣д̣аббахаарз сад̇т̇аббахаарз ж̇ийвид̇ааворобанзд̇и имзсу сад̇д̇асу. ‘‘бхад̣̇д̣̇агаа вад̇имз’’д̇иаад̣̇инаа канд̇ибадисам̣яуд̇д̇ам̣ сийханаад̣̇ам̣ над̣̇аабзд̇ум̣.
395. Anantarasutte ‘‘paṭisallānāti phalasamāpattito’’ti vuttaṃ, tattha dhammasenāpatino ariyavihārassa adhippetattā, idha pana akatakiccassa paṭisallānaṃ nāma kāyavivekoti āha – ‘‘paṭisallānāti ekībhāvā’’ti. ‘‘Cakkhuviññeyyā rūpā’’ti panettha viññeyyarūpaṃ vijānantassa dvārabhūtaṃ cakkhunti ubhayaṃ ajjhattikaṃ bāhirañca āyatanaṃ abhinanditādisāmaññena tañceti ettha taṃ-saddena ekajjhaṃ paccāmaṭṭhanti āha – ‘‘tañceti taṃ cakkhuñceva rūpañcā’’ti. Yaṃ panettha viññeyyasaddena jotitaṃ viññāṇaṃ taṃ sampayuttadhammāti tadubhayaṃ, ‘‘manoviññeyyā dhammā’’ti padena kathitamevāti idha na gahitaṃ. Esa nayo sesesupi. Samodhānenāti sahāvaṭṭhānena, cittena nandiyā taṇhāya saha pavattiyā cittasahuppattiyāti attho. Tenāha – ‘‘uppajjati nandī’’ti. Pañcakkhandhadukkhassa samodhānanti pañcakkhandhasaṅkhātassa dukkhasaccassa paccavokāre sahappavatti hoti. Yasmā dukkhaṃ uppajjamānaṃ channaṃ dvārānaṃyeva vasena uppajjati, tathā samudayoti, tasmā āha – ‘‘iti chasu dvāresū’’tiādi. Kilesavaṭṭassa kammavaṭṭassa vipākavaṭṭassa ca kathitattā āha – ‘‘vaṭṭaṃ matthakaṃ pāpetvā dassetī’’ti. Dutiyanayeti ‘‘santi ca kho’’tiādinā vutte dutiye desanānaye. Pāṭiyekko anusandhīti na yathānusandhi nāpi ajjhāsayānusandhīti adhippāyo, pucchānusandhissa pana idha sambhavo eva natthīti. Sattasu ṭhānesūti akkosane paribhāsane pāṇippahāre leḍḍuppahāre daṇḍappahāre satthappahāre jīvitāvoropaneti imesu sattasu. ‘‘Bhaddakā vatime’’tiādinā khantipaṭisaṃyuttaṃ sīhanādaṃ nadāpetuṃ.
396. жан̣д̣аад̇и год̇ханаа, д̇зна д̣̇уусид̇ажид̇д̇ад̇ааяа д̣̇удтаад̇и вуд̇д̇аа. гиб̣б̣исаад̇и баабаа. парусаад̇и ийсагамби басаад̣̇асинзхаабхаавзна луд̣̇д̣̇аа. парусаважанад̇ааяа ваа парусаа, д̇ат̇аабхууд̇аа бана луд̣̇д̣̇аа наама хонд̇и, д̇асмаа вуд̇д̇ам̣ ‘‘гагкал̣аа’’д̇и. ид̣̇ан̃жа д̇зд̇и, ‘‘хад̇т̇ажчзд̣̇ам̣ наасигажчзд̣̇а’’нд̇и звамаад̣̇им̣ ид̣̇ан̃жа анидтам̣ гариссаамаад̇и бхаяад̣̇ассанзна д̇аж̇ж̇зссанд̇и.
396.Caṇḍāti kodhanā, tena dūsitacittatāya duṭṭhāti vuttā. Kibbisāti pāpā. Pharusāti īsakampi pasādasinehābhāvena luddā. Pharusavacanatāya vā pharusā, tathābhūtā pana luddā nāma honti, tasmā vuttaṃ ‘‘kakkhaḷā’’ti. Idañca teti, ‘‘hatthacchedaṃ nāsikaccheda’’nti evamādiṃ idañca aniṭṭhaṃ karissāmāti bhayadassanena tajjessanti.
гхадигамуг̇г̇арзнаад̇и д̣̇ан̣д̣аанам̣ гира аг̇г̇абассз гхадаагаарам̣ д̣̇ассзнд̇и, д̇зна со ‘‘гхадигамуг̇г̇аро’’д̇и вужжад̇и. згад̇од̇хаараад̣̇инаа сад̇т̇зна гараваалакаг̇г̇аад̣̇инаа. ‘‘инд̣̇рияасам̣вараад̣̇ийнам̣ зд̇ам̣ наама’’нд̇и вад̇ваа яад̇т̇а яад̇т̇а инд̣̇рияасам̣вараад̣̇аяо ‘‘д̣̇амо’’д̇и вуд̇д̇аа, д̇ам̣ баатабад̣̇зсам̣ д̣̇ассзнд̇о ‘‘сажжзнаа’’д̇иаад̣̇имааха . манажчадтаани инд̣̇рияаани д̣̇амзд̇и сам̣варзд̇ийд̇и инд̣̇рияасам̣варо, д̣̇амо. рааг̇аад̣̇ибаабад̇хаммз д̣̇амзд̇и убасамзд̇ийд̇и д̣̇амо, бан̃н̃аа. баан̣аад̇ибаад̇аад̣̇игаммагилзсз д̣̇амзд̇и убасамзд̇и вигкамбхзд̇ийд̇и д̣̇амо убосат̇о. б̣яаабаад̣̇авихзсаад̣̇игз д̣̇амзд̇и винзд̇ийд̇и д̣̇амод̇и ааха – ‘‘имасмим̣ бана суд̇д̇з канд̇и ‘д̣̇амо’д̇и взд̣̇ид̇аб̣б̣аа’’д̇и. убасамод̇и д̇ассзва д̣̇амасса взважанам̣, д̇асмаа д̣̇амо жа со б̣яаабаад̣̇аад̣̇ийнам̣ винаяанадтзна д̇зсам̣язва убасаманадтзна убасамо жаад̇и д̣̇амуубасамо, ад̇хиваасанаканд̇и.
Ghaṭikamuggarenāti daṇḍānaṃ kira aggapasse ghaṭākāraṃ dassenti, tena so ‘‘ghaṭikamuggaro’’ti vuccati. Ekatodhārādinā satthena karavālakhaggādinā. ‘‘Indriyasaṃvarādīnaṃ etaṃ nāma’’nti vatvā yattha yattha indriyasaṃvarādayo ‘‘damo’’ti vuttā, taṃ pāṭhapadesaṃ dassento ‘‘saccenā’’tiādimāha . Manacchaṭṭhāni indriyāni dameti saṃvaretīti indriyasaṃvaro, damo. Rāgādipāpadhamme dameti upasametīti damo, paññā. Pāṇātipātādikammakilese dameti upasameti vikkhambhetīti damo uposatho. Byāpādavihesādike dameti vinetīti damoti āha – ‘‘imasmiṃ pana sutte khanti ‘damo’ti veditabbā’’ti. Upasamoti tasseva damassa vevacanaṃ, tasmā damo ca so byāpādādīnaṃ vinayanaṭṭhena tesaṃyeva upasamanaṭṭhena upasamo cāti damūpasamo, adhivāsanakhanti.
397. д̇ад̇т̇а канд̇ияам̣ гад̇аад̇хигааро д̇ам̣ ж̇анабад̣̇ам̣ г̇анд̇ваа махааж̇анасса авассаяо ход̇и, д̇асмаа д̇ад̣̇асса абад̣̇аанам̣ самуд̣̇ааг̇амад̇о бадтааяа вибхаавзд̇ум̣, ‘‘го банзса бун̣н̣о’’д̇иаад̣̇и аарад̣̇д̇хам̣. зд̇т̇аад̇и зд̇асмим̣ сунаабаранд̇аж̇анабад̣̇з. асаббааяавихааранд̇и бхааванаабхияог̇асса на саббааяам̣ вихаарам̣.
397. Tattha khantiyaṃ katādhikāro taṃ janapadaṃ gantvā mahājanassa avassayo hoti, tasmā tadassa apadānaṃ samudāgamato paṭṭhāya vibhāvetuṃ, ‘‘ko panesa puṇṇo’’tiādi āraddhaṃ. Etthāti etasmiṃ sunāparantajanapade. Asappāyavihāranti bhāvanābhiyogassa na sappāyaṃ vihāraṃ.
д̣̇вз бхаад̇арод̇и авибхад̇д̇асаабад̇зяяаа авибхад̇д̇авохаарасам̣яог̇аа. д̇знааха ‘‘д̇зсуу’’д̇иаад̣̇и. ж̇анабад̣̇ажааригам̣ жаранд̇о бхан̣д̣ам̣ г̇ахзд̇ваа ж̇анабад̣̇зсу виггаяам̣ гаронд̇о.
Dve bhātaroti avibhattasāpateyyā avibhattavohārasaṃyogā. Tenāha ‘‘tesū’’tiādi. Janapadacārikaṃ caranto bhaṇḍaṃ gahetvā janapadesu vikkayaṃ karonto.
‘‘б̣уд̣̇д̇хабууж̇ам̣ д̇хаммабууж̇ам̣ сан̇гхабууж̇ам̣ гариссаамаа’’д̇и д̇анниннаа. адтимин̃ж̇ам̣ аахажжа адтаасийд̇и, ‘‘б̣уд̣̇д̇хо’’д̇и важанам̣ ассуд̇абуб̣б̣ам̣ сод̇абат̇ам̣ убаг̇ад̇ам̣ анаббагам̣ бийд̇исоманассам̣ самудтаабзнд̇ам̣ бийд̇исамудтаанабан̣ийд̇аруубзхи чавижаммаад̣̇ийни чинд̣̇ид̇ваа адтимин̃ж̇ам̣ аахажжа адтааси. виссаж̇ж̇ид̇анд̇и виггин̣анавасзна винияож̇ид̇ам̣. гаммадтаанам̣ на убадтаад̇ийд̇и бхааванаавийт̇им̣ на од̇арад̇и. маяхам̣ асаббааяод̇и маяхам̣ гаммадтаанабхааванааяа саббааяо убагааро на ход̇и.
‘‘Buddhapūjaṃ dhammapūjaṃ saṅghapūjaṃ karissāmā’’ti tanninnā. Aṭṭhimiñjaṃ āhacca aṭṭhāsīti, ‘‘buddho’’ti vacanaṃ assutapubbaṃ sotapathaṃ upagataṃ anappakaṃ pītisomanassaṃ samuṭṭhāpentaṃ pītisamuṭṭhānapaṇītarūpehi chavicammādīni chinditvā aṭṭhimiñjaṃ āhacca aṭṭhāsi. Vissajjitanti vikkiṇanavasena viniyojitaṃ. Kammaṭṭhānaṃ na upaṭṭhātīti bhāvanāvīthiṃ na otarati. Mayhaṃ asappāyoti mayhaṃ kammaṭṭhānabhāvanāya sappāyo upakāro na hoti.
гожи жан̇гамид̇ум̣ самад̇т̇о наама над̇т̇и махад̇аа самуд̣̇д̣̇авийжисад̣̇д̣̇зна убад̣̇д̣̇уд̇ад̇д̇аа бхааванааманасигаарасса анабхисамбхун̣анад̇о. д̇знааха ‘‘самуд̣̇д̣̇авийжияо’’д̇иаад̣̇и. сод̇и магул̣авихааро.
Kocicaṅkamituṃ samattho nāma natthi mahatā samuddavīcisaddena upaddutattā bhāvanāmanasikārassa anabhisambhuṇanato. Tenāha ‘‘samuddavīciyo’’tiādi. Soti makuḷavihāro.
уд̇д̇амаж̇авзна г̇ажчамаанаа яат̇аад̇хиббзд̇ам̣ маг̇г̇ам̣ ад̇иггамид̇ваа ан̃н̃ад̇арам̣ д̣̇ийбагам̣ баабун̣и.
Uttamajavena gacchamānā yathādhippetaṃ maggaṃ atikkamitvā aññataraṃ dīpakaṃ pāpuṇi.
уббаад̣̇игам̣ удтаабзд̇ваад̇и махааваад̇аман̣д̣аласамудтаабанзна д̇асмим̣ бад̣̇зсз махаасамуд̣̇д̣̇ам̣ сам̣кобхзнд̇о маханд̇ам̣ уббаад̣̇ам̣ удтабзд̇ваа.
Uppādikaṃ uṭṭhāpetvāti mahāvātamaṇḍalasamuṭṭhāpanena tasmiṃ padese mahāsamuddaṃ saṃkhobhento mahantaṃ uppādaṃ uṭṭhapetvā.
т̇зро, ‘‘амхз ааваж̇ж̇зяяаат̇аа’’д̇и ганидтасса важанам̣ сарид̇ваа анд̇аранд̇араа ааваж̇ж̇зд̇и, д̇асмаа д̇ад̣̇ааби ааваж̇ж̇зд̇и, д̇ам̣ санд̇хааяа вуд̇д̇ам̣ – ‘‘д̇асмим̣язва кан̣з ааваж̇ж̇ид̇ваа’’д̇и. саммукзд̇и сийсадтаанз. бадивзд̣̇зсунд̇и бавзд̣̇зсум̣, убаасагаа маяанд̇и бадиж̇ааним̣су. иминаад̇и иминаа маяхам̣ барижжад̇д̇агодтаасзна. ман̣д̣аламаал̣анд̇и мун̣д̣аман̣д̣аламаал̣асад̣̇исам̣ бадиссаяам̣. барижаарагаад̇и авасзсаг̇аамино.
Thero, ‘‘amhe āvajjeyyāthā’’ti kaniṭṭhassa vacanaṃ saritvā antarantarā āvajjeti, tasmā tadāpi āvajjeti, taṃ sandhāya vuttaṃ – ‘‘tasmiṃyeva khaṇe āvajjitvā’’ti. Sammukheti sīsaṭṭhāne. Paṭivedesunti pavedesuṃ, upāsakā mayanti paṭijāniṃsu. Imināti iminā mayhaṃ pariccattakoṭṭhāsena. Maṇḍalamāḷanti muṇḍamaṇḍalamāḷasadisaṃ paṭissayaṃ. Paricārakāti avasesagāmino.
сажжаб̣анд̇хасса огаасам̣ гаронд̇о ‘‘згуунабан̃жасад̇аана’’нд̇и ааха. д̇ам̣ д̣̇ивасам̣…бз… аг̇г̇ахзси, д̇зна со т̇зро батамам̣ салаагам̣ г̇ан̣ханд̇аанам̣ зд̇ад̣̇аг̇г̇з табид̇о.
Saccabandhassa okāsaṃ karonto ‘‘ekūnapañcasatāna’’nti āha. Taṃ divasaṃ…pe… aggahesi, tena so thero paṭhamaṃ salākaṃ gaṇhantānaṃ etadagge ṭhapito.
ваан̣иж̇аг̇аамам̣ г̇анд̇ваад̇и ваан̣иж̇аг̇аамасамийбам̣ г̇анд̇ваа. б̣уд̣̇д̇хаголаахаланд̇и б̣уд̣̇д̇хаанам̣ убаг̇амма сад̇д̇аанам̣ уббаж̇ж̇анагуд̇уухалам̣.
Vāṇijagāmaṃ gantvāti vāṇijagāmasamīpaṃ gantvā. Buddhakolāhalanti buddhānaṃ upagamma sattānaṃ uppajjanakutūhalaṃ.
махааг̇анд̇хагудияам̣язваад̇и ж̇зд̇аванамахаавихаарз махааг̇анд̇хагудияам̣язва. барижарид̇аб̣б̣анд̇и убадтаад̇аб̣б̣ам̣.
Mahāgandhakuṭiyaṃyevāti jetavanamahāvihāre mahāgandhakuṭiyaṃyeva. Paricaritabbanti upaṭṭhātabbaṃ.
г̇анд̇хагадтаанийд̇и жанд̣̇анааг̇арусалал̣аад̣̇ийни суг̇анд̇хагадтаани. сзсам̣ сувин̃н̃зяяамзваад̇и.
Gandhakaṭṭhānīti candanaagarusalaḷādīni sugandhakaṭṭhāni. Sesaṃ suviññeyyamevāti.
бун̣н̣оваад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Puṇṇovādasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. бун̣н̣оваад̣̇асуд̇д̇ам̣ • 3. Puṇṇovādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. бун̣н̣оваад̣̇асуд̇д̇аван̣н̣анаа • 3. Puṇṇovādasuttavaṇṇanā
