| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปุปฺผจโงฺกฎิยเตฺถรอปทานํ
10. Pupphacaṅkoṭiyattheraapadānaṃ
๖๘.
68.
‘‘อภีตรูปํ สีหํว, ครุฬคฺคํว ปกฺขินํ;
‘‘Abhītarūpaṃ sīhaṃva, garuḷaggaṃva pakkhinaṃ;
พฺยคฺฆูสภํว ปวรํ, อภิชาตํว เกสริํฯ
Byagghūsabhaṃva pavaraṃ, abhijātaṃva kesariṃ.
๖๙.
69.
‘‘สิขิํ ติโลกสรณํ, อเนชํ อปราชิตํ;
‘‘Sikhiṃ tilokasaraṇaṃ, anejaṃ aparājitaṃ;
นิสินฺนํ สมณานคฺคํ, ภิกฺขุสงฺฆปุรกฺขตํฯ
Nisinnaṃ samaṇānaggaṃ, bhikkhusaṅghapurakkhataṃ.
๗๐.
70.
สห จโงฺกฎเกเนว, พุทฺธเสฎฺฐํ สโมกิริํฯ
Saha caṅkoṭakeneva, buddhaseṭṭhaṃ samokiriṃ.
๗๑.
71.
‘‘เตน จิตฺตปฺปสาเทน, ทฺวิปทินฺท นราสภ;
‘‘Tena cittappasādena, dvipadinda narāsabha;
ปโตฺตมฺหิ อจลํ ฐานํ, หิตฺวา ชยปราชยํฯ
Pattomhi acalaṃ ṭhānaṃ, hitvā jayaparājayaṃ.
๗๒.
72.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๗๓.
73.
‘‘สมฺปุเณฺณ ติํสกปฺปมฺหิ, เทวภูติสนามกา;
‘‘Sampuṇṇe tiṃsakappamhi, devabhūtisanāmakā;
สตฺตรตนสมฺปนฺนา, ปญฺจาสุํ จกฺกวตฺติโนฯ
Sattaratanasampannā, pañcāsuṃ cakkavattino.
๗๔.
74.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปุปฺผจโงฺกฎิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā pupphacaṅkoṭiyo thero imā gāthāyo abhāsitthāti.
ปุปฺผจโงฺกฎิยเตฺถรสฺสาปทานํ ทสมํฯ
Pupphacaṅkoṭiyattherassāpadānaṃ dasamaṃ.
สกจินฺตนิยวโคฺค สตฺตโมฯ
Sakacintaniyavaggo sattamo.
ตสฺสุทฺทานํ –
Tassuddānaṃ –
สกจินฺตี อโวปุปฺผี, สปจฺจาคมเนน จ;
Sakacintī avopupphī, sapaccāgamanena ca;
ปรปฺปสาที ภิสโท, สุจินฺติ วตฺถทายโกฯ
Parappasādī bhisado, sucinti vatthadāyako.
อมฺพทายี จ สุมโน, ปุปฺผจโงฺกฎกีปิ จ;
Ambadāyī ca sumano, pupphacaṅkoṭakīpi ca;
คาเถกสตฺตติ วุตฺตา, คณิตา อตฺถทสฺสิภิฯ
Gāthekasattati vuttā, gaṇitā atthadassibhi.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. ปุปฺผจโงฺกฎิยเตฺถรอปทานวณฺณนา • 10. Pupphacaṅkoṭiyattheraapadānavaṇṇanā
