| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৪. পুপ্ফচ্ছদনিযত্থেরঅপদানং
4. Pupphacchadaniyattheraapadānaṃ
২৬.
26.
‘‘সুনন্দো নাম নামেন, ব্রাহ্মণো মন্তপারগূ।
‘‘Sunando nāma nāmena, brāhmaṇo mantapāragū;
অজ্ঝাযকো যাচযোগো, ৰাজপেয্যং অযাজযি॥
Ajjhāyako yācayogo, vājapeyyaṃ ayājayi.
২৭.
27.
‘‘পদুমুত্তরো লোকৰিদূ, অগ্গো কারুণিকো ইসি।
‘‘Padumuttaro lokavidū, aggo kāruṇiko isi;
জনতং অনুকম্পন্তো, অম্বরে চঙ্কমী তদা॥
Janataṃ anukampanto, ambare caṅkamī tadā.
২৮.
28.
‘‘চঙ্কমিত্ৰান সম্বুদ্ধো, সব্বঞ্ঞূ লোকনাযকো।
‘‘Caṅkamitvāna sambuddho, sabbaññū lokanāyako;
২৯.
29.
‘‘ৰণ্টে ছেত্ৰান পুপ্ফানি, ব্রাহ্মণো মন্তপারগূ।
‘‘Vaṇṭe chetvāna pupphāni, brāhmaṇo mantapāragū;
সব্বে সিস্সে সমানেত্ৰা, আকাসে উক্খিপাপযি॥
Sabbe sisse samānetvā, ākāse ukkhipāpayi.
৩০.
30.
‘‘যাৰতা নগরং আসি, পুপ্ফানং ছদনং তদা।
‘‘Yāvatā nagaraṃ āsi, pupphānaṃ chadanaṃ tadā;
বুদ্ধস্স আনুভাৰেন, সত্তাহং ন ৰিগচ্ছথ॥
Buddhassa ānubhāvena, sattāhaṃ na vigacchatha.
৩১.
31.
‘‘তেনেৰ সুক্কমূলেন, অনুভোত্ৰান সম্পদা।
‘‘Teneva sukkamūlena, anubhotvāna sampadā;
সব্বাসৰে পরিঞ্ঞায, তিণ্ণো লোকে ৰিসত্তিকং॥
Sabbāsave pariññāya, tiṇṇo loke visattikaṃ.
৩২.
32.
‘‘একারসে কপ্পসতে, পঞ্চতিংসাসু খত্তিযা।
‘‘Ekārase kappasate, pañcatiṃsāsu khattiyā;
অম্বরংসসনামা তে, চক্কৰত্তী মহব্বলা॥
Ambaraṃsasanāmā te, cakkavattī mahabbalā.
৩৩.
33.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পুপ্ফচ্ছদনিযো থেরো ইমা গাথাযো অভাসিত্থাতি।
Itthaṃ sudaṃ āyasmā pupphacchadaniyo thero imā gāthāyo abhāsitthāti.
পুপ্ফচ্ছদনিযত্থেরস্সাপদানং চতুত্থং।
Pupphacchadaniyattherassāpadānaṃ catutthaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৪. পুপ্ফচ্ছদনিযত্থেরঅপদানৰণ্ণনা • 4. Pupphacchadaniyattheraapadānavaṇṇanā
