| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಪುಪ್ಫಚ್ಛದನಿಯತ್ಥೇರಅಪದಾನಂ
4. Pupphacchadaniyattheraapadānaṃ
೨೬.
26.
‘‘ಸುನನ್ದೋ ನಾಮ ನಾಮೇನ, ಬ್ರಾಹ್ಮಣೋ ಮನ್ತಪಾರಗೂ।
‘‘Sunando nāma nāmena, brāhmaṇo mantapāragū;
ಅಜ್ಝಾಯಕೋ ಯಾಚಯೋಗೋ, ವಾಜಪೇಯ್ಯಂ ಅಯಾಜಯಿ॥
Ajjhāyako yācayogo, vājapeyyaṃ ayājayi.
೨೭.
27.
‘‘ಪದುಮುತ್ತರೋ ಲೋಕವಿದೂ, ಅಗ್ಗೋ ಕಾರುಣಿಕೋ ಇಸಿ।
‘‘Padumuttaro lokavidū, aggo kāruṇiko isi;
ಜನತಂ ಅನುಕಮ್ಪನ್ತೋ, ಅಮ್ಬರೇ ಚಙ್ಕಮೀ ತದಾ॥
Janataṃ anukampanto, ambare caṅkamī tadā.
೨೮.
28.
‘‘ಚಙ್ಕಮಿತ್ವಾನ ಸಮ್ಬುದ್ಧೋ, ಸಬ್ಬಞ್ಞೂ ಲೋಕನಾಯಕೋ।
‘‘Caṅkamitvāna sambuddho, sabbaññū lokanāyako;
೨೯.
29.
‘‘ವಣ್ಟೇ ಛೇತ್ವಾನ ಪುಪ್ಫಾನಿ, ಬ್ರಾಹ್ಮಣೋ ಮನ್ತಪಾರಗೂ।
‘‘Vaṇṭe chetvāna pupphāni, brāhmaṇo mantapāragū;
ಸಬ್ಬೇ ಸಿಸ್ಸೇ ಸಮಾನೇತ್ವಾ, ಆಕಾಸೇ ಉಕ್ಖಿಪಾಪಯಿ॥
Sabbe sisse samānetvā, ākāse ukkhipāpayi.
೩೦.
30.
‘‘ಯಾವತಾ ನಗರಂ ಆಸಿ, ಪುಪ್ಫಾನಂ ಛದನಂ ತದಾ।
‘‘Yāvatā nagaraṃ āsi, pupphānaṃ chadanaṃ tadā;
ಬುದ್ಧಸ್ಸ ಆನುಭಾವೇನ, ಸತ್ತಾಹಂ ನ ವಿಗಚ್ಛಥ॥
Buddhassa ānubhāvena, sattāhaṃ na vigacchatha.
೩೧.
31.
‘‘ತೇನೇವ ಸುಕ್ಕಮೂಲೇನ, ಅನುಭೋತ್ವಾನ ಸಮ್ಪದಾ।
‘‘Teneva sukkamūlena, anubhotvāna sampadā;
ಸಬ್ಬಾಸವೇ ಪರಿಞ್ಞಾಯ, ತಿಣ್ಣೋ ಲೋಕೇ ವಿಸತ್ತಿಕಂ॥
Sabbāsave pariññāya, tiṇṇo loke visattikaṃ.
೩೨.
32.
‘‘ಏಕಾರಸೇ ಕಪ್ಪಸತೇ, ಪಞ್ಚತಿಂಸಾಸು ಖತ್ತಿಯಾ।
‘‘Ekārase kappasate, pañcatiṃsāsu khattiyā;
ಅಮ್ಬರಂಸಸನಾಮಾ ತೇ, ಚಕ್ಕವತ್ತೀ ಮಹಬ್ಬಲಾ॥
Ambaraṃsasanāmā te, cakkavattī mahabbalā.
೩೩.
33.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪುಪ್ಫಚ್ಛದನಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā pupphacchadaniyo thero imā gāthāyo abhāsitthāti.
ಪುಪ್ಫಚ್ಛದನಿಯತ್ಥೇರಸ್ಸಾಪದಾನಂ ಚತುತ್ಥಂ।
Pupphacchadaniyattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೪. ಪುಪ್ಫಚ್ಛದನಿಯತ್ಥೇರಅಪದಾನವಣ್ಣನಾ • 4. Pupphacchadaniyattheraapadānavaṇṇanā
