| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. පුප්‌ඵච්‌ඡදනියත්‌ථෙරඅපදානං
4. Pupphacchadaniyattheraapadānaṃ
26.
26.
‘‘සුනන්‌දො නාම නාමෙන, බ්‍රාහ්‌මණො මන්‌තපාරගූ;
‘‘Sunando nāma nāmena, brāhmaṇo mantapāragū;
අජ්‌ඣායකො යාචයොගො, වාජපෙය්‍යං අයාජයි.
Ajjhāyako yācayogo, vājapeyyaṃ ayājayi.
27.
27.
‘‘පදුමුත්‌තරො ලොකවිදූ, අග්‌ගො කාරුණිකො ඉසි;
‘‘Padumuttaro lokavidū, aggo kāruṇiko isi;
ජනතං අනුකම්‌පන්‌තො, අම්‌බරෙ චඞ්‌කමී තදා.
Janataṃ anukampanto, ambare caṅkamī tadā.
28.
28.
‘‘චඞ්‌කමිත්‌වාන සම්‌බුද්‌ධො, සබ්‌බඤ්‌ඤූ ලොකනායකො;
‘‘Caṅkamitvāna sambuddho, sabbaññū lokanāyako;
29.
29.
‘‘වණ්‌ටෙ ඡෙත්‌වාන පුප්‌ඵානි, බ්‍රාහ්‌මණො මන්‌තපාරගූ;
‘‘Vaṇṭe chetvāna pupphāni, brāhmaṇo mantapāragū;
සබ්‌බෙ සිස්‌සෙ සමානෙත්‌වා, ආකාසෙ උක්‌ඛිපාපයි.
Sabbe sisse samānetvā, ākāse ukkhipāpayi.
30.
30.
‘‘යාවතා නගරං ආසි, පුප්‌ඵානං ඡදනං තදා;
‘‘Yāvatā nagaraṃ āsi, pupphānaṃ chadanaṃ tadā;
බුද්‌ධස්‌ස ආනුභාවෙන, සත්‌තාහං න විගච්‌ඡථ.
Buddhassa ānubhāvena, sattāhaṃ na vigacchatha.
31.
31.
‘‘තෙනෙව සුක්‌කමූලෙන, අනුභොත්‌වාන සම්‌පදා;
‘‘Teneva sukkamūlena, anubhotvāna sampadā;
සබ්‌බාසවෙ පරිඤ්‌ඤාය, තිණ්‌ණො ලොකෙ විසත්‌තිකං.
Sabbāsave pariññāya, tiṇṇo loke visattikaṃ.
32.
32.
‘‘එකාරසෙ කප්‌පසතෙ, පඤ්‌චතිංසාසු ඛත්‌තියා;
‘‘Ekārase kappasate, pañcatiṃsāsu khattiyā;
අම්‌බරංසසනාමා තෙ, චක්‌කවත්‌තී මහබ්‌බලා.
Ambaraṃsasanāmā te, cakkavattī mahabbalā.
33.
33.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පුප්‌ඵච්‌ඡදනියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā pupphacchadaniyo thero imā gāthāyo abhāsitthāti.
පුප්‌ඵච්‌ඡදනියත්‌ථෙරස්‌සාපදානං චතුත්‌ථං.
Pupphacchadaniyattherassāpadānaṃ catutthaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 4. පුප්‌ඵච්‌ඡදනියත්‌ථෙරඅපදානවණ්‌ණනා • 4. Pupphacchadaniyattheraapadānavaṇṇanā
