| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৪. পুপ্ফচ্ছদনিযত্থেরঅপদানৰণ্ণনা
4. Pupphacchadaniyattheraapadānavaṇṇanā
সুনন্দো নাম নামেনাতিআদিকং আযস্মতো পুপ্ফচ্ছদনিযত্থেরস্স অপদানং। অযম্পি পুরিমবুদ্ধেসু কতাধিকারো অনেকেসু ভৰেসু ৰিৰট্টূপনিস্সযানি পুঞ্ঞানি উপচিনন্তো পদুমুত্তরস্স ভগৰতো কালে ব্রাহ্মণকুলে নিব্বত্তো ৰিঞ্ঞুতং পত্ৰা সকসিপ্পেসু নিপ্ফত্তিং পত্তো মহাভোগো মহাযসো দানাভিরতো অহোসি। একদিৰসং সো ‘‘সকলজম্বুদীপে ইমে যাচকা নাম ‘অহং দানং ন লদ্ধোস্মী’তি ৰত্তুং মা লভন্তূ’’তি মহাদানং সজ্জেসি। তদা পদুমুত্তরো ভগৰা সপরিৰারো আকাসেন গচ্ছতি। ব্রাহ্মণো তং দিস্ৰা পসন্নচিত্তো সকসিস্সে পক্কোসাপেত্ৰা পুপ্ফানি আহরাপেত্ৰা আকাসে উক্খিপিত্ৰা পূজেসি। তানি সকলনগরং ছাদেত্ৰা সত্ত দিৰসানি অট্ঠংসু।
Sunando nāma nāmenātiādikaṃ āyasmato pupphacchadaniyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippesu nipphattiṃ patto mahābhogo mahāyaso dānābhirato ahosi. Ekadivasaṃ so ‘‘sakalajambudīpe ime yācakā nāma ‘ahaṃ dānaṃ na laddhosmī’ti vattuṃ mā labhantū’’ti mahādānaṃ sajjesi. Tadā padumuttaro bhagavā saparivāro ākāsena gacchati. Brāhmaṇo taṃ disvā pasannacitto sakasisse pakkosāpetvā pupphāni āharāpetvā ākāse ukkhipitvā pūjesi. Tāni sakalanagaraṃ chādetvā satta divasāni aṭṭhaṃsu.
২৬. সো তেন পুঞ্ঞকম্মেন দেৰমনুস্সেসু সুখং অনুভৰিত্ৰা ইমস্মিং বুদ্ধুপ্পাদে সাৰত্থিযং একস্মিং কুলগেহে নিব্বত্তো সদ্ধাজাতো পব্বজিত্ৰা খুরগ্গেযেৰ অরহত্তং পত্ৰা অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো সুনন্দো নাম নামেনাতিআদিমাহ। তং হেট্ঠা ৰুত্তনযত্তা সুৰিঞ্ঞেয্যমেৰাতি।
26. So tena puññakammena devamanussesu sukhaṃ anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto saddhājāto pabbajitvā khuraggeyeva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento sunando nāma nāmenātiādimāha. Taṃ heṭṭhā vuttanayattā suviññeyyamevāti.
পুপ্ফচ্ছদনিযত্থেরঅপদানৰণ্ণনা সমত্তা।
Pupphacchadaniyattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৪. পুপ্ফচ্ছদনিযত্থেরঅপদানং • 4. Pupphacchadaniyattheraapadānaṃ
