| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. бубпажчад̣̇анияад̇т̇зраабад̣̇аанаван̣н̣анаа
4. Pupphacchadaniyattheraapadānavaṇṇanā
сунанд̣̇о наама наамзнаад̇иаад̣̇игам̣ ааяасмад̇о бубпажчад̣̇анияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу бхавзсу виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇ваа сагасиббзсу нибпад̇д̇им̣ бад̇д̇о махаабхог̇о махааяасо д̣̇аанаабхирад̇о ахоси. згад̣̇ивасам̣ со ‘‘сагалаж̇амб̣уд̣̇ийбз имз яаажагаа наама ‘ахам̣ д̣̇аанам̣ на лад̣̇д̇хосмий’д̇и вад̇д̇ум̣ маа лабханд̇уу’’д̇и махаад̣̇аанам̣ саж̇ж̇зси. д̇ад̣̇аа бад̣̇умуд̇д̇аро бхаг̇аваа сабаривааро аагаасзна г̇ажчад̇и. б̣раахман̣о д̇ам̣ д̣̇исваа басаннажид̇д̇о сагасиссз баггосаабзд̇ваа бубпаани аахараабзд̇ваа аагаасз угкибид̇ваа бууж̇зси. д̇аани сагаланаг̇арам̣ чаад̣̇зд̇ваа сад̇д̇а д̣̇ивасаани адтам̣су.
Sunando nāma nāmenātiādikaṃ āyasmato pupphacchadaniyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippesu nipphattiṃ patto mahābhogo mahāyaso dānābhirato ahosi. Ekadivasaṃ so ‘‘sakalajambudīpe ime yācakā nāma ‘ahaṃ dānaṃ na laddhosmī’ti vattuṃ mā labhantū’’ti mahādānaṃ sajjesi. Tadā padumuttaro bhagavā saparivāro ākāsena gacchati. Brāhmaṇo taṃ disvā pasannacitto sakasisse pakkosāpetvā pupphāni āharāpetvā ākāse ukkhipitvā pūjesi. Tāni sakalanagaraṃ chādetvā satta divasāni aṭṭhaṃsu.
26. со д̇зна бун̃н̃агаммзна д̣̇звамануссзсу сукам̣ анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ згасмим̣ гулаг̇зхз ниб̣б̣ад̇д̇о сад̣̇д̇хааж̇аад̇о баб̣б̣аж̇ид̇ваа кураг̇г̇зязва арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о сунанд̣̇о наама наамзнаад̇иаад̣̇имааха. д̇ам̣ хздтаа вуд̇д̇анаяад̇д̇аа сувин̃н̃зяяамзваад̇и.
26. So tena puññakammena devamanussesu sukhaṃ anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto saddhājāto pabbajitvā khuraggeyeva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento sunando nāma nāmenātiādimāha. Taṃ heṭṭhā vuttanayattā suviññeyyamevāti.
бубпажчад̣̇анияад̇т̇зраабад̣̇аанаван̣н̣анаа самад̇д̇аа.
Pupphacchadaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. бубпажчад̣̇анияад̇т̇зраабад̣̇аанам̣ • 4. Pupphacchadaniyattheraapadānaṃ
