| Library / Tipiṭaka / ติปิฎก • Tipiṭaka / อปทาน-อฎฺฐกถา • Apadāna-aṭṭhakathā |
๔. ปุปฺผจฺฉทนิยเตฺถรอปทานวณฺณนา
4. Pupphacchadaniyattheraapadānavaṇṇanā
สุนโนฺท นาม นาเมนาติอาทิกํ อายสฺมโต ปุปฺผจฺฉทนิยเตฺถรสฺส อปทานํฯ อยมฺปิ ปุริมพุเทฺธสุ กตาธิกาโร อเนเกสุ ภเวสุ วิวฎฺฎูปนิสฺสยานิ ปุญฺญานิ อุปจินโนฺต ปทุมุตฺตรสฺส ภควโต กาเล พฺราหฺมณกุเล นิพฺพโตฺต วิญฺญุตํ ปตฺวา สกสิเปฺปสุ นิปฺผตฺติํ ปโตฺต มหาโภโค มหายโส ทานาภิรโต อโหสิฯ เอกทิวสํ โส ‘‘สกลชมฺพุทีเป อิเม ยาจกา นาม ‘อหํ ทานํ น ลโทฺธสฺมี’ติ วตฺตุํ มา ลภนฺตู’’ติ มหาทานํ สเชฺชสิฯ ตทา ปทุมุตฺตโร ภควา สปริวาโร อากาเสน คจฺฉติฯ พฺราหฺมโณ ตํ ทิสฺวา ปสนฺนจิโตฺต สกสิเสฺส ปโกฺกสาเปตฺวา ปุปฺผานิ อาหราเปตฺวา อากาเส อุกฺขิปิตฺวา ปูเชสิฯ ตานิ สกลนครํ ฉาเทตฺวา สตฺต ทิวสานิ อฎฺฐํสุฯ
Sunando nāma nāmenātiādikaṃ āyasmato pupphacchadaniyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippesu nipphattiṃ patto mahābhogo mahāyaso dānābhirato ahosi. Ekadivasaṃ so ‘‘sakalajambudīpe ime yācakā nāma ‘ahaṃ dānaṃ na laddhosmī’ti vattuṃ mā labhantū’’ti mahādānaṃ sajjesi. Tadā padumuttaro bhagavā saparivāro ākāsena gacchati. Brāhmaṇo taṃ disvā pasannacitto sakasisse pakkosāpetvā pupphāni āharāpetvā ākāse ukkhipitvā pūjesi. Tāni sakalanagaraṃ chādetvā satta divasāni aṭṭhaṃsu.
๒๖. โส เตน ปุญฺญกเมฺมน เทวมนุเสฺสสุ สุขํ อนุภวิตฺวา อิมสฺมิํ พุทฺธุปฺปาเท สาวตฺถิยํ เอกสฺมิํ กุลเคเห นิพฺพโตฺต สทฺธาชาโต ปพฺพชิตฺวา ขุรเคฺคเยว อรหตฺตํ ปตฺวา อตฺตโน ปุพฺพกมฺมํ สริตฺวา โสมนสฺสชาโต ปุพฺพจริตาปทานํ ปกาเสโนฺต สุนโนฺท นาม นาเมนาติอาทิมาหฯ ตํ เหฎฺฐา วุตฺตนยตฺตา สุวิเญฺญยฺยเมวาติฯ
26. So tena puññakammena devamanussesu sukhaṃ anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto saddhājāto pabbajitvā khuraggeyeva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento sunando nāma nāmenātiādimāha. Taṃ heṭṭhā vuttanayattā suviññeyyamevāti.
ปุปฺผจฺฉทนิยเตฺถรอปทานวณฺณนา สมตฺตาฯ
Pupphacchadaniyattheraapadānavaṇṇanā samattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / อปทานปาฬิ • Apadānapāḷi / ๔. ปุปฺผจฺฉทนิยเตฺถรอปทานํ • 4. Pupphacchadaniyattheraapadānaṃ
