| Library / Tipiṭaka / တိပိဋက • Tipiṭaka / အပဒာန-အဋ္ဌကထာ • Apadāna-aṭṭhakathā |
၄. ပုပ္ဖစ္ဆဒနိယတ္ထေရအပဒာနဝဏ္ဏနာ
4. Pupphacchadaniyattheraapadānavaṇṇanā
သုနန္ဒော နာမ နာမေနာတိအာဒိကံ အာယသ္မတော ပုပ္ဖစ္ဆဒနိယတ္ထေရသ္သ အပဒာနံ။ အယမ္ပိ ပုရိမဗုဒ္ဓေသု ကတာဓိကာရော အနေကေသု ဘဝေသု ဝိဝဋ္ဋူပနိသ္သယာနိ ပုညာနိ ဥပစိနန္တော ပဒုမုတ္တရသ္သ ဘဂဝတော ကာလေ ဗ္ရာဟ္မဏကုလေ နိဗ္ဗတ္တော ဝိညုတံ ပတ္ဝာ သကသိပ္ပေသု နိပ္ဖတ္တိံ ပတ္တော မဟာဘောဂော မဟာယသော ဒာနာဘိရတော အဟောသိ။ ဧကဒိဝသံ သော ‘‘သကလဇမ္ဗုဒီပေ ဣမေ ယာစကာ နာမ ‘အဟံ ဒာနံ န လဒ္ဓောသ္မီ’တိ ဝတ္တုံ မာ လဘန္တူ’’တိ မဟာဒာနံ သဇ္ဇေသိ။ တဒာ ပဒုမုတ္တရော ဘဂဝာ သပရိဝာရော အာကာသေန ဂစ္ဆတိ။ ဗ္ရာဟ္မဏော တံ ဒိသ္ဝာ ပသန္နစိတ္တော သကသိသ္သေ ပက္ကောသာပေတ္ဝာ ပုပ္ဖာနိ အာဟရာပေတ္ဝာ အာကာသေ ဥက္ခိပိတ္ဝာ ပူဇေသိ။ တာနိ သကလနဂရံ ဆာဒေတ္ဝာ သတ္တ ဒိဝသာနိ အဋ္ဌံသု။
Sunando nāma nāmenātiādikaṃ āyasmato pupphacchadaniyattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippesu nipphattiṃ patto mahābhogo mahāyaso dānābhirato ahosi. Ekadivasaṃ so ‘‘sakalajambudīpe ime yācakā nāma ‘ahaṃ dānaṃ na laddhosmī’ti vattuṃ mā labhantū’’ti mahādānaṃ sajjesi. Tadā padumuttaro bhagavā saparivāro ākāsena gacchati. Brāhmaṇo taṃ disvā pasannacitto sakasisse pakkosāpetvā pupphāni āharāpetvā ākāse ukkhipitvā pūjesi. Tāni sakalanagaraṃ chādetvā satta divasāni aṭṭhaṃsu.
၂၆. သော တေန ပုညကမ္မေန ဒေဝမနုသ္သေသု သုခံ အနုဘဝိတ္ဝာ ဣမသ္မိံ ဗုဒ္ဓုပ္ပာဒေ သာဝတ္ထိယံ ဧကသ္မိံ ကုလဂေဟေ နိဗ္ဗတ္တော သဒ္ဓာဇာတော ပဗ္ဗဇိတ္ဝာ ခုရဂ္ဂေယေဝ အရဟတ္တံ ပတ္ဝာ အတ္တနော ပုဗ္ဗကမ္မံ သရိတ္ဝာ သောမနသ္သဇာတော ပုဗ္ဗစရိတာပဒာနံ ပကာသေန္တော သုနန္ဒော နာမ နာမေနာတိအာဒိမာဟ။ တံ ဟေဋ္ဌာ ဝုတ္တနယတ္တာ သုဝိညေယ္ယမေဝာတိ။
26. So tena puññakammena devamanussesu sukhaṃ anubhavitvā imasmiṃ buddhuppāde sāvatthiyaṃ ekasmiṃ kulagehe nibbatto saddhājāto pabbajitvā khuraggeyeva arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento sunando nāma nāmenātiādimāha. Taṃ heṭṭhā vuttanayattā suviññeyyamevāti.
ပုပ္ဖစ္ဆဒနိယတ္ထေရအပဒာနဝဏ္ဏနာ သမတ္တာ။
Pupphacchadaniyattheraapadānavaṇṇanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / အပဒာနပာဠိ • Apadānapāḷi / ၄. ပုပ္ဖစ္ဆဒနိယတ္ထေရအပဒာနံ • 4. Pupphacchadaniyattheraapadānaṃ
